西門町台灣麵食 (已結業)

貴為十大食評,必定要試吧,特登等到下晝五點無乜人走入去試.叫了碗擔擔麵,心想必定好食,可惜花生醬及肉粒本身ok外,麵很硬,湯太多,好似食湯麵咁,其實真係無乜別.或者下次試其他菜式會好啲吧.

響朗豪坊睇完戲之後, 諗起西門町響附近, 所以帶狙朋友黎試下8點半, 都仲有不少人排隊不過turnover rate都好快, 2個人, 等左10分鐘左右啦門口果位好似老細既叔叔好有禮貌, 又好笑容, 值得一讚order左一個雞套餐同一個豬軟骨擔擔麵前者: 包一碟雞, 菜同一碗肉燥飯(也可選白飯)雞肉有d地方不夠熟, 不過味道幾好菜就不過不失啦包一杯野飲, 叫左blueberry綠茶, 味道很似利賓立後者: 小小辣, 3舊豬軟骨, 雖然好味, 不過小左d喎麵質彈牙, 湯底也濃郁, 很重花生醬味, 喝不了太多地方還真是有點迫... 不過尚算乾淨

0個日同男朋友經過門口,見到我地鍾意食既酒煮雞,所以就入左去試下,我地開頭商議叫個二人餐,好彩無叫,因為我地見到隔離枱0個個二人餐全部都係炸咁滯,而且又少,我地散叫左三樣野如下:醇酒煎雞-->酒味香濃,不過好少,個鍋得一隻手掌咁大,味道岩晒我地口味,價錢略貴魯肉飯-->都係味濃,不過魯肉既份量同後面枱碗細魯肉飯既份量一樣,即是不論你叫大/小既肉都係咁多,係飯多左比你所以叫大SIZE,但你要比多些錢.牛肉牛筋擔擔麵-->好咸好溜,不過牛筋好好食好淋,牛肉有D (UN)***最值得一提就係服務態度,D侍應亞姐黑口黑面,態度勁差,叫佢拎杯水慘過乜,我地將個杯擺出D比佢地睇到都唔加水,我地又唔係無幫襯,有乜理由唔比人地飲茶/水先??隔離枱見我地叫到茶都呆左!點知黎到杯茶有漬架,我叫另外個亞姐換左佢,佢一D唔好意思既態度都無,重勁差咁黑口黑面,唉~野食好味都係假,攪到我地好似貼錢買難受咁~我諗我地唔會再去囉!!一路都有好多客想入黎,個老闆見到就係咁有意趕人走,我地都唔好意思坐多陣,埋單共$116,唔貴丫~

2月29日(五)晚約9:30pm, 仍有大量人等, 10pm才有位要了2人餐, 餐內有3款小食加2款台式飯面同2杯台式飲品。小食要了拼盤王(內有5款小食), 腐皮卷, 菜, 另其中1款台式飯面轉了menu內其他的新竹米粉(補價差)食物:好味又夠熱, 炸物不算油, 夠脆,味精不多, 總體幾好地方:比較細但乾淨服務:細心, 不停幫你清台面, 詳解食物配搭值得一去

2/3 同朋友在旺角行街, 突然想起附近有間係openrice幾出名既台灣食店, 於是同友人去試下, 7:30pm去到門口已見到有十幾位顧客在等在, 於是去收銀處問問, 原來要已籌, 不過還算快, 只等左15分鐘已有位入面真係坐無虛席, 全店爆滿, 因我地只有2個人, 已可以分得2人坐位,而且坐位偏細, 大隻小小既人應該都會坐得幾辛苦有位胡鬚叔叔呢招, 態度非常和藹可親, 仲介紹我地食咩,我地點左4樣, 其他waitress則服務一般, 冇咩笑容拼盤- 個豆腐幾滑旦唔入味,蛋一般(好細隻),其他過咸(尤其係個豬頸肉)紅燒牛肉飯- 牛肉好淋,幾入味,算ok豬軟骨- 幾淋,旦過咸涼伴苦瓜- 由於本人幾喜食苦瓜,而且個醬幾特別幾白,算幾好食埋單$142,平均每人$71,唔算太平由於睇openrice見佢咁多好評,仲幾期待,點知唔算叫太好食, 希望佢會改進~

