裕珍樓 (已結業)

全家去飲茶 門口有個樓面阿姐唔比我仔入去 反而有人未掃通行證佢地都唔知亦冇阻止攔住我仔 話佢咁大個冇安心出行唔比入我話我仔未滿12歲 係唔駛掃安心出行阿姐話 而家法例係一定要 男經理出黎 都係話我仔高大一定要安心出行我話佢冇手機點掃 佢中過covid亦有豁免我手機都有紀錄可以比佢睇佢話唔得 佢一係要打左針 唔係有安心出行都入唔到再黎個女知客 再重新講多次我仔有豁免 有記錄可以比佢睇我仔未滿12歲 不需掃安心出行亦有帶身份證證明未滿12歲我搵埋法例比佢睇 未滿12歲唔使掃安心出行又出黎一個女經理 強調冇打針唔比入去佢話我乜都冇 證明唔到咩我再強調我有證明 都唔比入我姑仔出黎 再比法例佢睇佢地都唔聽唔比入直到 姑仔話叫警察黎一齊研究下條法例佢地先話 有咩事你地自己要負責返真係無語加無限個黑人問號全家人咩胃口都冇哂另外 佢地門口都貼左海報 未滿12歲係唔駛掃安心出行 仲勁大聲話法例係咁

沙田圍站A出口，露天行5-10分鐘，再行條小樓梯才可到達位於平台的酒樓。餐廳係12-4的時段提供午市套餐，可以$168選購主食x1+小食x1＋點心x3，挺化算，諗唔到叫咩，可以叫呢個套餐再精選食物。現時堂食正在做燒賣皇特價，只需要$10.8便有鮮製燒賣一籠！5位以上，更可以選購2籠晚市參考：午市：點心價錢實惠，蝦腸不用$30可以切到7件～留意返，所有點心即叫即蒸，需時較長🤣早午下午點心價錢分別不大，不用搭枱。坐得舒服，服務員數量足夠，區內平民茶樓

一行六人，本人是第一次光顧，而友人就通常到此飲早或下午茶。雖然是舊式酒家，但地方寬闊光猛且感覺乾淨。而服務員態度亦很好，哈哈...可能是友人的關係。我們叫了個全包宴半席$9xx，貪吃的關係還加了片皮鴨兩食，結果是飽到上心口。基於不做大嘥鬼，所以分工合作每人帶走一点。套餐份量充足，特別一讚是龍蝦和魚新鲜，乳豬皮脆卜卜兼不太肥膩。而其他菜式味道OK，只是燒雞略咸。總括來說，個人認為算是經濟實惠的一餐，還有就是上菜速度實在太快了！

$198有全隻鴨,鴨肉就炒涼瓜,有鑊氣熱辣辣幾好味。酒樓男部長好手勢,即場片鴨,片得大大片有肉。夠均真,係你面前片,一定冇畀少你。夜晚20:00去食,2個人,茶位每人$10,$198+20再加一,埋單$240

今朝喺乙明邨裕珍樓買外賣點心返屋企做早餐，居然要等左差不多半小時，餓到我跳舞，如果唔係佢哋啲腸粉係同區最好食，如果唔係包點先生早上8:05都未有飯賣，我都費事行咁遠。嗰兩個收銀員一味話要等20分鐘唔好追，過咗25分鐘我叫佢取消張單嗰兩條收銀員先派一條去廚房追死都唔俾我取消張單，我都未試過早上9:20先有早餐食！1. 鮮蝦腸粉 $24.8 - 冇叉燒腸粉啲餡咁好食，因為啲蝦唔夠大，其中一條腸粉有半條是沒有哈的。2. 叉燒腸粉 $17 - 呢個好食！啲腸粉皮好滑。3. 四寶雞扎 $17- 好食！不過外層都係腐皮，並不是淮山！4. 鯪魚球 $21.8 - OK，但係冇博康邨商場嗰間康城酒樓咁好食。原先我諗住父親節過來買外賣小菜返屋企，因為阿爸話疫情仍然有的時候不外出食飯，今次呢個外賣體驗令我嚇怕了！合共$84！兩人分享即是每人$42。

