許願樹 (已結業)

今日又同朋友食lunch丫今日叫了個雞扖石頭窩飯,都唔錯丫,雞肉比較清淡,再淋上醬汁,都唔錯餐湯都OK再包埋多一杯野飲....都算抵丫至於,環境夠靜,同朋友傾計既地方都唔錯~~

set dinner 最平$49, 絕不將價就貨. 有餐湯, 多士,意炒粉+ 飲品. 另可半價加甜品湯 ok, 一定不會差多士, 好脆, 但不夠熱肉眼扒意粉, 好正, 又大份, d 意粉是炒過的.芝士雞扒意粉, 外表煎得脆, 雞又滑, 正涷o tea: ok, 不淡熱奶茶: 好香好滑, 必飲甜品: 心太軟 (加 $19) 個面有d 脆, 裡面有好多朱古力流出來, 吁夾埋雪糕食仲好. 疏夫厘 (加$19) 不甜, 份量比我想像中,個面都有d脆, 時間焗得岩岩好.p.s 店內仲有免費magazine睇．環境又乾淨

上星期三同朋友入左元朗食飯,朋友話想嚟呢度食,我們三個人本來打算叫百幾蚊的晚餐的,睇下睇下先見到餐廳入面有個黑版的晚餐只需49元一個,有湯,主菜及飲品,問仕應是否份量會少好多,仕應說不會,是一樣的,於是我們三個人叫左一個炭燒肉眼扒跟飯,一個芝士銀鱈魚金天使麵,一個花雕羊架配薯菜,這個則要120幾元一份.先上餐湯及餐飽,餐湯是忌廉湯,好味喎,唔會太淡,味道剛剛好呀,餐飽是多士來的,好味,不會太燶,好香口.主菜49元的真的幾大份呀.炭燒肉眼扒好味,好淋好入味.銀鱈魚都好大份,都好味.個羊架也很大份的,但不算太香花雕味,但都好入味的.食到好飽,這裏還可以半價叫甜品,但我們太飽都食不到甜品了.

今日諗住同妹妹去個度慶祝生日，妹妹就諗住兩年前黎試過，無諗過兩年後差咁遠，入到去見個環境好暗，諗住有d氣氛，再睇多睇就見到其實裝修都好鬼殘舊連個menu都可以咁舊。我地3個人食左3個套餐，$99一個，個餐有湯、有沙律，有個主菜，有個雪糕。個湯係意大利雜菜湯，個湯得個咸字，d鹽好似唔使錢咁，到個沙律，沙律又多沙律醬，到個主菜係"羊膝意粉"，食左大半食到有到條鋼絲刷。之後叫侍應過黎處理，佢一聲不發就收左我碟意粉同條鋼絲刷，問都唔問我有冇整親又無交待過任可野就走左去，跟住問侍應點樣處理，佢話佢已經話左比負責人聽啦，跟住有第二個女侍應過黎話換碟新既比我，但係我跟本唔係想要一碟新，之後個女侍應聽左就走左去，我冇諗過佢連問下我有冇整親都冇，亦都冇交待過應該點樣處理。隔左5分鐘左右，我再問侍應，佢話就"餐廳已經減左你一份餐既錢"，我覺得佢應該搵個負責人同我了解下，冇可能仲係侍應過黎同我傾。到上甜品既時候，負責人扲甜品過黎，我只係想佢作出了解同道歉，而佢只重新澄清已減去一份餐既錢。總結:難食又唔衛生，一定唔會有下次！！！！

估唔到許願樹的晚餐甘便宜最低的四十幾蚊已經有了當然, 一分錢一分貨, 用快餐店的水準來衡量就OK了餐湯, : 唔好飲, 羅宋湯連大家樂的都不如麵包 : 焗蒜蓉包, OK主菜 : 牛扒, 都係同大家樂的水準相若租品 : 半價, 香蕉批, 皮太厚, 雪糕OK, 心太軟, 最好食但兩份晚餐連甜品,都係150蚊有找, 甘既價錢, 亦都幾難投訴的但就無乜信心去試佢地既中上價晚餐囉

