西餐大排檔 (已結業)

大排檔2係食中餐？西餐？有點懷疑，但環境不錯幾舒服坐就食啦，內有音樂都舒服。個人叫左2個餐，包蒜蓉包好香牛油味同飲品。牛腩羅宋湯連碗都熱！多蔬菜，有洋蔥 胡蘿蔔同少量牛腩。可能有肉類，所以湯比較入味。黑松露蘑菇湯，一上枱已經好香濃，份量普通，但特別一點係有黑松露係中間比你自己溝。好多粒粒蘑菇，每口都滿滿菇味，不錯對於菇味fans。香燒原條是日鮮魚係一斤重既東星斑，配菜有好帶鮮味既青辣汁，滿滿黑椒的蕃茄 豆及薯泥。首先條魚好霸氣一大盆上枱帶少少燒魚味，皮都見到黑黑地。魚肉總括嚟講係滑同多肉。唔點汁就淡口食魚味為主，點左汁就濃味d，特別係魚背肉！面豬肉好爽好大粒，哈哈。滿滿黑椒的蕃茄幾好無左青味，多汁，夾落魚肉食就似中餐魚既。燒橡果級黑毛豬肉眼七成熟，香氣似分燒豬手。配菜有蕃茄 菠蘿 豆及薯泥。薯泥帶薯粒，好飽滿入胃，唔會creamy多牛油感覺。七成熟完全係改變哂一路以前食黑毛豬既口感，以前好食在好軟脆，而依個餐廳係好似煮牛咁，肉非常軟林唔脆，但有少少就溶咁既感覺既。叫左杯紅餐酒35蚊配肉，雖然應該叫白餐酒因爲今餐海鮮為主，但紅酒味濃d。餐酒都有濃味，唔會有夾味。其中一個餐我地加左65蚊要

望到呢個門口, 眼熟鳥吧~chef stage 我地對食物留下好印象,佢成都問我幾時再去食 (但係唔係譚仔, 唔可以成日食架大佬!!!)...諗起上次食嘢時, 哥店長問我有無去過都係佢地嘅西餐大排檔, 所以就同佢黎 食下同老闆嘅佢抵得黎是咪一樣 quality 嘅~ (好啦好啦都叫做平小小, 當係tum 下佢啦咁~)上次响 chef stage 我哋係單點; 今次黎到價位抵 d 嘅大排檔, 想在抵食 dd, 所以就叫餐~人就係咁架啦...眼見整體平左, 覺得自己中負擔得到, 就忍唔住加個海鮮拼盤俾佢食... 好在佢邊食邊笑住好開心咁話 新鮮 爽口 彈牙~  跟住仲話加幾十蚊又真係抵~ (唔使佢比, 我相信 一定係抵上加抵... XD )我係唔食生野 儘量唔食蝦既, 所以感覺由佢提供比大家嘅... HaHa~  湯麻 我就覺得 ok o既~牛腩羅宋湯味道濃郁嘅; 蘑菇湯同 chef stage 飲落差唔多啦, 唔錯 o既~ 其實我哋兩個都係照舊啦, 佢食牛 我食豬~係我嘅 橡果級黑毛豬肉眼今次完全熟, 唔靭 肉味香濃嘅~ 份量當然冇 chef stage 咁大件啦, 但對女仔黎講係岩岩

由於小妹男朋友住係港島區所以搵食都會考慮下港島區先同事介紹下 黎到呢間位於商業大廈既西餐大排檔食飯話就話大排檔但其實個格局係相當高檔大排檔呢個名令人覺得好親切海鮮拼盤($65/1)由於小妹係海鮮既愛好者 所以追加左個海鮮拼盤以上見到個份量係兩位用海鮮拼盤 有生蠔 鮑魚 日本帶子刺身 鮮蝦 聖子刺身餐廳都選用既海鮮好新鮮 食落無腥味無論外觀同味道都係新鮮既 食落有海水既鮮味食生蠔既時候可以加啲香草醬香草醬令生蠔既味道再fresh啲呢個組合又係另一番風味鮑魚同鮮蝦本身係熟既大廚係烹煮過程為兩者加入左唔同既調味唔洗點豉油已經好夠味至於小妹第一次食既聖子刺身口感同味道上都好似象拔蚝好爽口同有貝殻類刺身既鮮甜味小妹最愛既係用shooter杯裝住既帶子刺身帶子好大粒同肉厚Shooter杯入面加入左同帶子刺身好配合既秘製調味汁小妹建議食帶子既時候都飲埋個汁味道岩岩好黑松露磨菇湯呢個磨菇湯為今晚既晚餐揭開左序幕睇外觀判斷 已經可以見到個湯係由原粒磨菇打碎而成上面加左黑松露油因為松露本身都係菌類 所以同都係菌類既磨菇味道好夾飲完個口都仲有陣磨菇味蒜蓉包餐廳自製既蒜蓉包好有誠意上碟既時候係熱辣辣既包內軟外

