街坊Cafe (已結業)

呢間之前經過都想試，但見排晒隊，所以放棄咗。今日出開旺角，又去下女人街搵食，好彩時間尚算早，入埋我之後就開始要等位啦。眼見差不多檯檯都有叫鐵板，一於死跟! 叫完野食就慢慢欣賞下店內嘅裝修…好有香港風味! 牆上畫咗d香港嘅特色，有帆船、檔舖、好迫嘅樓、…仲有大部份香港人都識嘅麥兜公仔，色彩繽紛，睇到心情都開朗d﹐胃口又開咗d...冇錯，真係開咗d﹐我睇睇下，睇到隔離檯叫咗個蔬菜鍋幾吸引，我又叫咗份。鐵板燒美國穀飼肉眼牛扒 - 叫咗7成熟，剛好。扒好大塊，夠肉汁。配菜係薯蓉，都幾creamy。蔬菜鍋 - 賣相幾精靈，紅、橙、綠、青、杏、啡嘅顏色都有。紅椒、翠玉瓜、西蘭花、有甘筍絲、計埋松露，有5種菇。 啖啖都有揮之不去嘅菇味。總括價錢、質素成正比。

前排同舊同學出咗旺角聚舊，行咗一輪搵食，經過一間 cafe ,見佢餐牌幾得意有雞蛋仔 all day breakfast ,所以入去試下。我哋叫左兩個 dinner set , 幾得意餐湯有得叫碗仔翅，個碗仔翅都 ok ，同街邊買差不多，個磨菇湯就争d ,有少少窿味。叫咗個芝士焗蠔，芝士味都幾濃，d蠔都 ok朋友叫咗鹅肝意大利飯，我無試，見個賣相都 ok。我叫左大蝦意大利飯，有兩隻蝦似係炸既，味道 ok,個飯就用龍蝦汁來燴，都幾好味。下次有機會出旺角會試下個雞蛋仔 all day breakfast.

選擇多，但價錢偏貴。晚餐份量少，但食物質素幾好。飲品太細杯，又無水或杯供應。甜品夠份量，好睇，好食。環境有少少迫和嘈，但三五知己用來聚餐的確係不錯的選擇。。。。

年輕人最鍾意週末去cafe hea下、食下野，休休閒閒渡過一日。我呢個另類既年輕人週末黎到繁忙既旺角行街，體力消耗之快，另我要揾間cafe休息一下。Openrice揾到呢間街坊cafe，openrice訂位仲有5折，咁梗係即刻book啦。開始時以為係上樓cafe，誰不知係女人街地舖，黎到cafe門口嚇左一嚇，同我想像中既cafe有點出入，以為係光鮮啲，有啲好舒服既sofa，好少女既裝修。點知門面好似一間普通餐廳，既然訂左位就照入啦。因為太肚餓既關係，訂位又有半位，我地瘋狂地 點左好多野食。我覺得必定要試呢個”大蝦龍蝦汁沙河粉”，龍蝦汁味道濃郁，河粉吸收曬啲龍蝦汁非常好味，而大蝦肉質爽甜，老公一路食一路讚口不絕我地仲點左”菠蘿鮮茄🐷扒飯”，🐷扒掩得好好味，鮮茄醬入面加左菠蘿，味道酸酸甜甜好開胃前菜我地叫左兩個沙律”黑醋汁鮮茄牛肉沙律”+”雞肉三文魚凱撒沙律”，個人比較喜歡黑醋汁那款，啲鮮茄好新鮮。我地仲叫左”鮑參碗仔翅”，雖然係素，但好有口感，像真度高，不妨一試最後甜品有綠茶雞蛋仔食咁多野，埋單都唔駛300，又抵又好味🤤一定再黎

