街坊Cafe (已結業)

旺角cafe林立，街坊cafe以主打香港風味，播廣東歌，牆上畫有麥嘜，份外親切。餐湯同碗仔翅二選一是日係磨菇忌廉湯好正，唔會太濃可能係先入為主既關係，我覺得有碗仔翅味，好神奇！菠菜汁蜆肉意粉近期大愛蜆肉意粉，通常都以白酒忌廉烹調餐牌上係羅勒汁蜆肉意粉，可惜當日無，本來有點失望，但待應即轉菠菜汁俾我☺️意粉幼幼，彈牙，蜆肉新鮮，無沙，有蜆味，又足料，配以雜菇片，論顏色、論材料都十分健康唯一不足係有啲蜆殻碎左餐廳推介既甜品綠茶雞蛋仔配雪糕雞蛋仔外脆內軟，綠茶雪糕好味不足的是爆谷，較林整個甜品都有創意

一覺訓醒已經係晏晝兩點幾，剛剛好係時候食下午茶，約朋友食個靚TEA再去睇戲。揀左距離大家屋企附近只有15-20分鐘路程既街坊café，打算食完順手過隔一街之隔既新寶睇戲。五香肉丁焗肉醬意粉($78): 肉醬意粉既肉醬味道恰到好處，意粉烹調的軟腍度拿捏得很好，麵質爽口彈牙，再配埋D五香肉蕃茄醬，味道係意想不到既融合&惹味，而鐵鍋上一直溫熱住食物既溫度，菜上左枱一直都KEEP到溫度入口滿熱辣辣。香蕉荷蘭班戟伴雪糕($78)：生果新鮮&配料爆多，上面灑有即製既焦糖爆谷(見到鋪內有部爆谷機即製)，熱烘烘既鐵鍋上陣，香蕉班戟底好溫熱，上面舊雪糕遲遲都未溶，每一口班CAKE件住雪糕食，冷熱交戰，好滿足。朱古力心太軟伴雪糕($48)：雪糕係石板街味，鐵鍋底部係溶緊既棉花糖，面部亦灑有大量即製焦糖爆谷，重點係個心太軟，個CAKE溫熱住入面既流心，一义落去，啲朱古力醬湧出黎，朱古力味濃但不太甜膩，甜度剛剛好，係朱古力掌舵人都會喜愛之選。餐廳飲品都好有心思，無論餐牌命名定係味道創新方面都好有驚喜，花多眼亂又令我產生選擇障礙症，一直徘徊緊揀紫色系列既蝶豆花定係藍色泡汽水酸酸味味既特飲，最後揀左個"當我想起你

重點推介雞蛋仔系列既甜品對唔住，個甜品全名我已經唔記得左但係重要既係，我記得呢個甜品超好味雞蛋仔唔使講都知係sell 下香港情懷本身幾怕呢d野，將幾樣野撈埋一堆fushion不過朋友真心推介，特登走過黎食，就試下啦結果係喜岀望外！食到底會發現有驚喜...係溶左既棉花糖！ 點可能咁架，雞蛋仔+雪糕+棉花糖！其實我地仲有order 其他野既，都好味既但係我會特別因爲呢個甜品，再次幫襯支持小店重要既事要講多次— 真係好食

