街坊Cafe (已結業)

新年期間，很多食店都要初四先啟市，部份較出名的食店，平時已經年中無休，所以都會趁新年休息，更加初九或初十一才啟市。初三到親戚家拜完年，諗住出旺角食少少嘢再掃街，見街坊cafe有開而且都幾多人幫趁，就入內一試。＊＊＊＊＊＊＊＊＊＊＊＊＊＊＊街坊Cafe大部份座位都是梳化座，座位都舒適，不過座位與座位的距離就比較近。兩邊牆都畫上本土味濃的壁畫，突顯餐廳主題。街坊Cafe的Set Dinner有分一人餐和二人餐，因為之後還打算掃街，所以只點了一個一人餐再另點甜品share。Set Dinner包餐湯、沙律、主菜和餐茶，價錢由$128至$218不等，價位絕對屬街坊價。街坊碗仔翅食店其中一樣賣點可算是餐湯可以選碗仔翅，碗仔翅內有蛋花、木耳和仿翅，加上桌旁的醋汁而食，有特色得來味道也不錯，如果碗仔翅再杰身一點更好。煙肉凱撒沙律沙律菜夠爽脆，內有足夠凱撒醬，上面還有脆卜卜的麵包粒和煙肉碎。海鮮龍蝦汁意粉($138)意粉以煲仔盛載，份量比想像中多，如果細食的女士，一碗都夠兩個人食，上面都幾多料，有蜆、魚塊、蝦、蟹籽和菇。每一條意粉都索滿龍蝦汁，味道濃淡適中，不過個人喜歡口感較硬的意粉，就略嫌有點過腍。

今天約了朋友在旺角晚飯， 本想打邊爐但是天氣又熱番，加上冇book位， 走到近女人街， 有間特色西餐廳门口展示有很多港式fusion 菜式， 冇咩idea 一於入去試試。店內裝修大玩港式地道feel。 牆壁上 有很多香港特有圖案麥嘜，麥兜，電車，老夫子等。 好有舊香港feel。佢嘅餐牌影得真係好靚，colorful之餘全部大特寫。"是我的錯"菠蘿加蘋果梳打。 有淡淡蘋果味和菠蘿香的梳打，很特別，清新得來有果味。 所有飲品都給予一個經典流行廣東歌名。 令人不其然都會哼幾句懷舊一下( 還是只有我自己自得其樂)晚餐都有多款選擇。單點的食物都可以加錢配飲品。一向喜歡龍蝦汁多個龍蝦肉。 就點了這個"海鮮龍蝦汁意粉" 晚餐。$98 有大蝦，蜆，蘑菇，斑塊，青口，魷魚， 非常豐富。 龍蝦汁唔算太濃郁， 但就有龍蝦膏的味道， 蝦味湯汁令成個意粉香氣撲鼻，海鮮塊都索滿龍蝦汁， 滿足極了!嫌龍蝦湯癮未止，還可以加38元加配特上龍蝦湯。 這個比龍蝦汁意粉又更鮮味更濃郁， 但臨尾會覺得鹹味稍重。芝士焗西蘭花$68芝士西蘭花放進特製器皿， 芝士焗熱溶在西蘭花上， 雖然有點邪惡，但熱辣辣的芝士焗得很香 一定要趁熱

今日我同朋友喺旺角行街，行到好攰就走去搵嘢食，旺角食肆林立，一條長長的女人街已經有好多間食肆，我哋隨意挑選咗呢一間街坊餐廳，一內進見它非常滿座，看看價錢都好實惠。我哋點了一客套餐，大蝦墨魚汁意大利飯$138有湯，沙律，飲品。先來一個凱撒沙律，清新爽脆配菜，食後零舍開胃。一個雜菌忌廉湯，香濃無比，口感滑溜溜，鮮甜味十足，材料豐富。大大隻鮮蝦，肉質爽甜，鮮味香濃，意大利米粒，顆顆圓潤飽滿， 軟滑可口，墨魚汁香氣怡人，混上鮮蝦汁液，更是錦上添花。我哋再加添一個卡邦尼亞意大利飯$82材料非常豐足，食材切得幼細又均勻，伴著顆顆晶瑩通透飯粒，軟滑得嚟又煙煙靭靭，口感豐富，醬汁調教得非常出色，好滋味。凍飲可加三元，另有加一服務費。

