裕興咖啡

营业中

休息中

呢間野我幫趁差唔多 10 年, 雖然老闆佢地好有性格, 真係好 Full 就唔做你生意, 但係佢地其實好好人!!早排因為重建都有一排冇幫趁, 噚日 Lunch 行過見佢地開返, 今日就黎整碗麵先!依家一直都係主力整福字公仔麵, 冇其他麵揀架啦! (牙~ 以前都有米炒食, 不過都係福字牌) 佢地新裝之後set 好晒 d 餐, 台面仲有紙巾比人用, 呵呵~ 夠細心牙! 而且又多個女仔幫手寫單, (以前個岡叔叔唔知去左邊?) 一個負責煮麵 (成日同我頂咀), 伯伯就負責茶水, 佢地分得好清, 由於即叫即煮, 有時真係唔等得就唔可以黎食! 依家同以前一樣果 d 麵包成日好快比人 order 晒, 因為入貨少, 我鐘意食佢地個旦白冶, 呵呵! 今日見人 order 三文冶, 多士都冇得食, 冇計啦, 下次請早!餐牌多左個雜菜粒螺絲粉, 以前邊有!! 我就食返例牌全拼福麵+凍0啡, 伯伯沖既凍0啡最啱我口味!! 食飽飽好滿足, 下次再黎過!

小小的大排檔，藏匿於橫街窄巷位子不多，早早來到才好，是日更有老外光顧牌子寫著製作需時，早早在OR看過後已有心理準備來個全拚，凍飲+$2全拚，只係將佢有offer o既選擇一次過俾晒你：紅腸、餐肉、蛋、椰菜，仲有就係唔係咁多地方有o既福麵白一點說，呢o的組合多數最o岩o的麻甩佬，但我其實只係間中鍾意食o下。周街氾濫o既公仔丁麵，其實我覺得福麵更好，麵身較軟但又粗o的，湯包清一點三十蛟，老實講係貴，但中環大排檔還是需要呢個價錢吧蛋是煎過的所以略實而有口感，紅腸餐肉不是很鹹而充滿「原味」，椰菜也沒有怪味呢奶茶是那茶水伯伯專責負責的，很滑很香有高水準不算很飽，但，就是喜歡那簡單而直接的味道

有時候飲奶茶真係見人見智,對於台灣的珍珠奶茶沒有興趣,論奶茶做得不錯的就是這處.用上炭燒去煮奶茶,有幾多的地方會這樣做呢?香港說有的話,通知一聲等我有空飲一杯看看水準如何.一杯奶茶和一碗全拼麵索價三十二元,奶茶很滑溜之剩,不缺茶的香味,很有水準的奶茶,麵則用上紅腸,午餐肉,蛋,時菜數款,份量也十足,但在中環還算便值,看到他們那種純熟手勢,以及體貼的態度,值得一讚.吃個麵,慢嘆奶茶,付錢後就繼續起行.更多相片和詳細:http://cky20080.blogspot.com/2010/05/blog-post_05.html

Went for sit-down breakfast as they do not allow take-out. The luncheon meat and egg sandwich was absolutely delicious. Very thin and small slices of luncheon meat paired with fried egg with diced lettuce encased in the egg. The biggest surprise was the sauce... tasted like peanut butter-flavored condense milk! The sandwich was so fresh and hot that it burned the roof of my mouth. But it was a small price to pay for such a yummy sandwich.

Brought another one to try this tiny and low-key Dai Pai Dong - We loved it. The toast with peanut butter and milk was fantastic - so crispy . We should encore. The noodle came with 5 minutes - 10 minutes cooking time as the gentleman in-charge would stir fried the instant 'lunch meat/ham' with eggs and vegi and use his patience to cook for you. You would need patience to wait for this bowl of noodle.

27-10-2009又到大排檔食 lunch, 今次試試賣奶茶咖啡公仔麵為主的呢度. 叫了一碗乜都有的「雜麵」, 加杯熱奶茶 (total $30).奶茶色水不錯, 飲落幾滑, 茶味幾香, 但已代落糖, 甜得離晒譜 第一次嚟唔知頭唔知路 tim, 下次一定會叫「少甜」「雜麵」餐牌上話有煎蛋, 紅腸, 餐肉及菜, 嚟到就原來係紅腸餐肉奄列 + 椰菜, 賣相味道都好住家 feel, 特別欣賞煎蛋香口又邊位脆身, 椰菜就軟腍清甜 麵底就係福字牌, 淥得稍腍身, 不過味精湯底又唔會太鹹, 還可以吧.大排檔環境預咗唔好; 全檔原來得一位伯伯 prep 飲品, 煮麵及烘多士亦只得一位哥哥負責, 睇住 d 粉麵逐碗逐碗出, 我嗰碗足足等了 40 分鐘先有得食 (1:10pm 已坐低兼落單, 1:50pm 先嚟!), 果然「慢工出細貨」呀吓... 好在下午唔使開會0者 , 不過就要打消去嘆咖啡的念頭了.放低 $30 急急腳離開, 唔趕時間的話, 可以一試的.

