西苑酒家 (已搬遷) 新店位置

(17/6/06)四人來飲晏晝茶。知道义燒出名,除左叫左义燒包之外,還要左大哥义燒。大哥义燒一碟,有八件厚厚的,味道沒預期中咁出色,只係半肥瘦,同埋無落過多的义燒醬,染色之類去燒。矜貴得過份。而义燒包唔錯啦!鮑汁鳳爪,(瓦砵)果然有鮑汁...蠔油味,要讚是鳳爪好企理,不太淋,好有骨膠原感。鮮蝦腸粉,份量少d,腸粉皮做的好好,鮮蝦亦有蝦味。馬拉糕,一般。最欣賞&必食既係,雪影杏汁飽,飽面像墨西哥飽,一咬軟綿綿,裡面的杏仁槳~好似食緊杏仁露,太出色喇!鮮茄草菇蛋炒飯,其實就係炒飯底,淋上蕃茄炒蛋,草菇非常鮮甜,簡簡單單好滿足咯!

星期二晚上跟朋友去那裏食晚飯，點了爵士靚湯，蠔汁雙菇，百合炒貴妃螃，豆豉雞，四季豆。食物的味道很不錯，特別是那個湯，真得很好，用料很多，湯頭也很甜。侍應也有禮貌，但價錢略貴，連一飯兩粥，結帳要七百多元。

新年期間各類飲食集團都爭相出售賀年糕點, 花多眼亂, 好彩O係各大百貨公司都有試食, 我試過好幾間後, 覺得以西苑O既最合心意. 佢地O既蘿蔔糕味道鮮, 而且好滑, 臘腸份量適中. 雖然$98一底較其他品牌貴一截, 但質素取勝, 所以拍板要左佢.另外佢地O既馬蹄糕味道好清, 都唔錯!

平日都只係來這裏飲茶, 今晚就一試這裏既晚飯. 點知一試便非常失望.兩個人叫了兩樣菜式, 包括以下:-臘味煲仔飯–一上桌就覺得唔對路, 那些臘味(包括有臘肉, 臘鴨, 膶腸, 臘腸)和那煲飯係分開上既, 而我亦不認為那些臘味是和煲飯一起煮的. 所以的飯根本就無吸收到臘味的香味, 而所用既豉油亦非常普通, 一點也不香, 是失敗之作, 好失望! 仲要一提的就是煲飯好大煲架, 成六七碗飯, 但又冇乜飯焦喎, 真係差到極點, 又貴到極點, 成一百四十八大元一煲.手打肉丸浸豆苗–好普通, 的肉丸係就係手打但不是好彈牙, 用來浸豆苗個的都唔係乜, 又唔係湯, 一點味都冇, 又一個失敗!!埋單三百大元, 以後不再來!

同屋企人去飲茶, o的野食都唔算差, 但係o的服務真係好差。o的點心單攪到亂晒，我地叫左o既點心無o黎到，我地都廢事追佢，但係就o黎左十樣八樣我地無叫o既點心。起初同樓面講無叫過呢o的點心佢地又唔信，以為我地畫左之後唔要，點之後來佢地發現係隔離枱叫既，又死死氣全部拎返過去，但係最基本o既「唔好意思」都唔同我地講句，之後個個樓面都對我地黑晒面！喂，大佬，你自己攪錯左，唔道歉不單止，仲搵o的客出氣？另外又聽到另一枱客有點心溜單之類！之後埋單走人出去等lift 果時聽到另外兩枱客都有怨言，好似話收多左錢同埋態度差等等！

Food is OK, quite salty.The service is normal chinese restaurant style. No surprise.Price is quite high, but better quality than other restaurant like Maxim, 東海etc..

食物上既時候唔夠熱, 味道普普通通啦, 環境都好正，可惜服務就是如此差勁!!!!俾得咁既價錢當然expect 有好service~但係~一坐低.. .要等10分鐘先有一個waiter 過黎比水我地.. .試問.. .一間出名既食肆.. .點可以有咁既服務.. .咁既水準? waiter幾次都扮見唔到你yap手叫佢!!!!!!一對男女同事做緊野時可以搭住膊頭ga既?佢地唔重視顧客服務, 咁既質素真係唔洗指意有下次

心血來潮, 星期天和家人一行六人特地到此飲茶, 第一次幫襯,叫最有口碑的义燒, 和蝦餃燒賣, 段估也不會差得到那裡,點知d燒賣可以咸到苦,從未試過o甘咸,要即刻吐出來. 傳聞中最經典的义燒也只不過係不過不失.其他的點心如燒腩仔也是非常一般.以這樣的價錢和服務, 還是去再興買番$20义燒會開心點.

