裕鵝莊 (已結業)

今日同朋友係尖沙咀食lunch，搵咗間專食燒鵝嘅餐廳，環境幾好，坐得夠舒服。落大雨飲返杯熱茶暖下身👍🏻我同朋友嗌咗一個燒鵝飯，兩個小菜一齊share。燒鵝飯嘅燒鵝份量好多，而且有鵝髀😋大概有十件燒鵝，每件都啖啖肉，外皮嘅色燒得好靚👍🏻肉質厚實，唔會乾又多汁，食完齒頰留香～滷水鵝腎～份量都幾多，好爽口又唔韌，抵食！如果早啲去就有鵝腸，唯有下次再試～蒜蓉魷魚蒸粉絲蒜蓉咪好重，幾入味，但份量就比較少。整體而言，服務同環境都好好，有做齊防疫措施，食都食得安心啲☺️

每次lunch同同事去呢間都叫3個set，變相有三碟餸一齊share，一次過可以試食幾樣餸，份量都算大，所以幾抵食咁，另跟三碗飯同湯，perfect😍最愛咕嚕肉，好爽脆清甜。等位好快👍🏻👍🏻

原來深井燒鵝開到嚟尖沙咀，今日同朋友行街一於去試吓！招牌燒鵝例牌： 原本以為例牌燒鵝唔會好大份，點知原來份量一啲都唔小。呢個果然係招牌，必點！皮脆肉嫩，一咬落去啲油脂浸晒出嚟，但又唔會覺得太油膩，個皮有好香嘅炭燒味，脆卜卜，燒得恰到好處。至於鵝肉一啲蘇味都冇，啲肉好厚身。香煎蓮藕餅：呢個菜真係好好食，同一般蓮藕餅做法有少少唔同，係用蓮藕絲配以豬肉、鮮蝦同蝦米一齊煎成，一上枱已經聞到好香，因為材料豐富，所以食落特別有口感。呢度啲蓮藕餅煎得一啲都唔乾，啲肉汁能夠所係蓮藕餅入面，好Juicy！小炒王：有好多配料，有蝦乾海蜇魷魚等等，炒得好有鑊氣，送飯同配啤酒一流！陳皮紅豆沙桃膠、椰香鮮奶桃膠：食完主菜我同朋友都好想食糖水，呢兩款糖水好有驚喜。兩個款都好足料，有勁多桃膠！朋友食嘅陳皮紅豆沙嘅陳皮味超重，紅豆亦有做到起沙。至於我食嘅椰汁鮮奶，一嚟到已經聞到超香嘅椰奶味，加上入面桃膠好多，食完都覺得好養顏😆呢兩碗糖水真係為呢餐畫上完美句號！呢餐真係好滿足，兩個人食到好飽，仲要打包！值得一題係呢度啲裝修好新好靚，座位坐得好舒服，侍應服務又好。

去深井食燒鵝，大人細路都知。原來而家喺尖沙咀都食到正宗嘅深井燒鵝，好方便喎裕記燒鵝，在深井屹立超個半個世紀，到第三代傳人，近年衝出深井，在尖沙咀開店， 方便食客曾幾何時喺尖沙咀返工，亞士厘道係我哋 食lunch好去處，今日同舊同事重臨舊地， 尋回當年要專誠入深井食嘅燒鵝味道呢度裝修雅緻，有卡位，長枱同大圓枱， 我哋兩人就坐舒服嘅梳化卡位先來一碟燒鵝例牌，用上清遠黑鬃鵝，加上明爐燒烤，一啖咬落去，鵝皮下面一層薄薄油脂，甘香而不油膩，鵝皮香脆，鵝肉嫩而多汁，令人再三回味另外多點咗一碟脆皮燒腩，清楚看到隔著一層瘦肉，一層薄肥肉，再一層瘦肉，再一層薄肥肉。咬落去脆皮清脆，肉質肥瘦得宜， 味道剛好，唔會過鹹還有深井椒鹽鮮魷，鮮魷爽口彈牙又鮮味，配上薄薄嘅脆漿和惹味嘅椒鹽，鹹香得嚟脆口，點停得口叫咗一碗湯河同一碗白飯，湯河嘅湯底好鮮甜，河粉滑嘟嘟，配燒鵝一流豐富的一餐，重臨舊地，又可以食回當年在深井的味道， 跟舊同事說回以前的趣事，令人懷念