一連數天新春假期，今天約了朋友在沙田裕珍樓飲茶兼團拜，酒家滿座，等了四十多分鐘才有座位，由於是新春假期，點菜單價格也較以往稍高，我們點了幾款點心，互派利是。當中蛋黃蓮蓉包，蓮蓉幼滑，蛋黄是完個的，包皮綿軟不黏口。蘿蔔酥炸成金黄色，脹卜卜，蘿蔔絲頗多，鬆酥也夠。蟹籽燒賣皇肉質鮮味有汁，這幾款點心也做得不錯😋

第一次嚟食，嬲到要開OpenRice acc入到去有阿姐問飲咩茶，尚可。煎堆都熱同薄嘅幾好食，咸水角凍嘅。其他都一般，戲肉嚟啦！我哋食唔哂d野，又冇帶外賣盒，叫個侍應拎盒阿姐唔該我想要個外賣盒，佢冇應我，去左第二檯，轉個頭拎個碗比其他檯都冇拎，家姐同我講佢應該聽唔到，我再叫佢，阿姐我想要個外賣盒。佢鬧我，咪話左等陣囉，我梗係扯火，佢冇理過我，同我對罵，我屋企人話算啦，唔好嘈，佢繼續鬧，我重新同佢講一次，我聽唔到，妳係咪用喉嚨講野，如果我聽到就唔會問啦！就當我聽唔到，我屋企人都總會有人聽到呀嗎？佢不停嘈，我老表叫左個經理過嚟，本身經理黑面問咩事，佢想幫個女人，但佢聽住個八婆係咁鬧，幫唔落就叫佢收聲行開。個經理拎外賣盒比我哋，道歉。個女人係喱喱，講野都未正。請我都唔會再去。

員工服務態度差到爆 尼世都5會去我尼到比張紙佢落單 ，佢就話做咩呀 ，點同你落單 ，你無寫抬號，員工全程黑面，見你後生就發你脾氣，斯善怕惡，未試過食一間態度甘差既員工，尼間係我人生第一間black list既店，希望5好再有人中伏。食物方面因爲佢話：「點解你5寫抬號，之後就遲遲不落單，最後比既食物都係凍既，個呀姐尼到係黑住你甘比餸你。似住有街坊生意就甘服務態度。我尼係食野，5係受你氣，我做服務業就算點都5會對住個客發脾氣，我冇對住佢黑面，因為斯善怕惡既人係5值得同佢吵，只係話比大家知尼到既員工態度有幾差 希望大家5好仲伏

首先，一入到去，企門口果位知客小姐已經超級無禮貌，又黑曬面！我都唔係要5星級服務，但至少回答客人時，唔好無禮貌同黑面！入到去坐底，嗌左幾個點心，一碟炒飯食，食食下，發現碟炒飯有曱甴嫁！救命呀！真嘔心！但無同侍應講，因為佢地通常都會話換個碟俾你，但實際我地無辦法知道，佢地係咪真係換過一碟，就算真係換過碟，上左碟新既，你又夠唔夠膽真係食落肚，我硬係仍住仍住碟飯會有d野，所以擺食就算了😭所以一定要寫食評，呼籲大家唔好去！真係一試難忘！

因為外家住沙田，所以有機會到這裡飲茶。門口有斜路，方便老人家推輪椅，考慮周到。如果人數不夠，有可能需要搭枱。環境舒服，樓面也充足，可能剛好坐在大堂中間，舉手落單周圍侍應都看得到。點心還可以，不過灌湯餃可免則免，灌湯餃皮不好吃，旁邊蟹柳簡直是極普通的貨色，湯有點鹹，極不推薦。雞包仔下午茶時段$16.8有三個，算是最廉價又飽肚之選。較早前，午餐時段叫了一鍋貴妃雞河粉，河粉一般都是這樣，不特別，但是意想不到雞幾好食！冰鮮貴妃雞做得嫩，雞皮又黃又厚，$110可以4、5個人一齊分享，算是驚喜。

原來隱世屋村都有正既酒樓，今日有事路過，便去左歎個下午茶。下午茶時段係平日兩點開始，仲未夠鐘之時阿姐話可以先入座，開定茶位歎住先，因為午市同茶市都係$7 個茶位，抵噃。點心紙有呢D.....煎釀尖椒 $16.8打頭陣係煎釀尖椒，十幾蚊有成五件，平過街邊督。夠熱用料足，尖椒超辣好味道。奶皇包 $16.8奶皇包一客三件，都大個，但饀料多少就睇彩數。硬係覺得隔離果件爆饀D😑⋯⋯四寶滑雞扎 $18.8大件美味，有樣你睇，係件雞唔算滑囉。灼西生菜$16.8嫰！正！鮮蝦腐皮卷 $19.8皮薄脆口，雖然已經飽飽地都清曬。古法馬拉糕 $16.8好鬼大份，香滑，但好飽已經食唔曬，包走返屋企再食。枱夠大好坐，員工多係熟手兼眼明手快。難怪咁多街坊食客捧場啦。埋單都唔使百四，超抵，值得推薦。