是日係某超市重新裝潢後第一日營業，作為小C9，都想睇睇有乜新野食，一早就同男朋友過海，先喺銅鑼灣食午飯，揀左呢間喺openrice巨多好評嘅餐廳試下。西餐大排檔位於食肆林立嘅渣甸中心，聽落去會有喺「大排檔食西餐」嘅錯覺。當然睇過食評嘅都知道唔係呢回事，其實只係比喻唔洗用太貴嘅價錢食到西餐。餐廳裝潢同大排檔冇乜關係，可以放心，雖然稱唔上係高級西餐廳，但環境都唔錯，空間感足，坐嘅都係梳化。午市提供套餐，共有8款選擇，套餐定價 $89-$168，包括餐湯、麵包、餐茶，比想像中容易入口嘅價錢呢！畢竟聽過呢度嘅廚師很有名氣。主菜每週轉換，是日有炒飯/螺絲粉/雞扒/雜扒/黑毛豬/鮮魚/羊鞍/牛肉眼，驟眼睇唔多選擇，但樣樣都好吸引，好想試！午餐另加 $55可配海鮮拼盤，加 $25配沙律及加 $18附甜品，富彈性。裝潢同大排檔無關，服務亦都同大排檔無關，因為呢度嘅店員好有禮見我地頭痛揀邊個餐之際，主動輕作介紹，特別推薦黑毛豬、牛肉眼、香煎鮮魚。海鮮拼盤 $55 (生蠔、鮑魚、日本刺身帶子、鮮蝦、蟶子刺身)店員都推介海鮮拼盤，價錢唔貴，而且大部分人都有加配的，我地都點左一客試試。海鮮以冰墊底，整體呢個拼

懶洋洋的星期日，約了舊友午聚。找到一間商廈內的餐廳，人流不多，可靜靜地享受。雜菜湯味道凊甜，可開胃囗，還有熱烘烘的蒜茸法飽，鬆胞可口。主食點了雜扒拼海鮮，樣様有可試多幾款，最適合貪食的我。有大蝦，魚柳，黑毛豬和牛肉眼。大蝦鮮甜彈牙惹味。牛肉眼肉質軟腍，剛好半熟。黑毛豬軟熟，帶有脂香。魚柳啖啖滑溜。配菜亦毫不遜色，用了紫薯代替薯茸，甜而不膩更加吸引。奶凍是時日甜品，份量頗大。入口順滑有奶香。不過如甜度略為減少啲啲會更完美。咖啡亦是上等質素，甘香留韻。

今日做完嘢約咗朋友去銅鑼灣食飯 揀左呢間個名好特色嘅餐廳 西餐大排檔入面環境都幾靚我地首先叫左個海鮮拼盤有好多唔同款嘅海鮮 都好好味 最鐘意係個生蠔💖食完個海鮮 頭盤就黎啦 蘑菇湯 冇加到忌廉嘅蘑菇湯都係第一次試一上黎就覺得好香 食落蘑菇味都好重 好正香蒜辣味鮮蝦意粉 意粉係煮到 al dente 蝦都比得好多 唔錯燒橡果級黑毛豬肉眼好淋好好食 呢個係煮到7成熟 食落充滿肉汁 嫩滑😍😍餐茶我就揀左熱檸茶但最後先至係重點 甜品😽😽😽Lemon tart朱古力脆脆蛋糕兩款甜品都做得好出色 而且decorate 得好靚💖

