詠藜園四川擔擔麵

营业中

休息中

以前好喜歡到詠藜園，特別喜歡他們的擔擔麵和金獎雲白肉。始終因為交通不便，很久沒有去過，近排突然諗番起好想再回味一下，終於在復活節假期的起心肝長途拔踄的去黃埔詠藜園吃午餐。大約1pm來到詠藜園，店內只是大約半滿，不用等位就可以直接入座。點好菜，食物逐一上桌：擔擔麵 – 以前明明記得個擔擔麵好惹味，為什麼現在變得淡而無味？是因為我沒有選改良擔擔麵？但這碗作為普通擔擔麵，實在難以放在一家以擔擔麵馳名的餐廳的餐牌上吧！金獎雲白肉 – 強差人意，肉質好鞋，個汁無辣味，跟以前吃過的口味簡直是天淵之別。小湯包 – 一籠四隻小湯包，入面有兩隻是小乾包，一滴湯都無。清炒土豆絲 – 我還是第一次在香港吃炒土豆絲，首先刀工已不行，粗幼相差得都很厲害，最弊的是薯仔絲沒有很清爽，仍是平日一般薯仔的澱粉口感，未能做到炒土豆絲的精綷。這店真的令我非常失望，食物質素極不穩定，看到一籠小籠包入面已有兩個小湯包及兩個小乾包就知，另外我們又發現隔離枱的金獎雲白肉辣椒份量是我們的三倍，好明顯兩碟的味道也會相差很遠。所以，我想應該再也沒有什麼原因令我想再來了。

佢有兩種左邊擔擔麵的有改良左既擔擔麵姐係唔辣既，都係普通既擔擔麵姐係辣嫁喇，改良既就會貴過普通既小小，睇落份量有少少唔同,不過其實差唔多喇,一個辣一唔辣，當然唔能夠比喇較，改良左既就有多D既肉碎，不過原來個個就得少少炸菜同肉碎。果然擔擔麵係依到詠藜園既招牌菜式，兩個既麵都係十分之彈牙，加埋湯底好濃郁仲有好香既花生味，辣都算係適中，不過我可以食多少少,所以都幾值得推介嫁。之後叫左紅油抄手,咕嚕肉。咕嚕肉真係做得好好,十分之好味，酸甜汁正之外，仲做到外脆內軟既感覺，完全比到一個驚喜我地。紅油抄手就正正常常唔算太特別,之後再試埋小籠包，睇落都算大個，皮就有少少厚，個肉汁我自己非常鍾意,雖然有D油膩，不過真係好香嫁,如果個皮再做得好D,咁就正喇。

從小媽媽就帶着我們到鑽石山食担担面，今天我們再回味担担面，不過不再是鑽石山，而是紅磡黃埔。担担面，說真的已不是當年的味道，但比起一般連鎖式經營的店或四川上海菜館，詠黎園的還是水準之上！雲白肉的汁做得不錯，肉切得薄薄的，味濃但不過咸。醉雞也很贊！燻魚其實味道也很好，但食下去還是有小許腥味。

今天是平日的關係，人流不多，加上我6點多便到達，故不用等位。走往詠藜園方向，服務人員已很有禮地馬上迎接，第一印象不錯^^進入餐廳後，點菜時……鉛筆寫不到，我只是稍稍跟朋友說了一句，馬上有服務人員換了一枝給我們^^可能是食客較少的關係，可細心照顧客人吧食物方面，我點了大眾一般食的→辣擔擔麵→紅油抄手→雞絲拉皮→小籠包先就賣相而言，全部都很好味道方面，擔擔麵→我喜歡它的麵質，幼幼的，也很有口感…味道方面則一般，沒有感到太特別雞絲拉皮→個人並非十分喜歡冷盤，但這道菜，味道-口感-材料分配方面，個人認為相比今晚我點的其他都出色！紅油抄手→味道正常，不難吃，也沒有一定要再吃的感覺。但當中的汁，十分足料小籠包→也只可說是正常吧……最後，我聽到後面食客跟經理的對話^^經理說，老人家去詠藜園吃飯是不用等位的，因為他們尊敬老人家。我不知道是不是真的，但至少詠藜園給我的感覺是服務良好

