街坊Cafe (已結業)

難得閒日中午可以抖下，拉左老媽子出旺角逛下，通菜街不嬲多平價餐廳，見到呢間門面幾靚，又玩啲中西合璧菜式就入左去。餐廳內外位於「女人街」之稱既通菜街，估唔到餐廳裝修幾有Feel，我覺得設計得唔錯，附合到佢餐廳名「街坊Cafe」。食物選擇十分之多選擇，14:30前來有Lunch Set有Tea Set亦有散叫，平時意粉食得多，呢到配河粉/蝦子麵，好特別。加上叫得自己做「街坊Cafe」，價錢都街坊價啲，鐵板最平$89都有交易。海鮮龍蝦汁蟹籽蝦子麵 $108西式海鮮龍蝦汁 x 中式蝦子麵，幾新穎既配搭，份量唔算多，男士食未必夠飽，岩細食既女士。海鮮有青口、魷魚、蝦，底部有少許龍蝦汁撈勻再食，龍蝦汁味道幾出，蝦子麵本身就咸咸地，整體咸口但咸道可接受，估唔到兩者夾得埋，唔講係蝦子麵，外表睇就如平時食開既西式海鮮寬條意粉。午市套餐—龍蝦汁海鮮意大利飯 $68午市套餐包碗仔翅／忌廉湯、熱飲同免加一，同埋價錢相宜好多，我就揀左個龍蝦汁海鮮意大利飯，後尾先發現其實同老媽子兩個人嗌既一模一樣咁制，只係佢果個係蝦子麵，我果個就係意大利飯，所以個base其實都一模一樣，但唔知係咪因為飯會索汁，以龍蝦汁煮令到意大

朋友推介左我一間位於旺角既港式西餐廳，今日就同兩個朋友去食dinner。我地book左6點鐘，見到餐廳都幾full，而空檯都已經留座,所以想黎食晚餐最好book定檯。我地三個都係食肉獸，所以我地就分別叫左唔同既扒，大家可以share,試下唔同野！我地分別左鐵板燒美國穀飼肉眼，鐵板燒美國穀飼西冷，兩樣都係五成熟，牛肉用鐵板上既，食落去好嫩好juicy!另外，我地亦都點左份燒紐西蘭羊架，羊架有三件，岩岩好一人一件😆羊架好多肉，亦都好juicy,同埋唔會太羶，岩香港人口味。野飲方面，我地叫左花茶同埋榛子鮮奶咖啡同烏龍鮮奶咖啡，同樣係高質素。食完扒都幾飽，但女仔食甜品係有第二個胃架😎我地點左綠茶法式西多士伴雪糕，好西多士整得好好，唔會好油，配埋冰凍既雪糕，正！

同女友行旺角行街街。見到都多人排隊，就去試試。去到晚市都算熱鬧，有輕鬆音樂。岩晒放工想輕鬆下的我們。坐好後望望晚餐餐牌都多選擇。店內有好多圖畫。都好有關於呢間店圖畫。幾有意思點了龍蝦海鮮龍蝦汁飯。龍蝦味濃厚，大蝦新鮮。配上意大利飯又覺得不錯。（但唔記得影相）😆😆😆再叫了綠茶雞蛋仔。好特別。配合吉士。真係好好味。雞蛋仔即整，有朱古力雪糕。熱熱的食。一冷一熱。女仔有2個胃口就是這樣來的🤣🤣🤣🤣🤣🤣🤣🤣

今日Happy Friday 約左朋友去呢間都幾多正評既餐廳食飯，見到新menu有個298既二人餐有齊湯、甜品同特飲就試下本身menu係碗仔翅，我地今次加左18蚊試龍蝦湯，用煲上，每人可以分到一碗，個湯都幾濃味。黑松露忌廉汁意粉，黑松露既味好出，雞肉份量都多，幾好味😆原隻波士頓龍蝦芝士龍蝦汁意大利飯，都幾大隻龍蝦，仲有好多海鮮配料👍🏻前面啲主菜已經食到好飽，不過見到呢個Tiramisu吉士雞仔蛋伴雪糕又忍唔到口，個雞蛋仔好足料，上碟既時候仲熱辣辣，仲有啲焦糖爆谷，雪糕同雞蛋仔好夾，值得推介

