詠藜園四川擔擔麵

营业中

休息中

要向大家推介松鼠魚，外型真的超讚，師傅的手工十分驚人，味道亦不錯，而且很欣賞員工對客人蠻細心體貼。另外價錢合理，四個人食埋單都係三百蚊多，值得一試~如果大家都想吃四川菜，大家可以來這間試試，地點都算方便啊，可以再去！

今年朋友生日，朋友想吃四川菜，有同事suggest我們去詠藜園，其實幾年前已經和屋企人吃過，但不算深刻，但今次再去，的確進步不少，尤其是金獎雲白肉和小籠包，很吸引！今年一反傳統，吃四川菜，但感覺不錯，最緊要又要去深水埗依個地方價錢合理！朋友們都吃得很滋味！

今天和友人去赤柱一日遊， 去完赤柱再去按摩， 然後朋友說要去黃埔DINNER， 在我泊車期間，他們選了這一間。環境 ﹣ 好， 間隔闊落， 還有幾張TABLE 間成半VIP間形式。食物 ﹣ 很有驚喜， 食物精緻，食物的PRESENTATION 很精美有心。服務 ﹣ 不錯， 但有一日籍侍應 （OR MANAGER， NOT SURE） 和我們說日文， 不知是否在娛樂我們， 但很有禮。

尋日去開紅磡行街街, 同朋友肚餓就去左蔡瀾美食芳睇下有咩野食.行左陣, 個FD提議食四川擔擔麵~咁就去啦坐底左呢, 就有2碟小食先, 一酸菜一醒胃花生.另外呢, 叫左杯豆漿, 6$ 一杯, 幾滑幾好飲架都.砂薑無骨鳳爪, 30$幾蚊..都幾好食 都唔少, 可以一試架都楊家小湯包, 唔錯唔錯, 好好味, 大概$5 一個最後呢, 就梗係叫左依到既招牌菜啦, 擔擔麵, 我就要左 改良擔擔麵其實係擔擔麵嘅強化版,肉 醬比擔擔麵 多好多, 但貴成1/3-一半總括黎講幾正呀, 會再去食

今日行開黃埔又想食擔擔麵就入咗去,叫咗個改良擔擔麵(辣)+小籠包，不夠十分鐘擔擔麵來了，,味道濃郁,好重花生味,好多肉碎，不過麵的份量太少,大食的唔知要食幾多?等咗陣熱辣辣的小籠包來了,都幾好食,皮夠薄,多湯汁,肉唔肥,幾好食,但如果唔要小籠包一定唔夠~~~

去黃埔行街街,見擔擔麵出名去試下過左食午飯時間2:30pm,明顯少左好多人,唔駛等位餐牌有套餐$88見有兩人份量岩岩好擔擔麵麵條做得幾好,可惜辣湯底做得麻麻好睇唔好食京蔥爆牛肉好味,京蔥夠甜唔辣,牛肉冇根小龍包一般,唔算差豆沙窩餅~都唔明塊餅皮好似未煎好,食落一朕生麵粉味短期內唔會再幫襯

剛去過世界殯儀館，已是九時了，打的去黃埔本打算吃松屋放題，但１０時半LAST ORDER，媽媽又想吃熱，和去大紅裝修的地方於是選了算有名的此間，貪佢有關帝在門口（鬼節嘛，一人住的我去完殯儀館也驚）搬家後少有請媽外出吃，這次令她失望了最好吃是酸菜和花生九王肉絲炒擔擔麵好吃，不過冷了便差了一點可是除此以外，其他都唔掂小籠包很一般，吃過很多館子都此這好改良版擔擔麵除多了些配料和蝦乾外，湯很淡薄，麵質不太好，沒香味，媽媽最愛吃擔擔麵，都覺這個不濟，我很訝異做炒擔擔麵比這個還好，真令人失望雞絲粉皮普通水準，有些店做得比它好最差就是高力豆沙，媽媽見別人叫了外形得意又叫，我以前吃過幾次，有印象但並不深刻有蛋香，可是內裏很厚很厚，很肥，沒什麼味道，很膩滯，印象中不是這麼差的，我們四個豆沙吃了２個便放棄了結脹２０４元，連我也訝異，這個質素算好貴，而且媽媽少有開口吃這間唔掂，覺得頂泰豐，甚至佐敦的小店都比它好，早知道去吃松屋還好。