之前已經久仰詠藜園的大名，可惜一直沒有機會試，於除夕夜經過紅磡終於有機會試試。首先試的當然是馳名擔擔麵左邊的是改良版擔擔麵（唔辣），右者是普通版擔擔麵（辣），兩者份量相約，只是影相角度以致看起來改良版較細碗改良版較普通版貴十蚊，兩碗因為一辣一唔辣，所以很難直接比較，但改良版明顯有較多肉碎，普通版則只有少量炸菜及肉碎。擔擔麵不愧為詠藜園的招牌菜式，兩碗的麵條均十分彈牙，而且湯底濃郁帶花生味，辣度也十分適中，值得推介。其次我們還點了紅油抄手，咕嚕肉及小湯包抄手沒什麼特別，不試也可。咕嚕肉外層脆漿十分美味，雖然被酸甜汁包著，但也可做到外脆內軟，十分驚喜。唯一較為失望的是小湯包，即小籠包，雖然size看起來頗大，但皮有點厚，而且內裏的肉汁非常油膩，肥膩到想放棄內裏的肉汁。總括而言，擔擔麵味美而經濟實惠，性價比高，咕嚕肉也見驚喜，其他菜式未見突出。

帶男友食佢第一次嘅詠藜園, 依然咁抵食!!!先食前菜, 花生超好食, 好香脆, 酸菜都好開胃唔辣擔擔麵 – 雖然個湯底無以前咁濃, 但都好好食, 麵質啱啱好, 仲要係$23碗, 抵食過鼎泰豐好多…生煎包 – 依個就一般啦, 嫌個底唔夠脆.原湯水餃 – 皮薄, 餡都唔少, 肉幾入味, 個湯底都幾好味, 唔錯!好過鼎泰豐好多囉

一直都有幫襯詠藜園，睇報紙知道詠藜園今年仲升埋呢做「車胎人」食肆，果然名不虛傳。眼見佢地密密耕耘，從來都唔會大鑼大鼓將報紙雜誌貼滿店舖，就知老闆明白，留住食客個胃就係最好嘅宣傳。  招牌擔擔麵今日再到詠藜園，點都要食番碗招牌擔擔麵，湯頭濃郁味道依然，配料充足麵質爽口。原味擔擔麵帶出花生醬味道，辣味擔擔麵則香辣十足惹味非常，各有特色。 咕嚕肉詠藜園咕嚕肉用左腩排嚟炸，肥瘦肉相間，入口肉質嫩滑，加埋簿簿炸漿，停唔到口。 小籠包唔駛多講，皮簿餡靚兼多汁，性價比高。

住左呢度幾年,一路都冇食過,見唔洗等位就試下啦weekday真係分別好大,除左唔洗等仲勁多吉位一坐低先俾兩碟前菜你,唔食記得俾返佢,每碟$6架通常見到d擔擔麵都係湯麵,我地o係度選擇困難o既時候經理推介呢個佢話唔辣所以就叫左黎試下麵條冇剪過,所以幾乎一夾起就成碟夾走哂咁滯;不過唔油膩,咸度適中,有d雞絲o係入面,係年糕同湯麵以外o既一個好選擇從來都覺得生煎包同鍋貼係一樣o既野,見menu上面寫住一口鍋貼,咁應該唔會好似生煎包咁狼狽雖然得5隻,但係o岩o岩好,少量肉汁,一啖鯨吞,得左.趁熱要食,凍左個皮就會變乾同硬架喇最後呢個鱔糊真係頂佢唔順...我本身健康問題唔食得太油o既野,而呢個鱔糊一句講哂就係油浸咁上枱之後只係夾左最面一撮,成隻碗都係油油浸o既都算喇,d鱔腥o既,食左好多都係腥,對呢碟野好失望另外仲叫左杯豆漿,豆味係有o既,不過都係比較甜左d,而且太細杯,覺得有d唔抵