今日去了旺角行街，經過女人街睇到街坊cafe幾特別就入去食個tea蒜香炒牛肉呢個小食香噴噴送到面前 仲有啲沙律菜伴碟 等你一口牛肉一口沙律菜 清一清個口 牛肉整得唔會 好熟 好容易咬開 多汁好味 可能我係愛牛之人明太子蝦牛油果意粉正呀，送出來都好熱辣辣，牛油果夾埋明太子白汁好match架，又健康~( • ̀ω•́ )✧如果牛油果再軟啲溶啲仲正~仲有啲蝦夾住食， 一啲都唔肥膩 意粉亦都唔會煮到痴埋一嚿 好好味呀街坊奶茶大大杯 舊好濃味 因為我朋友鍾意飲著重茶味 同埋佢都夠滑 估唔到咁好飲~ 原來唔正子茶餐廳先沖得好飲㗎😊戀愛大過天How sweet!咁特別既汽泡水真吸引人叫返杯！杯野好夠汽士多啤梨味加浸住細顆乾玫瑰花 不過飲到尾有點甜 因為自己未攪混 哈哈 很美🍓入面環境幾休閒~最欣賞係四周既塗鴉，好有特色同心思~好文青呢~

同個friend落波鞋街買完新波鞋，行過銀城見到呢間茶記，個名都幾貼地叫街坊。牆上畫咗啲嘜嘜同香港街景，好鬼地道。打開menu一睇，原來係食一啲港式Fusion野。個friend佢見到一個好有趣嘅港式雞蛋仔 All Day Breakfast，即時order咗。我又見到個好得意嘅焗河粉，仲包埋一碗碗仔翅，正。 個friend又想食碗仔翅，不過佢個 All Day Breakfast 唔包，所以佢另外單點一碗素鮑參雞骨碗仔翅。餐飲先到，檸茶同咖啡都係茶記水準。All Day Breakfast 到咗，好得意，有五香肉丁炒蛋、腸仔、午餐肉、沙律，仲有雞蛋仔。都係食開嘅茶記食物，不過加埋雞蛋仔，感覺好好玩，創意十足。 個friend覺得好滿意，佢鍾意個肉丁炒蛋，佢話啲蛋炒得好香。我跟餐碗仔翅，無素鮑參，細細碗，我覺得味道唔夠濃，不過加醋加胡椒粉，又幾似以前食到嘅碗仔翅。輪到單點嘅素鮑參雞骨碗仔翅，大碗好多，味道同我果碗一樣，不過加咗一大條素海參同埋三隻素鮑仔。最後我個焗肉醬五香肉丁河粉，樣似焗肉醬意粉，撥開啲芝士，下面有五香肉丁，發現意粉變咗河粉，真係見到即時笑出呢。味道唔錯，如果啲茄汁唔係

前一排見網上好多人推薦旺角呢間港西式fusion餐廳， 特別有可以呃like嘅甜品， 一直好想嚟試，今日同朋友行開旺角， 經過女人街，決定一於入嚟食返餐豐富嘅。海鮮龍蝦汁蟹籽蝦子麵($108)本來以為蝦子麵係壽x牌嘅嗰種幼身麵條， 上碟先知道原來係粗麵，但爽口嘅麵條反而為整碟菜式增加口感，配合的濃濃龍蝦汁， 啖啖鮮味😍 仲有好多唔同種類嘅海鮮，包括青口、蜆、帶子、蝦仁等等，幾足料。 反而想麵嘅份量多啲，可以撈汁食。黑松露雜菌雜菜 ($88)依家咩菜式都要黑松露味 ，連雜菜都要加松露油，不得了😂 出街食嘢都係叫返碟菜好，我哋叫咗一煲，份量比想像中多不過88蚊一碟齋菜就... 大家有目共睹。山長水遠嚟到，梗係要試下呢度出名嘅甜品:吉士雞蛋仔！一上碟大家都不禁一同嘩咗一聲， 賣相好吸引，喺一大片吉士上鋪了一層可可粉， 覆蓋住成塊雞蛋仔，旁邊仲有一球雲呢拿雪糕。 值得一讚嘅係雞蛋仔新鮮出爐，外脆內軟，配合冰凍嘅吉士真係有冰火交融的口感， 唯一美中不足嘅係整個甜品沒有tirimisu 應有嘅酒味，唔睇餐牌都唔知係tirimisu 😂 不過當然甜品來說都係滿意嘅💕同幾個朋友食完嘢再行下女人街 ，感