源自深井裕記大飯店，在尖沙咀開業的裕鵝莊，對於不少市區的人來說是福音，不用再山長水遠走進深井，同樣能吃到正宗的深井燒鵝今天跟太太來到，就是想回味一下深井的味道深井燒鵝例牌 $160來到燒鵝專門店，怎麼也要點一份例牌，對二人來說份量剛剛好，而燒鵝燒的相當香，皮滑肉嫩，肉汁滿溢對愛燒鵝的人士來說絕不能錯過燒味雙拼 （叉燒及燒腩）$138燒味同樣是裕記的招牌，這次選了叉燒及燒腩叉燒多汁而味美，口感亦不錯。至於燒腩，外脆內軟，香氣撲鼻鮮菠蘿咕嚕肉 $108太太摯愛的小炒，這樣的賣相很吸引在碟上重組了菠蘿的外型咕嚕肉酸甜適中，肉質嫩滑菠蘿則很香甜而最驚喜是用蜜糖炸過的合桃，很香脆又可口絲苗白飯 $14由於餸菜都是肉多而味濃，當然必須配上白飯，而這樣的白飯很有飯香，沒有不點的理由整體來說，餐廳環境舒適，店員服務質素高，很有禮貌及效率，而最主要是食物質素高，難怪疫情陰霾下仍然客似雲來呢

途經呢條食街見到有呢間燒鵝專門店 座位好似都幾舒適 所以入咗去一試 結果冇令我失望叫咗一碗燒鵝瀨 好好彩地比左脾位我 脆皮夠味 肉質鮮嫩 有鵝味 瀨粉湯底唔會太鹹太味精 粉亦有咬口 簡簡單單一個燒鵝瀨當午餐 方便又美味同時亦叫咗個小食 焦糖雞中翼 外皮炸到香脆脆嘅雞翼 包裹過上焦糖 甜甜脆脆好容易不知不覺就食曬八隻 外脆之餘 肉汁鮮嫩 好味道另外呢度店員服務都幾好 會不停幫你加茶收野 茶會帶點麥味 似係玄米茶 養生又健康 雖然我哋食嘅時候已經大約係下午茶時間 但都唔少人 可見呢度嘅食物都深受街坊歡迎 推介可以嚟呢度一試

深井燒鵝細細過就聽過佢個名！估唔到依加尖沙咀都有得食😆.深井燒鵝（例牌）呢個例牌有燒鵝髀😆加分加分食落啖啖肉，嫩滑唔會um。建議食時點佢地嘅酸梅醬，梅味好香濃，感覺似自家製.滷水鵝肝滷水鵝肝唔係周圍都有得食，見到即刻心心眼😍 鵝肝質感軟滑，滷水汁入味，配搭意大利黑醋，酸甜香味好開胃.椒鹽鮮魷即叫即炸，上枱熱辣辣卜卜脆，入口鬆脆酥香.生炒臘味糯米飯糯米飯粒粒分明，口感煙韌黏身，搭配帶咸香臘一齊食，好食又飽肚

今日去咗尖沙咀食飯，去咗亞士厘道的-裕·鵝莊。此店傳承自深井裕記燒鵝，但店內裝修不老土，還有點北歐味道，湖水綠卡位加上小吊燈，配上金色的餐具，非常清新明亮，充滿愜意氛圍。一坐低餐廳會供應金黃色清澈的蕎麥茶，入口清新又解膩，與燒鵝非常配合，吃得出店主很細心。當然點了出名的燒鵝髀，梗係要了下裝，燒鵝髀上碟賣相好靚，顏色好均勻，有豐腴的肉汁流出，油香四射，醃料夠入味，有傳統八角五香粉的香味，最重要風乾時間夠，外皮非常香脆，鵝肉肥瘦均勻不怕有鵝膻味，吃後有油香但不覺油膩。酸梅漿甜酸味道適中，有梅肉嘅清香，最重要冇化學味又唔會杰撻撻，完全中和了燒鵝的肥膩感。滷水鵝掌翼及腎片雙拼，價錢都係$88，份量非常大碟，滷水夠入味，最緊要掌翼夠柔軟，唔會太乾身，吃後淡出滷水料香，味道又不會過鹹。點了咕嚕肉，咕嚕肉上枱賣相一流，一個菠蘿嘅橫切面裏面有咕嚕肉，新鮮嘅菠蘿肉，青紅椒及香口嘅合桃在面，酸甜醬味道非常自然，唔嗆口，這裏咕嚕肉不是梅頭位置，肉身偏瘦但不乾，炸醬外皮非常簿，啖啖都係肉，絕對唔會食到一舊舊炸粉嘅感覺。瑤柱蛋白帶子炒飯，炒飯夠乾身，有炸嗰的乾瑤柱絲在面，帶子份量非常夠，成個飯都食到一粒粒的帶子

