西貢越南湯河 (已結業)

是日來到顧客差不多八成滿﹐所以被安排坐在水吧後的樓上位置。水吧情況一目了 然﹐乾淨與否難逃坐在樓上位置的眼睛﹐但衛生情況尚算可以。這店的店員應該全是越南人﹐因他們是用越南話來講話﹐心想味道應該會不差。他們的生熟牛河價錢分細﹐中﹐大 - $32﹐$35﹐$38﹐見價錢差不多所以叫了大生熟牛河。河粉份量足夠﹐ 湯底味道雖然與大形連鎖越南粉店的味道不同﹐但味道有他獨特的風格。味道清清兼帶有牛香﹐不會很鹹。生牛肉放在碗內最頂位置﹐所以亦能做到‘生’牛肉的質素。 雖然食物質素與味道不錯﹐但亦有兩點應改善改善。1)如客人要青檸與辣椒粒時﹐應該是每位客人都附上一小碟。但這裡的做法是整店只有兩個白兜分別放著青檸與辣椒粒﹐如有客人想要﹐店員會從上一手客人的枱上拿來給你﹐如再有其他客人想要﹐店員然後再從你的枱上拿走那兩個白兜送到其他客人去。從衛生與成本角度﹐這樣的做法只能節省洗少幾個碟仔﹐為何店員不給要青檸與辣椒粒的顧客一個獨立細碟呢﹖2) 不知是否廚房店員嚴重不足﹐因眼見每位顧客包括本人都要等上二十分鐘才有得吃。如只給食物分數會是笑笑口﹐但因上述兩個因素影響下只能給ok.

見完客人 , 路經這間食肆 , 一年多前的星期六來過一次 , 印象中也不便宜 . 今天再來 , 原來平日是有套餐 , $32 , $35, $38 , 視乎叫什麼份量 . 我叫了雞絲湯河 , 味道幾好 , 和其他食肆比較 , 這裡的湯不是太濃 , 清清地 . 雞絲切得有些厚 , 幼一點比較好 . 河粉雖然不少 , 但是芽菜也好多 , 再少 1/3 會好些 . 朋友叫了豬扒湯檬 , 他說豬扒好 "林" , 煮法好像和其他地方吃的有一些不同 , 或者是味道不太濃 . 整體上 , 食物味道也 ok , 只是等的時間比較大問題 , 看見一個可能是銀行職員的女士 , 一路等一路罵 , 就知道她應該等了好久 , 最後更忍不住自己去拿食物 . 如果繁忙時間是這麼多人 , 為何不請多一兩個 part time 呢 ?

很久沒有吃過越南菜了,難得放假便拉埋女朋友去嘗一嘗。那天去完會展看show,途經這間『西貢越南湯河』,被門口的相片和椰青吸引,就走進去吃晚飯。晚上8時多,店內只有4枱客,客不多,正好可以清淨的和女朋友撐枱腳。一坐下就已經有侍應給我們遞上熱茶,拿起中英圖文並茂的menu,選擇之多,總帶給人煩惱啊。久經思量,那就試一試常見的越南菜吧,鮮蝦豬肉卷,西貢春卷,蔗蝦,扎肉蝦餅湯檬,還點了椰青。鮮蝦豬肉卷賣相相當吸引,用米紙包著鮮蝦,生菜,豬肉碎,檬粉,金不換,用料新鮮,爽甜味美,配合越式花生醬,有少少辣,相當醒神。西貢春卷不是茶樓吃的春卷,春卷皮用上了米紙,包著冬菇絲,甘筍絲,豬肉碎,米紙炸得剛剛好,脆卜卜,不油不膩,用生菜包著,點上甜酸醬,相當醒胃。蔗蝦比起其他菜色,蔗蝦則較為遜色,蝦肉打得不夠膠,不夠彈牙,亦炸得不夠火候,不夠香脆,較為鬆散,有點油,甜酸醬則不錯。扎肉蝦餅湯檬本來想叫撈檬,但忘了說"撈"字,就來了個湯檬,不過沒關係,大碗,亦很足料,湯放了金不換,味道好香濃,扎肉夠爽口,惜蝦餅炸得不夠實&脆,一夾即散。提醒大家如果叫蝦餅湯檬,記得叫廚師分開另上。最後我把湯也渴光,真的不錯,哈哈

對於北美洲回流香港的人來說, 越南粉(Pho)是以往經常的選擇, 事關越僑(及越南華僑)帶同道地的煮食文化到海外, 正好造就港人移民或留學生在外地享用到越南食品西貢的灣仔店所炮製的紅汁牛腩口味富有香料味道(花椒?胡椒?) 而且牛腩是經過連紅汁一起煮稔, 有別於一D香港式越南餐廳將紅汁加入白霎牛腩就算... 個人覺得配法包會更好, 但配飯就可以撈哂D紅汁最近光顧發現Pho的湯汁味道豐富左, 除了香料味仲有一D牛肉的香味, 同白蘿蔔的辛甜味(老闆指正話甜味並非來自白蘿蔔)雖然西貢有幾間 (銅鑼灣都有), 灣仔店老闆話大家的出品都一樣, 但係我真係覺得有分別, 情有獨鍾灣仔店

之前去食叫左紅咖哩飯同珍多冰,紅咖哩沒有咖哩味只有咸味,份量頗少,珍多冰大杯但太多冰,而且係用奶粉開,底果D都未溶,一舊舊好難飲,

同事請飯食,地點由他選擇.最後決定了食粉麵.望過餐牌後揀選了牛腩湯朦.湯底對來說實在有點辣.牛腩炆得夠淋有也陣陣的牛肉香.朦粉唔會煮得好淋兼且好滑.配菜只有紅蘿蔔,如果加多一點配菜會更加理想.這間店食物味道不錯,不明白為何會坐唔滿人,反為有些不太好味道的地方竟然好多人,難明.