在那裏食了好一段日子, 好味的食物有:多士 (刀章特別, 食落啖啖有味; 嫌熱氣又可以食靚麵包, 夠彈牙!)蛋牛治, 正!特色三文治 (有少少辣,好惹味!) 紅腸/餐蛋麵, 有菜,仲幾大碗tim (米粉係我至愛)熱檸檬水, 正! (檸檬好靚, 好有香味!)奶茶很香滑! (個人喜好, 味道可以濃一點)由於每項製作需時, 須耐心等候.

回到中環工作, 今日變左跑街一族. 見早上有空, 慢慢係街市, 再次嘆嘆這一檔與別不同的三文治. 應真是慢工出細貨, 一個人, 一個爐, 煮完一個先慢慢再煮第2個. 大細老細不急, 客人亦不急. 黎得呢度既人, 大部份都係有足夠時間食早餐既人.同以往一樣, 餐蛋治一個, 一樣是蛋包肉一齊煎, 再塗上花生醬. 沒有牛油的油膩感, 多了的是花生味的香口感.奶茶, 由那個古老的電鑪煲出. 糖又落得適中, 風味確不同.

話明係大排檔，衛生要求唔可以太高。一個set lunch, 30蚊。食D乜? 煎蛋、紅腸、午餐肉加時菜o既公仔麵。份量都算可以，味道又真係唔錯。見到老細同伯伯一碗一碗慢慢煮(等左真係幾耐，差唔多成十五分鐘)。可能肚餓關係，好快就食完。一個價廉物美o既午飯。遲d再過去隔離d檔口試下先。

來這裏，幫襯得最多的是威記，那碗綿綿的米王的確不錯。響負盛名的盛記，原本有機會吃的，但上次撞正午飯繁忙時間，人真的多得水洩不通，最終亦放棄了。今天早上，有點時間，再次散步過來，見這裏有奶茶多士吃，就找個位子坐下來....照慣例叫茶走，老闆仔劈頭一句就問 : "要有糖還是無糖煉奶 ?"。小弟真的孤漏寡聞，原來是可以這樣叫的，又上了寶貴的一課了。未喝過不甜的茶走，當然要試試。茶味頗濃，滑度反而只是普通，而且只是用上普通的玻璃杯而不是常喝的瓷杯，心理上總是差一點...叫多份餐蛋治烘底。麵包烘得微微金黃，吃落帶點微脆，但包卻不失鬆軟；餐肉有煎過，而且表皮亦煎得微焦而且脆口，可見是用心煎的；蛋是熟蛋，小弟還是喜歡炒得較生一點的，勝在夠多蛋汁嘛；餐肉與蛋之間夾入平常少見的椰菜，頗有心思....值得一提時老闆仔服務態度極佳，經常唔該前唔該後，值得一讚...

今朝早, 因私事早左成個幾鐘出中環. 事情比我想像中快, 未到9:30. 未駛返Office, 平日中午等到死的正奶茶. 為食的我一定要黎試下.9:15, 明顯是9點上班族個個係Office"多勞多不得", 有兩三個熟客, 同老老闆傾計.我點了餐蛋治, 與別不同的餐蛋治, 是蛋夾菜夾餐肉一齊煎. 即煎即上, 加理炭燒絲襪奶茶. 放下了繁忙的趕返工步伐, 應真醒神.

叫了一碗“雜面”, 有煎雞蛋/ 菜/ 午餐肉/ 紅腸. 內容繁多. 但d湯只是咸咸地, d面有d太林~~味道一般奶茶都係麻麻~~不過大排檔風味好正~~

亞伯沖的奶茶- 好正！茶味奶香，配合得天衣無縫。雖然是大熱天，都會去飲杯。亞伯說這個茶水也做了幾十年了。這裡的餐蛋菜麵也ok。若果好彩，會吃到他們炮製的奶醬多，老闆說客太多就做不了。這裡的奶醬多不是一般的做法，而是把厚多士切成三片，每層都塗上奶醬，再合起來。這樣的多士，吃落滋味無窮。就是吃做食物那份心機，也值囘票價。

叫左個餐蛋面，上枱時見到的竟是餐肉奄列面附椰菜！證明了之前食評說的，這裡的東西味道一般，但頗為講究。

上星期四一早要到中環辦點事,所以到此試下。之前雜誌介紹炭燒咖啡,所以叫了一杯熱啡走甜和奶醬多。炭燒咖啡- 大概炭火煲的味道確係比用明火煲的有點不同,淡淡滲出一股炭燒味,好特別又好好味,唔會苦或酸奶醬多- 多士切成4個小三角形,較易入口,當多士上檯時,發覺跟平時不同,除了香脆可口外,原來是夾心的呢!一份多士,三塊麵包? 再留心看看,老闆原來係把一塊厚多士"片"成三片,烘焙後再塗上奶醬,變成質別不同的多士。$18好像貴了一點,但食到這水準又夫復可求!題外話- 原來身邊的所有茶客,都是日日幫襯的熟客,一坐下,不需多言,老闆就會端上他們的早餐,茶客間大家在閒聊,有點像"香港8幾"的小食店,洋溢人情味。好好享受這些碩果僅存的地道風味,看來這特色很快便因土地發展而絕跡!!!