西門町台灣麵食 (已結業)

連續2日去呢間野食食左肉燥豆腐飯同紅燒牛肉面2個都幾好食果d紅燒牛肉好林lor真係冇牙都食到XD肉燥豆腐飯D肉燥好好食BUT D豆腐好似有D怪味咁定係係咁GE味呢==?好中意果茉香奶茶好正清淡茉香得黎又唔會冇左奶茶味食過2款小食酸辣粉皮同玉燕餃2個GE味道都幾特別

尋晚同男朋友2人去試下, 叫左個2人餐加個雞絲拉皮。個2人餐有1.拼盤, 我最鐘意花枝丸, 好彈牙爽口, 個綠色既醬好好味, 有少少芥辣味幾得意。魷魚筒入面有d蝦同醃菜, 食落都好清新, 店員上汁o個陣仲教埋咩野食物係點咩汁, 好好呀, 拼盤其他既都ok2.涼拌茄子, 我個人係鐘意食茄子既, 所以我都覺得幾好, 少少辣, 如果可以少d油更好3.炸鳳尾蝦, 有6隻蝦, 熱辣辣好好味4. 加錢要左豬軟骨擔擔面, 面林左少少, 個湯都幾好味, 唔太咸, 豬軟骨好林好入味5. 肉噪飯, 我太飽無食, 男朋友獨力食左半碗包2杯台式野飲, 仙x林既水平有甜品送, 綠豆椰汁糕, 個人唔太鐘意椰汁但味道是ok的。另外的雞絲拉皮, 麻醬好香好味, 雞絲如果係手撕更好我地估唔到原來d野份量都唔少, 食到一半已經叫救命, 不過食物同服務都係唔錯的。不過坐得都幾迫, 仲好多人等。我幾鐘意老細比我一個人入去坐住等人, 唔會要人人齊先入得(我都坐左成半個鐘), 又會問我d野係咪一陣人齊先上, 雖然佢地好忙都無漏單, 找錢o個陣仲有笑容咁講多謝, 真係唔係好多地方可以有咁既服務。

之前bf話呢間野好多人讚, 於是我地就去左試下. 去到8點幾左右已經full晒, 門口都企滿晒人係度等. 等等下到我地既時候, 點知個侍應俾左下一號既人入去先喔!! 嘩~ 我地又要等多10幾分鐘! 真係要好小心聽住佢叫no.去到叫左個肉燥飯, 雜錦拼盤, 仲有個炸雞球呢d. 個肉燥飯好多料架, 又大大碗~ 幾正! 不過我個人就覺得乾左d.雜錦拼盤好多樣野食, 有4-5樣野食, 配埋d醬好開胃.至於個雞球... ...都係好大件, 不過我覺得好咸!叫左杯椰香珍珠, 咦~ 未飲都聞到香味啦~幾好幾好!!坐既環境有d逼, 而且食完就要好快走, d侍應都好快會收晒野.不過有咁既水準都幾好架啦~

啲嘢真係好好食，抵食夾大件！可惜啲侍應服務不太好，可改善呢方面就更好！

陪男友黎晚飯, 我都試食左少少牛筋牛腩擔擔麵: 牛筋牛腩都好林, 無牙都咬得爛! 不過又唔會散開哂, 有水準~ 湯底加左花生醬? 幾香幾好味煎蚵仔卷: 煎得好香脆, 蚵仔即係蠔仔? 味道也不錯6點幾已經開始好滿座, 仲有人訂位tim...

同朋友三人去吃午餐,叫左牛肉拉麵x 2 蟹子包心丸麵x1雞絲拉皮x1苿香珍珠奶茶x2蜂蜜綠茶x1牛肉湯底好濃,不過好多地方都可以做到呢個效果,而且太咸.d 牛肉(牛長部分)就真係幾好味.切得好厚,不過燜得好"淋",口感都唔錯.友人比左一粒丸我吃,都幾好, d 蟹子好香好脆,做得唔錯wor..當然,來到呢度,就梗係試招牌菜--雞絲拉皮.最下面係粉皮,然後係青瓜絲,雞肉,最上面應係叫麻醬ge野,好似花生醬甘.本人唔係好好花生醬,不過整體上都ok, 但唔算係有驚喜,味道一般般.不過我發覺如果將粉皮放入湯度再吃,就好滑,好正.

