影片
更多
2018-07-25
690 浏览
原來隱世屋村都有正既酒樓，今日有事路過，便去左歎個下午茶。下午茶時段係平日兩點開始，仲未夠鐘之時阿姐話可以先入座，開定茶位歎住先，因為午市同茶市都係$7 個茶位，抵噃。點心紙有呢D.....煎釀尖椒 $16.8打頭陣係煎釀尖椒，十幾蚊有成五件，平過街邊督。夠熱用料足，尖椒超辣好味道。奶皇包 $16.8奶皇包一客三件，都大個，但饀料多少就睇彩數。硬係覺得隔離果件爆饀D😑⋯⋯四寶滑雞扎 $18.8大件美味，有樣你睇，係件雞唔算滑囉。灼西生菜$16.8嫰！正！鮮蝦腐皮卷 $19.8皮薄脆口，雖然已經飽飽地都清曬。古法馬拉糕 $16.8好鬼大份，香滑，但好飽已經食唔曬，包走返屋企再食。枱夠大好坐，員工多係熟手兼眼明手快。難怪咁多街坊食客捧場啦。埋單都唔使百四，超抵，值得推薦。
下午茶時段係平日兩點開始，仲未夠鐘之時阿姐話可以先入座，開定茶位歎住先，因為午市同茶市都係$7 個茶位，抵噃。
點心紙有呢D.....
煎釀尖椒 $16.8
打頭陣係煎釀尖椒，十幾蚊有成五件，平過街邊督。夠熱用料足，尖椒超辣好味道。
奶皇包 $16.8
奶皇包一客三件，都大個，但饀料多少就睇彩數。硬係覺得隔離果件爆饀D😑⋯⋯
四寶滑雞扎 $18.8
大件美味，有樣你睇，係件雞唔算滑囉。
灼西生菜$16.8
嫰！正！
鮮蝦腐皮卷 $19.8
皮薄脆口，雖然已經飽飽地都清曬。
古法馬拉糕 $16.8
好鬼大份，香滑，但好飽已經食唔曬，包走返屋企再食。
枱夠大好坐，員工多係熟手兼眼明手快。
難怪咁多街坊食客捧場啦。埋單都唔使百四，超抵，值得推薦。
张贴
