裕記大飯店

营业中

休息中

因為探望住汀九的朋友，特地入深井食燒鵝。深井有好多間食燒鵝的食店，因朋友特別推介，所以選擇裕記。雖然在旁邊大大隻招牌，都需要經特別小街，轉入窄巷，才找到正門。我哋叫咗例牌燒鵝，雙菇雜菜煲，咕嚕肉。普通的菜式，比出邊嘅食店貴五成，但係味道一般。咕嚕肉OK，多肉少份，但係酸甜度不夠。將菇雜菜煲，冬菇非常大隻，但係味道非常非常普通，賣相非常雜亂。至於極度期待的燒鵝，皮很趣，但係超級鹹，又冇乜肉，又貴。特別一提，我哋叫咗瀨粉，反而有驚喜。總括而言，性價比低，燒鵝質素今非昔比。

屋企人話好耐無食，專登修左去深井食燒鵝。叫了一隻燒鵝份量都好大碟，切開咗分了兩碟上。鵝肉好多食得好開心，但脂肪層比較厚連橡皮食落去有少少油膩，一隻食唔晒仲打包左一盒走鵝肝粉嫩單定價比較貴，份量得嗰幾片，上枱賣相差了些叫得燒鵝當然不能欠缺瀨粉，自製燒鵝瀨份就係咁簡單，夾幾舊燒鵝入去，遇上熱湯逼出脂肪，一層油浮在湯上最滋味當日沒有足夠鵝腸供應，變了炒鵝雜，加入了腎呀肝呀同腸，但味道唔平均，有好多都沾唔到醬油，同芽菜太多，鵝雜份量其實好小金銀蛋時菜，大碟正常水準小炒皇，沒有韭菜花根本就是西芹炒蝦滷水鵝翼鵝掌，因為做特價所以都幾抵食，嘅啱晒鍾意啜野嘅人呢餐唔算貴叫咗咁多嘢都係1000尾價錢

深井燒鵝係香港都幾出名，講到用炭火烤制，色香味俱全，專登入去。去到岩岩過左午餐時段唔算太多人，門口阿姐好熱情。兩個人點咗半隻招牌燒鵝，都幾大隻，燒鵝色澤紅潤，烤味濃郁。食落鵝皮鬆脆，忍唔住要連皮食，肉質比較細滑，雖然係燒鵝，但仲好鬼多肉汁，比起面外燒味店係好食好多，可能又係堂食即叫即斬，熱辣辣好好味！除咗燒鵝，仲叫咗個豉油王炒鵝腸，無腥味，食落濃味爽口，送飯一流！全餐飯最好食當然係燒鵝，有水準，兩個人食半隻燒鵝有D多，最好叫1/4隻，份量岩岩好，見隔離枱叫一隻燒鵝，店員好好話叫半隻夠食，抵讚！未食過嘅都值得推介，價錢就見人見智啦！

亞婆死之前講過好想試一次裕記燒鵝所以出殯果日特登去深井咁遠買我哋平時都好少食燒鵝，唔敢話自己好識食，不過平時就鐘意食啲脆口嘅嘢咁要原隻要揀一隻我亞媽只係問吓脆唔脆，個老闆娘已經粗聲粗氣，仲要係門口係我地屋企人同其他食客夥計面前不斷「依個女人」前「依個女人」後指着我亞媽嚟罵去靈堂嘅製品都有啲規矩，講多一兩句例如提佢唔好斬頭都不斷咁鬧如果唔係想圓亞婆嘅心願，真係寧願唔比錢唔買走人今次隻燒鵝因為係比亞婆嘅祭品所以就冇食隻燒鵝有幾好食真係唔知不過憑比咗六百幾蚊我阿媽俾人係自己亞媽出殯果日當街當巷咁樣鬧我呢世都唔會係依度食，寧願去隔離陳記

親朋口中，食燒鵝就梗係去深井食虞裕記啦我想像中的燒鵝係皮脆、肉嫩、味香，今日食呢隻燒鵝味道香濃，有獨特的香味但係皮唔夠脆，中肥，多窿邊、皮韌差咗好多椒鹽蝦碌，好有鑊氣，好惹味，勁好味😋還有點了一個蛋白蟹肉炒西蘭花，味道清淡，也不錯！中和一下濃味的燒鵝和椒鹽蝦球還點了很有名的西洋菜陳腎湯，味道偏鹹這裏的環境地下總是油油濕濕的，感覺很邋遢，要慢慢行這裏的樓底很低，冷氣吹得犀利就是吃風味吧！

又貴又唔好食既燒鵝，態度又差個啊姐，叫幾十次都唔理人，真系無下次，無招呼不但只，樓面啊姐仲要黑面，燒鵝又油又肥，個皮一d 都唔好食，除左個鹵水ok真系無咩好食，超級差