大家記得一定要星期一至四去食, 因為佢平日先有特價餐, 都只係$49! d 餐都幾特別, 有酥皮焗牛柳, 鴨胸pizza~值得推介的是甜品, 特別係心太軟同地梳乎里, 好食過好多酒店, 叫餐仲可以半價叫甜品~不過d service麻麻, 外觀平凡, 無咩裝修可言~

曾為許願樹的心太軟沉淪不已，不過隨著越來越多的西餐廳開張，又有年多未幫襯了。飲完飽肚的奶茶，再去不是為牛扒或別的，乃是想重溫它那飄忽的心!　龍早於深水埗打足底，是晚2人只分享一份晚餐，再加心太軟。最先來是淡如水的意大利菜湯，我飲了一啖就不得不放棄，還幸蒜香厚多士水準不變，仍然交到功課。　主菜要了炭燒美洲肉眼扒，肉質鬆化又夠柔嫩，不用點上芥末已經挺美味；而且份量很足共有三大件，女生食半份也會很飽了。配菜選的薯菜充滿薯香，而且很難得是墊底還有大量菜絲，健康之餘也減低油膩度，挺讚。可以說，這裡的主菜水準沒變，滿意的，仍然可以令人很滿意。　很多謝飽肚也幫手清貨的龍，因為我還要留肚給心太軟：久別重逢，舊時飽滿豐盈的樣子不在，現時的心太軟變得乾枯不平，先令我打個突。經要焗生點提示下，今次火候掌握不錯，一切開流心洶湧澎湃，然而朱古力醬變淡變稀不少，味道比以前差了許多，明顯店方轉了recipe。來到甜品，只可以說這次重逢令甜魔失望了。不過現時惠顧晚餐可以半價換購甜品，也即是說這個心太軟由$38特價至$19，也難怪店方要將貨就價了，雖然我更情願以原價品嚐往昔風味。　以奶味甚濃的熱奶茶總結這頓後，下次再來

我同我男朋友大約兩點鐘黎度食LUNC...唔知係唔係過左食飯時間?冇人...所以ONLY服侍我地,,幾好我地冇點SET lunch...點左3個course既餐($69)....要左小食薯蓉焗田螺,主菜要什扒拼意粉,同埋飲紅豆冰(加$5),仲可以加($19)要朱古力心太軟伴呍呢嗱雪糕.....(1)薯蓉焗田螺: ok啦...有3粒田螺..(2)什扒拼意粉 : 什扒(有豬扒,雞扒,牛脷(轉豬仔骨),煙肉,腸仔,煎蛋,) 都係一般茶餐廳質素.. 意粉有茄汁,幾好...(3)紅豆冰 : 冇問題,但又唔係特別好飲...(4)朱古力心太軟伴呍呢嗱雪糕 : 我覺得好差..個蛋糕皮好un...唔似食蛋糕..朱古力張唔太甜,稀到好似水...呍呢嗱雪糕普通... 今餐食左$83,唔使加一.......

原本係想去永年食車仔麵, 可惜人太多, 老公唔想浪費很多時間去排隊, 而且我們都非常肚餓, 沒準備下的走咗入去許願樹食西餐。店內環境好舊我唔鍾意, 坐得唔係咁舒服, 不過老闆同侍應生都好有禮貌 不過唔會同你refill 水。我們點了兩個午餐, 餐廳內客人唔多, 但係唔知點解上菜很慢。 老公等緊上菜既時候仲响牆上面發現有隻小強散緊步, 又有烏蠅飛來飛去, 衛生認真麻麻 餐湯白湯好普通, 唔係太好飲, 跟湯的蒜蓉牛油吐司就唔錯, 脆脆哋, 幾好味。酥皮牛肉卷: 酥皮好酥脆, 但係內裡的牛肉好怪, 用中式的牛柳片做餡, 兩者味道唔配合。香草羊仔脾扒跟飯: 羊仔脾扒比較特別, 味度亦都唔錯, 扒飯黎講算好ok。甜品加$19 要了心太軟, 可惜份量很小, 蛋糕也是薄薄的一層, 感覺頗奇怪。最後餐飲的凍檸茶及凍奶茶則非常普通。 overall 以咁既價錢我哋會prefer 去New York 食

