影片
虽然铜锣湾都有好多西餐，但系要有一间好食价钱又大众化嘅都唔容易。 好彩朋友介绍咗我一间西餐大排档，佢好近铜锣湾地铁站， 地点够晒方便。因为近排都几热，所以一嚟就叫咗杯红豆冰，佢上面有好多cream，个卖相都已经好吸引，唔似一般茶餐厅咁 ，又多冰，上面又冇cream，见到都唔想饮。 但呢杯红豆冰啲红豆好大粒， 椰汁红豆同埋忌廉分布都非常平均， 绝对唔系一般普通嘅红豆冰。 另外前菜我哋叫咗烧生蚝， 只生蚝烧到半生半熟，食落去非常滑 。加上上面有芝士，味道啱啱好 ，以为食完只生蚝冇啦，点知原来生蚝下面会有紫薯蓉 ，非常 surprise ，因为好少见有烧生蚝会配埋紫薯蓉 。都主菜喇，我哋叫咗个烧美国鸡扒配鲍鱼， 上面系松露白汁，估唔到个汁同鸡扒系咁夹，可能因为自己好钟意食呢个汁啦。 最重要系竟然配埋鲍鱼，呢个配搭非常之新鲜，第一次咁样食 。虽然今次叫嘅嘢食唔多，但每一样我哋都好满意，希望下次再嚟试多啲嘢食啦。
继续阅读
今日想同大家分享一下大排档质素嘅高级西餐厨师精选套餐$988/2位 精选套餐$480 （4位起）其中一位生日之星有半价（唔需要出示身分证因为365日都有人生日）两个餐都有海鲜盘有汤有头盘同埋任拣主菜2/5款 餐饮同埋是日甜品最后我哋叫咗3个2人餐其实整体上味道系可以接受嘅但系价钱同埋用了就差好远海鲜盘质素好差.. D蚝瘦到一个点.. 啲虾系霉同埋冇味既..当中因为冇蛏子用咗第二样嘢代替.. 系有雪味同埋质感似橡筋.. 烟熏鲍鱼算系最好食...我哋全部都拣黑松露蘑菇汤..味道ok笑点🤭连壳食法国田螺.. 原来佢将只田螺摆入去一个现成嘅酥盒入边.. 🤣黑松露年糕.. 忌廉汁松露酱年糕😅👎🏿当时全间餐厅得3枱...主菜我哋拣龙虾不过是日冇龙虾..会用两只大虾代替不过头先冻盘嘅哈系梅嘅所以我哋决定唔要...跟住要羊架又话得一份.. 我哋要咗两份西冷扒两份黑毛猪同埋一份烧鱼...羊架..西冷同黑毛猪系冇乜味嘅可能因为太多汁... 又可能因为心理作用...一向认为靓嘅肉系唔使用汁既.. 我对鱼有私心所以条鱼我觉得系最好食嘅... 配菜全部都系紫薯蓉..甜品系芒果啫喱芝士蛋糕..我最钟意啫喱所以过到关虽然听落好似好多嘢食但系我只可以讲味道OK...但系材料质素绝对唔值呢个价钱... $3260 3个2人set...💰💵💷💶💴💸💰
继续阅读
难得可以忙里偷闲，加上经常经过铜锣湾，同另一伴去左一间本地好地道既中西合壁既西餐，主打大排档特色既西餐厅。个名叫做西餐大排档，去到目的地之后见到紫蓝色既霓虹灯既招牌。好似时光倒流番去八十年代香港街外布满霓虹灯招牌既繁华境况。入到餐厅内，已经有一位应该系餐厅既老板亲自招呼我地，好快就有位坐。餐厅入面既装潢都带有怀旧，八十年代既特色。就连水壶都系用紧一般大排档用紧既水壶。坐底一阵已经谂好食咩！蕃茄杂菜汤 好传统既西餐汤，饮到好浓烈既蕃茄味，其次汤头入面好多菜，大约有洋葱蓉，椰菜，红萝卜。当中印中令我比较深刻系红萝卜，大多数红萝卜都系煮到软身，但呢个汤既红萝卜会比较硬身，有咬劲。味道方面酸中带咸，份量都相当足够。相当唔错！忌廉黑松露汤 上菜后已经闻到好浓烈既黑松露味，可以用芬香朴鼻黎形容。汤入面有大量既黑松露，当中包括蒜泥，忌廉，橄榄油，再以忌廉调味已经突出到黑松露既美味。整碗汤我最欣赏忌廉既拉花，大多都系以点状去装饰，但我好欣赏厨师以直线形去拉花，以吸引大家既眼光，令到一碗本身价值不菲既汤更有特色！白汁黑松露年糕 外貌上绝对系一个精品菜式，黑松露汁岩岩好包住年糕，一来可以保温，二来由于汁酱充满覆盖年糕，味道得以平均，唔会令到味道有丝毫偏差。味道方面，年糕比市面上售卖更薄，但相当更有嚼劲，更Ｑ弹，可以媲美日式年糕。其次黑松露汁有奶油，洋葱点缀，令到味道更丰富，当中更食到洋葱甜味，证明洋葱有经过炒既处理，口感更上一层楼。份量刚刚好，足够二人食用。米酒海鲜 呢个菜式绝对算系我最中意食既菜，有机会学我一定会学，实在太好味道！