想西餐食扒又想有個平民價，街坊cafe真是個不錯的選擇。首先服務不錯，原本我們坐二人枱，因點了小食桌不夠放，侍應主動給我們調桌。價錢比外面的西餐便宜很多，不到$100，食物質素很高。我點了燒黑毛豬，非常驚喜，肉質軟得來又帶點咬口，重點是肉汁都鎖住了，加上黑椒汁很惹味。薯蓉軟滑，很香的薯仔味。一個鐵板餐其實已經夠飽，cp值好高。小菜點了芝士焗西蘭花，芝士可以拉出絲，最喜歡這種芝士，焗到少少脆，好香濃，西蘭花清甜爽口，推薦大家來試。

今年嘅生日飯就係係街坊cafe慶祝。上網搵餐廳嘅時候經過一輪煩惱之後，突然見到openrice有預約餐廳優惠嘅宣傳，而正正呢一間餐廳都有晚市優惠。嗰次生日飯大約八點入席，叫咗一個二人套餐，已經食到飽曬。入面一個龍蝦芝士面，一個金邊粉，仲有一份西冷牛扒，再另加兩份忌廉湯。另外生日蛋糕亦於當晚餐廳切，仲要唔收切餅費。大家可以用預約訂檯優惠黎試試，個環境都唔錯架。

之前來過這間餐廳，記得它的雪糕雞蛋仔味道不錯，另外還有別樹一格的波菜河粉，今天行經旺角，因為時間尚早人龍並不長，我們很快就可以入座。餐廳佈置有格調，很喜歡這些油畫。餐牌中英對照，還有相片及推介菜式。兩個人叫了小食拼盤（$108）和大蝦墨魚汁意大利飯（$98）share，另外加了兩隻芝士牛油焗蠔（$12一隻）。小食拼盤賣相吸睛，份量也很充足，有四款小食，包括水牛雞翼4隻、吉列蟹肉忌廉薯餅4件、豬肉腸2條和薯格。各款小食都各有特色，個人比較喜歡水牛城雞翼，外皮香脆而肉質腍滑，味道香辣惹味。大蝦墨魚汁意大利飯有兩隻大蝦，口感爽滑，配合蝦籽鮮味突出。每粒飯粒都均勻地沾滿墨汁，但個人略嫌墨魚汁味道未夠香濃，另外墨魚飯摻和了帶子粒，口感豐富。芝士牛油焗蠔的價錢不貴，本以為質素會一般，想不到有意外驚喜。芝士份量充足，有拉絲效果，惹味得來又不會掩蓋了蠔的鮮味。是值得再光顧的餐廳！

好處：1）食物有特色，有創意，希望可以keep 住啦。2）份量系多ge，紫薯雪糕系抵食的。3）色彩鮮豔～紫薯好味道～飲品ok啦。4）環境幾有特色～牆身啲畫幾靚架5）出菜時間都幾快，唔洗點樣等6）服務態度唔錯，雖然多人客，但唔混亂。少許改善地方是：食物款式雖然多，但同樣有些雜亂的感覺。環境都幾熱鬧，好多人去食。好彩用OpenRice 訂咗位先，如果唔系就要等下啦～*但總括而言，是值得去的，慢慢欣賞周圍環境。*

點左帝王極上海鮮二人餐D套餐加$38有龍蝦湯, 冇乜龍蝦味都算，最基本嘅湯要夠熱都做唔到沙律OK菜都算新鮮主菜方面，除咗焗蠔幾好味外，全部海鮮都唔新鮮，鵝肝又唔香，非常失望嘢飲落單後冇嚟過，漏咗單，好大杯但係好似藥水味，飲咗兩啖之後冇飲過…一杯係白桃玫瑰，另一杯係芒果菠蘿甜品揀咗多士，裏面有燒棉花糖同爆谷，幾特別，不過多士味道就一般整體來講都非常失望，埋單仲要480，勁中伏，完全明白點解有幾百個好評😭😭😭