共4人黎食飯..叫左白肉, 回窩肉, 奶油津白, 松子魚, 小湯包, 擔擔麵**白肉, 全名係金獎唔知咩白肉....嘩講真我覺得幾好味!! 雖然睇看感覺好簡單, 幾塊肉加豉油(!) 但我覺得好好味!!! 但就..份量少左d...奶油津白! 呢個一向係我地最愛...因為呢個汁真係好香...又係咁啦...感覺好驚好肥但又好想食...hahhahah松子魚!!!!!!!!!!呢個係今晚的重點* 其實今晚黎呢度食都係因為松子魚.!! 好大碟啊...我地冇叫到"金獎"個個, 叫左$298一條個個, (那位店員話普通同金獎既分別係刀工...大概係條魚切得靚d....well...) 咁上枱時, 第一感覺係"呢條魚切得好靚!!! 咁金獎個條咪識飛?!"HAHAHHAHA!!! anyways, 呢個魚呢好大條, 切到一支火箭咁, 汁係酸甜? 但我感覺好甜...但好好味!!! 條魚已起骨, 肉身好滑, 好好味, 4個人食咁大條魚的確是有點過多...但好滿足!!!!! (後來我發現係d肉下面個塊皮先係最好味的東西...超級滑...hahha)如果久唔久同屋企人黎食一餐, 係不錯的...hahha

男友幫襯過好多次, 我就第一次試叫左小籠包, 醉雞, 擔擔麵, 白肉小籠包D皮好薄, 幾多汁擔擔麵D麵好幼細, 湯底好滑醉雞D雞唔會太老白肉夠惹味, 好食

1行4人來吃上海菜生日飯~~ 事先已在or 參考過不少意見~ 閒話少說, 盡可能逐樣簡介1下吧~紅油抄手 - 辣油泡底的小粒菜肉雲吞, 汁是很辣的, 雲吞味道普通。生煎包 - size比手掌還細, 裡頭沒有肉汁的。1口鍋貼 - 果真細小得1口就吃掉, 比較乾身。拌海哲 - 簡單原始風味的小食, 沒加額外調味, 蠻爽口。小籠包 - 皮做得不算薄, 但至少不會黏著蒸籠紙也沒有1夾就破, 裡頭充滿湯汁件著細嫩肉餡兒, 美味~雞絲拉皮 - 麻醬調得不錯而且粉皮夠滑, 如果青瓜可以爽甜些就更好。雲腿津白 - 津白很甜很好吃, 配著雲腿吃更好, 只是雲腿偏鹹缺少了鮮味。擔擔麵當然少不了, 要了1碗辣擔擔麵和1碗改良版小辣擔擔麵。2者分別主要在於湯底, 麵的texture 2碗都煮得不錯不會太淋。擔擔麵- 湯底比較稠, 辣味重得蓋過其他味道。改良版擔擔麵- 辣味固然較輕但同時有蝦的鹹鮮味和花生醬味, 味感層次較豐富, 而且比普通版擔擔麵更多1些肉碎, 吃起麵來就沒那麼單調。 相比之下小妹比較喜歡這個呢~最後來個豆沙鍋餅作甜點~ 豆沙鍋餅不會炸得很油, 豆沙餡是細滑型而不是豆沙泥, 還夾雜著桂香幽香呢

平時較少會係黃埔出沒，對上一次應該係去食時新快餐店!所以係紅磡搵食比較陌生，在開飯看到了在黃埔新天地的Outback Steakhouse有點吸引，但主要是食扒的!本人又沒太大興趣，都是清淡一點吧!簡了試排名第二的詠藜園，二人點了五款食物如下: 拌海蜇 - 看上去份量飽滿，足料!味道略略偏咸，但個人喜歡粗小小的海蜇會爽D~擔擔麵(唔辣) - 大大碗!看上去是抵的，湯汁不夠濃~都條幼身...但不彈牙!改良擔擔麵(唔辣) - 與不改良的分局就是內碎的份量多了，湯看起來就當然濃一點~砂鍋雲吞雞 - 職員介紹說是招牌菜之一，最後悔莫過於點了這款菜!個砂鍋職員首先撈起半隻雞，然後將煲裡的黃油撇開分了兩碗給我們，先試試半隻煲完湯既雞...發覺超鞋又冇味!忍不住喝了一啖湯!冇理由用半隻雞、6粒雲吞、娃娃菜加火腿煲出黎都咁既味!結論:又一裝假狗，同飲有菜既味精湯冇分別!....湯唔飲得、雞(油多到爆)唔食得~唔通整煲野凈係雲吞同菜?咁就貴lo......所以大家千奇咪試!寧願叫個醉雞食好過食湯渣!!!小湯包 - 類飲小籠包又稱楊家湯包，一夾即穿!yeah~不過豬肉餡料新鮮食落都OK埋單二個人29X差唔