在黃埔教琴後的午餐 這店的擔擔麵很出名, 而且又拿過了很多獎的。每一次我倆都會"例牌"一人叫一碗擔擔麵, 然後再加多一個小食/餸, 今次我地就叫左雞絲粉皮喇~雞絲粉皮 - 我覺得夠凍但飯伴覺得不夠; 份量不算太多, 可惜的是麻醬不夠味道 (不是不夠多, 而是味道不夠濃), 整個的味道不算太突出。擔擔麵 - 有分為"改良"和沒有"改良"的兩款; 兩款的價錢相差十元左右, 分別在於湯底中的肉碎的多少之別 (應該說是我們所吃得出的分別)。所以後來我們多數都會吃沒有"改良"的擔擔麵, 至於辣和不辣...我自己就看看那天的心情去選擇喇哈哈! 個人覺得辣比較好吃, 因為比較惹味吧! 圖中後市比較紅的那碗是辣的, 而前方的是不辣的。這兒的擔擔麵我最喜愛的原因有二: (一) 湯底夠香濃, 可以從味覺感受到有很重的蝦米的香味, 而且配上湯內的花生碎和肉碎吃會很美味; (二) "麵有麵味" - 麵質咬落去很有質感和"彈牙", 而且你會食到麵本身有點味道, 是我在很多其他更貴的地方都吃不到的

今日因為有要事要去紅磡一趟，難得過海當然要試下新食肆，今日揀左一間頗為有名氣的「詠藜園」食馳名擔擔麵!擔擔麵都有分改良唔改良? 價錢差十元，當然本著貴d 好d既心態，所以點了改良版湯底花生香濃肉碎惹味 生煎包包底沾上大量芝麻，煎得既焦且脆，只是內裡餡料份量有點小，而且肉汁不夠豐富~~ 整體效果可以更好的。點解紅油抄手會無蔥花? 餛飩肉質average，紅油醬料欠香味小籠包皮簿，味道亦大路正常，只是略嫌蒸得乾左d，幸好內裡的肉汁還keep 得住整體來說擔擔麵係幾好，其他食物質素平均~ 不過大眾代既價錢加添了不少分數!

話說媽媽好想食擔擔麵~~早兩日提起, 舅父話黃埔有一處食上海菜同擔擔麵既地方好唔錯~佢識人在裡面做, 仲可以為我地預留一啲好食材~於是我地就約左今日齊齊去黃埔既詠藜園食馳名既擔擔麵同埋試佢地啲上海菜啦！我係後JOIN的~舅父之前BOOK了檯, 佢地去左先~因為收工晏.. 所以遲左三、四個字先去到~~依家去食嘢都會之前做做RESEARCH喲~在OPENRICE 見到詠藜園既招牌好有氣派, 一上電梯一睇, 果然丫, 好有特色風味哩！佢地好好丫, 明知我超愛吃, 特登等埋我先起筷~望一望張檯, 涼菜都到齊啦~但係除左涼菜之外~仲大一朵色澤鮮艷既假水連, 在擺設佈置上都放了心思哩~ 花雕醉雞, 鎮江肴肉, 雞絲粉皮, 滬式燻魚, 金獎雲白肉我地點左5款涼菜~整體黎講我就覺得普普通通呀燻魚唔知係咪咁啱我果舊有少少骨..雖然其他人就食唔到.. 不過我對佢都係免啦~金獎雲白肉個汁幾香, 不過偏多油, 而肉身雖然好薄.. 但略嫌老左D丫~而雞絲粉皮個汁隻花生味就淡左啲~而且偏稀... 有啲失望..主食: 素冷麵, 擔擔麵(不辣), 擔擔麵(普通辣), 生煎包, 楊家小湯包再來要講主食, 睇左其他食家既

星期六響紅磡搵地方食飯。見呢到咁多個笑又唔似貴，費鬼事諗飛的黎食。八點半黎到。未黎過下見佢個門口咁精緻，以為會係靜靜地，原來裏面都幾嘈。一坐低經理即刻話砂鍋雲吞雞淨返幾煲，要就快啲叫，咁就即刻叫左第一個餸。菜牌上選擇十分多，兩版A4紙排到密密的。啲餸就以茶餐廳速度到。砂鍋雲吞雞: 好大煲。鍾意佢津白好多，雲吞皮夠薄。湯都幾濃。隻雞都幾大隻。小籠包: 4隻。皮夠薄，餡都ok，感覺唔油。原來食過鼎泰豐真係返唔到轉頭大叫好味XD。燻魚: 本人不嬲麻麻地燻魚。覺得呢個都ok，唔會太甜。糖醋魚柳: Ok。都幾大碟。汁都幾好，濃到剛好。魚塊肉都ok。係魚塊面稍'冧'。菜肉包: 呢個又係叫完餸冇耐有侍應走黎話:'菜肉包得返兩個要唔要？'的成果。兩個中size。冇食到。但見個樣都幾好，咬開菜都ok多。食的人話幾好味。蒸饅頭: 包煉奶一小碟。Ok。冇乜特別好唔好食。改良版擔擔麵（小辣 + 唔辣）: 麵質好正，彈牙。湯都幾濃，可惜擔擔肉花生味唔夠香。小辣嗰碗好味啲，因為有辣油的香味。服務都幾好。啲侍應好鬼忙，但都有心serve的。叫餸時本來想叫個奶油津白，好彩阿姐提點我哋砂鍋雲吞雞已經有好多津白響裏面先冇