對上一次食燒鵝差不多一年前了，今晚跟家人食飯，於是上網找到這間吃中菜的餐廳來試試！餐廳格局有點似茶餐廳，但裝修格局新潮，給人一種較新的感覺！餐牌上有多款菜式可以選擇，於是點了幾款小菜跟家人吃！深井燒鵝(例牌)，例牌大概有4分1隻，燒鵝皮燒得脆口，鵝肉juicy，肉質不會很鞋口，味道香濃！深井椒鹽鮮魷，鮮魷炸得脆口，不會太多炸粉，食落不會太油！魷魚爽口彈牙有鮮味，而且椒鹽份量剛剛好，非常惹味！味菜豉椒鵝腸，鵝腸夠入味，食落爽脆，好香豆豉的味道！加入咸菜一齊炒原來很特別，咸咸酸酸夠開胃，而且好夠鑊氣！上湯桃膠時蔬，時蔬有幾款菜式可以選擇，而我揀選了白菜仔！湯底絕對不只是桃膠咁簡單，還有肉碎、杞子！配料的份量也很多，湯底鮮甜，帶有桃膠的甜味，清清地，可解去燒鵝的油膩感！這裡的小菜、燒鵝味道惹味，值得再來！

6月時曾和友人特地坐車到深井吃馳名燒鵝，幾個月後友人對那烤味濃郁的鵝香仍念念不忘，心癢癢地找到了地點方便的尖沙咀區，居然隱藏了深井裕記大飯店傳人打理的新店，真是方便不少！例牌燒鵝坐下來二話不說首先點了一客例牌燒鵝，用上祖傳秘方明火烤製而成，香氣撲鼻，外皮香脆，鵝肉香口嫩滑。和下庄比起來，雖然油脂沒那麼濃郁豐富，但是肉質結實，鵝肉味濃，和脂香豐富的鵝皮一併吃下，既有油香亦有鵝香，美味可口！豉油皇虎蝦一碟有四大隻新鮮虎蝦，大廚貼心地切開蝦頭和蝦身部份，吃起來還能保持優雅。豉油皇味道香濃，但不會蓋過虎蝦的鮮味，虎蝦肉質爽口彈牙，口感滑溜。想不到以燒味為賣點的餐廳，海鮮小菜水準也不錯，下次來也不會只限於點鑊氣小炒了。百花炸蝦球外層非常酥脆，咬每一口都有「嗦、嗦」的聲響，蝦球非常彈牙，吃得出是由新鮮蝦肉手打而成，應該花了不少功夫。蘸上醬汁享用，更能突出蝦肉鮮味。比起傳統飯店，個人更喜歡新式餐廳，環境舒適，亦能吃到傳統明火烤鵝的風味。待疫情過後，再相約一班朋友一起來分享一整隻燒鵝，肯定更具滋味！

深井裕記燒鵝這名堂，相信對香港人來說一定不會陌生，可是你又有否拜訪過呢？這麼有名的老飯店，人生至少也要去一次吧。大部分人一旦想到餐廳位於深井，總會開始縮沙，但其實裕記在尖沙咀也設有分店，你再也不用走進深井才能嚐到優質燒鵝了！尖沙咀分店改名為「裕・鵝莊」，裝潢雅緻時尚，相比深井分店更顯現代感，座位亦寬敞舒適，十分適合跟朋友和家人去聚餐。當晚除了試了主打的燒鵝外，也點了滿枱小菜，有部分更是新穎菜式，可見廚師放了不小心思和創意呢。深井燒鵝半隻 (HKD300)主打的燒鵝皮脆肉嫩，鵝香滿溢，而且多汁入味👍🏻當天沒有點米飯，搭配酸梅醬汁剛好可以中和油膩感，半隻燒鵝已足夠4人份量，值得一試。蜜汁叉燒 (HKD118)除了必食燒鵝外，沒想到他們的叉燒也相當出色，叉燒肥瘦分明，入口鮮嫩多汁，肉質豐膄軟腍✨😋滿足！滷水鵝肝配意大利黑醋 (HKD68)朋友好奇底下，點了這款滷水鵝肝，中式鵝肝雖然不及法國鵝肝般美味，但它卻比一般外間的中式鵝肝飽滿光滑，吃起來也不會很乾身，這個價錢真的不能要求太多。松露鯪魚球 (HKD108)外層的炸米粉分裹著鯪魚球，鯪魚肉十分爽彈，口感外脆內軟，咬下去會有濃郁的流心松露醬湧

今日放工太倦，不想煮飯又想早啲回家，所以決定買外賣回家慢慢吃，之後早點吃完早點休息。同事早排介紹我到尖沙咀買燒鵝，說店舖原來是深井裕記燒鵝的支店，終於不用再山長水遠搭車入到深井吃燒鵝。外賣包裝得非常貼心，返到屋企也沒有漏汁情況。燒鵝（半隻）醬汁分開用紙杯盛裝，防止漏瀉，師傅用上祖傳秘方醃整再用明火燒烤而成，燒鵝外皮香脆，肉質鮮嫩有咬口，鵝油甘香十足，鵝味香濃，沾少少自家製酸甜醬，更加提升鵝肉鮮味。求其名字改得非常特別，原來是百合、蘆筍炒蝦球，食材新鮮清爽，蝦球爽口彈牙，味道清新又健康。柚子青檸骨柚子味清香撲鼻，再加上青檸汁增加了酸味，酸甜味恰到好處，骨腩鮮嫩多汁，堅正！