係呢頭返學...成日會去呢間開飯~~~二人餐又平又抵...d野又好味~~老闆又好人~~男朋友最愛生牛肉麵~~~我最愛蒜蓉包~~又香又脆~~必試越南咖啡~~~又香又滑~~~

有水準既越南菜真係越黎越難搵已經撞過很多次,結果呢次依舊再撞原本想稻香飲茶hea飽去結果太full了,到就近既呢間西貢越南研究一輪後選了大既香辣豬手米線一上枱唔知以為芽菜豬手湯撈兩撈都仲係芽菜原來米線全部沉底沉底之餘米線還有意無意地全部斬碎碎得黎份量又不見多豬手太大舊,有點難吃最糟糕的就是多毛!口痕叫了個小食拼盤B兩隻雞翼,幾舊豬扒幾舊扎肉扎肉普通貨式雞翼不錯,皮頗滑,味道剛好不會太咸豬扒不知所謂!上面的醬汁一塌胡塗!是比茶餐廳還要差的爛扒!最值得一提既係廁所完全既開放式假若兩人同時共處一廁就像更衣室般表露無違埋單85真係貴到爆最謎就係同場真係幾多外國人呀...為乜?

中午餐廳最忙的時候去食.兩個人點了:- 豬皮絲檬- 素菜捲- 蝦米蟹羔湯檬- 滴滴咖啡在等候的時候已發現很多枱吃到尾聲... drink 都未上.撈檬先到. 有水準. 我想是那魚露出色的原故吧! ($38)蝦米蟹羔湯檬 - 嘩! 好大的一碗... 才比撈檬貴$4... 我想有大1/3碗!! 唔, 湯底不錯. 不過不是我expect 的.... 素茶捲- 他們叫我點魚露... 但係我點開越式花生醬的嘛....幸好, 只要問, 他們也可以提供.正當所有O野都到哂及都只是覺得一般的時候... 發現我的coffee 還沒有到...漫不經心的喝了一口... 有時越是沒有期望, 就是越會有驚喜出現.It's a must try!!! trust me! ^^

去小巴黎..但好多客要等位..所以就去左哩間野..食物水準中等...分量極少..$55元的拼盤..只有兩只雞中翼,兩半片火腿大的扎肉,小籠包般的烤牛肉..我是一個窮人..不配吃這中高檔價格..低檔食府吧...

去完圖書館 , 最近只有一間桃園 , 勁多人 , 再行前 , 見到這間西貢 , 知道已經開了好久 , 今天也是第一次來 , 可能是下午茶時間 , 客人不多 , 只有一個說流利英語的男人 serve , 服務態度也好好, 好 nice. 以為有 set , 原來只得星期一至星期五 , 為有散叫 , 叫了一碗雞絲粉絲 , tea 來說 $32 也好貴 , 雞絲只有幾條 , 幸好味道也不是太差 . 下次如果再來光顧 , 也是選擇 weekday lunch 吧 !

這間店係招呼鬼佬架, 裡面大部分人都係西人, 要計平及底食既客人入到嚟, 肯定失望地出去, 除左個"牛肉湯河"比較好味, 其他的都是一般, 因為當天約左人係對面starbacks, 未夠鐘, 於是橫衝大馬路過對面食左野先, 今日無叫牛肉湯河, 叫左個"咖哩牛腩飯", 真係一般貨色, 大部份的茶餐廳都應該好過佢, 無將飯與咖哩分開上, 又唔係用薯仔, 而用番薯, 再加錢要左杯三色冰, 太細杯, 材料砰濕濕, 咁既午餐要55蚊, 下次都係食翻"湯河"

本來諗住食板前點知好多人求其食d野就算見佢呢間野個門口好似ok所以就入左去入到去叫左2碗大生牛肉湯河成$38一碗都幾貴諗住一分錢一分貨啦貴d都ok啦點知淡而無味生牛肉韌都爆又話係大碗結果只係碗大料唔多飲晒d茶諗住叫佢整多杯尼個waiter黑口黑面總結係呢檔野明明係低檔貨佢又走去扮高檔貨我似後都唔會去!!!

前日去了食lunch. 看到只有一個越南女人做樓面, 雖然一腳踢但係好好禮貌, 不過好似有少少言語不通....大生牛肉河 - 湯比較淡, 牛肉無mud味春卷 - 個皮都幾'un', 不過味道ok牛油雞翼 - 好正!!! 回味無窮!!油菜 - 普通野, 無謂講.青檸soda - 好多冰, 幾啖飲完. 有一片青檸但無其他青檸'肉', 唔掂

下次唔會再去一.服務差,叫佢\\\斟茶,勁耐都唔來,來到又面黑,之後行過我枱不斷畀面我睇,完全唔係享受二.叫左個大生牛肉河$38,得隻碗大,河粉少三.d牛肉好\\\"nun\\\",仲慘過食香口膠四.d湯好淡,冇乜味五.湯淡,令d河粉冇味六.叫左個雞飯,d雞係脾位都仲可以\\\"nun\\\",真係好想知佢\\\點整七.d飯過硬,食完胃痛八.雞飯$37,雞又少飯又少,唔講以為食緊兒童餐\\\九.格局不倫不類,明明茶餐\\\廳,花地方扮bar枱賣酒,等如叫m記賣魚翅不倫不類,搞咁多野,花時間整野食好味d仲好啦十.呢當野冇分店在西貢,同西貢冇關係,佢\\\係賣越南野,加西貢二字再一次不倫不類但係我一邊打呢篇野一邊胃痛,就算佢\\\畀番$750我都冇用