去到黃埔, 梗係要試下最出名既詠藜園啦, 一坐低即刻有兩個餐前小食,魚皮花生好香脆鹹鹹地, 酸椰菜就酸味味好開胃擔擔麵個湯比想像中淡, 冇乜花生味土豆絲好爽, 有少量既蒜芯作伴, 味道只是微辣肴肉有點實, 如果放耐小小會更好, 鎮江醋一流完全冇骨, d肉又唔肥, 食左咁多野之後再食呢個蔥油酥餅, 感覺已經有d膩, 只係感覺到成口都係麵粉

由於搬屋仲有大量雜物未執好，放假都要叫埋男友幫手，當然要同佢去食番d好野，慰勞下佢啦 ~~ 是日我地去左「詠藜園」食馳名擔擔麵! 擔擔麵 : 我食唔辣，男友食辣，兩隻味都食晒, 正!! 招牌擔擔麵花生香濃肉鬆惹味，麵條爽口，果然係正宗手打麵。而辣既擔擔麵味道更搶口，岩晒無辣不歡既男友。 小籠包 : 一睇就知皮勁簿，筷子夾大力d都流晒d湯汁，肉汁鮮甜，每人兩個都唔夠喉呀 ~~ 火腿娃娃菜 : 火腿甘香，唔會一味得鹹味，娃娃菜夠晒甜，岩晒我地呢d OL。咕嚕肉 : 甜酸汁味道岩岩好，咕嚕炸到外脆內嫩，咬落仲係JUICY。咕嚕肉用左腩肉黎做，肥瘦肉相間完全無骨，岩晒我呢個懶鬼。 豆沙鍋餅 : 都話女仔有兩個胃，雖然已經飽飽地，但都要叫埋個甜品先叫畫上完滿既句號。豆沙鍋餅熱辣辣送到，豆沙餡料夠多，就算角落果四件都爆晒豆沙，豆沙唔太甜，連我男友都幫手食左幾件。

聽說「詠藜園」從前開在鑽石山的大磡村，那是片木屋區，想象得到有多簡陋。「詠藜園」憑借精心研制擔擔麵而聞名暇耳，之後由於政府清拆大磡村，而搬來了「蔡瀾美食坊」（現已改名「黃埔美食坊」），破舊小店進駐商場大鋪，這樣的傳奇在如今的世道是很難再上演了。記得當時「詠藜園」還在旁邊開設一家叫「楊家菜」的餐廳，不過，現在成了「巧膳坊」，不知兩者有無關聯。在「蔡瀾美食坊」的時代，來吃過幾回，但都印象模糊了，上次和女兒在斜對面的餐廳吃飯時，她對「詠藜園」復古的裝修很好奇，於是改天過來用餐。餐廳環境：紅得不能再紅的城堡式大門，進去用餐是名副其實的「‘紅’門宴」！餐廳裡仍然是鋪天蓋地的火紅，牆上掛著如意結，屋簷式的假天花貼著龍形圖案，典型的橫豎結構門楣，通通都很中國，可看著有點俗（不過自由行的同胞應該很有親切感）。進門的左手邊是些二到四人的小桌子，而對面則是以大圓桌為主，桌椅間的距離頗近，要擇路而過，有些困難。桌上擺放塑料蓮花，浮在花瓶裡，像真度高，酷暑裡看到這樣一朵水蓮，頓覺添了一份清涼。服務態度：幾乎都是大嬸，本以為大嬸做慣家務手腳麻利，其實不然，聽力不好（菜名重複說了幾遍），理解緩慢（我多要一張點心紙