西門町台灣麵食 (已結業)

近期較為人氣的一間食店要算是這間了我和朋友二人吃了雞絲拉皮，魯肉飯同蚵仔卷，其實味道都算唔錯，特別係雞絲拉皮，個醬做得幾好食，但係又唔算係頂級，不明白點解會咁旺場？如果只係一間普通的小店，我想我都會時常來，但要等我又認為不太值得，因為味道只要一般好，可能等小人的時間才會考慮啦！

唔記得食左0的咩，淨係記得幾好食。不過最記得就係service超好。首先本來我地有5個人食，但係有兩個遲左成個鐘先到，但係老闆超好人比我地入去坐住等，搞到霸住個6人卡位好耐都幾唔好意思。仲要因為果兩個fd要遲黎，佢地幫我地hold住唔出菜，後來我地覺得唔好意思所以叫佢地上菜先諗住食住等，等果兩個fd黎到，個waiter好主動咁過黎同我地講0的擔擔麵凍哂la幫我地熱返佢；唔小心跌左餐具，我地手都未yap佢地就已經遞上新既餐具。真係超好service。

２００８年１２月２５日昨天～一同四日去食飯～好彩唔洗比錢（因為有人請食飯）一去到門口就好多人～之後四人就係門口呆等～半小時後才有位～坐定後就叫左四人餐～１．涼拌茄子２．雞絲拉皮３．香芒鳳尾蝦４．鹽酥雞球５．五味山珍６．拼盤再加４個細肉燥飯～所有食物都好好味～只係肉燥飯唔夠我食姐（大食）服務都好好～無咩錯失～下次會去的～

吃了擔擔面,{無餸因為熱氣}仲有雞絲拉皮.{無叫其他因為熱氣}其實花生醬仲熱氣。不過幾好味.等我熱氣完再試過。1. 環境(Environment)：好迫......... 2. 味道(Taste)：好好~~~3. 服務(Service)：好好€~~~4. 抵食(Price)：真的幾抵食5. 乾淨(Cleanliness)：ok~~~~

見咁人氣,專誠嚟試.睇咗好耐餐牌,樣樣都想試,最後選了個二人套餐$148,貪佢一個餐可以試多啲款.A選一項,要了皇牌拼盤.B選一項,要了唔知乜香芒吉烈蝦.C選一項,要了酸辣粉皮.D選兩項,要擔擔麵及擔仔麵.台式飲品兩杯及甜品.皇牌拼盤有五款,鹽酥雞起埋骨,啖啖肉.花枝丸好彈牙,加咗淮鹽好好味.唔知乜汁豬軟骨,好腍好入味.一個魷魚筒入面釀咗蝦同酸瓜,好好味.重有個係有好多既絲撈埋,又係好好味.有兩款醬汁點的,好好食.香芒吉烈蝦有六隻,點香芒沙律醬,好好食.酸辣粉皮又係好好食,酸酸辣辣好醒胃,啲粉皮好滑.擔擔麵好香花生味,濃啲,擔仔麵比較清淡啲,麵條唔會太爛patpat.飲品要一杯椰香奶茶一杯杏仁奶茶,兩杯都好好飲.甜品係綠豆糕,雖然每人一粒,但好好食,好多綠豆蓉.一定一定會再嚟,不過走時見好多好多人等位呢!

買完書去旺角行0下, 順便食個2nd lunch, 遊0下遊0下0黎了呢間「Openrice 人氣店」. 由於佢d 午市套餐似乎份量大0左d, 結果只散叫了個雞絲拉皮($28), 加個凍茉香奶茶($16).茉香奶茶先0黎, 份量都唔少, 無乜泡, 飲落幾滑, 茉莉花味幾濃香, 比一向飲落的仙跡岩/仙宗林好飲, 唔錯! 嗜茉莉花飲品的, 值得試試.雞絲拉皮份量又係唔少, 賣相麻麻, 唔怪得menu 上寫住「圖片只供參考」-_-" 麻醬味道濃郁, 食到尾都幾漏; 粉皮滑溜, 雞絲亦出奇地唔0鞋. 味道唔錯, 不過食落唔係太夠凍, 雖然未至於溫溫吞吞, 不過始終呢碟係冷盤, 加上今日天氣咁熱, 呢碟冷盤當然再冷d 會好食d.環境唔錯, 鋪位唔大不過乾淨企理又坐得舒服; 招呼亦出奇地唔錯, 門口阿叔好有禮貌呢!呢間0野又真係唔錯, 唔怪得0係Openrice 咁有人氣! 有機會帶埋為食朋友0黎食「正lunch」或dinner 都好, 好想試試佢個「腐皮蚵捲」同「蔥釀炸大腸」!