行過女人街的朋友們都知道在檔口兩旁其實很多美食， 不過因為比較隱蔽又唔近大街， 無端端又唔會行女人街啲檔口， 所以比較難發現美食所在。 今晚有高人指點( 只不過是有朋友在附近工作比較熟悉) 带我們到"街坊"搵好嘢食。場壁繪有很多香港特色壁畫, 同 menu 一樣好colorful ~ 朋友介紹此店雖然很多港式fusion菜， 不過他們的意粉和其他小食做得出色。晚餐和單點食物都有很多選擇。墨汁大蝦意粉很喜歡吃墨汁意大利飯意粉等味道。 做得好吃完全唔會腥 又有股墨魚香味。 今晚這款意粉水準不錯，兩隻大蝦開邊煎香蝦肉爽夾彈牙又鮮甜。 意粉煮得比較硬身有彈性， 味道中和唔會太鹹，超正! 意粉份量不少， 飲完個湯也差點吃不完。白汁蘑菇湯 (餐湯)打碎了的蘑菇混入忌廉湯， 加了忌廉鮮奶， 湯底濃郁幼滑， 唔杰唔稀， 餐湯來說幾有驚喜。跟餐還可(+$12) 升級氣泡梳打系列。 以懷舊廣東歌名為飲品名稱， 加強港式地道feel。這杯"我的男人"主要是香濃朱古力打底再添少少咖啡。另外朋友點了"和牛豬仔包漢堡"。 此美食最過癮的是超硬豬仔包和 軟滑和牛漢堡為配襯。 囗感上估唔到咁有層次同火花。 豬仔包唔係

新加坡朋友來香港，找我這個地頭蟲帶他食好西。上open rice 見到這間街坊cafe 好有香港特色，所以帶他來tea time.入到去見到一系列的香港特色的壁畫，有在維多利亞港揚著紅帆的帆船，充滿著商店掛牌的彌敦道，配有自家品牌街坊，打造親切感。雖然是下晝三點, 但我們選擇lunch set, 一來朋友行了整天的街還未食飯, 二來,他的餐湯是碗仔翅,一個平時喺街食最少都十幾文,但你又好鍾意食的,久唔久你都會去食的小食。碗仔翅整得幾好, 有蛋花，冬菇片,木耳絲,肉絲,絕不欺場。朋友都好鍾意呢個香港地道小食。朋友點烤雜扒,成個小鐵板上，有豬扒、雞扒、兩條香腸,烤茄子、豆角，番茄仔和薯條。幸好朋友仔是女生，不然男生一定覺得份量較少了！他的黑椒汁好香好辣，襯上扒類非常好。我點了洋蔥汁豬扒飯，有兩塊豬扒，不厚但肉質OK, 飯有點多冧。青蘋果鮮蝦沙律(細), 沙律是用了芝麻醬，跟青蘋果都幾配，下次可以係屋企自己整。情歌王沒有女神的好甜美,還是女子組勝利。haha滿分為10分(1分最低，10分最高)食物：7.5環境：8.5衛生：8服務：8價錢: 8舒適度：8總分：8

(地方 OK 寬敞, 我們坐卡位, 不太擠迫)一進去便被牆上的漫畫吸引佈滿本地創作的漫畫人物配上既討厭又熟悉的"密不可分"石屎森林背景圖我曾以為地方開揚的外國便是我所夢寐以求怎知不到三個月便思鄉情發竟然想念那曾討厭的局促環境家‧始終是家「夠佗地‧我鐘意」是日點餐:  烤雞三文魚沙律 (大)- 味道OK, - 烤雞 + 三文魚份量亦夠- 沙律菜新鮮、爽脆碗仔翅- 好足料- 蛋花夠滑- 好味,  都幾得架5式焗蠔- 有洋蔥烟肉、菠菜、黑松露、芝士、唔記得- SIZE有大有細- 沙律醬味最濃西冷扒- 味道OK- 沒有驚喜- SIZE有點失望青醬蜆肉意粉- 牛油味、蒜味好濃- 好味, 好邪惡- 蜆 SIZE OK, 夠鮮甜南瓜意大利飯- 好甜、好CREAMY- SIZE 一般薄荷 + 菠蘿 + (好似係)橙 特飲- 徧甜- 勝在有菠蘿肉荷蘭PANCAKE- 幾特別- 係少少脆底 (建議快D食)- 又有D鬆軟Tiramisu 雞蛋仔- 味道OK- 個人認為有D膩番食指數: ✽✽✽✽