好耐冇去港式扒房食鐵板餐所以最近經過通菜街見到價錢唔貴就入左去試七八點左右已經全場爆滿鐵板燒分兩款而且都可以用優惠價選配餐湯同飲品小食選擇都唔少而且價錢唔貴所以叫左兩款試試鐵板燒美國穀飼肉眼美國穀飼牛主要以高熱量嘅粟米餵養因此脂肪比例較高，加上肉眼本身肉質軟腍而且油花豐富所以入口油脂甘香鐵板燒美國穀飼西冷油花較肉眼少但分佈均勻，而且肉質緊緻加上肉味相對香濃配搭燒汁更香脆香雞翼(蒜香牛油)雞翼外皮炸得香脆而且肉質滑嫩肉汁豐富唔會乾身，加上蒜味濃重配搭牛油咸香好惹味芝士濃味薯條(海苔)薯條總共有三款口味包括海苔、椒鹽同七味可以選擇；薯條新鮮即炸金黃通透，加上芝士半融好邪惡

進入餐廳有點懷舊香港風情油畫在牆上。有些茶餐廳感覺，卡坐位很多，應該2間店打通，藍色梳化。餐牌食物有扒類，意大利粉，沙律，漢堡……像多國菜……見到openrice介紹，龍蝦湯和扒都很高評價。晚上有特價套餐$89或$99。加$28 升級有龍蝦湯。我們2人選了8安士美國殼飼肉眼， 肉眼比較軟身多汁。5成熟，師傅沒令我們失望！有圖有真相，堅多肉汁，牛肉眼很軟腍！我選了比目魚，比想像中出色！這比目魚質感像銀鱈魚，很嫩滑！外面煎得脆脆 內裡嫩滑而且完全沒有腥味道。香草汁有點蘑菇汁味道很夾。而最讓我發現，這餐廳鐵板都沒有過多調味，不會太咸，蔬菜都是烤一烤煎出來感覺，清甜。薯蓉少少鹽味和牛油味道。另外我們點了小食，小食比較貴些。芝士焗西蘭花$68很熱辣辣！放了半小時仍非常熱芝士醬超多，都拉絲起來！份量不多。吉列蟹肉忌廉薯餅$48 中間比較creamy, 有些蟹柳絲，味道不錯，薯蓉很少不膩。幼滑感覺像炸鮮奶口感……飲品就普通凍檸水，凍飲加$3。晚餐食套餐比較出色，2人來說不需要小食。餐廳有甜品窩夫 ，下午茶餐牌很吸引

早左放學 六點有六折 第一次食有驚喜！鮮蝦菠菜河粉雖然賣相就唔多討好，但食落原來其實都夾，菠菜味幾出！欣賞佢既大膽創新！菠菜搭河粉真係第一次見！海鮮蝦子麵個龍蝦汁幾出色，唔會太咸，味道好夾！紫薯餅熱辣辣！好味！出色！特色咖啡 拉花有誠意！係有特式有創意的小店 值得支持！

無寫開食評，第一次為左呢間野寫，冇準備過食到一半越食越嬲先影低同朋友3人walk in食，因為冇用優惠既原因係食原價，每人埋單140左右朋友a同我都係叫肉眼扒餐唔係好專業既扒房其實都冇咩期望，但呢間完全係食到絕望佢叫7成熟，我叫5成熟上菜時間前後腳，佢7成熟上得早過我，食到一半先上我果份上齊左見到我果塊明顯係薄身過朋友a塊扒，似係早上茶記早餐牛肉片當牛扒果種其中有3分1都係肥膏黎，即係比左差唔多30蚊買左堆肥膏...而我叫5成熟，結果佢出到黎係welldone切落去已經起曬絲，咬完係會攝牙如果睇到的話，比老闆一個建議，唔識整真係唔好出扒餐，你侮辱緊客，侮辱緊舊牛 朋友b就點左個羊架配火腿扒塊火腿扒直徑大約10cm左右羊架得1支，又係痴住一大舊肥膏，不過加埋肥膏都未到火腿扒面積一半好後悔冇影低相 另外佢地加左2個龍蝦湯，我就叫左碗仔翅，普通餐湯size，加1就30蚊碗仔翅都算多料，口感係似稀少少既羹湯，但相比之下普通小食店10蚊碗既碗仔翅好食d 食餐最正常係杯凍飲，快快手飲完即走勸世，千奇唔好叫扒餐，又貴又唔好食其他野未試過，亦唔會想再去試