好少寫食評，啱啱食完真係忍唔住要寫一寫。同屋企人團年，諗住就老人家方便，就選咗呢間屋邨酒樓。今日年二十八，照計應該好多人食團年飯，但一入到去見到只坐了一半客人，心中已經暗叫不妙。坐低，一攞個餐牌嚟睇，十二人餐盛謂2888，價錢比起其他酒樓稍貴，但見是全包都Ok la，況且團年一年一次，開開心心都冇所謂，誰不知食到一肚氣。首先嚟個趐，一食落口翅就食唔到乜滯啦，粉絲就一大拃。再嚟個瑤柱扒豆苗，外表就好靚嘅，好多瑤柱咁，但原來瑤柱之中竟混咗好多金菇，有冇搞錯！然後有個冬菇鮑片，但啲所謂鮑片同平時食開嗰啲罐頭鮑質感完全唔一樣，好淋好奇怪，又冇鮑味，總之就係不倫不類，唔識形容。以上呢幾樣都係伏中之伏，另外啲餸都味道麻麻仲偏細碟，十個大人三個小孩食十二人餐都唔太飽。本來以為食完一餐食物質素唔掂嘅團年飯已經中完伏啦，點知好戲仲喺後頭。好啦，埋單啦，咦，點解明明食十二人全包宴，會計咗一個茶錢嘅，叫部長過嚟問，佢用極其差劣的態度話寫咗你哋十三個人吖嘛，但係你個餐明明寫住全包喎，唔係話只包十二個人，況且我哋雖然十三人但十個大人三個小孩，小孩點計都只算半個吧，但竟然硬收多一個茶錢！！講真，食咁耐茶樓，都未見

本來平時都唔寫食評，但今次實在太差，食物選擇好少，食物凍哂先來，個炒飯來到已經凍左，炒米粉、炒飯、棉花雞好多油也都應該落好多鹽整到好咸好難食，粉果個皮超厚，馬拉糕好硬唔夠軟唔建議大家去食，其實可以去附近沙角邨酒樓

今日婆婆生日，我地一家就同婆婆慶祝，為左方便老人家，所以係返屋邨附近食，最後，我地決定去酒樓慶祝！叫一圍酒席圍酒席大約$1400幾全包，包茶芥加一，都幾抵加，仲包十二罐啤酒或者汽水tim乳豬拼盤，份量都ok，即刻燒，好熱好脆龍蝦上湯伊麵，龍蝦應該有兩隻，味道都還可以炸蝦沙律😂我第一次食酒席有呢味菜！有少少奇怪😂不過又唔係難食嘅清蒸石班，都大條嘅，肉質都嫩滑，唔錯我地仲另外叫左隻片皮鴨，價錢係好抵，不過味道十分差好薄皮又細隻，最重要係好大陣騷味整體來說，呢個價錢其實真係唔錯架啦，我地都冇咩要求，最緊要一家人開開心心食餐飯

難得放假做吓孝子同屋企人去隔離邨間酒樓嘆吓茶先晏左起身一於叫多d嘢食，一次過早餐、午餐一餐過我哋叫左：蟹籽燒賣皇，大大粒，啖啖肉蠔皇鮮竹卷，內裏餡料均匀，一半菜一半肉，唔肥膩沙爹金錢肚，牛肚好淋唔痴牙香茜糯米包，有少少芫茜香味，花生好脆，糯米好乾身蠔皇叉燒包，麵粉唔嚡口，内裏餡料味道適中特式奶黃包，口感鬆軟，唯一缺點，奶皇唔流沙古法馬拉糕，食落軟綿綿，好香蛋味金獎甜薄罉，厚薄適中，好多花生、椰絲碎，好好味原隻鮮蝦腸，皮需然唔係晶瑩剔透，但唔太薄太厚，都算係中上，內裏都幾多蝦蜜汁叉燒腸，皮都係一樣，叉燒大細適中鳳爪排骨飯，飯好乾身唔太濕太肥將來又多一個地方同屋企人享受美食