街坊Cafe (已結業)

街坊cafe位於旺角人流密集嘅旅遊區*女人街* 都唔係第一次食，記得上次令我最難忘嘅係他們嘅卡邦尼河粉，用西式煮法，配上鑊氣十足嘅河粉，又意外地夾好嘢。餐廳裝飾簡單同一般茶記格局相近，但加上難舊香港風景繪畫，再加上燈光和諧，比到另一種格調。今日新春期，有部份menu上嘅菜色都無供應，而我們就點左幾份set dinner, 有招牌碗仔翅，街頭風味，味道正宗，但衛生情況就大大改善，跟餐仲有沙律，沙律上有啲烤雞肉粒。另外點左倆個小食吉列蟹肉忌廉薯飯，呢個就有少許失望，因為蟹肉少，調味方面也尚未達標。而另一度一口牛就唔錯牛味濃，黑椒，同脆蒜調味亦提升了不少主食上出場烤西班牙黑毛豬，份量未算大，但肉汁豐富，有咬口，但絶對唔係un,配埋薯菜其實好飽肚最後都係我再來嘅原因，卡邦尼河粉升級版就係同芝士好夾嘅波士頓龍蝦，果然精中至精，無失望，好好味