西餐大排檔 (已結業)

平時講起大排檔，一定會覺得環境比較混亂，坐得唔舒服，今日嚟到銅鑼灣嘅西餐大排檔就完全唔同喇，坐得舒服，環境乾淨企理。今日叫咗:1)燒橡果級黑毛肉眼 -7成熟2)美國燒肉眼扒 -5成熟*再+$65一個海鮮拼盤先來海鮮拼盤(一人份量)生蠔清甜無腥味，蟶子刺身好爽口，帶子刺身好鮮甜，鮑魚好厚身，凍蝦都唔錯。餐湯與蒜蓉包蒜蓉包送到枱時仲係熱辣辣而且香噴噴，食落外脆內軟，好味。蘑菇湯同平時飲開嘅唔同，無忌廉底而有黑松露味，所以無咁膩同無咁罪惡感。對於超喜歡食菇菇嘅我嚟講，表示非常好飲。羅宋湯都唔錯。先講燒橡果級黑毛肉眼(7成熟)，燒得啱啱好，肉質鮮嫩唔嚡口，食落啖啖肉汁。配菜嘅蕃薯蓉甜甜哋，露筍亦好新鮮。小碟內嘅菠蘿酸中帶甜好醒胃。朋友嘅美國燒肉眼扒叫咗5成熟，火喉控制得好好，切開尚有少量血水，中間帶啲紅肉。我試咗一小塊，肉質好嫩滑。