街坊cafe位於旺角人流密集嘅旅遊區*女人街* 都唔係第一次食，記得上次令我最難忘嘅係他們嘅卡邦尼河粉，用西式煮法，配上鑊氣十足嘅河粉，又意外地夾好嘢。餐廳裝飾簡單同一般茶記格局相近，但加上難舊香港風景繪畫，再加上燈光和諧，比到另一種格調。今日新春期，有部份menu上嘅菜色都無供應，而我們就點左幾份set dinner, 有招牌碗仔翅，街頭風味，味道正宗，但衛生情況就大大改善，跟餐仲有沙律，沙律上有啲烤雞肉粒。另外點左倆個小食吉列蟹肉忌廉薯飯，呢個就有少許失望，因為蟹肉少，調味方面也尚未達標。而另一度一口牛就唔錯牛味濃，黑椒，同脆蒜調味亦提升了不少主食上出場烤西班牙黑毛豬，份量未算大，但肉汁豐富，有咬口，但絶對唔係un,配埋薯菜其實好飽肚最後都係我再來嘅原因，卡邦尼河粉升級版就係同芝士好夾嘅波士頓龍蝦，果然精中至精，無失望，好好味

有一排冇去過旺角行人專用區，今日去嗰邊發覺成條街都有 大叔大媽 團體載歌載舞，而家完全唔適合行街，於是我哋搵咗間餐廳食飯；行到去女人街街尾近住h&m，有一間叫“街坊cafe” 既餐廳見到好多人食， 於是我地入去試試；呢間餐廳有 set dinner，二人餐同埋好多不同嘅單點選擇， 仲有All day breakfast及特色飲品。波士頓龍蝦卡邦拿拉河粉$168我哋點咗一個波士頓龍蝦 set dinner ， 餐湯揀咗碗仔翅， 碗仔翅足料，好有地道 feel ， 另外有個凱撒沙律前菜 ， 沙律菜新鮮不過份量唔多 ，到主菜係波士頓龍蝦夠大隻，肉質彈牙爽口感覺新鮮，而卡邦尼配合河粉呢個新鮮配搭我相信只此一家，之前從未見過，河粉同卡邦尼汁原來係好夾，河粉夠滑，卡邦尼汁夠濃， 絕對值得一試 。意大利黑醋薄牛肉豬仔包三文治$58豬仔包外脆內軟，配合黑醋薄牛肉 及蕃茄沙律菜味道唔錯，薯格非常鬆脆，食曬都仲想食。呢間餐廳座位夠多， 座位闊落， 雖然價錢唔算好街坊，但係食物質素好， 絕對唔係普通街坊餐廳質素，下次去開旺角可以再試。

女人街則邊果兩條行仔不嬲多嘢食，一路行一路諗緊食咩嘅時候，就見到呢間Cafe門口黏咗好多相，忍唔住同朋友一齊入去睇下到底乜料一睇個餐牌，都真係幾特別，主食材料差不多，但係面就可以揀意粉，河粉，蝦子麵同埋意大利飯。蝦子麵好難煮得好食，為咗一試呢間cafe嘅功力，我冒着中伏嘅危險叫咗個龍蝦汁大蝦蝦子蝦子麵真係有好多蝦子，張相影到一部分咋，仲有d俾兩隻大蝦遮住咗，每一啖都可以食到卜卜趣嘅口感。果兩隻大蝦，有好香嘅燒烤味，而且廚師好細心咁行中間戒左一刀，非常之容易就可以將啲蝦肉拆出黎易拆真係好重要，蝦肉彈牙個汁唔會太鹹，系有少少稀，如果個汁可以濃番啲會好啲，配搭蝦子麵，一啲都唔會奇怪，今次可以話係冇伏講明先，主食分量係大嘅，因為我同朋友一人一個主食，大家都食唔哂，雖然主食係百幾蚊一個，抵架同朋友仲叫左個小食share，蒜香牛油雞翼雞翼唔會太油，好香嘅蒜蓉同牛油味，最重要係唔會太咸少鈉好重要野飲我叫左杯焦糖咖啡（隻杯好靚）一上枱就聞到好香嘅焦糖味，個調味啱啱好，唔使再落糖，飲落咖啡唔會太苦，唔錯其實睇餐牌仲有個甜品我哋好想試，就係雞蛋仔加雪糕同埋cream ,但太飽了我哋都食唔落，冇諗到主食咁足