白汁蟹肉雜海鮮 🐟🦐🦀 $298 （Dinner set)Seafood in crab meat sauce·蘋果🍎諗諗下，次次黎銅鑼灣都係cafe或者韓國菜🇰🇷🍽為主，好似無咩真係正正式式咁食個西餐🤔，既然係咁，一於約朋友仔黎個西餐之約❗️·銅鑼灣其實又真係好鬼多野食，淨係搵都成堆餐廳出晒黎，頭大🤦🏻‍♀️，點算好❗️《西餐大排擋》咩名咁搞野🤣 基於咁鬼馬嘅名，🍎膽粗粗咁同朋友仔一齊上門搵食😋·雖然叫《西餐大排檔》但菜單上有蝦多士🦐🍞，日本年糕🇯🇵，肉骨茶等選擇❗️仲有前菜，沙律🥗，燒烤，海鮮，日本/法國入口甜品等選擇～！🍎為免諗到頭大，最終同朋友都點咗個dinner set❗️·Dinner set 大約有1️⃣1️⃣款，🍎揀咗個白汁蟹肉雜海鮮🐟🦐🦀，一網打盡唔駛煩🤣老實講，個菜上時的確唔算好吸引眼球👀，但學校都有教：❌唔好以貌取人，所以🍎先唔評論，決定食咗先講～❣️ 食依個白汁蟹肉雜海鮮🐟🦐🦀好似尋寶咁，越食越發掘到寶藏🏵唔好睇到一大撻白色嘅醬汁，但其實醬汁入面有元貝，蝦🦐，鮑魚同一大塊魚柳🐟 海鮮都非常彈口，唔駛配上醬料就已經夠晒鮮甜，而魚柳更口感幼嫩❗️❣️ 明明叫白汁蟹肉雜海鮮，但蟹肉呢🦀？原來

西餐大排檔，大家唔好以為我去咗大排檔吖其實係一間食物質素唔錯的西餐廳。由於係我好朋友生日，所以搵一間有質數餐廳。地點又方便。銅鑼灣港鐵站出咗行1-2分鐘就到。餐廳門外真係有大排檔的木長櫈比客人等位坐的。(sorry 忘記影相)。職員態度亦很好。睇睇餐牌, 我地選擇咗2份晚餐。餐湯。牛腩羅宋湯。這個羅宋湯跟其他的不同。因唔太酸。我全碟飲晒。黑松露蘑菇湯。黑松露味香濃。燒紐西蘭羊鞍。一份有2件，七成熟。肉質軟又好香羊味，加配轉食羊的薄荷醬分外好味。配菜有半個蕃茄，紫薯蓉，豆角。美國T骨人牛扒。好大塊吖。有我鬼面咁大好多肉汁，肉味香濃，五成熟超正。配菜同樣都是半個蕃茄，紫薯蓉，豆角還加錢$65追加了海邊拼盤及$19甜品。海鮮拼盤有帶子，鮑魚，法國蠔，螺片，蝦。鮑魚大大隻，法國豪比較喊，螺片爽甜品是藍莓芝士蛋糕+泡芙。蛋糕唔太甜，但質地麻麻。食完飯我地兩個人坐係餐廳傾計，好舒服。壽星女好滿意我今晚的安排。所以食貴少少都值得

今日下午慕名就去左渣甸街５０號渣甸中心七樓的西餐大排檔食晏，因試過的朋友對它都有頗佳的評價。别以為＂大排檔＂便是提供大衆化茶餐食物。這裹提供優質食材，大㕑巧製的食物。門面望去光猛、整潔及坐位頗闊落。侍應有禮並熱心為我們推介是日午餐，有完條燒的石斑，羊鞍扒等等，讓我們有賓至如歸的感覺，心情都歡愉起來。最後選定食－客黑毛豬，特級美國牛肉眼午餐。嘴饞的我們又每人加５５元點了個海鮮拼盤。裏面有醃漬鮑魚，生蠔，聖子刺身，日式刺身帶子，甜蝦。拼盤端上，眼前－亮，二吋多的鮑魚，醃漬入味又不失口感，有嚼口，美味。帶子以小杯装着以汁浸着，汁的味道很特別，－問下是味噌蜜糖味，以此汁配刺身帶子，很配並帶出帶子的鮮甜，友人更將汁飲盡，好美味。蠔該是歐洲貨重海水味，鲜或不厚肉，都好味。蝦是cocktail 的甜蝦，蟶子刺生爽、甜、脆口。無錯係七成熟都得，全因餐廳選用有名的西班牙橡果級作食材。湯，熱、濃度，味道都剛好，麵包熱軟，配搭得宜。肉眼扒８吋有多，燒得汁多，肉嫩。食到嘴不停。黑毛豬七成上，七成？係！無錯，西班牙橡果木級是可以煮七成熟上碟的。肉嫩，多汁不在話下，仲沒有豬的囌味，好正。二塊扒份量很足，不跟飯，麵

