西貢咖啡餅店

营业中

休息中

西貢名物，要數西貢餅店的兩款酥皮撻。對，明明是連KFC都有賣的酥撻，何解要長途跋涉？不曉得，吃過才知道，但先講明，這絕非秘店。就如以前提過的金雞，也不是什麼隱藏已久的秘密地方。只是當時理解差別下導致的誤會，影響……不小……　　餅店雖然是懷舊街坊小店的格局，但是出品的價位無餡平均$7，有餡就過$10。跟我們記憶之中的小店價$5左右是有點出入。不過想到這兒算是名店，加上物價升漲，反正不是常吃，為著名氣，一試無妨。葡撻　$11　　出爐熱辣辣，拿上手都嫌燙，何況是在炎炎夏日之時在戶外趁熱食？可是沒辦法，除非你願意等到放涼後沒那麼美味的時候才吃吧。撻皮為酥皮，油量甚多，就算隔著四薄層紙巾，也完完全全地滲透到。葡撻烤至餡色金黃，帶適度的焦位，香口得不得了。蛋漿餡細嫩甜香，甜度適中，只吃一半就好了，否則有點膩口。鮮奶撻　$11　　跟葡撻賣相差不多，就是餡色比較近奶白，非淡黃。表層依然是焗至帶點焦，又不至燶黑得過份，那一層吃起來特別滋味。甜得溫和，鮮奶餡奶味不會過重過膻，味道跟葡撻只差在蛋香的輕重。感受到酥皮的細微層次感，可惜依然非常油膩，吃半個已經會滯了。　　總的來說，就是如標題一般，兩款酥撻均是油

#TGIF! It’s another lazy holiday with my favourite one at Sai Kung, this hub of the New Territories.Aside from many of the seafood restaurants, we have found cafes, bars and hidden gems selling some delicious food that are worth mentioning.First is everyone’s favourite local cafe, the Sai Kung Bakery & Cafe. It serves some local treats such as pineapple bun with butter, cream cake and the best Portuguese egg tart in Hong Kong. Freshly made from the oven, with a wobbly hot egg custard and a super

聽說這間餅店都幾出名，見到唔洗點排隊，梗係見到唔洗點排隊，梗係要試下la由於天氣十分炎熱，去到成三十幾度，決定坐低抖下慢慢嘆。不過舖頭只設室外座位，而且坐低必須要叫飲品。今次叫左菠蘿包，葡撻同凍奶茶菠蘿包熱辣辣，外脆內軟，真係正。相信加埋牛油會更正，下次要試下先得。菠蘿皮比一般厚少少，個包好鬆軟。見到師傅不停六個六個包咁出爐，出得快又賣得快。葡撻都是熱辣辣的，好香。不過酥皮低厚左d，亦不算十分鬆化。還是澳門那個較好吃。凍奶茶好有茶味，同奶比例剛剛好，味道不算很甜，茶味好香，如果冰粒少dd會更加好凍奶茶加熱熱菠蘿包真係好match, 下午茶一流！

夏日炎炎，是船P的好季節，每逢星期六日入西貢嘅小巴總是長長龍，要入去一定要早d排隊，如果唔係實遲到，船開唔等人呀！西貢碼頭附近嘅呢間麵包店，已開了多年～呢度要先自行去櫃檯下單，然後拎餐～為免肚起泳衣甘凸肚肚，我叫左檸水同牛奶麥皮，份量唔少架，加上一個大包包，係好飽嘅～同行有d朋友都食唔曬個包包要打包拎走，牛奶麥皮嘅味道清淡，有杰度，絕對係健康之選～試過佢嘅奶茶，都唔錯，茶香奶滑，煎蛋公仔麵，麵質剛好～大包包係少少甜，不是空氣感飽～很有份量！悠悠閒閒的一個早餐～船P ～ I am ready !!!

山長水遠專程去到西貢，就係要來試呢間好多人講嘅「鮮牛油菠蘿包」$15，中間夾住好大塊嘅「牛油」！ 不過好快就要食，因為鮮牛油菠蘿包新鮮出爐，係好熱騰騰，啱啱切出嚟嘅牛油就會好快溶。菠蘿包岩岩出爐好軟身好香，夠曬熱， 菠蘿包面上的皮很脆，牛油又唔太鹹，味道岩岩好。 另外就係如果要堂食嘅話，就要指定每人叫一杯餐飲（最低消費），而我就飲左杯凍奶茶少甜($19)，好香茶味。不過由於餐廳是露天，所以無冷氣，只有幾部風扇，所以都比較熱（夏天時候）！

晏晝入左去西貢行街， 一定會去幫襯以間Sai Kung cafe & bakey，去到見到非常之多人排隊，菠蘿包見師父不停不停新鮮出爐，買咗個菠蘿油同葡撻個菠蘿油非常之好食， 菠蘿包新鮮出爐非常之熱，牛油仲係冰冰哋， 食落去好有冰火嘅感覺， 我都係非常之香脆，好香牛油味，麵包又好鬆軟 葡撻要等多十分鐘先出爐，一攞上手好熱，個酥皮非常非常之鬆脆，個蛋漿好香，表面面焗到小小焦面唔太燶，個酥皮連蛋漿一齊食

呢頭最出名，當然係呢個包，乜包？？波羅包，波羅包係咪真係有波羅，當然冇，但佢呢個波羅包就出名賣得快，四五點就冇架啦，重要排長龍，甘出名，當然要試下買外賣乍，位都冇得坐，一口咬洛去，個皮好特別，似係加左合圖，好爽跪，但個底就有的似空氣包，如果再實的就好啦。不過正體來講都係好食的冬零茶不過不失啦