今天又來吃扒餐啦！昨天才吃過，不過羊排是不會膩的！約了不同的朋友👬週末真是很開心😃！這條街真的是很旺，餐廳前面也有一些開檔的擋住，所以還是花了我一些時間才找到，大家一定認準門口，我特意幫大家照了隔壁大廈門口的照片。我朋友一早在裡面等我啦！裡面很舒服，適合坐下來好好吃一頓！他們家的飲品名字很特別，一眼看到——你的男人👨！還是義大利🇮🇹的。浮想聯翩⋯⋯我點了花草茶，很適合女生，美貌養顏！甜品🍮也超級好看～顏值爆表五成熟的牛排🥩肉質細膩！一邊吃飯一邊討論今後的事業，完全超級的完美！好久沒有這麼的開心，一切都在向著計畫中的方向前進⋯⋯好濃的烏龍茶味道加上牛奶🥛的完美結合，再加上上面的Cream簡直是錦上添花！

<通菜街入面既好味鐵板餐 >🔥 街坊 cafe以前以西式 cafe為主 食西餐多 好似意粉 甜品 牛扒 等等 但近排轉左做鐵板餐為主 於是經過黎試試佢 希望唔好令我失望啦🙂 🍴德國腸拼盤 68 蚊🐷有6 條腸 三條係肉腸 比較香咸 另外白色嗰條 比較淡 應該係香草腸🐷🌿 都幾爽口仲有 d落左芝麻醬既菜 中和番肥膩 唔錯 😃🍴素鮑魚海參雜菜 小煲 88 蚊🍲外表做得好似既雜菜煲🔥 有粟米 冬菇 菠菜 西蘭花 都幾新鮮 仲有素食 鮑魚 做得好彈牙 幾似 而 海參 就好爽彈 應該兩個都係用蒟蒻整 佢個雜菜煲汁都整得幾好甜咸度適中 唔錯🌿 🍴鐵板燒美國穀飼肉眼 8oz 99 蚊🐮薄切但切得好闊身既肉眼扒 點左五成熟剛剛好 一 上枱 sasa聲 牛扒比較軟熟 中間帶 d肥膏🐂 配埋茄子同薯蓉 蕃茄 🥒🍆 點埋黑椒汁 十分唔錯 🍴燒美國穀飼豬斧頭扒 10 oz 99 蚊🐷冇牛既斧頭扒甘大 但都有10 oz既豬斧頭扒 豬肉比較煙靭 肉味香濃 中間有肥膏 帶 d豬油香 加埋黑椒汁都幾好味 配菜既薯蓉都幾香薯仔味 唔錯 😃#鐵板 #牛扒 #鐵板 #肉眼 #薯蓉 #腸仔 Scor

見倒openrice二百幾個好評，而網上訂位中午單叫餐牌食身有半價優惠，星期日都有這優惠，經過便來試試。一到來waiter指折後最低消費是$65，叫了一個和牛漢堡後，再後叫了一個煙三文魚沙律。和牛漢堡包（原價$68，半價再加一$41)，賣相很好，面包外脆內軟，菜、洋蔥、番茄新鮮，薯條正常味道，可惜塊「和牛」唔得，很重味精。一咬落口就知不是「和牛」，是普通牛肉再撈其他肉而成，勝在好大塊，但好重味精，食完好口渴。半價加一後$41的價錢，不要期待太高。如果吃開麥當勞覺得都ok的，吃這個可能會接受。本人就覺得塊牛很不行。煙三文魚雞肉沙律（原價$68，半價再加一後$41），三文魚唔靚，咬了一口吃不下去了，兩大塊也沒吃。沙律醬過多。加一是用原價來計，最後埋單都要$82。吃完成口味精，真心唔值，無下次

