西貢咖啡餅店

营业中

休息中

星期六下晝，風和日麗冇嘢做。喺尖咀一間Cafe度諗吓有邊度去。忽發奇想，即興入西貢。入去做乜好？女友話佢阿媽嘅唔邊個朋友話，西貢有檔菠蘿油好好食喎，但係唔知係邊間。Search過之後，確認係呢間，就一二三即興搭車入西貢。雖然係星期六下晝，又好好天，但係西貢市集又唔係特別多人，啲人去晒呢？即使行到去門口，亦都唔見有人排隊，旁邊嘅帳篷茶座又有空位。雖然食完嘢冇耐，但係見到門口嘅葡撻奶撻、啱啱出爐嘅大大個菠蘿包，加埋一杯冰凍奶茶，忍唔住搵個位坐低。遊戲規則係單叫包或者單叫嘢飲就冇得堂食，其實又唔係肚餓，所以叫咗杯冰奶茶跟鮮奶撻，加多個菠蘿油，夾埋$41，快餐店形式出咗櫃枱買完拎嘢食。繼奇華Anytime十年前賣$22一個菠蘿包，大到成半塊面咁大嘅之後，呢日再一次見到咁大個菠蘿包，櫃枱一刀劏落個包度，駕輕就熟咁塞塊牛油入去，就挑起咗我個食慾。影完呢張相之後，先飲一啖奶味同茶味啱啱好嘅凍奶茶。我食奶撻女友食菠蘿油，但係女友食咗成分鐘都未食到塊牛油，而塊牛油喺影完相之後一分鐘內已經融得七七八八，牛油流到女友成隻手同咀角都係。雖然個奶撻酥皮唔漏又有啲奶味，暖暖哋咁，但係望住女友個食相，我恨不得即刻咬

幾天前來過這裏吃菠蘿包 但無緣吃這裏的蛋糕 念念不忘 今天再來終於吃到了點了個蓮氏朱古力蛋糕$35 也頗大件的 上面是硬的朱古力塊 灑上可可粉 中間的是mousse 味道不錯 但不太喜歡這種mousse 的質感是有點散 不像平時食開個d比較實另外點了鮮奶撻和雜果乳酪沙冰 鮮奶撻很香很熱 皮很脆沙冰也不賴 很重乳酪味 但不夠沙 偶爾會喝到一顆冰 這方面有待改善

熱辣辣的星期二 走到西貢市中心lunch同拍照經過這家馳名的麵包店 便走了進去 價錢都不便宜凍櫃裏面件裝蛋糕都很有份量很吸引 但因待會要吃lunch 只是買下了菠蘿包品嘗$8一個大大的菠蘿包 新鮮出爐 咬下去上面的菠蘿皮脆脆的 牛油味滿溢 而且麵包還是暖的 很軟熟 值回票價下次再來很想試那個Apple crumble

The cheesy tuna toast was appealing both in price and its appearance. At $22, I could get a drink on top of single purchase of the toast at $18.  The hot tea with lemons were served exactly what the words were meant to be, not "lemon tea"!  A stainless steel tea pot with cyleon tea was prepared, and lemon slices served on a cup separately. On any summer days, it would symbolize a leisure afternoon past-time.  There was no rush for drinking the tea up or spoiling the tea with bitter taste of drie

今日又入咗西貢食海鮮～係食海鮮之前口痕想買少少野食下先～突然醒起係轉角位置有間好出名嘅麵包舖一直未試過，於是就滿懷歡喜咁走過去～餅店係後巷轉角位置，沒有太華麗嘅裝修，有點懷舊餅店嘅感覺，不太顯眼旁邊有少量位置供食客享用食品，感覺同澳門一間葡撻店相近～但入到餅店內一睇. . .最馳名既波羅包同葡撻已經售罄但本著一定要買d野食先肯離開既心態，唯有退而求其次試下其他野啦！當時6點令鐘，已經得返少量麵包，而且大多係無餡包. . 之前見過如果再夜d都賣唔晒，就會3個3個一袋，每袋20蚊賣出去反而雪櫃入面還有大量蛋糕，平均30令蚊一件，但因為快到食飯時間，所以就無食到黑糖麵包$14由於放係當眼位置，比我一種好受歡迎嘅感覺，所以就選擇咗佢了黑糖包幾厚身，質感副彈性與其叫黑糖包，應該叫做黑糖鬆糕/餅比較貼切黑糖味頗濃，上層由於經烘焗後帶有少許苦味口感軟滑，而有嚼感不會太硬身感覺廷特別，若果再彈牙一點口感可能更好門前雪櫃放了幾個樣子趣怪的蛋糕當中有大箭豬及便便賣相的3d蛋糕，但味道唔知如何～