上星期日同閨蜜濕平完後, 由於都到中午午飯時間, 本想去掃街慳番少少, 但朋友話雙腳實在行到無力, 咁啱又途經女人街 所以就又拉左朋友去"街坊"度開飯~ 街坊之前食過幾次, 覺得價位唔錯, 地方好坐又闊, 再加上冷氣長開, 餐廳又長播MV同埋播歌, 係度食個唔太貴既LUNCH 都好OK架~ 而且呢度仲有雞疍仔碗仔翅, 咁就唔洗同閨蜜企係街度食了~可以好好坐低食番餐~ 我點左法式鵝肝雞肉意大利飯 而朋友點左蕃茄肉丸意大利粉 二款都有碗仔翅/雜菌忌廉湯揀 另外仲包飲品, 以幾十元來講都算好抵食~ 好口渴先來杯涷O茶~ 涷O茶又幾好飲喎, 唔會太甜, 而且餐廳唔孤寒, 有3片完整既檸檬係入面, 茶味幾濃又有陣陣檸檬味~ 鵝肝雞肉意大利飯 - 雖然賣相與想像有點出入, 本以為是深色那種, 但口感完全唔輸蝕, 每粒飯都夠濕潤又又唔會太漏, 夠入味之餘又唔會太咸, 飯入面仲有雞肉和雜菇, 雞肉都幾滑溜, 唔錯! 而雞肝都幾大塊, 入口豐潤, 不過就有少少筋, 稍稍美中不足~ 蕃茄肉丸意大利粉 - 酸甜有度, 唔會酸到那埋塊面XD 肉丸幾大粒幾有咬口, 意粉夠彈牙, 炒得都幾入

旺角，是一個非常興旺的地區，人來人往，除了很多賣時裝、電腦、化妝品的商舖外，還有很多餐廳食肆，位於女人街兩旁的舖頭，其中有好多食肆，行完街就梗係去附近嘅餐廳食飯，呢間餐廳位置方便，鄰近鬧市， 而且價錢合理，一於去試一試。碗仔翅估唔到呢一間餐廳會有碗仔翅食，味道一流，非常足料，有素翅、雞蛋、雞絲、黑木耳等等，又爽口，又有口感，加上少許節淅醋，味道更加一流。水牛城雞翼醬汁非常之好味酸酸辣辣，有少少甜，而且雞翼嘅炸皮薄薄的，唔會太厚，加上醬汁，又香脆又可口又惹味，非常之好食明太子意粉明太子意粉味道都唔錯，集合日式同西式，有fusion嘅感覺，成功將明太子嘅味道融入於意粉當中，兩個味道又出奇地夾，絕對值得一試朱古力賣相一流，上面層忌廉好香滑，加上朱古力味道好香濃，又香又滑，鐘意朱古力嘅朋友一定唔可以錯過呢一間餐廳性價比好高，價錢又唔貴，地點又方便，食物又唔錯，值得一試。

HAPPY FRIDAY當然想食好D, 朋友試過街坊CAFE覺得唔錯, 推介比我地, 就決定一試.店內環境好有香港特色, 七彩繽紛, 餐廳坐位闊落, 不論係拍拖, 同閨密談心, 仲有一大班朋友聚會都好合適.餐廳食物選擇非常多, 而且好多元化, 仲有好多香港地道美食, 雞蛋仔, 西多士, 碗仔翅等等.我地選擇左一個沙律同一個SET DINNER.法式鵝肝雞肉黑松露意大利飯, 跟餐湯和餐飲 $118餐湯有碗仔翅,一般都係中式例湯,西湯的話就係忌廉湯或者羅宋湯. 識揀一定揀街坊碗仔翅! 啖啖都有材料, 有蛋花, 冬菇片, 木耳絲, 肉絲, 材料豐富, 絕不欺場.湯底味道足, 碗仔翅好正! 鵝肝上面既蟹籽, 加入意大利飯一齊食都唔錯.鵝肝表面煎得金黃香脆, 內裏保持軟滑, 鵝肝味香濃!意大利飯creamy, 係軟稔中帶點煙韌.意大利飯吸收左所有材料既味道精華, 有淡淡黑松露味鮮菌份量好足, 每一口都有鮮菌, 同黑松露味好夾.雞肉肉質都滑.個人不太喜歡甜椒, 如果意大利飯沒有加入甜椒就更好!一百元左右竟然可以食到鵝肝, 而且質素唔錯, 超值!熱朱古力都有拉花, 有心思烤雞三文魚凱撒沙律 (細)