朋友話帶我食好野見到寫住西餐，開頭以為係普通鋸下扒咁啦，原來一d都唔簡單!我地叫左個精選二人餐:先來2杯餐酒，紅酒白酒各一杯酒方面，兩者都係易入口頭盤係海鮮拼盤，呢個真係超讚!海鮮鮮味十足!個拼盤相當豐富，包括有:生蠔x4- 有兩款，一款清甜，一款重海水味鮑魚x2- 有咬口得來唔韌日本刺身帶子x2- 超鮮甜鮮蝦x4- 實淨彈牙紐西蘭聖子刺身- 口感超爽蠔我唔太好，所以比晒朋友食，佢話2款都好好食聖子刺身第一次食，真係覺得好驚喜原來可以咁好食，清甜又勁爽口!餐湯係黑松露蘑菇湯蘑菇無打到好碎，食落好有咬口，d黑松露勁香，成碗湯都好好飲!黑松露年糕估唔到呢個組合都幾好食wor年糕切薄片，食落唔怕濟煙煙韌韌，yummy!燒牛脷配蜜糖芥辣我唔食牛，朋友話感覺有d like午餐肉肉質幾實淨，加埋d醬好惹味咁話西班牙橡果級黑毛豬肉眼蓋燒得勁香，黑毛豬肉質相當嫰滑，而且十分juicy，火喉控制十分好，唔會太乾。紐西蘭羊T骨完全無羊酥味，肉汁好rich調味相當入味!是日甜品甜品係柚子慕絲蛋糕，食落相當清新!朋友無介紹錯~真係好好食~^^~!!!

當日剛認識Eddy 的時候，知道他「以廚會友」，而且計劃多多，總令人聽得津津樂道。每隔一段時間，都總會想來這邊吃吃看，看看有沒有新的食物推出。可是每一次不是趕不切在關門前來到，就是已經高朋滿座，因為每一次均是心血來潮，每一次均是剛好吃不到。好吧，終於忍不住出手預約早前的晚餐。 平時主意多多的Eddy，今次把他的散點餐單改變成為晚市套餐，好讓各位食客可以用一個相對便宜的價錢就可以吃到有質素的美食。每一個套餐均是我一見到餐牌就已經想食的那種。但由於我跟他都是食量不大的人，所以最後都是選擇了一個套餐，再加幾款散點的食物。 —————————————————————————————— 我們點的是燒紐西蘭羊鞍餐 ($299)，當中包括了幾款食物，分別是牛油餐包、松露磨菇湯、燒紐西蘭羊鞍，另外再加$69 點了一個海鮮拼盤，包括生蠔、鮑魚、日本刺身帶子、鮮蝦、聖子刺身。 果然是Eddy，就連牛油餐包也是烘到相當香脆，那種香味令人忍不住一口大大口的吃，吃完餐包剛好郁動了胃部，有了肚餓的感覺；緊接而來的就是松露磨菇湯，這邊的松露磨菇湯本來就是一個保證來的，超有口感的說，一粒又一粒的磨菇，不會

以前在銅鑼灣返工，常常都周圍搵好野食。沒想到就真的錯過了如此高質素的西餐！ 上上下下的餐廳都試過了，今次和愛人試下這間名字很貼地的西餐大排檔。鋪出升降機門，感覺有點驚訝，還以為是大排檔格局，這裡真的很高級西餐feel! 老闆改這餐廳名字實在有點臥虎藏龍之感！裝潢高級浪漫，好彩今次是和愛人來，氣氛很一流！大家都突然像回到初戀蜜運中我們點了兩個晚餐套餐，價錢由二百至三百幾不得，用餐完畢覺得物有所值！食物環境服務都非常優秀！套餐另加６５大元可配海鮮拼盤，包括生蠔，鮑魚，日本刺身帶子，鮮蝦和聖子刺身。新鮮可口，超高性價比之選！帶子刺身新鮮得不得了！餐湯為黑松露蘑菇湯和番茄羅宋湯，配合 熱辣辣鬆軟的蕃茄包，未食主菜已覺得正！主菜美國燒肉眼扒。利用Slow Cook烹調法 ，每日限定供應，保證新鮮確保水準，是餐廳的招牌菜和信心之選。香燒原條是日鮮魚，原條燒石班上枱嚇了我們一跳，看來有超過一斤重吧！身為魚民子弟得不及待提超雙筷子，第一口已經要俾滿分！魚肉鮮甜可口，魚皮煎得很香脆，魚鮫位等整條給我倆極速K.O.了，很有媽媽家鄉住家飯的感覺。餐飲愛人點ice latte, 我點了 hot jasmine

