裕記大飯店

营业中

休息中

前幾天去了這間多年沒光顧的燒鵝店，當天我們一行數人除点了一隻燒鵝外，還叫了幾個小菜包括咕嚕肉，砵酒焗蠔，乾燒大虾，炸蟹肉丸。燒鵝味道一般，並沒有記憶中好吃，咕嚕肉比一般酒樓差，砵酒焗蠔缺少了外皮香脆內軟多汁的味道，乾燒大虾和炸蟹肉丸較為不錯。價格方面不算太貴可接受，但當天的主角菜式和其他一兩味菜就有点失望。

因為住得近間唔中就會去食個燒鵝瀨呢兩樣嘢簡直係絕配有時肚餓會叫半隻鵝 有時冇咁餓淨係叫個下莊呢度啲鵝超大隻好多肉 肉嫩唔鞋口大啖咬啲鵝油咇晒出黎齒頰留香一定要點冰梅醬超正兩個人食 加多個菜就啱啱好

純分享，之前同屋企人到裕記食飯，一心黎朝聖下食下鵝啦，但係佢又係甘sell我食龍蝦。。。卒之搞左輪，turndown 左佢龍蝦既offer,嗌左半隻鵝，兩個餸，黎到時隻鵝都已經唔太暖，都ok 啦，可能沒咩客，唔預備定甘多都明既，最後屋企人埋左單，沒咩點察覺到，淨係硬係覺得點解計極都甘貴，計埋枝大啤，成八百幾蚊。。。而今日，家人到隔離另一間食燒鵝，同樣嗌左半隻，比上次仲叫多左個餸，六百幾就埋左單，心唸抵wo,過左陣，唔x 係wo,x 呀，上次甘拿貴既，拿拿聲去睇下啦，再x 呀，原來上次裕記計左我地一隻價錢🤦🏼‍♂️純純純分享，都係怪自己，下次自己要留心d check 清楚張單，甘就唔駛唸，人家係有心定無意了，完

🇭🇰裕記大飯店·我哋其實好耐之前已經食過尖沙咀嗰間裕·鵝莊 我覺得佢地啲燒鵝真係好好食 所以今次我哋行元荃古道嘅時候 就決定黎呢間老店再走食佢地個燒鵝😍😍·我哋嗰日係差唔多12點出發搭車 1點去到港安醫院嗰度起行 之後4點鬆啲就到左深井😎網上面係話最難係一開始上樓梯個度 不過其實嗰度都係得500幾級 唔算好難行 但係我地之後行錯路 去左蓮花山 變左四腳爬爬 詳細既中伏史大家可以睇我story highlight🤦🏻‍♀️不過上到去個景色真係好靚 大家可以swipe去下幾張度睇☺️☺️·例牌燒鵝(1/4隻) $155 l 瀨粉$18佢個燒鵝個炭燒味真係好出 果然咁出名係有原因既😏😏而且佢個皮真係好脆 油脂都超好 不過我自己就鍾意尖沙咀嗰間舖頭嘅調味多啲 因為呢一間我覺得佢偏鹹少少 我覺得尖沙咀嗰間個調味啱我口味多啲😌而且就算我地嗌例牌我都覺得呢間燒味肥少少 但係佢個炭燒味真係超級加分🤤🤤·#rbyeat#rby港式 #rby中菜#rby深井·📍深井深康路9號地舖

一路聽聞深井嘅燒鵝係馳名，但深井呢個地方係要專程去的。沒有景點，沒有商場，所以一直都未觸及過深井。最近因為冇得出境，所以要尋找香港各區嘅特色。決定要你深井試一試燒鵝。燒鵝剛出爐，叫個例牌上枱暖笠笠，肉質好嫩，皮香。只係因為鵝嘅下半身， waitress話會比較肥，相對多油份啲。見到隔離幾台都有叫炸蟹鉗，好乾身脆口，自己都試吓先，脹卜卜熱辣辣，足料。

新年到朋友屋企拜年，一齊食晚飯。難得去到深井，一定要試吓好出名嘅深井裕記燒鵝。因為預咗會有好多人，所以預早打電話落去預訂左半隻燒鵝。夠鐘就自己落去自取，慳返好多時間，而且可以食到新鮮出爐嘅燒鵝！一打開盒，已經知道呢隻燒鵝唔簡單，皮脆，帶一點油脂，香氣撲鼻。餐廳為咗令到燒鵝皮保持住脆口，將醬汁獨立包裝，食嘅時候先至淋上燒鵝，令到燒鵝可以保持住最好嘅質素，相當細心。半隻燒鵝，八個朋友分都唔會份量太少，大家都食到津津有味！

