西貢咖啡餅店

营业中

休息中

下雨天, 同男朋友揸車黎到西貢hea遊。下雨天嘅好處係星期日遊人都比較少。食完lunch無乜嘢做, 又黎到我好鍾意嘅西貢cafe, 平時呢度成日都要排隊, 今日好好, 唔使排, 仲有位坐。我地要咗奶茶同兩個菠蘿油, 男朋友仲要多咗個葡撻。奶茶係茶包奶茶, 啱晒我口味 , 不過男朋友就覺得麻麻。菠蘿油保持一貫水準, 夠熱, 菠蘿皮好脆, 味道啱啱好!!!個葡撻男朋友就話好普通, 而且$9.5一個好唔值喎!!

上次去西貢見到呢間嘢大排長龍, 企一陣一盤盤的菠蘿飽係咁出, 心諗乜事? 係咪真係咁好食… 但上次好飽, ko左個葡撻就算, 都唔平, 一個成9蚊定10蚊, 而我真係覺得kfc 或者澳間茶餐廳好食啲, 但見到咁多人排菠蘿包, 一定有佢原因, 所以十分期待.今次約左朋友去半月灣玩之前約食早餐, 我一早話要去呢間, 但最後有啲唔想試又啲遲到食唔到, 得一個義氣朋友陪我食, 去到揀位坐低, 但係座位嗰邊一個餐牌都無, 我朋友搵左一搵, 原來餐牌企左响餐廳出面, 我叫左早餐c, 蕃茄腸仔通, 餐包(餐包賣晒, 換左蒜蓉包配凍奶茶, 話左嚟食菠蘿包點會少左佢份呢, 我地獨自叫左菠蘿包, 個蒜蓉包留返入半月灣燒嘢食食. 個菠蘿包好大呀,又新鮮, 响講個包之前要利申先: 我並非愛包者, 就算早餐無嘢食肚餓我都唔會選擇食包, 我要去奇華買糯米滋或飲兩盒奶頂肚都唔會食包, 但係呢個真係無得頂, 個菠蘿皮頗大塊, 而且厚身, 唔太脆但唔淋身, 但給人很滿足的感覺, 個包都有啲特別, 原因係食得出佢唔係用平時麵粉整的, 但又唔佑用乜麵粉, 但係麵包份外軟熟, 但有質感, 好幼細, 軟軟的, 總之會有種食完一

放假的早上，最好的就是做完運動後，沖個涼，換件衫，然後出去食個靚早餐，為自己义义電!去到海邊，看到有很多小艇賣海鮮，感覺很新鮮。隨意找了一間餐廳，門口有個長長的法國麵包，再被一盤盤新鮮出爐的麵包吸引，二話不說，即刻想試我叫了份蕃茄通粉再加個菠蘿包，熱奶茶......蕃茄通粉一般，味道好淡不過，個菠蘿包就熱辣辣，好好食假期的生活，由此開始，真好!

起西貢半月灣游左一個下午，曬到就黎變左“粟一燒”，消耗曬所有體力，起好肚餓既時候即使食啲咩都會變得特別好味！呢個時候，大爺就話呢度附近有間食菠蘿油很出名的麵包舖，就上左Google map跟住黎行，果然很快就去到了！起店舖的門前雪櫃擺放了各色各樣的蛋糕，除左有“大路”的忌廉和黑森林蛋糕之外，仲有3D立體蛋糕，但這裏的蛋糕模樣就同出面的有所不同，沒有出名的卡通人物，只有箭豬頭和“屎太太”。唔知收到“屎太太”既朋友係好嬲定好笑呢？起店內就有售散裝的蛋糕，一眼就見到我喜歡的肉桂蘋果批。忍不住問了店員：內餡有提子乾嗎？！但店員話無，真係有點失望丫，但我依然叫左一個黎試試，仲唸住叫店員幫我叮一叮熱，點知個女店員話無得叮熱，是凍食的。好彩有大爺好狠的一句：我要叮熱！果女店員先解釋話有錫紙不能放入微波爐，我就撕開左張錫紙，佢先肯幫我叮熱。因為始終熱食的蘋果批，肉桂味才會濃烈！搵到個位坐下慢慢食，一切開，就有四、五粒提子乾起入面，但剛剛女店員又話無，可能是新來不太知詳情，但要三番四請之下先肯幫我叮熱，確實欠奉主動！叮熱後的蘋果批，肉桂香並不重，已心知不妙，反而有點焦香味。食下的一口，肉桂味的確很淡，而

介紹多一間麵包店給大家, 依間叫西貢咖啡餅店. 我想其實依間麵包店都己經很有名, 有人說這麵包店的大大個的菠蘿包很好食, 也有人說平平無奇. 點都好, 只要是本人覺得好的, 就會在這裏推一推給大家. 今次要講的是這間店的朱古力蛋糕麵包. 兩種不同的東西, 合體後又能發揮無限小宇宙. 朱古力蛋糕的部份, 又濃又鬆軟, 麵包的部份, 極香滑極甜! 如果下次你路經西貢咖啡餅店, 買包朱古力蛋糕麵包試吓!結論： E間舖可以一試，然後再試