琴晚同老公去左連朋友都話好既西門町,之前食左野,不算太餓,決定散叫,叫左朋友推介既牛筋牛肉新竹米粉,炸蝦,炸豆腐,加多個藍苺玉露,牛筋牛肉真係好淋,但本人對個湯底有花生味,覺得怪怪,老公就覺得OK,老公差不多食哂成碗炸蝦,本人對炸物不好,所以吃了兩隻,老公覺得好味炸豆腐,本人至愛,豆腐既滑且配合醬汁,味道好好藍苺玉露,老公覺得似藥水,本人就覺得好似巨峰提子味服務方面真的好好,好細心P.S.店舖內有位肥哥哥(應該係老闆)好好人,見我地d米粉黎左,問我地需唔需要剪,因新竹米粉比較韌,而且唔夠辣可以加辣,仲會俾意見叫邊種飲品,有誠意^^

係呢到睇到d食評都唔錯, 於是就約埋三五知己去試試.果然好多人幫襯, 我地一行六人都差唔多等左大半個鐘先有位.我地嗌左個六人餐, 好夠食, 七至八個食都OK夠, 因為個個都食到好full.唯一美中不足既係地方細左d, 所以會趕客.大家不妨去食食~~~

上openrice研究今日食野好去處,決定係嚟呢間,因為實在係好多人講about it!咁我地就試吓啦,點左涼伴茄子,魯肉飯, 肉燥飯同埋蚵仔卷,食物到的時候,我地發覺同以前去食茶軒同台灣牛肉麵分別不太大呢,我較鍾意食魯肉飯,因為我唔怕肥, 魯肉都幾入味既,但係又唔算係極品級!蚵仔卷比較清淡,但其實唔係太差啦!肉燥飯同魯肉飯分別唔係太大,只係這個是肉碎吧!都係嗰句,去台灣牛肉麵其實無mug分別,但又唔係差!

*台式雞扒*呢個唔得，本人寧願去普通荼餐廳食件炸雞扒算。*香辣牛肋飯*因本人頗喜歡牛肋，所以一定會叫呢個，牛肋"林"而有味，但都幾辣，唔食得辣千祈唔好叫。*涼伴茄子、苦瓜*幾好味既小食，其他花枝排、粉皮、醉雞、鹵水豆腐...無咩特別話好唔好。呢間d白飯水準麻麻，去食粉麵會好d，雖然唔差，但又未至於話好味，可能旺角區無咩好選擇，所以呢間先至人人叫好掛。

一月十三日(星期日)同老公行完街街,視察完女人街有咩好食!其實真係半年都未必試得完架!!好多日本野食!!!又有dates啦!face-.-啦....好多呀!!!佢\好似比我嚇到好驚~~唔洗驚!我地唔洗成日要食架ma!同埋反正第時都係主飯架啦!冇得出咁多街食~~~都係一種情趣去周圍發掘好味野食!!我地食左呢度喇!叫左:擔擔麵,好食呀!!!我食過既最好食(以香港黎講!^^)...同埋老公既紅燒牛肉粉絲..d牛肉都好食,唔un~~~有牛肉味呀!叫埋老公最中意飲既奶茶~~一流~同埋個老闆好好人呢~~~好有禮貌同heart去招待客人!

多人讚所以羊群心態~要了麻辣牛根米﹐雞絲拉皮﹐紅油燕餃.牛根夠軟和入味﹐味道是不錯但未出食到令人回味。整體是有6-7分。雞絲拉皮偏甜但麻醬不夠香但是夠多醬﹐一點也不吝嗇。紅油燕餃也是稍甜但蠻香﹐餃夠彈牙。服務好﹐老闆很有禮貌。難得是他對自家員工也很有善對每個客也很殷勤﹐可能是下午茶事間不算多人吧~ 有機會我會再來試試其他東西!

七號晚上與朋友去了這家餐廳吃飯,試過皇牌拼盤,腐皮蚵卷,魯肉飯,香辣牛根擔擔麵,飲品選了金桔檸檬&蜂蜜綠茶.味道的確不錯~特別一提拼盤內的五味山珍很FRESH,魷魚卷幾醒胃配埋個醬汁唔錯,其他的如炸雞及炸花枝丸都幾好味,只是豬軟骨本人覺得如果再稔一D會更好,腐皮蚵卷熱辣辣的很香脆,魯肉飯很好吃,香辣牛根擔擔麵,牛根都幾惹味,湯底濃,但麵稔了點,飲品調配得真的很不錯,不會過甜,很順喉.餐廳食物有水準,只是畧嫌不夠闊落,座位空間不夠.

呢間野真係幾好....都食左好幾年la.....近呢一年幾裝修完後,環境好左,人流更加多....去親都一定要排隊...反而冇咁親切....盡管如此...食物水準沒有變.......前幾日又去完,第一次食呢個"嘉義雞絲飯"...成$40碗ar,之前都唔想好敢食...今日決定豪一豪!! 唔錯!! 雞夠滑, 飯夠香!!(有麻油) 女友就食呢個魯肉豆腐飯, 魯肉依舊又香又好味...撈飯係絕對的一流~照舊飲芒果紅茶...甜了少少;女友飲青蘋果綠茶, 清甜!

睇左呢個網先去呢度食面，先同女朋友去試試。我叫左一個紅燒牛肉面，牛肉都叫唔錯，但係拉面的口感就差左少少...同我向北京食的完全兩回事。不過店員的服務都算nice，可以接受。