參與太太與同學的塔門半天遊，吃個午飯後，乘船及轉車返回西貢市中心，見時間尚早，找個地方吃個午茶。在西貢，這麵包餅店是有名的，菠蘿油，葡撻是名物，然而，我們剛吃午飯不久，肚子仍是漲漲的，兩人點一份便夠。在名店，要排隊是必然的事，買了一個葡撻和一杯凍咖啡（共＄27），拿到門外的小桌子吃，葡撻仍是熱的，帶些油份的酥皮是鬆化的，焦糖吉士，不算太甜，非常獨特的香味，有焦糖香及隱約有椰油香味，我們都很喜歡。凍咖啡已預先放了糖和奶，味道不算濃，更談不上有咖啡香，奶亦下得不多。也許要熱咖啡才能襯托葡撻的香味。

每次來到西貢，見到很長的人龍也怕怕，今次剛巧下著微雨，因此少人光顧。原本只想買兩個菠蘿油，上次早已試過朋友請客的葡撻，排排下久隊嗅到葡撻的香甜味，按捺不住便買下一個鮮奶撻和一個葡撻。一個菠蘿油要大拿拿$14.5，只是比普通菠蘿飽多一片牛油吧了，但是入口竟是如此香脆好味， 飽裡鬆軟得像打了空氣，牛油一瞬間被熱哄哄的麵包溶化，牛油就像醬汁把麵包味道升華。新鮮出爐的葡撻，外觀吸引，蛋漿飽滿，入口軟滑，甜度適中，撻皮也很鬆脆。鮮奶撻稍為回溫，不及葡撻可口。堂食原來是需要購買飲品，於是買了柸芒果冰沙，味道不錯，不會太甜。

來西貢效遊，當然要呼吸一下新鮮空氣，可是整天陰陰天，下著細細的雨，縱使是這樣，身邊親愛的女友整天依偎著在下的肩膀，又或躲在在下的臂彎，以免被弄濕。當咱們剛下車的時候，走出巴士不久，迅即被一條排隊龍所吸引，於是連餐廳也暫不找來排了一分鐘，可是女友便輕聲的說：「來，先讓咱們吃個午餐以後，逛一逛，才再來排隊吧！」在下也欣然接受。午餐逛了一逛，便轉到要排隊的店舖，這店舖便是西貢咖啡餅店了。雖然要排隊，但是很快便排到了，要了一個菠蘿油，拿起手來，還是暖笠笠的，一大塊牛油在菠蘿包中間，甜酥皮還是被焗得一點黑，縱使這樣，我倆還是一起吃掉，甜甜的酥皮夠脆夠甜，麵包鬆軟，混和牛油，實在百般滋味在心頭。當在下與女友一起吃的時候，店舖另一面是餅房，也能看到師傅在搓麵粉，這也正正是新鮮出爐的原因吧！在西貢區裡，能夠吃到新鮮出爐的菠蘿包，乎復何求？

今日入左黎西貢,依間舖頭面前個雪櫃有好多種唔同樣既蛋糕，普通既忌廉同黑森林蛋糕之外竟然仲有3D蛋糕，果然幾有特色。當然仲有散裝既蛋糕，一眼就見到有一個蘋果批。當然就即刻叫左一個黎試試，即時搵位坐落慢慢食，一切開就見到提子乾係入面，好開心，食落肉桂香唔算太重，不過就有DD焦香味,唔錯,，而蘋果粒就反而切得好大粒,仲有D爽口,平時出面食既好少有蘋果粒,反而係蓉,又或者再細粒D，如果有得焗熱出來食,效果應該會仲好因為始終熱食既蘋果批先會肉桂味,所以下次都係買番屋企食好D。之後叫多個菠蘿油，依個就有幫我叮熱佢，叮完既菠蘿油熱辣辣，面層仲保持脆卜卜，仲好香牛油味,麵包都好鬆化，果然幾好味。 

下午在西貢遊時，便來了這間排長龍的餅店，看到新鮮出爐的菠蘿包，不能不買來食。***************************來到餅店門前，已開始有人排隊，走去看看，原來新鮮菠蘿包就快出爐，所以便等等。又看到新鮮出爐的葡撻，看到葡撻的蛋漿脹滿，便很吸引，入口又香糖味之外，又不會太甜，蛋漿入口又滑口，真的口感十分滿足。終於等到新鮮出爐的菠蘿包，包身入口軟綿外又香麵包的香味，表面的皮又脆口不會過甜，果然是名不虛傳的菠蘿包，食多隻都可以呀!