住左喺旺角廿幾年 其實好少係返旺角食野 早前留意到呢間Cafe用左我最愛既雞蛋仔黎做甜品 今日決定同媽咪黎呢度試下食Lunch店鋪裝修富特色有親切感，有點懷舊又有點調皮餐牌選擇奇多! 單係飲品同甜品選擇已令人眼花繚亂最後決定叫波士頓龍蝦卡邦尼意粉🍝菠蘿鮮茄豬扒焗飯set lunch🍅另外加左2隻芝士牛油焗蠔，每隻$12每個set lunch都會跟餐湯碗仔翅或者忌廉湯，媽媽選了碗仔翅，很足料 好多冬菇 肉碎同木耳先黎既係芝士牛油焗蠔，加了很多芝士去焗，生蠔新鮮美味波士頓龍蝦卡邦尼意粉🍝一大隻芝士焗波士頓龍蝦放在意粉上，令人垂涎三尺，龍蝦多肉爽彈，Carbonara亦十分出色菠蘿鮮茄焗豬扒飯分量十足，飯面上鋪滿芝士，內裡有四五塊切件豬扒，肉質偏硬。鮮茄汁飯酸酸甜甜，令人很開胃吃個不停，媽媽很喜歡這個焗豬扒飯這間街坊Cafe質素不錯，經過旺角可以來試試這間餐廳嚕

今日同男朋友食晚餐，去左旺角搵左間中西合璧的cafe，聽朋友介紹話味道幾好，我就去試下。食物好特別，名已經夠哂吸引，中西食物合埋一齊製造幾有心思和諗法。dinner set menu。茉莉花咖啡。賣相好靚，忌廉香滑唔會好膩，甜度輕輕都岩我口味。男朋友叫左杯梳打。顏色好吸引佢話唔太甜幾好帶子墨汁炒河粉。河炒用上西式醬汁，入口爽口唔油膩，帶子都幾鮮甜。龍蝦汁飯夠哂我地兩個人食，大蝦仲好爽甜大大隻。我地最後都好想試下雞蛋仔甜品，可惜抹茶味已經賣哂。

同朋友黎旺角行街，當然唔少得食返餐。係小巷之中發現左呢間街坊cafe，價錢又ok，就揀左佢喇。👏我當然係叫我嘅最愛−大蝦墨魚汁意大利飯啦，配上黑松露野菌忌廉湯。💕呢個大蝦🍤墨魚🦑汁意大利飯真係比到驚喜我！😘因為平時出街我都好常叫墨汁意大利飯食，但大多數嘅餐廳都會煮得過咸同埋好硬，呢個就唔會！差唔多係我食過最好味嘅意大利飯！大推！真係唔錯！兩隻大蝦🍤開邊上，啖啖都係肉，一啲都唔梅，好爽！而且份量都好多添，爭啲食唔晒😳至於黑松露野菌忌廉湯，初時仲以為係想一碗咁上，原來唔係，係成個鍋咁上！分量多好多，可以裝到三四碗出嚟飲。黑松露同埋菇嘅味好重，啖啖都係菇！菇🍄菌愛好者真係不得不試！仲叫咗個小食−芝士焗西蘭花🥦，出嚟食嘢真係要叫下蔬菜架，如果唔係會便秘😂，呢個芝士焗西蘭花🥦味道冇我以上推介嘅兩個菜式咁出色，不過味道尚可。而且勝在份量夠多，無論芝士份量定西蘭花份量都係！