我上次食過Lunch已經覺得好好味 , 今次帶朋友去食 , 不過如果你趕就唔好去食慢工出細貨要慢慢食 , 食出真味 自選晚餐$98 (前菜 : 煙三文魚沙拉 , 方包 + 雜菜餐湯 , 芝士焗蠔 , 主菜 : 燒牛肉跟薯菜 (我) , 豬串骨跟薯菜 ) 另加甜品 : 火焰雪糕 $48 (跟餐有半價甜品$24) 煙三文魚沙拉 , 沙拉由2片生菜放底 (一片生菜另一片紫色生菜) , 加上有好多不同既生果睇得出廚師細心 方包是厚方包點上雜菜湯多料真係好配合 , 芝士焗蠔無論賣相同味道都剛剛好 , 味道好到你食完隻蠔剩下少少汁都不捨得 , 可用生菜點上剩下汁味道好好 燒牛肉跟薯菜睇賣相一個字 " 多" , 碟餸到桌仲聽到吱吱聲 , 我覺得奇怪好奇 , 食食下發現原來聲音來自牛肉下的石頭 , 用石頭來保熱真係好特別 , 好彩叫薯菜如果唔係一定食剩好多野 , 薯菜比平日得青豆,紅羅白就有心得多 , 來用半個薯仔做薯條外脆內軟好味 , 白同紅羅白都好甜好新鮮, 菇同菜都很入味 , 我從想過有配菜會令你飽都想食 ,一個配菜用小碗精緻的放在碟上 , 是通粉沙拉本想放棄唔食真係太飽 , 沙拉汁有加入蘋果

星期六晚嚟左呢度食飯,我地四個人每人叫了一個套餐,另加錢叫了一個心太軟甜品,我及朋友叫了一個普通晚餐,一個湯,一個主菜,飲品,湯是南瓜及雜菜湯跟多士,很特別不是跟普通麵包,雜菜湯都幾多料,好味,多士好香脆好味.跟住主菜係羊肉薄餅配薯條,羊肉唔酥好味,份量都好多好大碟,好多菜,薯條就較少,但好飽,食唔晒,另一個是龍脷聊跟薯條,亦是好大份量的,魚聊較乾身,因沒有好多汁,但都好味呀.每個餐都有一碗仔酸菜,好好味,酸酸地好開胃.我妹妹及妹夫都叫了一個4個course及一個6個course的餐,4個course是有湯(南瓜湯),前菜(焗蠔),主菜(石頭燒牛肉跟意粉),飲品,6個course是有湯,前菜(三文魚沙律)及焗蠔,主菜(石頭燒牛肉跟薯菜),飲品及甜品(自製雪糕,係雪糕餅兩件,好特別).加錢的心太軟味道好怪,不知道為甚麼,以前食過是外層很香脆的,但今次好淋,裏面的朱古力醬好怪,配的雪糕就好味.食到好滿足,好飽.