今日同屋企人去黃金海岸行下， 難得入去就中途停左係裕記食燒鵝，其實都真係冇咩機會去到咁遠為左食燒鵝， 係今年冇得周圍去玩先會去。燒鵝1隻特大680蚊， 我地8個人叫左隻特大， 因為分開左幾枱坐。燒鵝脾脆而且好有鵝油香， 唔算肥同膩。張圖係半隻。脆腸係脆但偏咸， 唔知係鵝腸邊個位。豉油皇竹鵝雜，冇咩味太淡， 個鵝腸冇特別，個鵝肝冇鵝味。 可以唔洗叫。芥末秋葵牛肉粒，唔辣但都我覺得太濃味椒鹽鮮魷普普通通8個人埋單1800（包加一），唔算貴， 可以一試。

今日行完山，難得去到深井，梗係要去食燒鵝啦，當中最出名應該係裕記，記得好多年前嚟試過一次，今日可以話舊地重遊，食個晏晝。因為有限聚二人，所以每張都係四人枱，亦讀好根足規例二人一檯唔會好似一般酒樓加塊膠板又可以搭枱。兩個人可以叫啲咩？燒鵝一定係首選，今次仲揀咗要下庄，雖然貴$30仲要寫埋覺肥，但難得嚟到梗係要食隻燒鵝比啦。另外再叫左一下蟹肉扒西蘭花，同埋半份炸蝦丸。再加埋一支天地壹號，可以解下油膩。例牌燒鵝都算大份，鵝肉唔嚡，都算幾滑，燒鵝皮唔係太脆皮，反而有少少硬，但整體都OK。西蘭花切得都頗大件，蟹肉鋪上西蘭花面，唔係太鹹清清地，唔錯。炸蝦丸要半份所以得四粒，但好彈牙，熱辣辣，同埋配雞醬唔錯！久唔久一次嚟到深井食燒鵝，都係一個唔錯嘅選擇！

🌟簡短食評-深井必食燒鵝其實我就唔係特別喜歡食燒鵝嘅人，但今日去到深井真係周圍都係燒鵝店。一輪輾轉反側，深思熟慮之後，最後都係去咗電視成日聽到嘅深井裕記燒鵝試一試！可能近排疫情關係，真係冇咩遊客。侍應嘅服務態度真係意想不到地好，服務好周到，呢個真係一讚（可能自己冇預計到😂）。點左嘅嘢食就當然係燒鵝啦，佢例牌都有分上髀同下髀，下髀就比較肥美啲，當然都貴啲啦，既然一場嚟到，就對自己好啲叫個下髀喇。除咗燒鵝之外我哋仲點左椒鹽鮮魷同埋一碗瀨粉。未講燒鵝之前，必須要講一講，個椒鹽鮮魷真係非常之難食，雖然個魷魚尚算新鮮，但佢個調味真係零分，好似落留咗椒鹽嘅感覺，而且一大舊炸粉，幾經辛苦先食完，完全唔建議點椒鹽鮮魷而燒鵝就真係怪唔得知佢咁出名，尤其是係燒鵝嘅皮，有少少炭火味，而且個脂肪油香真係會令令人食完一舊又一舊，而且個皮燒到好脆，一咬d油香就出晒嚟，而且肉質都唔錯，都幾鮮嫩又唔榎口，兩個人食話咁快就食晒，但如果平少少就好😂😂臨走之前侍應仲送咗兩碗糖水，今日嘅甜品係西米露，但就真係非常之普通，總好過無。等我下次入嚟深井試咪隔離嘅能記同埋陳記，試吓邊間最好食先！

遠道而來，叫了半隻燒鵝，但上枱後即發現「半隻」鵝好像是「堆砌」出來的，有不少鵝肉的部分尤其是脾位不知為何都「消失」了，燒鵝肉亦不夠香，與普通任何一間燒味店出品沒有分別，真的令人失望啊😞⋯⋯。反而有次試過尖沙咀分店外賣好像較好吃。不次不會回頭了。另外還點了味菜鵝雜和上湯杞子西洋菜，可能沒期望便沒有失望，所以反而這兩道小菜算是「合格」。順帶一提，洗手間和走廊通道的清潔衛生有待改善，疫情下應該格外小心，始終人均收費不算便宜，理應改善下。