一個陽光普照的上午突變成烏雲小雨的下午, 我們由西貢營地走到市中心, 雙腿已不受控制. 商量著明天的早餐, 只想到西貢最巴閉的SAI KUNG餅店, 買完順路坐巴士回家.下午3時, 菠羅包同鮮奶撻新鮮出爐, 人龍越排越長, 我們選擇放棄 咸牛肉芝士包以往吃過菠羅包, 法包, 葡撻味道都不錯, 但咸牛肉包好像沒想像中美味.包價為$9.5, 都叫合理. 拿上手好有份量. 咸牛肉在包面已看到, 又香噴噴. 芝士用上刨的一種, 不是超市的片裝, 更顯得西洋麵包的精緻.咬下第一口, 咸牛肉就飛出來. 但過咸. 加上芝士味重, 咸上加咸.可能我選錯了麵包吧~~

這間位於西貢市區的咖啡餅店，大大個的菠蘿包一向有名，所以店外經常排著長長的人龍，等候購買新鮮出爐的熱辣辣菠蘿包。但其實這店子有另一樣自己更加喜歡的招牌出品，就是「葡撻」和「鮮奶撻」。而在兩款各有各好的撻中，我較為喜愛的是沒有「葡撻」那麼甜的「鮮奶撻」。新鮮出爐的「鮮奶撻」，熱得既燙手，又燙口，外層的撻皮酥脆可口，裡面的鮮奶餡奶味香濃，甜度適中，假如加上一杯檀島咖啡或者絲襪奶茶，就更加好了。這一天，雖然我沒有咖啡、奶茶伴吃，只是買來一個「鮮奶撻」外賣，就站在店舖外的空地上把整個美味的「鮮奶撻」吃掉，已經十分滿足了。

昨天是聖誕節，跟最愛的朋友們吃了個BUFFET後再上其中一個朋友家玩。老了，沒有以前愛玩得通宵達旦了，玩到凌晨一兩點便回家。下午約了昨晚其中數個朋友上茶樓去，聊天聊得太高興，笑著笑著吃的卻不多，於是接男友放工後想吃下午茶駕車到西貢逛逛，上OPENRICE SEARCH有什麼好吃的!看到這一家好像評價不錯，份量也剛好，我們之後還約了朋友七時吃晚飯呀!去到剛好有位子，另一邊門口排的人卻不少。叫了個菠蘿油，一件葡撻，一杯cappuccino跟男友SHARE。跟男友吃過後覺得普普通通，沒有澳門的那麼甜，味道像稍稍好味一點的普通酥皮蛋撻，不過勝在熱呼呼的所以還好。菠蘿油暖暖的，牛油冰冰的，味道也是普普通通，我比較喜歡有一點點融化的牛油，菠蘿包可以再熱一點。Cappuccino...我不太懂欣賞哦!

假日的「Sai Kung Cafe & Bakery」好熱鬧，門外企滿人等侯麵包出爐，當中最聞名的是「葡撻」和「菠蘿油」 我們不想久侯，於是買了兩隻已放涼的「葡撻」。想不到放涼了還那麼美味 酥皮外脆內軟，蛋漿香濃細滑，薄薄的焦糖十分可口。雖然美味，但賣 $9 一隻，讓我跟男友都嚇一跳啊。

難得平日來西貢,比較人少,憂閑。更難得的是,可在西貢餅店中,舒服的挑選麵包。假日店中實在水洩不通。後來更發現原來平日有下午茶和套餐主食!下次要找天來閑坐!買了朱古力蛋糕麵包$17,朱古力蛋糕部份,極新鮮鬆軟!其實麵包和蛋糕,兩不太夾口味,但兩者也是我,包點愛好者的flavor。So I “Buy” it!忘了叫什麼名的三角包,即食非常好吃!!!皮很脆,如她的招牌菠蘿包咁脆!但這是細緻的脆,甜甜地,內的麵包(方包loaf),也很軟熟。超好吃!!建議即日吃,因放到第二天,脆皮+糖面全溶入麵包內,變得又腍又濕潤,兼甜度突出,成了兩回事。總之即吃,包保驚喜!麥法包,和三角包一起放,第二天吃,也給放腍身了。買時是很靚仔的。但仍不失麥香!相信原先也是一個好麵包!

