譚仔三哥米線 (福榮街)

营业中

休息中

我一星期去足三次，d 湯底好正好濃。最特別係竹笙好爽。我推介蒜泥白肉及土匪雞翼。下次去一定要試

十六元一碗一餸麵,每一味餸加三元,加棘不用加錢,加三元有飲品,涷飲不用加錢,米線份量很多,餸的份量也多,湯的味道很濃,肉類很新鮮,棘味也十足,味精很少,多喝也不覺口渴,由開鋪至收鋪也滿坐,小食的價錢與份量也令人滿意,人流與口碑就是明證o

價錢貴, 味道無特別

個酸辣湯底係最正的，一定要試。配菜都好足，正！可謂在d 既choicce 太少，要扣分。成日要等都係一個問題，搭抬就是必然的了~~不過即使係咁，都依然會勁去食，因為真係太回味了！

勁鍾意食辣嘢，而且佢個湯底夠辣之如仲好味，每次都要雞肉同竹笙，中辣（大辣食過一次，頂唔順），真係好正，我同我男朋友都食上癮，佢唔食辣都鍾意食，而加會去郵政局隔離果間，寬敞好多，冇咁逼。P.S. 新疆香草雞翼都好好味

自己係深水人，亦都知深水有好多好野食只係雲南米線都有好多間近排吃得最多都係譚仔個湯底做得好好，好濃，米線都好滑碗麵都大大碗，自己唔食辣ge，我會叫清湯底加炸醬味道就好d成日去都滿晒坐要等位，坐位其實又迫又唔舒服ga lar不過仍然都係咁多人等，haha

我上星期第一次去食...感覺係..好辣呀..我叫個中辣0既山竹肥牛中辣米線,因為以為唔係好辣就試個中辣,點知...好恐怖呀...個咀好似就爆炸咁...辣得好恐怖,之後食咩都冇味..我又試0左個土匪雞翼,好在個雞翼先上,我食0左雞翼先,如果後上我諗我食咩都冇味.個雞翼都ok,但唔係我想像中咁好好好好好食囉.上面好多黑椒,個皮係燒得几香,不過燶0左d,有d燶味唔係几好.全晚最得係杯凍奶茶. 因為實在太辣....杯凍飲絕對係救星!

我o係附近返學，所以好多時lunch都會去食。奉勸大家一句，如果大家平時都係食開辣既，就唔好突然間食返清湯......因為會覺得d湯味好怪，甚至會食唔落。我之前一向都辣開，但有次唔記得叫辣，黎左個清湯...... 覺得勁難食。

我又唔覺得係特別抵我覺得唔錯, 不過可能去之前期望過高, 以turnout 感覺一般~個湯好似仲係少左d野, 可以好d肉醬反而幾好, 土匪雞翼就比我想像中無咁好, 其實個味好平凡, 唔係真係想像中好~不過平均都算幾好, 可能只係我對佢期望太高0者~

佢開左係佐敦間"大家食"隔離,唔知遲d會唔會愈黎愈多深水步既食店開係企敦呢....佢新店開張,每叫一碗米線加1蚊就有杯野飲,而且叫麻辣同酸辣湯底都係免費,唔使加3蚊....我叫左碗酸辣湯底既竹笙腐皮米線同涷檸水我bf叫左碗麻辣雞肉米線同涷檸茶酸辣湯底好開胃,米線份量好多,竹笙吸晒d湯汁,好味麻辣呢,只係要左小辣,但都幾辣下,好似辣過景霖我bf食到流晒汗....本來想食下佢既土匪雞翼,不過太飽,所以留番下次先啦

本來唸住試維記,但己關門.行過譚仔見門面好企理,又多人咪識下!我order豬潤墨丸,3小辣都OK.嘩豬潤正..仲有土匪雞翼,好特別一試難忘..會再去.到時試小辣

要o左個黑頁豬"月閏"菜麻辣米線, 中辣~ 但係中辣都好勁喎, 食都流晒鼻水~ 之前以為麻辣一定好油, 點知一d浮面o既油都無喎~ 正~另外order o左個蒜泥白肉, 係d蒜o既味唔夠勁o者, 都ok~本來想試o下佢d雞翼, 但朋友話唔好味, 所以無叫~

我都覺得湯底只有極重的糊椒粉味，完全同食開的雲南米線唔同FEEL。

在端午節下午終於試到了，5:00pm不用等位，員工正用。要了豬腩肉+竹笙+大辣米線。等了超過5分鐘米線才到。湯底奶白色並，無紅油浮面，亦未見花椒影！唔通落錯單，變了清湯底？但從熱辣辣的湯內傳來濃冽的胡椒香味。試飲一匙，那麻和辣馬上濃上頭！原來麻和辣是靠加了大量花椒和胡椒粉，有點失望！湯底：麻辣，香- 但遺憾的是欠了色- 沒有紅油和可愛的花椒粒。否則便色香味全了！米線：不會太淋或有骨，ok。豬腩肉：層次分明，茶薄而不過肥。竹笙：不會過淋，瘦物本想用來平行豬腩肉的油膩，但吸收了那麻辣湯亦不錯。但始終感到Q嘜和小辣椒比較道地！題外話：早年到雲南、四川和貴州等地工作，在菜市場內總是見到一堆一堆的紅辣椒碎！

呢間鋪頭真係幾好食, 但d阿姐真係無咩禮貌, 我都明白人多, 真係會做到燥d, 但人地黎食野, 唔係奉旨睇你地面色架...尤其是負責收錢, 長頭髮果位阿姐, 成日黑口黑面, 見到佢老闆真係要講佢知......!!!