夜晚與大學同學見面，約好在街坊cafe 食晚飯。因為預先訂了座，無需等候，餐廳環境略為昏暗，西餐廳的setting. 我選了海鮮蕃茄汁河粉，味道很好，蕃茄汁偏酸，但我喜歡，魷魚的味道有點怪，似乎不太新鮮。河粉爽口，配上蕃茄醬很開胃。份量很適合女生，食完可以再食甜品。朋友點了帶子墨魚汁河粉，味道不錯，河粉很特別，但食到最後覺得有點油膩。另一位朋友食鐵板牛扒，牛扒7成熟，軟硬適中，不油膩，拌菜可以，但他認為份量可以再多一點。

旺角通菜街除左人多多，食好西嘅舖頭cafe一樣咁多🥰😋今日就黎試下一間唔太顯眼嘅cafe啦🥘.墨魚汁帶子河粉🐙🍝 $88港式河粉食得多，加埋西式墨汁真係第一次。河粉軟身但係有咬口，而且份量夠多🍝入面伴有一啲切粒嘅翠玉瓜🥒仲有兩隻煎到金黃色嘅帶子，帶子鮮甜厚身，加埋四隻蛽🐚個配搭幾fresh。而且佢係調味方面都幾香，同海鮮既味好夾，成個fusion菜都好掂👍🏻整體評分:7.5/10.三文魚牛油果焗飯🐟🥑 $98平時覺得焗飯好heavy，但係呢個焗飯因為加咗牛油果🥑中和咗芝士嘅漏🧀同埋牛油果焗到淋咗，入口即溶。三文魚份量好多🐟好滿足，而且飯底唔會好油，值得一試。一開始以為細細碟唔夠食唔會飽，但原來食落都唔少份量，牛油果都幾多，焗飯都沾上咗牛油果的味道，好creamy🤩啲焗飯係先炒完啲飯再去焗，所以好有炒蛋飯香味🍳食落好爽，唔會太黏太硬，鍾意食焗飯嘅必試🤤整體評分:7.5/10.和牛豬仔包漢堡🥩🍔 $68用左豬仔包代替一般漢堡🍞豬仔包邊好脆，內裏就好鬆軟，漢堡扒肉汁尚算飽滿🥩配上生菜，洋蔥，番茄🍅芝士🧀同特別醬汁，醬汁酸香有層次，好好食，溶咗嘅牛油令到個包滿帶咸香，份量啱啱好，不過唯一改善之

用openrice預先booking， 會有discount優惠， 今次係晚餐有正價六折雖然位於旺角， 但係個地點有啲吊腳， 唔算話好偏僻， 不過都有啲難搵六點半前到達加提早訂位，都會有discount優惠。兩個女仔 嗌咗兩份小食， 兩份主食， 加兩杯飲品。蒜香一口牛， 濃沃嘅香味，牛肉入口煙韌， 跟沙律菜， 感覺都幾好食。吉列蟹肉忌廉薯餅， 口感都幾好， 新鮮熱辣炸起， 香脆可口。黑松露雞肉意大利飯， 略嫌個飯煮得太淋， 但味道清清地都算唔錯， 而且配料都算唔少， 不過不失啦。鐵板bbq燒豬腿 本身有燒烤汁， 另外再跟多個醬汁， 肉質都幾好食， 不過如果醬汁再多番少少就好啲， 因為鐵板好快燒乾哂啲汁。玫瑰鮮奶咖啡， 兩個女仔都心有靈犀咁揀咗呢杯飲品， 當侍應送上咖啡時， 見到個拉花圖案係有啲小驚喜。餐廳裏面啲壁畫都幾靚環境都算唔錯， 都值得再去試多次