兩個人平日嚟，下午茶時間以為冇咩人，點知入到去爆滿。二人餐五百幾蚊，唔捨得食餐。跟住門口姐姐提議食例牌燒鵝丶嗌碗瀨粉。我覺得唔錯，入咗去食。原來燒鵝一啲都唔平，例$155 ，半隻$310。，雖然貴，但入到黎冇理由唔食燒鵝。好好味，皮脆，有燒鵝味。佢有碟花生前菜，我問咗可以唔要，可以免收費。另外叫咗個粟米魚肚羹，不過不失，埋單$300，兩個人。食完唔飽，但係叫試過啦。冇影到相，但燒鵝個樣係非常之靚，仲俾咗個燒鵝脾我哋，好正

先介紹一下第一味菜招牌菜過期燒鵝，肉質霉霉爛爛得個樣，同個侍應講碟鵝肉質霉咗，侍應哦咗一聲就行開咗，好似已聽慣咗。介紹第二碟蒸帶子，肉質同像膠冇分別。其他兩碟都唔想再講，不過不失。其實深井燒鵝真係比呢班人做臭曬！.....................

參加了賞你遊香港的一天團, 在攀石活動後, 午餐是深井裕記燒鵝食團餐. 實情是小米想食深井燒鵝, 才會選擇這個一天團.  經過小路來到店門, 已經感到陣陣的燒鵝香!   在一樓4人一枱就座後, 知道燒鵝正在預備中, 大家反而更期待那個燒鵝.  前菜先上.  皮蛋酸薑  自己不食皮蛋, 全交團友獨享.    團餐的餐湯  粟米魚肚羹  魚肚夠Q彈, 整體清甜.   香菠咕嚕肉  炸皮不太厚不太硬, 中間的肉片依然嫩滑. 自己不喜歡太硬的食物, 所以覺得這咕嚕肉口感很好.  百花炸蝦丸   熱辣辣上枱, 外層金黃, 中間彈牙.   團餐每人可選上湯瀨粉或絲苗白飯   馳名燒鵝半隻  午餐的主角來了!!  查看餐牌,  燒鵝半隻盛惠310個大洋..   每件都排列整齊, 上枱夠靚仔.. 看到脾位堅硬的燒鵝皮跟鵝肉分離, 還有鵝胸厚身的鵝皮, 真的引死人!  團友知道我不喜歡太硬的食物, 就把燒鵝脾讓給我了.   雖然熱辣辣的燒鵝髀肉又滑又多汁, 但燒鵝皮卻依然脆脆, 全因這是剛出爐的燒鵝.   燒鵝燒好後, 要先放置一陣, 鵝皮才會變得香脆, 而鵝肉冷卻收縮後就可跟鵝皮分離, 肉汁精華就不會

相信90%香港人諗起燒鵝諗起裕記，今次特登去到深井，只係為咗食一碟例牌燒鵝同兩碗白飯🤤💚 裕記燒鵝其實一直都覺得裕記係果種名不乎實、食老本嘅老店，但係當你見到碟燒鵝出爐上檯嘅第一秒應該會完全改觀。除咗超級新鮮出爐之外，裕記嘅燒鵝炭火味十足，而且自設廠嘅黑鬃鵝同一般燒鵝完全唔同，無羶味之餘，皮同肉中間嘅脂肪油香係隔開半條街都會聞到。燒鵝皮好脆口，同埋好有入口即溶嘅感覺，難怪佢哋咁多年嚟都得獎無數。唯一缺憾係我哋人唔多，無辦法試埋其他小炒，但如果齋計燒鵝應該都真係全港數一數二。不過始終係老店，服務就唔係特別出色，亦都好有「港式風味」。味道: 🌕🌕🌕🌕🌕服務: 🌕🌕🌕🌑🌑環境: 🌕🌕🌕🌗🌑價錢: 🌕🌕🌕🌗🌑

入開屯門突然想食燒鵝， 就即刻諗起香港最出名嘅地方深井食物： 燒鵝皮好脆， 肉就唔係太入味， 可能我食開太興嗰啲會鐘意濃味啲， 總體不過不失， 但又未至於講到招牌咁好食， 未食過可以嚟試下， 其他小菜分量都幾大碟， 味道不過不失， 擺到上枱都係熱辣辣環境： 泊車方便， 有專用場畀你泊， 食店裏面裝修都比較簡陋， 但係都乾淨企理， 可以當係一種爽排檔風味總體而言，價錢唔係太平， 性價比麻麻， 但係勝在名氣大， 未試過嘅人都可以一試