星期一(25/Feb)夜晚行街咁o岩見到西門町，諗起佢係OpenRIce有好多好評，於是同朋友兩個入去試下間鋪好細，由於時間尚早(7點左右)，walkin都仲有位，但卡位就全部放晒留座牌我同朋友兩人叫左三樣野，因為唔飲得凍野所以無叫野飲皇牌拼盤：有兩種醬可以點，仲有講解邊隻食物點邊種醬，感覺貼心，但食物味道一般，不過其中有個"班蘭卷"(好似係係呢個名，用魷魚卷住d野o既)幾好味雞絲拉皮：雞比較老，不過唔緊要，因為重點在個醬。個醬初入口時好香麻醬味，但食多兩啖就覺得好咸，係非常咸果種，如果唔係咁咸或者用來送飯就perfect！我見呢個小菜好多人讚，食完有少少失望牛筋牛肉飯：牛筋牛肉好軟身好入味，飯亦有少少汁但帶辣。同樣地，都係超咸，連向來鍾意食咸o既我都覺得好難頂可能因為無叫野飲，又無茶水提供，呢餐真係失色不少，如果可以提供茶水就好啦！有兩位好似老闆的男店員服務周到又有禮貌，但其他果d阿姐就無禮貌可言啦，d食物真係隨便放低就算，又成日唔見影另外，仲有少少想講，就係用來盛飯果個碗，我一摸就feel到好"痴立立"，個碗又係黑色，好似唔係好乾淨咁食完之後覺得有d名過其實，價錢亦唔算平，味道仲見

荔枝綠茶好清好FLASH !紅燒牛肉麵今次咸左D , 大廚重手左? 不過肉質都還OK !$26 , 一個LUNCH , 抵!

三月一號睇完食評去試下,叫左個肉燥飯,擔擔麵,紅油玉燕餃,青菜,青蘋果綠茶,胚牙珍珠。 D野好難食,D飯無口感,好淋,D肉燥又唔好食,個玉燕餃成舊肉,只係個菜同飲品ok!

本來同朋友,一心期待呢間既食物...但食物質素..都係好一般..覺得食物質素同價錢都不相符!肉燥飯..我本人覺得麻麻..有點失望..我們亦點了不小小食..春卷,醉雞,curry角,涼拌茄子..沒有太大驚喜...!值得一讚的是,,服務好..!同埋飲品都very good...^^

在openrice上見到這間食肆很久, 一直想試, 星期一晚就和朋友一起到這間期待已久的餐廳。六點幾到，看到大部分檯上都放著留座字樣,我和朋友是walkin的, 幸好時間尚早, 都有位。餐單上有二人、三人...六人套餐, 選擇彈性, 如果餐單上的食物不合心水, 可自行選擇其他食品,補回差價就可以, 值得一讚。那晚我和朋友沒有選擇套餐, 叫了三樣, 分別是皇牌拼盆、雞絲拉皮和雞軟骨飯。味道尚算不錯, 略為咸了些少, 加上沒有茶水提供,要改善一下。所以選擇套餐比較好, 有跟餐飲, 二人套餐價錢都只是$148, 沒有加一。那裡的老板很有禮貌，抵讚。值得再試。

睇到食評..決定今晚黎試下....係火車站行去... 有如10萬8千里長征...因為..太餓了....同女朋友仔叫左5樣野...臺灣花枝丸麵-- 花枝丸..好似呀媽係街市買果d咁魯肉飯-- 幾好食....好香呀...腐皮蚵卷-- 幾香脆..不過就少左d蚵仔la...炸大腸-- 好食..少肥...珍珠奶茶-- 一般la