旺角有好多cafe。一間cafe可以開到係樓下，應該唔錯。吸引之處：1. 餐廳係以香港舊時好耐以前既裝飾爲主題。好多細個既畫面出左黎。好多舊時街坊既感覺。而且cafe地方大，坐得舒服。2. menu乜都有，魚翅羹，意粉，扒好齊全。3. 紐西蘭西冷鐵板餐。牛扒大份。五成熟整得完美。色澤開胃。而且水份好夠。咬落去好甜好滑。西冷既筋煙嫩。薯蓉口感滑，好幼又香。4. 淋上汁食更加豐富左牛扒既鮮甜味。西冷整得唔錯。5. 街坊小食拼盤。都係餐廳既風格。小食拼盤都依然咁大份。有水牛雞翼，厚腸，蟹肉薯蓉餅，薯格。好多選擇。6. 水牛雞翼整得好開胃。個薯格炸得好脆。仲有好多。好多款小食可以慢慢食。每樣都好熱新鮮。7. 雞翼有水份。蟹肉薯餅炸得好脆。入邊熱辣辣。好香蟹肉味。好好食。8. 飲左杯熱檸茶。連杯仔都好得意。食左比較熱氣既野食。呢杯走甜熱檸水好養生。整體黎講，好多唔同野食既cafe。野食全部都整得好味。

食肉獸今晚約左老友記落旺角鋸扒, 梗係嚟大件夾抵食嘅街坊Cafe 喇.無訂到位, 好在今晚吾算太多人, 一入去就有枱吾洗等.睇完2個餐牌, 最抵食都係鐵板餐, 有湯有扒有餐飲都係百零蚊.老友記揀鋸豬扒, 跟碗仔翅同熱奶茶. 我就鍾情於牛扒, 跟龍蝦湯同熱咖啡.2個扒當然吾夠食啦, 我地仲點左雞翼, 蟹肉薯餅同埋芝士焗蠔 (必食).老友記話塊黑毛豬扒好多肉汁兼夾勁香口.我就話我塊牛扒正d喇!美國穀飼西冷扒, 大大件, 7成熟, 吾見血, 夠林, 吾靭.水牛城脆雞翼, 名副其實都真係幾夠香脆, 個汁都可以.蟹肉薯餅… 夠份量, 如果配甜辣醬個味會突出d, 呢個醬太淡味, 夾薯餅有d淡.個芝士焗蠔真係吾講得笑, $12/隻, 完全係抵食到無朋友. 重點係佢真係堅好食ga wor.最後嘆埋杯熱啡, 埋單都係每人$220, ok啦, 抵食.

通菜街有唔少種類嘅餐廳，今次終於有機會黎街坊café試下。餐廳幾闊落，而且裝修得好別緻，係畫上麥兜嘅公仔。我同朋友點咗新出嘅原隻波士頓龍蝦2人餐($298)，份量非常多，我地都食唔哂。湯方面我地點咗素鮑參碗仔翅窩，同平時嘅碗仔翅唔同嘅地方就係，佢嘅材料非常足，有一條完整嘅海參同飽魚，而且湯比較濃味同黏身。主菜有原隻波士頓龍蝦芝士龍蝦汁意大利飯，總共有2隻完整嘅龍蝦，仲好貼心咁提供咗剪刀，龍蝦非常鮮甜同有肉感，仲有蝦、蜆、青口、魚子等等嘅海鮮，配上濃郁嘅芝士龍蝦汁，令到意大利飯十分可口入味。黑松露忌廉汁雞肉意粉，同平時嘅意粉差唔多，不過中意佢忌廉味唔會太重，一啲都唔膩。甜品係tiramisu吉士法國西多士伴雪糕，第一次食依種甜品。西多士係tiramisu味，配有吉士、爆谷同雪糕。西士多脆脆地又唔油膩，而爆谷沾上吉士又有另一番口感，甜到入心窩！兩杯飲品都揀咗蝶戀花系列，分別係一加一(芒果菠蘿)同埋櫻花樹下(櫻花士多啤梨)。賣相一流，果味宜人，而且蝶戀花夠哂健康。