餐廳壁畫充滿香港風情，I love HK蘑菇忌廉湯，好香濃，有啖啖菇絲！ 水牛城雞亦，外皮跪，醬汁香，帶小小辣，超惹味！推介港人最愛凍檸茶XD，普通貨式西冷扒，七成熟，牛味濃，肉質較粗身及有咬口，薯角脆，算唔錯Signature甜品賣相好吸睛綠茶雞蛋仔，好鬼fancy 入面爆谷，棉花糖，綠茶雪糕，士多啤梨，好豐富！雞蛋仔好新鮮，卜卜脆，入面軟綿綿香舊朱古力pancake經典甜品朱古力雪糕超濃💜pancake 有四件，最岩同朋友分享！士多啤梨加藍莓，好fresh好健康！整體來講，餐廳食物款式多，質素比想像中好，未試過既都值得一試既

街坊Sunday，當然要食返個Sunday bunch啦。係旺角，搵到呢間食肆，食咗以下食品：鐵板燒澳洲西冷，$88，厚切，七成熟剛剛好，有血水也可在鐵板弄熟。味道不錯，有牛排味，冇冰鮮味。牛排仲帶有小小牛肥羔及牛筋，Yummy!!!推介指數：8/10牛排跟餐湯，鮮蘑菇湯，蘑菇味超重，裏面有非常多蘑菇碎，碗湯好熱，味道不咸，幾好飲上餘又有鮮味。推介指數：6.5/10英式全日早餐，$88，包括炒蛋，煙肉，炒菌，豬肉腸，田園沙律，豬仔包。炒蛋炒到半生熟，高手之作，炒蛋非常滑，又嫰口。煙肉大塊，帶小小咸味，用來餸豬仔飽非常合適。豬肉腸大條，帶有小小豬肉味。田園沙律，食早午餐，有小小蔬菜餸下胃，爽啊。豬仔包，有烘焙過，可惜不太熱。推介指數：7/10街坊蒸餾咖啡，hk$42，跟餐$8，抵飲，咖啡味好重，而味又香濃，一聞就感受到咖啡香，真的不是普通咖啡啊。推介指數：9/10玫瑰貴香花茶，hk$58，跟餐半價，有熱枱拌熱，玫瑰味濃，芳香撲鼻，帶小許玫瑰花酸，杯仔細細，等你慢慢品嚐，仲有蜂蜜跟著，餐廳此作，非常細心啊。推介指數：8.5/10

今日旺角行街街，午餐就揀咗食「街坊嘢」，不過所謂嘅「街坊嘢」唔係魚蛋粉、碟頭飯，而係一間叫街坊cafe嘅餐廳。餐廳牆壁係大大幅鮮豔油畫，醒目搶眼。餐廳食物選擇都幾多，由豪華嘅【帝王極上海鮮芝士龍蝦汁意大利飯二人餐】至街坊嘅set lunch都有，散叫食物都唔少，當然亦有賣相靚仔又大份嘅甜品啦。Set lunch嘅湯唔係普通嘅紅湯白湯，除咗【什菌忌廉湯】仲有【港式地道碗仔翅】，果然夠街坊。Set lunch 【全日早餐$72】 用鐵板上，個鐵板拎起手都好重吓，睇嚟呢度嘅店員都已經練到手胍起𦟌。講返食物，Menu寫有香煎雞扒、香草腸、茄汁蛋、炒蛋、豬仔包。豬仔蒜蓉包都幾大塊鬆軟。炒蛋亦香滑多汁。香草腸同雞扒都肉汁豐富，不錯。Set lunch 【鐵板燒澳洲西冷$88】叫咗七成熟，肉質味道一般，但都幾大件。配菜亦幾豐富，有豆角、薯條、蕃茄同茄子。跟餐嘅咖啡係【街坊蒸餾咖啡】，咖啡味香濃。另外加$8可以轉特飲藍碟花凍飲或街坊汽泡水，我就揀咗杯【青春頌】，原因係鐘意呢首歌。綠色嘅飲品係薄荷味加甘桔菠蘿，飲落就薄荷味中帶啲菠蘿味。【朱古力心太軟伴雪糕$48】超抵食嘅甜品，好少見大大份一鍋上。心太軟