在旺角要吃餐好的，其實都有少少難度。今次想試試較為多好評的台式食物，希望能滿意而回啦！星期日的下午三點，剛好有人離開，那我和女友就被安排坐在四人卡位C (稍為奇怪就是這些四人座位，最好就是兩對人也對面坐好過相鄰而坐吧...因今次是相鄰而坐)點了紅燒牛肉飯、肉燥豆腐飯、脆樂雞及雞絲粉皮，都是飲珍珠奶茶。先到雞絲粉皮，是不錯的，粉皮也是剛好的咬感，醬也易入口，不太杰。脆樂雞則是「麥樂雞」，脆口但味道麻麻，如果是一啖一口會更貼近台灣街邊小吃。紅燒牛肉飯的牛肉很林，但冇乜味，可以做得更好！碗內其他配料也是吃慣吃熟的台式味道，稍為吃不出有何過人之處。肉燥豆腐飲的豆腐很滑，但不是在台灣吃到的質素，因這裡的豆腐皮是不脆的。最欣賞那杯珍珠奶茶，不過甜而有茶味，總算得回少少分數。反之很多食客所讚的好服務，今次惠顧就感受不到了，但總算是比一般的好就是了，在旺角來說，是難得的吧。

西門町台灣麵食呢期向openrice好紅，即刻又去睇下咩料。餐牌有二人餐，就嚟個二人餐再加個雞絲拉皮。雞絲拉皮：普普通通，麻醬有應有既香味但過杰，粉皮唔夠滑，咁既水準唔可以做招牌菜涼拌茄子：茄子本身夠甜，配埋個醬都唔錯腐皮蚵卷：襯熱食好味啲，蚵仔較少皇牌拼盤：有紅燒牛肉(咸左啲)，鹽酥雞(ok)，花枝丸(炸得過火，麻麻地)，魷魚(幾特別)肉燥飯：普普通通，不過細碗左啲擔擔麵：辣辣地幾好味，好味過肉內燥飯，又係細碗左啲有餐飲，叫左熱柚子蜜同珍珠杯芽，珍珠同杯芽每樣加兩蚊，唔太抵食飽送甜品，唔太甜，但食唔出有咩味，眼見有綠豆是日埋單：148+28+4 = 180總括：雞絲拉皮賣$28, 但質素同份量都唔值呢個價錢, 二人餐除肉燥飯同擔擔麵較細碗,其他份量都可以, 但食物質素較參差, 平均嚟講可以一試, 但唔好期望過高

來西門町可算千經萬苦, 真係幾難找,途中問過女人街的女店主, 佢仲反問我西門町乜唔係係台灣架咩?多得油雞電話教路, 終於可試試入選OR十大的西門町了自已對台灣菜一向有少許保留, 可能對仙跡岩或者仙跡林的印象麻麻食物份量少又唔抵, 味道更加非常普通來到時大約三點幾, 不用排隊, 坐低就看見OR投票的Poster. 之前無點做過research,唔太知食乜好, 看了陣Menu都下不到主意所以決定問貌似老闆的男人有咩推介, 他帶住微笑,有耐心的介紹決定叫1.魯肉飯, 2.紅燒牛肉面3.雞絲拉皮4.芙蓉卷和5.素雞等左一陣兩個小食都來左, 芙蓉卷幾好食, 脆身叫素雞因為自已口痕叫的, 親愛的吃後覺得麻麻, 我認為厚片點口感會好些魯肉飯, 很不錯!份量幾大, 和茶軒同易牙妙手的差不多, 魯肉送飯一流!雞絲拉皮, 親愛的對花生醬不太好, 不過我喜歡所以她都遷就了, 謝謝份量普通, 有青瓜絲增加脆的口感, 不錯, 麻醬幾濃, 雞也不錯, $28都可接受紅燒牛肉面, 牛肉大粒很林, 夾著少許筋的部分, 面的質地可接受, 湯比九份的淡些不過也幾好認同之前網友"老闆找錢o個陣有笑容咁講多謝,真係唔係好多地

朋友見到食評好多good comment於是去食一次~ 可能仲早, 唔駛等位叫左擔擔面, 雞絲粉皮, 同埋皮蛋豆腐擔擔面ok la ...... nothing special雞絲粉皮上面既醬好好食.... 皮蛋豆腐...... 都係麻麻ja