７／２８今日我病左．男朋友陪我睇完醫生．晚上話不如去食天使面．．跟住男朋友話元朗有間叫許願樹ｄ野幾好味．甘我地就去食啦．可能好夜喇果時．成間店得我地２個．野食到．我覺得好難食．．ｓｏｒｒｙ甘講好似衰左ｄ．但男朋友覺得ｏｋ！另外叫左個焗蠔．．原全未熟．男朋友咬左２啖就吐左出黎．．唔知係咪廚房趕住收工．最後老闆娘ｆｒｅｅ左個蠔．跟餐有野飲．我叫左可樂．但老闆娘同我講．話見到我岩岩食藥．不如唔好叫可樂．．跟住ｈｏｌｄ住左可樂．甘我就叫左第２樣．呢點可讚．老闆娘好細心．．不過真係十分ｓｏｒｒｙ．ｄ野好難食．．我食左一大半其實係比面男朋友話呢間野好食帶我黎食．我真係寧願比１００蚊去返ｐｅｐｐｅｒｏｎｉｓ到食．

許願樹算係元朗少數貴價餐,因為常常聽人講質素幾好,d野好食,所以尋晚終於有機會黎試下啦入到去,坐低睇下個menu,安格斯牛扒無晒,問待應就話唔會再入貨,於是我就問有無其他牛扒,因為我黎都係想試下d牛扒,佢大力推薦美國雪花牛,我見都要$158,應該質素都唔會點差掛(心諗..)女友叫左個豬扒意粉餐$68,跟餐有半價甜品,叫左個combo,入面有香蕉班戟,心太軟同埋一個自製雪糕$68(半價$34)等左十分鐘,個湯終於上啦,有少少失望,因為個酥皮忌廉湯,酥皮唔夠鬆,同埋太厚粉,大家樂果d仲好食過佢;再等左15-20分鐘,主菜到左,個意粉還可以,只係煮得比較乾,又落唔夠汁,然後到我塊牛扒,塊扒分開兩塊,賣相ok.拌碟都好有心思。但係我叫左六成熟,其中一塊得3成,另外果塊有8成熟,第一件想到既事就係,扒王set lunch仲好食過佢,唔係塊扒唔靚,只係個廚師浪費左佢!我地食完兩個主菜,然後就上甜品,個心太軟水準差左,個皮唔夠軟熟,朱古力唔夠香; 自製雪糕味道唔錯,呢度拎返d分;香蕉班戟,尚可,可能我自己覺得熱既香蕉唔好食掛總結:如果用呢個價錢,可以食得更好的,唔需要來這一間餐廳,某元朗老字號西式茶

3-Apr今晚一共四人去食晚飯, 選了這間"許願樹", 餐廳唔大, 只可容立廿人左右, 台細但碟好大隻, 會唔夠位放野...., 但算坐得ok, service麻麻, 為食物個presentation唔錯, 所以上菜都要等耐少少...order左3個set share食:set1忌廉湯- 足料, 幾濃煎鵝肝- 煎得幾油下, 味道唔夠, DAP好食d酥皮牛柳配薯菜- 牛柳7成熟, 岩岩好, 好新鮮好好味好多肉汁, 係整晚主菜整得最好味既, 爭番唔少分心太軟- 麻麻, 比起酒池肉林既差好遠...熱咖啡 set2忌廉湯- 足料, 幾濃芝士焗蠔- ok啦, 蠔縮得好勁, 羊仔膝配薯菜- 羊膝唔會太諗, 有d咬口, 唔算un蘋果玉桂卷- 好好味, 好香蘋果玉桂味, 但略嫌唔夠蘋果肉凍咖啡 set3酥皮忌廉湯配蒜容包- 我無份飲, 所以no comment龍蝦牛柳意粉- 意粉口感唔錯, 但味道麻麻, 個茄汁味有d怪, 但牛柳真係好好味, 龍蝦肉幾鮮, 但好細隻自製雪糕- 口感好似木糠雪糕, 好滑凍奶菜- 開頭飲偏甜, 飲到尾時只有雪水味 我地額外叫多個"梳乎里" - 完全唔得, 佢同平時食開既唔同

大家看下面的食評，我評過焗酥皮豬柳。不知是否豬肉貴了，現在變了焗酥皮雞柳。可惜一來肉汁的味道不同了，而且雞肉不嫩。質素大不如前，可憐一道好菜已成過去。