今日見自己著得個look咁街坊，連食嘢都想街坊一下，見到呢間餐廳連餐廳名都叫街坊，啱哂我今日嘅心情，餐廳牆上面有好多好街坊嘅畫作，感覺十分親切。街坊碗仔翅，set dinner除咗有永恆既餐湯可以揀之外，估唔到仲有呢個咁親民嘅碗仔翅可以選擇，足料既冬菇絲，木耳絲同蛋花，絕對唔會堅離地，夠哂街坊得嚟又夠哂熱，個味道同平時喺街邊食到嘅一樣，喺西餐廳都有得食碗仔翅，正啊。水牛城脆香雞翼，味道酸酸甜甜，醬汁又夠豐富，喺甜酸之餘隱約仲有少少辣味，令人十分開胃。大蝦墨魚汁意大利飯，個賣相絕對拍得住好多fine dining嘅地方，大蝦爽口彈牙，一食就知係新鮮貨，意大利飯充滿墨魚汁嘅味道，硬度適中，唔會太腍亦都唔會太硬，啱哂我口味。黑松露雜菌雜菜煲，呢個咁fushion既菜式十分過癮，個賣相有啲似平時大排檔個粉絲雜菜煲，但係食落又有啲似日式既牛油雜菇炒雜菜，又夾雜住少少黑松露味，口感好豐富啊。

今日紅色公眾假期， 出旺角行街買嘢行到攰找地方食嘢及下午茶， 去了這間好評的cafe，在女人街附近街尾入內街不難找， 下午3点幾不用等位 座位舒服及寬敞!我們點了一咸一的甜美食: 素鮑鱼海参碗仔翅及抹茶雞蛋仔雪糕， 碗仔翅好足料又好味，诲參大大條， 雞蛋仔雪糕有好多款揀， 我哋選了不太甜的綠茶yummy yummy.正到尼!因為人不多可以坐下食下傾下偈 坐耐點也不怕值得推介嘅好地方

某日心癢癢行下女人街 諗住尋找下兒時蒲旺角嘅回憶原來依家女人街嘅兩旁都充斥著各式各樣嘅食肆行到肚餓就梗係搵下平靚正嘅嘢食見到呢間街坊cafe坐滿人二話不說梗係去睇下有乜咁抵食啦原來餐廳主打個款fusion菜式價錢吸引 給人一眾年青人環境同普通cafe格局一樣特別在喺牆上畫滿各款街頭壁畫 甚有特色先嗌咗一個小食《吉列蟹肉忌廉薯餅》$48勝在即叫即炸 食起嚟熱辣辣而且忌廉有夠creamy點埋他他醬食就更好味另外叫咗個《黑松露雜菌雜菜小煲》$88菜嘅份量非常多 而且種類繁多有椰菜 西蘭花 紅椒 秀珍菇 茄子 等等炒起嚟都幾有鑊氣而且加入咗黑松露醬 食起嚟香氣十足另外亦叫咗個《 明太子溫泉蛋意粉》$78粉紅色嘅明太子汁非常吸睛意粉口感煙韌又唔淋明太子醬帶點鹹香撈埋溫泉蛋一齊食 食落更加creamy滑溜最後叫咗杯《凍朱古力》$38呢杯凍朱甜味調教得相當好唔會太甜 而朱古力味又夠兩個人食都唔駛三百蚊喺鬧市嚟講都尚算係平民價錢難怪吸引咗唔少年青人啦