23/8/05 19:00今晚o黎食飯, 竟然咁多人o既…之前兩次o黎都未有咁多人, 仲可以坐窗口位…今次雖然有訂位, 但係都冇得坐, 我同honey都有d唔係好慣…而同我地比較熟o個個部長又唔見, 可能放假o卦…首先開o左支紅酒, honey順道同我慶祝我考試合格…而嗌紅酒/白酒有小食送, 我地就要"砂鍋斑腩", 味道都唔錯…仙鶴神針: 即係魚翅釀乳鴿, 有好多翅, d乳鴿亦炆得好淋, 好入味, honey食到讚不絕口…桂花炒瑤柱: 有芽菜、粉絲同瑤柱, 炒得一d都唔油, 而墊底d油炸鬼仲好脆…大哥叉燒: o華! 好好味呀! 好食過第一次, 肉質鬆軟唔韌, 忍唔住要嗌o番碗白飯送…最後, 送糖水同果盤, 今餐真係好滿足…^^

星期日本來想去<印尼美食館>，但因太多人而去不成，之後便行過這裏<西苑>飲茶。我們叫了上湯西洋菜肉餃、蛋煎糯米雞、砵仔蒸蘿蔔糕、懷舊雞絲春卷和大哥叉燒。上湯西洋菜肉餃- 西洋菜很清香，肉餃味道也不錯。蛋煎糯米雞- 味道一般，比較黏口，麻麻地。砵仔蒸蘿蔔糕- 完全沒有蘿蔔糕，很差。不試也吧。懷舊雞絲春卷- 外皮炸得好脆，和普通春卷沒有兩樣，都唔知懷舊在那裏，真奇怪。大哥叉燒- 這裏最好味的食物，很鬆軟唔會韌，味道又好；可惜落得太多蜜糖醬，比較上甜了點。價錢比較上貴，但星期日想飲茶又不用等位的，這裏還是不錯的。

This is the first time I tried this restaurant, but it will probably my last time too. The food are ok, not really that special but not too bad either. the problem is in their service and attitude! somehow our ordering list is mixed up with other table's, so they kept delivering food we never ordered. I explained to the waitor politely when this happened for the 1 time, that waitor (a short and fat young man) took away the food, and rushed back with the wrong ordering list(not submitted by u

國慶假期同舊同事去時代廣場睇戲，見咁多朋友都勁讚呢度的大哥叉燒，就即管去試吓。中午時份都幾旺場，好彩有訂定位。四個女仔，叫了大哥叉燒、蝦子柚皮、南乳蓮藕炆腩肉、瑞士雞翼、鮑汁雞腳、賽螃蟹餃、杞子元肉雪耳凍糕、脆麻花等。先講叉燒，上碟係整件半肥瘦枚頭肉淋上蜜汁，味道是不錯，但肉質還是硬了一點，加上淋了蜜汁，是略甜了一點，大家都認為比灣仔再興是略遜一籌。蝦子柚皮是驚喜之作，柚皮完全沒有渣，獻汁濃度剛好，有蝦子的鹹香，其中一個友人甚至將所有獻汁飲乾呢！南乳蓮藕炆腩肉水準OK，腩肉炆得很入味，而且蓮藕份量夠多，令至愛蓮藕的我食得很滿足。瑞士雞翼其實是甜味較重的鼓油雞翼，味道還可以。賽螃蟹餃非常美味，蛋白配上魚肉，包在半透明的蝦餃皮內，入口香滑，不錯！甜品方面，杞子元肉雪耳凍糕是不俗的一項，透明的凍糕內可見紅色的杞子，元肉和雪耳切碎了混在凍糕裡，入口有點脆脆的口感，相當美味。這裡的脆麻花與一般食到的不同，是乾身的，洒了椰絲花生白糖，不會太甜，亦是一個有新意的甜品。食罷自己叫的食物，大家都非常的飽，卻看見隔離檯有人叫了一籠懷疑是古法魚翅灌湯餃的物體﹝即真的把湯灌在餃子內而非常見浸著湯那種﹞‧‧‧可

同同事Farewell，揀左黎呢度，因為佢地話呢度D叉燒勁正。我地10個人，竟然叫左三碟叉燒，但都全部掃清，勁﹗估唔到佢又好好，一碟肥、一碟瘦同一碟半肥瘦，完全滿足唔同人0既需要，好﹗當然我係肥叉燒0既捧場客，一個人食成四五舊，蜜汁好甜，肉好淋，唔會鞋柴柴，真係勁正。當然除左叉燒仲叫左好多點心同一個蒸陳村粉，全部都幾好味，唔錯唔錯﹗

開了一段時間,只知飲茶唔平，咁o岩朋友請食晚飯，大家又未來過，即管一試啦!昨晚約7時許，我們一行4人費事煩，便order了每位$288的魚翅鮑魚套餐，我地貪心，另加半隻佢地話出名o既雞($118)同埋一個莧菜($78)。個翅非常鹹，炒小黃瓜都偏鹹，好彩鮑魚幾好，其他就一般啦!服務方面，我覺得普通啦!個女waitress經常走過來問我地意見，又常以客人姓氏稱呼，知佢好落力地social，但食到尾就煩d啦…因為佢地成日來問我地:“仲要唔要呀?”當大家傾計時就會覺得佢地非常disturbing了.最後埋單約$1600.