呢間餐廳網上都幾多ＬＩＫＥ，今晚９個人嚟呢度食，ＯＮＬＩＮＥ訂位主菜會有７折，加埋其他嘢變套餐隨時平過ＤＩＮＮＥＲ　ＳＥＴ唔知係咪女人街文化，呢度ＷＡＩＴＥＲ唔會笑講嘢亦勁直，問多２句會唔耐煩食物賣相都幾好，選擇多元化，基本上朋友都滿意ＧＥ推介係芝士五香肉丁肉醬意粉，個肉丁好惹味，意粉焗完仍有咬口；另一個係西班牙黑毛豬扒，大大件夠飽肚～ＲＩＳＳＯＴＯ份量女仔啱啱好，男仔一定唔飯。牛扒亦好薄，友人話唔太好食。仲有係個龍蝦湯超鹹，冇人可以飲得哂。

跨年前夕的午餐、今天第一次吃了墨魚意麵、感覺好吃的醬汁、意麵偏硬、老公不喜歡、我覺得不錯、還有漢堡牛肉搭配薯片、好吃的薯片、漢堡牛肉也是吃起來清爽感覺熱量不會太高、老公點黑豬扒也是不錯吃午市訂位還有打折算是cp值高的店家、下次有機會再來朝聖、如果午市有搭配飲品應該生意會更好、因為還要另外再點有點太貴了、而且飲品的價格算高的、雖然有打折、但是我覺得還是跟套餐走最好了、因為隔壁店家也是套餐的模式一個人一餐才50

是日經openrice訂左位，正價菜單有85折，去到唔洗等，直接入得。間鋪裝修得幾靚，有港式壁畫，好特別。食物方面除左一般西餐外，都有啲fusion，加左港式元素係入邊，幾特別。因為想食下fusion野，我點左皇牌卡邦拿拉沙河粉，一開始以為上錯左，點知原來同網上睇到既有啲唔同，問店員先知係岩既。佢擺盤都好西式，其實佢煮法都係好西式，估唔到卡邦尼同河粉甘夾，不過佢有改良到，冇話好重芝士味，係白汁黎，啲菇同青紅椒都好好食。河粉好掛汁，甘煮原來好夾好好食。朋友點左黑松露雞肉意大利飯，我試左啖，有驚喜呀，估唔到會甘高質。果飯好香松露味，好creamy，好食。點左杯特飲叫我的宣言，即係白桃玫瑰藍碟花凍飲，賣相好靚，搞完之後杯野係粉紫色都好靚。睇得之餘仲飲得，玫瑰味好香，而且唔會太甜，正。小食叫左蒜香牛油脆香雞翼，蒜味好香，啲雞翼好脆，唔會話啲汁整到淋哂。最後仲叫左果士多啤梨荷蘭班戟伴雪糕，第一次食荷蘭班戟，原來係有啲厚啲既蛋餅，但比起一般班戟薄既。果雪糕係曲奇雪糕。最中意佢有啲焦糖爆谷，果班㦸軟得黎邊位有啲脆，爆谷令到成個甜品有啲口感，脆脆地焦糖甜甜地好加分。成個班㦸即整，果鍋都仲係熱既，好好食

街坊cafe又黎到呢條充滿野食嘅通菜街，每次黎每次都有驚喜，啲餐廳都會唔同，今次就試咗呢間街坊cafe，睇落似香港地道食物同西方做fusion菜，都幾有趣。餐廳嘅裝潢都幾有香港風味，四面麵都有香港地方嘅油畫，而對比起旺角餐廳，呢間算十分大同舒服，唔洗大脾貼大脾。食物就叫咗波士頓龍蝦海鮮龍蝦汁河粉$138，將意粉轉做香港人常食嘅河粉，意外地有趣同啱口味，一啲緯和感都冇，龍蝦肉質都幾彈牙，而河粉比較啱本人口味，冇咁硬，而且都幾索龍蝦汁，食落都幾過癮。