行左幾次都賣哂！今次終於俾我食到！！雖然黎到依然係排哂長龍，不過皇天不負有心人！！！買到！新鮮出爐脹卜卜聞說，呢個皮係以合桃酥的做法來做的，所以非常鬆脆，雖然我覺得有點甜...但都好好味～包身也非常鬆軟熱屎辣辣既天氣，當然要買埋凍檸茶，降下溫啦！夠大杯夠冰凍夠消暑，正！

星期日去西頁行下，見到ｅ間餐廳門口排長龍，搵下openrice之後發覺原來ｅ間餐廳嘅菠蘿包係好出名呀！就拿拿林排隊啦，排左十分鐘度，買到啦！菠蘿包新鮮係個師傅新鮮拿出來，我買左Ｐ兩個，再加一杯咖啡，菠蘿包皮脆，但係裡面就好鬆軟wor,而且油香十足，真係好好味！但係杯咖啡就好淡啦，完全無味！

今日途經此麵包店，驚見長長人龍，師傅不停捧出一鑼鑼新鮮出爐既菠蘿包，香氣撲鼻，難怪大家都為此而追著龍尾去。店主手腳十分快速，所以等了不到五分鐘便買到了。店後有數座位都滿座了，我們只好買完到一旁的長櫈去。一個菠蘿油一個淨包加個葡撻 有98分美味 皮脆香甜，內包鬆軟。可惜的是剛出爐太太太熱，菠蘿油塊油五秒溶哂，無左個種冷熱交集的口感。菠蘿包都係，放涼五分鐘既口感會更為好味。相比菠蘿包，葡撻一般較為油膩，甜度適中，不過對於本人來說可以再甜一點。酥皮鬆化，饀料香滑，也是因為太熱的關係，要就住食就無咁爽了。最後，依然喜愛及會為菠蘿包再光臨此小店

入西貢行下，去咗西貢咖啡餅店食個早餐先。佢哋間舖係麵包店格局，門口對出就有帆布簷篷遮住嘅半露天位。呢度好似快餐店咁，係要晌收銀處買咗嘢食，等一陣佢哋整好就自己攞返埋位食。同朋友分別叫咗兩份早餐，我哋都係揀咗餐肉煎蛋出前一丁，餐肉煎得香口，煎蛋係荷包蛋嚟，都幾滑溜，同埋佢哋係用麻油味出前一丁，而唔係公仔麵或大光麵。簡簡單單嘅港式麵食，卻又唔馬虎。隨餐仲有牛油餐包，問咗收銀員可唔可以加錢轉菠蘿包，佢話唔可以嘅，都無所謂喇。佢哋嘅餐包比其他茶餐廳大好多，半球體脹卜卜咁都幾吸引，我係逐少逐少撕來食，每啖都有幾濃嘅牛油香，麵包質地鬆軟而富彈性，比某啲連鎖式麵包店嘅空心麵包實在得多。除麵食同餐包，我哋嗰兩份早餐仲包兩杯飲品，分別揀咗熱檸檬茶同熱奶茶。拎到份餐先知係英式奶茶，而唔係我期望嘅港式奶茶，不過始終西貢有唔少外國人聚居，咁都無可厚非。紅茶飲落甘香，配淡奶加少少糖就OK，而且茶壺容量唔細，一壺可以斟到兩杯紅茶，換句話說即係一份早餐包咗兩杯飲品。食完我哋嘅早餐，見菠蘿包啱啱新鮮出爐，就忍唔住買咗個食吓，麵包主體同牛油餐包大同小異，上層脆皮龜裂得都幾靚，甜度啱啱好，掉皮情況唔太嚴重，表現唔錯。

山長水遠來到西貢離遠已經見到一條長長的人龍專誠來試試傳說中的菠蘿包，可惜店員姐姐大叫：菠蘿包賣哂！剛好是葡撻出爐的鐘數，好啦又試一試好好味呀！！！又酥又鬆脆的酥皮很香旦漿又嫩滑，略嫌涵料過薄，表層的焦皮別以為很燶，只是小小的焦黑又沒有燶味，出乎意料

聽話尼一間餅店好出名，今日可能落雨，去到發現唔洗排隊，直接買左一個菠蘿包10蚊。攞到菠蘿包，熱辣辣，好香，一個都幾大既，咬左一口，上面脆脆地，下面麵包好鬆軟，真係好正。同埋上面脆脆地既「菠蘿」小小甜，我好鍾意。本身諗住留半個等陣間行山時食，但係忍唔住一次性食洗喇⋯⋯⋯一路食一路安慰自己，凍左唔好味⋯

係西貢 佢既出名程度僅次於海鮮 日賣超過五百個 可想而知佢係幾咁吸引 因為多人買 佢既菠蘿包係不斷出爐 個個都係保證熱辣辣新鮮出爐 鬆軟既麵包 超級脆卜卜既菠蘿皮 哇! 一大享受呀！菠蘿皮唔太甜 厚薄度適中 真係蓋過唒成個包仲要加左一塊邪惡牛油 冷熱交融 不過就細塊左少少 同埋佢打直放 食得好唔方便 都係打橫放先可以啖啖都食到牛油

遠訪西貢碼頭在不同街道上都可能會聽到"食菠蘿包囉~出名嘛"外表大大的老實講 買既時候十分猶豫$10一個菠蘿包真係抵麼?其他好多地方買到3個都得了但吃過後真心唔會後悔菠蘿包 $10皮乾身脆脆 油香十足 酥香不膩 味道甜蜜蜜 甜度比吃過的高菠蘿包的特點都做到包有份量 既實心又飽肚雖然$10一個 但絕對值得一食菠蘿包的特點無得彈當然唔可以經常食 唔係會食得嘴叼架嘛~