新鲜海鲜以米酒烹调，其次米酒以洋葱，蕃茄，白蘑菇，红萝卜混合，令到米酒挥发汤汁更加鲜甜！海鲜当中有经过挑肠界花既中虾，大蚬。中虾经过处理后方便拨虾壳，虾肉爽口弹牙，界花位就好似微型既汤匙一样，将鲜甜既汤汁一同包含系虾肉入面，令到本身鲜甜既虾味道更加丰富。大蚬系烹调既时间拿捏非常好，恰到好处，仲会依附住壳内，太耐会导致壳肉分离，二来美观扣分。当中要一再赞赏厨师，因为蘑菇要烹调一段时间先可以入味，但今次食到既白蘑菇系粒粒都食到好鲜甜既菇味，更好似一旧海棉，吸收哂汤汁！如果有一碗饭比我会更好，汤汁送饭绝对系一流组合！就算做饭桶都值得！黑毛猪 菜式可以用经典，用料突出，食法新奇黎形容。因为当侍应姐姐上菜，我心有疑问，为何黑毛猪扒已经有其他配料黎衬托，旁边仲有一小碗新鲜菠萝，真系令我百思不得其解，我就直接问老板为何有咁既配搭，原来新鲜菠萝可以令到猪扒味道更突出，食法就一小块菠萝再加以一小片混合食用，食法好特别，所以好印象好深刻！猪扒采用左有筋部位置，咬落口软中带硬，更有爽口，口感三重感受，我个人都几中意。味道方面，以黑椒，盐调味。简单就系足够！火龙果雪芭 当甜品呈上后，见到一个火龙果以紫薯衬托，当中用左士多啤梨汁伴碟，色彩突出更吸晴！其实咁大个人都系第一次食雪芭，原来雪芭用新鲜水果冷藏至结冰后磨成沙冰，比雪糕更健康，当中更食到少许酸乳酪味道，味道好吸引！如果有多一个就更加完美！整体食物水准，上餐速度都好高水准，当上菜后老板都系亲自介绍菜式，令我地对菜式更深刻。侍应姐姐更以殷勤态度招待我地，做到宾至如归！令我印象深刻，我下次会再黎光顾！
继续阅读
西餐大排档 已经做左我地喺 铜锣湾嘅饭堂，无论系中午、夜晚，只要系去开铜锣湾，又想揾个坐得舒服、食物质素又高嘅地方，就会自自然然黎到尼度。今次都唔例外，我地11点几就到左，因为好早，餐厅重未有好多客，我地拣左个玻璃窗位，阳光晒入黎好舒服，加上餐厅播住歌，成个人好relax，虽然得我同朋友2个，但我地都叫左唔少野。我之所以成日黎尼度，有一半都系因为佢地个海鲜拼盘 ，夜晚同中午都有供应，午夜 加 HK$55 就可以叫一份，尼个真系 超 级 推 荐 ，如果可以嘅话，真系想叫多份，因为质素极高!个海鲜拼盘 有鲍鱼、生蚝、鲜虾、日本带子、圣子刺身...每样都好新鲜， 刺身下面有冰，食起上黎有冰凉，夏天黎食,真系岩晒~~加上刺身本身肉质超鲜甜，食落啖啖都系享受!鲍鱼口感好软熟弹牙;带子超清甜、嫩滑，配上餐厅自制嘅蜜糖芥辣汁，真系一流! 尼度嘅set lunch好抵，会包餐汤、蒜蓉包，餐汤次次都系真材实料!今次系椰菜花黑毛猪汤，汤入面有一小粒一小粒椰菜花蓉，口味清新，重好香黑毛猪香味，加上蒜蓉包一齐食，非常唔错!见到个set lunch有得拣 牛仔骨配鲍鱼，立即心心眼拣左，都只系$118，牛仔骨个肉质香甜，味道好丰富、入味，咬落去口感鲜嫩，煮得岩岩好，一D都唔会韧，旁边有D草菇仔，令整体变到好清新，而且好欣赏佢地用蕃薯、蕃茄黎做配茶，D蕃薯蓉好清甜，睇得出餐厅落左心思，健康又好食!! ~朋友系食肉兽，佢话个 烧美国牛肉眼 好似为佢而设甘呀!个牛肉眼上枱已经劲香，有种闻到令人肚饿嘅吸引力，餐厅帮我地整到7成熟，外层烧到微微香脆，内里肉质鲜嫩，而且重啖啖肉!每次食完都好唔舍得走，期待下次再黎!
继续阅读
中午过左铜锣湾揾朋友食饭，来到了位于渣甸中心7楼的西餐大排档。餐厅装修格局整齐，午市餐牌选择颇多元化，每周都会更换新的Lunch Menu是日餐汤系番茄火腿汤清甜！蕃茄蓉粒增添口感，好饮啊蒜蓉包金黄香脆，好香口浓郁既蒜蓉味和牛肉汉堡扒配鲜鱼柳、圣子及蘑菇汁 卖相吸引，份量十足！和牛汉堡扒软滑，牛肉味香浓，好想用来夹汉堡包食😂😂鲜鱼柳肉身够嫩滑，鱼皮香脆，形成外脆内嫩的感觉淡蟹肉咖喱配带子海鲜大会同另外一个餐一样有鲜鱼柳带子鲜甜弹牙淡蟹肉咖喱配海鲜非常匹配，海鲜爱好者不容错过呢！两个主菜均伴有羽衣甘蓝和紫薯蓉，紫薯蓉香甜软滑，非常健康的啊最后的餐饮质素正常大满足的一顿午饭喔
继续阅读