西貢咖啡餅店

营业中

休息中

今日入左黎西貢,依間舖頭面前個雪櫃有好多種唔同樣既蛋糕，普通既忌廉同黑森林蛋糕之外竟然仲有3D蛋糕，果然幾有特色。當然仲有散裝既蛋糕，一眼就見到有一個蘋果批。當然就即刻叫左一個黎試試，即時搵位坐落慢慢食，一切開就見到提子乾係入面，好開心，食落肉桂香唔算太重，不過就有DD焦香味,唔錯,，而蘋果粒就反而切得好大粒,仲有D爽口,平時出面食既好少有蘋果粒,反而係蓉,又或者再細粒D，如果有得焗熱出來食,效果應該會仲好因為始終熱食既蘋果批先會肉桂味,所以下次都係買番屋企食好D。之後叫多個菠蘿油，依個就有幫我叮熱佢，叮完既菠蘿油熱辣辣，面層仲保持脆卜卜，仲好香牛油味,麵包都好鬆化，果然幾好味。