天朗氣清~係郊遊既好時機....於是去西貢行個圈~望望有咩特別野食吧...本來吃過早餐的我..肚子還是滿滿的...經過西貢咖啡店~~有陣陣的面包香味...於是走去看看吧...真是幸運的~據說此面包店經常要排隊的...不過今次人又不算多~而且有新鮮出爐的葡撻呢~~~~一看便知是剛出爐~蛋還是漲漲的~冷卻之後才慢慢收縮至正常水平~~~真的好奇妙呀~見住D葡撻漲卜卜慢慢變細...哈哈~童真的我回來了.....終於買到啦~一個葡撻十元~店員真係好好~雖然好多客~不過依然每位客人都提點一下"岩岩出爐~灘凍少少先食呀"~真係未食都夠晒SWEET~呢個係我人生入最最最好食既葡撻~比澳門出品的還要好!!穌皮做得出色...鬆化~但不油膩~不會像連續賣雞的快餐店般...一拎上手~油立立的....而蛋是帶微甜~而且滑滑的~剛好店員給我的那一隻不是太燶~不過看似有部分真是有偏燶的現象的....總結:十蚊個撻~真係好好好貴~不過佢又真係好好好食...我個人覺得物有所值~

素聞呢度嘅菠蘿包好好味, 但一直以來都未試過, 因次次見到大排長龍就卻步... 今日終於 "的" 起心肝去排隊 ^^排咗大概 20分鐘, 終於買到喇! 買咗菠蘿油 ($14) & 葡撻 ($10)兩樣都啱啱出爐, 熱辣辣! 菠蘿包個面好脆, 牛油唔使一分鐘就溶哂, 正 ^^ 葡撻嘅皮好酥, 蛋黃漿亦好濃郁, 美味!!雖然兩樣包餅都幾好味, 但略嫌貴咗啲同等得太耐… 其實大部份包餅, 只要係新鮮出爐都好好食~

每次來都見好長龍，好奇驅使下決定一試，要了一個菠蘿油，確實很脆很好味，但飽芯鬆得像食空氣咁，而且只是面飽店外賣，一個菠蘿油要14大元，不要牛油則8.5大元，有點貴得過份，難得的是人龍不絕

平日放假，立定心意一定要食到西貢菠蘿包不可! 因假日去實在太長龍，唯有改平日試試。點知去到，賣哂，要等廿分鐘。行開一陣，夠鐘再睇，OH~ 又有人龍，係唔係咁好食呀?當時我排大約第5位，排最尾。前面幾位都係大手買入，5-7個咁買。心裡一算，唔緊要，都買到最後一個。當我開口話要1個既時候，排係我前面既師奶(已買左6個)，話要多1個 當堂嬲到我!! 阿師奶，你駛唔駛咁呀? 最後一個都要同我爭?! 咁叻你包場丫?好在店員聽到我講先，話已留左比後面。一個菠蘿包就試出人性，你話人性值幾錢呀?? 講返食物菠蘿包 - 新鮮出爐，邊會唔好食丫? 菠蘿皮又脆又甜，麵包都好鬆軟，係一個合格既菠蘿包。但仲未去到金華果個級數，可能係西貢變成獨市生意，所以demand > supply 先掀起人潮0掛葡撻 - 都幾好食。好食過KFC，凍左皮就係脆脆，奶香、蛋香都好濃郁，個人覺得好食過菠蘿包茄汁肉醬腸仔通 - 不值一提的hea 作。係水吧左溝右搭出來，可讚的地方就是夠熱，味道非常一段，很有中學飯堂的頹廢懷舊風。熱朱古力 - 水吧即製的甘百利朱古力粉 + 熱水 + 淡奶，茶記風格

下雨天, 同男朋友揸車黎到西貢hea遊。下雨天嘅好處係星期日遊人都比較少。食完lunch無乜嘢做, 又黎到我好鍾意嘅西貢cafe, 平時呢度成日都要排隊, 今日好好, 唔使排, 仲有位坐。我地要咗奶茶同兩個菠蘿油, 男朋友仲要多咗個葡撻。奶茶係茶包奶茶, 啱晒我口味 , 不過男朋友就覺得麻麻。菠蘿油保持一貫水準, 夠熱, 菠蘿皮好脆, 味道啱啱好!!!個葡撻男朋友就話好普通, 而且$9.5一個好唔值喎!!