楊家小湯包....雖未致乾但冇乜肉汁, 而且我和朋友都吃到肉裏面有硬粒, 好彩冇用力咬下去, 否則真是會咬崩呀改良擔擔麵, 其實都想知改在甚麼地方, 湯汁不會過濃, 食下去花生味也不是太濃, 我食的是辣卻唔多覺辣有些失望 (我不是嗜辣的人) 茶每位$3環境頗舒服

2010年3月6日 ( 4-1 ) 紅磡黃埔 ( 詠藜園 = 1 ) 午餐 日程：( 詠藜園 - 麻酸樂米線 - Jenny Bakery - 太興燒味 ) 今天太座提議前往黃埔逛遊，很久沒有到過紅磡了，去到黃埔後，當然要上船遊歷吉之島呢！再逛遊這裡的商場區域，不知何解，行公司感覺總比行山累，但太座卻喜歡行公司多過行山！不久，肚子餓了，係時候搵食啦，我們行過對面的( 黃埔新天地 )，這裡很多食肆，最後，太座選了詠藜園。改良四川擔擔麵：麵質不錯，醬汁湯底帶花生味，味道不甚吸引，好一般的擔擔麵。回窩肉：比較油膩，用料有椰菜、青椒、紅椒、蔥及腩肉，配合用醬料炒製，辣度適中，十分惹味。怪味雞：雞胸肉，不太嚡，這道菜主要是靠個醬汁，醬汁料有豆辦醬、辣椒、蔥、薑、糖及醋等混合成，吃起來時，酸、甜、薑、辣味道怪怪的，不過，醬汁幾特別，味道十分好。豆沙窩餅：餅身酥而軟，內釀豆沙甜滑好味。這店子環境唔錯，座位也舒適，今餐食物平均算是ok，服務衛生也可以，總之就是ok了！

同亞媽亞妹3個人去詠藜園食飯~之前聽過但未去過訂左7點半,但係7點就到,等左10分鐘左右就入左去餐前小點,花生+酸菜,我覺得幾好味~叫左辣擔擔面,改良辣擔擔面,一口餃子,小湯包,雞絲拉皮,仲想食高力豆沙,不過諗住要熱食至好味,想到就黎食完晒D野再叫~辣擔擔面比改良辣擔擔面,改良辣擔擔面有多D肉,不過攪到個湯太濃~~辣擔擔面個湯真係好味~~有好香花生味但係唔會大搶,有少少辣咁~正~~一口餃子 - 可以不試...小湯包 - 可以不試..雞絲拉皮-可以不試...D野食食得7788既時候,叫亞姐ORDER一個高力豆沙,亞姐話...廚房唔做(可能太忙),令我有D失望...

今天要幫忙做事,只剩下一小時,於是就近在美食坊內選,見詠藜園難得的沒有排隊,就選了。已知起碼要餓到8時後,所以吃飽一點,每人先來一碗麵,我不要吃得到鼻水長流,於是選了不辣的擔擔麵,友選了改良擔擔麵及清湯炸醬麵。再來就是上湯浸娃娃菜,雞絲拉皮和一口鍋貼。先上來是鍋貼,真的是一口吃完,有肉汁在,皮也夠薄夠脆,就是多了點油;我的麵沒什麼特別,好像不太夠香呢,友的改良版也只是多了點肉碎...。雞絲拉皮比麵還遲來,真的有點奇怪,雞絲有點鞋口,幸拉皮還可以,但那醬真的不夠味道....。娃娃菜是可以,但價錢有點貴吧..相對來說。