平時講起大排檔，一定會覺得環境比較混亂，坐得唔舒服，今日嚟到銅鑼灣嘅西餐大排檔就完全唔同喇，坐得舒服，環境乾淨企理。今日叫咗:1)燒橡果級黑毛肉眼 -7成熟2)美國燒肉眼扒 -5成熟*再+$65一個海鮮拼盤先來海鮮拼盤(一人份量)生蠔清甜無腥味，蟶子刺身好爽口，帶子刺身好鮮甜，鮑魚好厚身，凍蝦都唔錯。餐湯與蒜蓉包蒜蓉包送到枱時仲係熱辣辣而且香噴噴，食落外脆內軟，好味。蘑菇湯同平時飲開嘅唔同，無忌廉底而有黑松露味，所以無咁膩同無咁罪惡感。對於超喜歡食菇菇嘅我嚟講，表示非常好飲。羅宋湯都唔錯。先講燒橡果級黑毛肉眼(7成熟)，燒得啱啱好，肉質鮮嫩唔嚡口，食落啖啖肉汁。配菜嘅蕃薯蓉甜甜哋，露筍亦好新鮮。小碟內嘅菠蘿酸中帶甜好醒胃。朋友嘅美國燒肉眼扒叫咗5成熟，火喉控制得好好，切開尚有少量血水，中間帶啲紅肉。我試咗一小塊，肉質好嫩滑。

今晚地鐵大混亂，東九龍交通癱瘓，好在我正打算外出食飯，避開回家之苦。之前去過渣甸中心食嘢，已經發現呢座食廈有好多選擇，今晚就食7樓的「西餐大排檔」先！夜晚7點半左右入座，餐廳未算好多人，而慢慢喺8點左右餐廳就開始熱鬧喇。今晚食2個套餐，再加$65有個海鮮拼盤：先來海鮮拼盤，有生蠔2隻、鮑魚1隻、日本刺身帶子、鮮蝦1隻同馬刀貝店員會先作簡單介紹，海鮮幾鮮味，特別係個醬汁，生蠔點香草蒜蓉辣椒汁，酸酸辣辣；帶子就點日本麵豉汁，幾創新的食法，呢個拼盤絕對可以加點黎食！（熱辣辣）牛油餐包+牛腩羅宋湯/是日餐湯（黑松露蘑菇湯）：我要牛腩羅宋湯，好香濃的味道，而且牛腩煮得夠淋，好滿意。老公要黑松露蘑菇湯，湯已經打成蓉，好足料，黑松露夠濃味，亦有咬口。燒橡果級黑毛豬肉眼（套餐價$298，另加一）：店員建議我食7成熟，我切開睇到豬肉煎得粉嫩，外皮脆身，怕太漏的話可以食下碟上的香草菠蘿粒，解解膩，亦夠清新，伴碟的蕃薯蓉同蔬菜都夠水準，唔錯唔錯。美國燒肉眼扒（套餐價$388，另加一）：order 了5成熟，一d都唔韌，火候拿捏得恰到好處，老公尤其讚賞伴碟的煎番茄，夠juicy亦可中和肉類的濃厚感。最後以餐茶

與男友梗係要食好dd呢間在鬧市中的樓上西餐，取名西餐大排檔，名字相當特別店內乾淨企理，座位寬闊，坐得尤其舒適呢度的lunch menu 不算貴而且種類很多，有魚，有牛，有雞，有羊，有豬等選擇我自己就選了西班牙漿果級別黑毛豬，加了＄55換取海鮮拼盤和加了＄28換取白酒一杯價錢一點也不貴，因為材料靚，而且份量也不錯，最緊要是質量很好先來海鮮拼盤，這是二人份量，我最愛的是生蠔。生蠔鮮甜可口而且一點也不腥，加了一點檸檬汁簡直是天上的禮品！帶子也相當不錯非常肥美，而且配汁很特別。之後來了餐湯和麵包，相當夠熱！而且沒有味精！ 好正！我的西班牙黑毛豬來了，是八成熟的！肉質鮮嫩，黑椒汁也相當不錯，配上番薯茸和番茄簡直是相當夾！我男朋友叫了羊架，五成熟，煎得很香口，相當有驚喜！白酒也不錯，很香很好喝！最後叫了一杯咖啡，非常之滑，帶有咖啡的香味，是最後的圓滿之作。食品高質，環境優質，推介推介！