放假仲忙過上班@街坊Cafe 旺角通菜街1號威達商業大厦地下1E,F& H號舖 Easter holiday 請了數天假忙家中的事，四處走比上班更費體力，5時許已肚餓要食晚飯了$68細份烤雞三文魚沙律，有齊我最鐘意架兩款肉，鹹香三文魚更卷成玫瑰花形，加上芝士粉麵包粒同適量架醬，健康有咬口雞肉，有蔬菜食落爽曬見是推介$58素鮑素傳統雞骨碗仔翅，好耐無食過啦，因街頭小店都消失無跡，想不到竟然有！湯頭杰度剛好唔會似飲生份水，好多肉絲冬菇絲，加埋素海蔘由魔芋做成好彈牙爽利，鮑魚又富嚼勁，$32加杯不敗凍檸寧菜食物好多款架，我見到甜點類仲好吸引，下次要拉朋友一齊試

平日食開既餐廳港式菜就港式菜，西式菜就西式菜。今次咁大膽有人挑機玩cross-over，就睇下你有咩料子咁勁。 我同個Friend 今次就整左個二人套餐，貪佢夠抵食。 街坊素鮑參碗仔翅窩就咁睇好似咩都冇咁，普通碗仔翅咁。撈一撈即刻睇到又有海參又有鮑魚咁，咁大個仔真係第一次食翅食得咁豪。不過……全部都係素食黎既，但淨係睇都夠哂霸氣喇！ 鐵板燒西班牙黑毛豬 極級厚切黑毛豬，大大塊又夠juicy。仲有厚身薯條同配菜，包你食飽飽。 咁厚身既黑毛豬，真係睇到都流哂口水! 吞拿魚蟹籽沙律 香草雞肉河粉  幾新穎既食法，冇諗過可以咁樣match。用左香草醬成個感覺好健康，雞肉幾滑，成個配搭幾創新。 呢到既特式飲品既名都好有趣，都係充滿意境既名。例如前面綠色個杯就叫 "青春頌"，後面個杯就叫 "換個他"。仲有杯叫 "是我的錯"，用黎間接同女仔道個歉簡直一流。 Tiramisu 吉士西多士伴雪糕  最後就梗係唔少得甜品喇。一件西多士加上一陣Tiramisu 粉，邪惡得黎又夠哂滿足。仲有Pop corn 同雪糕球，一次滿足哂你幾個願望! Set Dinner 都唔錯 二人套餐都幾多

旺角依頭好多食肆，但個人認為價錢倒是平宜但質素參差。行經女人街，見依間餐廳名字特別評價又唔錯，於是就試試佢首先睇餐牌，第一首見到依味絕味五色焗蠔已經好吸引，一定要叫佢黎食餐廳有set dinner 供應，就諗住叫兩個啦先上餐湯，有碗仔翅同埋什菌忌廉湯揀，我地就叫左各一碗仔翅都幾多餸，雖則睇唔多翅既成份有幾多，但個味道可以就算啦有碗仔翅作為餐湯都幾特別個什菌忌廉湯都幾香濃入味，唔錯餐茶就叫左檸檬茶同埋檸檬水，用隻幾特意既杯裝不過份量略嫌唔夠重點之一，絕味五色焗蠔賣相真係好靚，色彩繽紛佢有五隻味（請參閱番上面既餐牌），每隻味都突顯到出黎，係好食每隻蠔既大小適中套餐主菜其中一味，揀左鐵板燒美國榖飼肉眼牛味濃郁，肉質口感尚算鮮嫩，質素黎講係真的不錯，並非普通茶餐廳貨色，推介以鐵板上整碟食物都熱辣辣另一味套餐主菜揀左法式鵝肝雞肉黑松露意大利飯賣相都好靚，塊鵝肝都幾大塊肥美鵝肝油脂味滿佈成個口意大利飯個汁都幾creamy 就咁食都好食，間中食到雞粒同蟹子，口感豐富最後另外叫左個朱古力心太軟伴雪糕賣相又係幾靚心太軟夠熱，入面既朱古力汁好似溶岩咁湧出黎，配埋雲呢拿雪糕食係好食唯一不足既係佢配上爆谷賣相