疫情後剛剛已有4至5年沒有去過深井食燒鵝了，今次與屋企人重臨此地，諗住遊車河之餘，順便再試試好耐無食過的裕記燒鵝!當晚是星期六，客人非常之多，未夠7時，已經一大堆客圍住門口等叫飛，我們book了六時半，都要等大半小時才可以有枱入座，好在這間老字號沒有令我們失望，我們點了一個4人套餐，但分量足足夠5人食，性價比很高!菜單有：-半隻燒鵝 : 皮脆肉軟，溫度適中，大大碟很有睇頭!鮑魚扣鵝翼： 鮑魚同鵝翼都炆得非常腍，而且味道剛剛好，不會太咸!西蘭花炒帶子： 啲帶子粒粒都好大粒，成個乒乓波咁，正!清蒸海斑： 條斑很新鮮很大條，而且仲好有鮮味!粟米魚肚羹： 沒有太大特別，不過都係真材實料，有好多魚肚!酥炸生蠔： 因為老爸老媽很想食生蠔，我們另外叫了酥炸生蠔， 果然沒有令我們失望，外脆內軟，鬆化無比!瀨粉： 仲有想向大家推介這裏的瀨粉，如果肚子還有空位，不妨叫一碗瀨粉來試試，這裡瀨粉又爽又滑，佩埋燒鵝一齊食一流!整體來說，我們都很滿意這餐晚飯，雖然這裡地方比較擠迫，但係勝在夠地道，氣氛非常好，可見疫情後大家都很雀躍一齊出來聚餐、聚舊!!!!

心血來潮，想食燒鵝！硬係覺得深井最正宗🤣🤣🤣所以特登入咗深井食燒鵝有好多間選擇最後都係揀返大牌子，深井裕記燒鵝😝三個人食叫咗半隻，再加兩道小菜份量已經好夠。食燒鵝，唔知點解就會好想配返一碗瀨粉😂😎正！滿足❤️

忽然朋友急call食燒鵝，廣告就睇得多，食就真係第一次！叫左半邊燒鵝，第一次食到皮脆肉嫩燒鵝，多油又新鮮，最緊要有鵝味，坊間其他地方食真係鵝鴨滿分。跟著加多幾個小菜，黃金蝦球，不過不失啦。總結都係燒鵝最好

只有懷舊風味！幾十年没番新！老舊風格！價位高只能做遊客生意？本地人應没興趣！朋友有工作在附近很多年没有到深#！想食懷舊味！三人行要了半隻燒鵝冰鮮味！抄鵝腸鵝心可以的再叫了卤水开盘失敗之作！酒鵝肝还可以的！再蝦干聖瓜和带子羔豆付一般！加大啤三人共食$1170 不算超貴但味一般之下不值得推介

✨Traditional Charcoal Roasted Goose 傳統炭燒燒鵝燒鵝經古法炭燒至色澤均勻，鵝皮表層烤得十分酥脆，炭香味十足。鵝肉質感厚實，充滿鵝油香，醬汁入味，點上酸梅醬更加開胃。P.S. 下庄位置雖然比較油膩，但鵝香亦較重，肉質相對更嫩滑。😋.#hkfoodie #hkig #hkfoodblogger #foodporn #hkfoodlover #discoverhongkong #香港美食

純文字討論，因為見到d食物連影相都覺得無心情今日行完山，辛苦過後諗住食好d獎勵自己，只知道深井出名燒鵝，燒鵝唔係陳記就裕記，因為陳記好似旺角都有，所以㨂左裕記，點知...最主要係想食燒鵝，叫左個燒鵝下樁，盛惠兩舊，黎到點知得一隻鵝脾同一堆鵝背骨同幾件鵝頸，除左隻鵝脾，一堆鵝皮同肥膏之外，真係無乜野好食，最後兩舊水淨係食左一隻鵝脾，值唔值大家自己去衡量。其他菜正常酒樓野，無乜野特別值得講應該唔會再有下次講完

睇咗裕記廣告，興高采烈專程坐巴士轉來轉去到裕記，但吃完之後，真的是大失所望。大廳分散，沒什麼檔次，但收費卻不便宜，一條斤零重的斑，承惠五百幾。點個套餐，睇起來好好，但上桌之後，發覺招牌菜膽燒鵝大部分皮又黑又焦，還搭上幾塊黑色的鵝頸充份量。原本帶客人朋友想介紹一番，令自己無顏面對。餐中的羹過鹹，還有鮑魚鵝掌用邊角料又小又細。完全睇唔到有什麼特別之處，還收費不菲。如此味道，根本食唔完，打包仍要受氣，算是一次不滿意的體驗。

咁啱長輩返黎香港，想話食燒鵝，咪同佢地去以前食開嘅裕記。揸車去，話有車場去到原來泊車檔黎要留匙，都唔係問題喇。去到門口攞位，book咗7:30，點知一早訂咗位都仲要企係門口等，等咗成半粒鐘先有得入去坐。一坐低餐牌都未睇完，班伙記就埋黎催落單，叫佢等陣先，唔夠2分鐘又埋黎催落單，仲係咁hardsell啲海鮮。老人家話啲燒鵝同以前比質素差咗好多，好多燶咗嘅位，啲份量又細咗。啲小菜就還好嘅，叫做有啲鑊氣。食完老人家話好失望，估唔到老字號都可以做到越黎越差。食完去車場攞車，出奇地班泊車仔反而好好禮貌，又有笑容又多謝前多謝後，同入面班伙記比好九條街。

燒鵝overcooked, 啲肉好鞋，連燒鵝髀都唔滑👎🏻薑蔥雞煲得幾件雞肉仔👎🏻芥蘭鮮魷啲芥蘭好老👎🏻今次揸車去，啲停車場職員，入去停車嘅時候就好好禮貌，拎車走嘅時候就黑口黑面，R貼士（已經要比停車場費）, 全程態度惡劣！👎🏻👎🏻👎🏻