食物質數好好,味道接近台灣,推薦:肉燥飯,台式拼盤及皮旦豆腐

見咁多好評, 要黎試下la~ 整體不錯呢~ 不過坐得逼左d~點左:魯豬扒飯, 呢個麻麻地~ d扒有d硬~ 雞絲拉皮, 不錯~ 夠入味, 唔知出面o個d\"淡味\"雞絲~ 台式炸豆腐, 呢個最好味~ 外脆內軟~ 酸酸地醬汁, 醒胃呢~ 蜂蜜綠茶, 用真正蜂蜜, 唔似出面o個d撈糖水~ 几正~柑桔檸檬, 好少見出面o既會俾埋片檸檬, 甜得自然~有個光頭侍應好搞笑~~

琴晚第一次去食雖然地方細細但係都好多人等侯入座證明呢間餐廳真係好出名侍應服務態度好友善食物都好好味今時今日除左食物質素要好之外服務態度都非常非常重要西門町餐廳一次過滿足左我兩個願意Good Good~!!!

第一次黎呢度食lunch~有幾堆人等, 老闆比飛我地等位, 張飛係送一款小食的叫左2個set lunch:擔擔麵-->轉新竹米粉(湯底幾濃, 但米粉分量少左d)+凍檸茶(唔駛加錢) $26豬扒飯+凍奶茶$28送既小食要左酸辣粉皮-->酸mei mei唔鍺肥老闆好有禮貌, 我地埋單佢會講多謝同bye bye, 仲叫我唔駛急

之前，睇見話好味！早前咪試下~~吾，真不錯！我們叫了雞絲拉皮，涼拌茄子，魯肉飯(細)，擔擔麵(細)，五味拼盤味道就真的好夠味！真的唔錯！雞絲拉皮的味道好濃！出面好小食到！我覺得擔擔麵都好好食！真的可以試下！

上星期同3個朋友一齊去試西門町, 見到openrice 依度咁多大讚, 所以就黎試一試...估唔到..真係幾好味道!我同3個朋友叫左個4人套餐, 個肉燥飯同擔擔面好細碗, 唔係好夠食..不過加埋d 送就ok 喇~~我地叫左雞絲粉皮, 好好味呀..麻醬撈埋d 青瓜絲同雞絲粉皮, 真係一流!!!!!!!! 要黎o既人一定要食!!!!仲有叫左個皇牌拼盤, 見佢係皇牌, 所以叫左..樣樣都ok 啦..好似食潮州打冷咁..冇乜特別好食..仲有豆腐皮蛋, 依個d 豆腐好好食呀..好滑..加埋d 肉松好好正..皮蛋我就冇食..因為我唔食架..但我d 朋友話麻麻地..仲有叫左肉燥唐生菜..好食呀!!!!!!!!!!好食過蠔油唐生菜~~哈哈!!!!!仲有個炸雞球..ok 啦..好似食KFC咁~~~仲有叫左4杯珍珠奶茶..不過不失啦~~~

眼見西門町是旺角的NO.1,於是昨天慕名來試試。叫了雞絲拉皮，皇牌拼盤和牛筋牛肉麵，另加茉香珍珠。雞絲拉皮：個人覺得好一般，好多麻醬，有黏喉的感覺。皇牌拼盤：最好食的是花枝丸，頗彈牙。炸雞粒上面有大量淮鹽，過鹹。豬軟骨好濃味，其餘兩樣沒有甚麼特別。牛筋牛肉麵：之前去台灣吃過牛肉麵，十分回味，於是特地叫一碗懷緬一番。湯底OK，牛筋和牛肉都一般。不過完全不能和台灣的媲美。茉香珍珠：之前見網友話比仙跡岩等等的連鎖集團好飲，於是又特地叫一杯。試後個人覺得味道不錯，但和仙跡岩的差不多。今次的東西全部都較濃味，吃到中段覺得喉嚨好辛苦，異常口渴。連一向大食的男朋友也放棄包底。昨晚又整晚都覺得好口渴，要飲好多水。其實這店的味道OK,不算驚艷的那一種，而味道又較重，口味清淡的人未必對胃口。

雞絲粉皮- 好香麻醬味香芒鳳尾蝦- 外脆內軟, 正皇牌拼盤- 一次試晒幾樣野, 樣樣都唔錯, 最好食花枝丸皮旦豆腐- 咸左小小肉燥飯- 細細碗, 不過太飽, 食唔晒擔擔面- 辣辣地, 唔錯老板真係招呼唔錯, 見我同我男朋友想坐卡位, 得2個人都比我o地坐, o固時重要係繁忙時間

慕名而來，鋪頭細細，清潔企理，員工阿叔好親切不厭其煩簡介菜式。讚！1/.臺灣花枝丸麵-花枝丸有咬口爽脆，口感豐富，麵身是非常彈牙非常爽口，湯底清香而不油，令人回味無窮喝清光才心足。(9分)，2/.芋蓉卷-皮脆、料香、亁身。(8分) 3/.豆腐肉燥飯- 汁味香濃。(8.5分) 價錢合理，嘢食有特別風味好食，行開果頭一定要試試。