仲諗住今日準時出門口可以出去尖沙咀兜個圈先食飯，點知本來25分鐘嘅車程就塞足左個半鐘先出到去，落車嘅時候仲撞正 #紅雨😖 #小秘書 過條馬路對腳仔已經濕哂... 可憐👉🏻👈🏻 一心諗住出嚟食 #燒鵝 嘅我哋，唯有即上「Open Rice」睇吓附近商場有咩好介紹🤨 好彩皇天不負有心人，大雨終於細落嚟，我哋又可以照計劃行事喇🙌🏻🙌🏻朋友一早喺「裕。鵝莊」訂咗位，佢話呢度除咗 #燒鵝 出色，#小炒 同 #燉湯 都一樣咁正🤩 既然佢講到咁好，今日就由佢發板。我哋叫咗 #三餸一湯，#燒鵝 當然唔少得，皮脆肉嫩，搞到平時夜晚唔食澱粉質嘅我，都叫咗碗 #瀨粉 嚟陪襯😝 不過原來佢個 #鵝莊小炒皇 都唔輸蝕，#韭菜花 配埋 #蝦乾、#魷魚 一齊炒，非常惹味🤤 仲有個必食嘅 #焦糖雞中翼，#雞中翼 擦上 #蜜糖 嚟焗，焦脆嘅外皮，帶出 #雞肉 嘅鮮味🤤 雖然呢刻大家已經好飽，不過我哋都堅持飲埋碗一人份嘅 #竹笙螺頭老雞湯 嚟補身💪🏻 嘩 啖湯好鮮甜、而且啲湯料多到呢！我鍾意 #裕鵝莊 #地方夠闊落，二人卡位 最啱傾吓計，#值得一讚 係班 #侍應，每逢經過都會自動為我哋添茶、又 #

深井燒鵝遠近馳名，可惜交通不太方便，未能常常光顧。幸好，在尖沙咀，有裕鵝莊，在交通便利之地，就能一嘗其滋味。沿著海防道走，碰到這位拿著招牌的美女，隨著箭嘴走，更快到達餐廳。餐廳設計優雅，感覺舒適。餐牌蠻精緻的，當中介紹清晰，若不常吃鵝的人多加了解。這天還是繼續買外賣，所以在點餐紙上剔選食物再交侍應處理。這晚點了四款食物：甜薯黑椒安格斯牛粒、懷舊炸鮮奶、焦糖雞中翼和深井燒鵝下庄。甜薯黑椒安格斯牛粒：可以說是一個新的組合，甜甜的甜薯，和肉香四溢的安格斯牛粒，再加上紅椒和青椒，以及調味的黑椒，味道出奇地豐富。懷舊炸鮮奶：是個人好喜歡的一道菜，外脆內軟，奶香甜甜的，應該是大人和小朋友也會喜歡的哦。焦糖雞中翼：雞翼肉厚，焦糖把雞翼包裹得香脆甜美。雞翼比一般平常的大隻，肉，口感更加啖啖肉。深井燒鵝下庄：主角來了！這是此餐的重點。非常肥美的燒鵝，皮脆肉嫩，入口香滑，肉汁很多，燒得極其滋味。

原來香港人對食燒鵝係非常重視，好耐好耐以前，深井已經出左間燒鵝，可以多人食到揸車，排長龍都要食，真係估佢唔到。今日我又聽聞有間做燒鵝好用心，用盡師傅自己既努力去做出一味自己既燒鵝味道！難得今日得閒，即刻同男朋友Lunch都走黎食啦。晏就12點黎食就唔怕多人，可以慢慢嘆。餐牌一大本，款式超級多，主打都係燒鵝，有好多唔同既燒鵝配搭，仲有好多其他小食，都見有人推薦，咁就兩樣都食下啦。佢地Ｄ碗碟都好靚，好特別，精緻。就叫左個燒鵝飯，唔洗加錢都已經係俾燒鵝脾，真係抵食爽大件，好靚既燒鵝，燒得光滑脆口，肉質嫩滑唔"鞋"口，個汁又唔會太鹹，可以用黎配飯食，真係一流！另外仲叫左個懷舊炸鮮奶，其實我好鐘意食呢個，但好多酒樓都做得非常差，呢間超好味，鮮奶入口即溶，外皮非常鬆脆，一咬落去好似飲奶咁，好美味。