是日在早上時間到了西貢，正正欠缺了一個早餐,於是打算到openrice西貢區第一位既一間西餅店外賣一個豐富既早餐，店面非常的細，係露天地方有少量的座位， 櫃台既位置係點堂食既，門口放了一個個麵包架，回頭一望見到不見菠蘿包既跡影， 過了幾分鐘後，店員捧出一大盤熱騰騰的菠蘿包，急不及待要去排隊點一個菠蘿包， 仲點了另外一個網友既推薦-- 葡撻。菠蘿包的確做得很出色，是很大的一個麵包，是亮麗既金黃色， 鬆軟無比，咬下去幾乎都不會反彈回去，厚身而香脆既脆皮，是同櫻桃西餅店，金華冰室既菠蘿包一樣好吃，吃過最好吃的頭三名。葡撻微熱，甜度適中，最出色既係撻底既部分，撻並無俾蛋漿沾濕至變稔，仲係一層接一層既酥化，仲係很脆身，蛋漿亦打得唔錯，值得一試。

菠蘿包，港式麵包舖必備的麵包之一。至於菠蘿油嘛，總覺得是茶餐廳的專利，因為要新鮮熱呼呼的才好吃。想不到西貢區最有名的菠蘿油，卻是出自海傍這間「西式餅店」內。朋友們其實已吃過午飯，但看到我興致勃勃的找這菠蘿油，再加上OpenRice內那堆笑臉食評，已開始有點心動。到達餅店後老闆娘說下一輪15分鐘後才出爐，不久已開始有人在門口排隊... 作為香港人（特別是女人），總抵擋不了那「限量」的誘惑，就是這條人龍，把這菠蘿油由「想試」升級到「必試」。沒問價錢，一口氣買了4個 看著老闆娘把那菠蘿油從中間剪開，再交給後面的員工，把一塊厚厚的冰凍牛油夾進去... 真的是「即叫即做」，在你面前即場泡製。 這包比一般正常菠蘿包大，剛出爐的麵包瞬間把牛油的面層溶化了，牛油的香氣加上麵包的熱度，很是誘人。厚厚的脆皮，入口盡是甜香，混著吸收了牛油的鬆軟麵包一起吃，滿足耶！雖說那脆皮有點不黏包，硬身的曲奇外皮也比比傳統的少了一份酥，但整體來說還是很不錯，加上這麵包相當有份量，吃一個已夠飽肚。 除了菠蘿油外還點了杯Mocha，但味道相當普通，咖啡味偏淡，也沒必要多寫了。

每次入到黎西貢，都一定要黎呢度食佢既菠蘿油，因為自從第一次試完之後，我已經深深咁愛上左佢，而且我覺得佢係我暫時人生入面食過最好食既菠蘿油次次一食呢度既菠蘿油就覺得好感動，因為佢既外層鬆脆，而內層就好軟"淑"，加上暧粒粒既包配上凍冰冰既厚切牛油，足以將我既心溶化....而旁邊既葡TART味道亦不錯，夠新鮮熱辣，只係味道未及菠蘿油出色~

放假去完塔門就出返西貢，上來睇睇有咩好食。見到呢樹有幾多朋友推介就試下，去到唔算多人。但問有冇葡撻就十門九唔應(個時明明唔多人都搵聽唔到)。個疑似老闆既男人又無禮貌又串咀。一副黑人憎的咀臉。跟住咪買個傳聞中既波蘿包試下。一試，只係一個剛出爐的波蘿包，有什麼特別值得 $7.5？我相信求其搵間流量大既鋪頭都一定唔會差。老實講，我宜係唔明點解咁多人去排隊。佢最後終於答返我，話等十五分鐘。咁我地係附近行陣返來就差唔多時間，排隊等試下。到我個時咪話買一個，又一副死人咀臉出曬來。你不如大大隻字寫明比唔夠一舊水你賺就唔賣呀！好啦，拎埋一邊試下啦。只能講好似下面朋友既留言咁，純粹係剛出爐。我個人覺得連鎖雞店個莆撻好味過佢多多聲。個皮膽來來唔好味，個蛋就熱得來無味。咁就收你 $9。純對唔會有下一次，如果大家有興趣貼錢買難受就可以一試，以味道計純對唔值咁高評價。以服務差佢就一定係頭幾位。

其實我覺得寫食評應該不用交代我之前同之後做過什麼跟為什麼會到這食店但眼見大家都用一半諞幅講故仔，我也簡單交代兩句吧難得在平日可以放假，一定要到西貢走一走要是周末到西貢，遊人滿街再加上塞車一定只會一肚氣不出所料，西貢平日十分悠閒.....友人極力推薦的西貢咖啡餅店今天一人也沒有點了有名的菠蘿油與葡撻食物來到都是凍的.........菠蘿油的菠蘿包不夠熱，未能溶掉牛油葡撻不但是凍的，而且蛋亦過老說真的，連鎖炸雞店的葡撻比它好吃不是跟友人與其他的食評作對我相信他們吃到的真的是好吃的主要應該是他們周末來西貢人多了，貨如輪轉麵包與蛋撻這種東西，基本上夠熱夠新鮮味道就有一定保證正因如此，食評對此食店才會走向兩個極端P.S. 價錢太高了，菠蘿油與葡撻索價21元........