西門町台灣麵食 (已結業)

寻晚同男朋友2人去试下, 叫左个2人餐加个鸡丝拉皮。个2人餐有1.拼盘, 我最钟意花枝丸, 好弹牙爽口, 个绿色既酱好好味, 有少少芥辣味几得意。鱿鱼筒入面有d虾同腌菜, 食落都好清新, 店员上汁o个阵仲教埋咩野食物系点咩汁, 好好呀, 拼盘其他既都ok2.凉拌茄子, 我个人系钟意食茄子既, 所以我都觉得几好, 少少辣, 如果可以少d油更好3.炸凤尾虾, 有6只虾, 热辣辣好好味4. 加钱要左猪软骨担担面, 面林左少少, 个汤都几好味, 唔太咸, 猪软骨好林好入味5. 肉噪饭, 我太饱无食, 男朋友独力食左半碗包2杯台式野饮, 仙x林既水平有甜品送, 绿豆椰汁糕, 个人唔太钟意椰汁但味道是ok的。另外的鸡丝拉皮, 麻酱好香好味, 鸡丝如果系手撕更好我地估唔到原来d野份量都唔少, 食到一半已经叫救命, 不过食物同服务都系唔错的。不过坐得都几迫, 仲好多人等。我几钟意老细比我一个人入去坐住等人, 唔会要人人齐先入得(我都坐左成半个钟), 又会问我d野系咪一阵人齐先上, 虽然佢地好忙都无漏单, 找钱o个阵仲有笑容咁讲多谢, 真系唔系好多地方可以有咁既服务。