蠔站 (荃新天地)

想靜靜地，揀了間唔多客的西餐廳，同埋有生蠔食，不錯。點了正做優惠$120/半打的生蠔。專登叫了侍應主菜後上。很快來了紅湯和餐包，湯的味道原本不錯，內裏的肉和菜蔬也豐富，但溫度實在是問題，一點熱都沒有。生蠔有美國、韓國和愛爾蘭，每款兩隻，侍應話要跟這次序食。送來時，嗅到蠔的鮮。蠔的口感不錯，亦不是一味後加的鹹水味，最緊要是沖得淨，一點蠔殼也沒有，它不是肥肥的那種，但滿足矣。主菜的雞肉扁意粉，很creamy, 扁意粉軟硬度適中，鹹度適中，整體滿意。埋單接近二百。可以坐得舒服，靜靜嘆個午餐都不錯。如果湯夠熱，分數會更高。

服務非常差和同朋友行到入餐廳好難得先搵到一個服務員 同佢講兩位 問我有冇訂位，我話冇，服務員閃咗去問同事 第二位黑面嘅女同事出嚟 再問我有冇訂位，我再同佢講話冇 佢好似Dad air 咗 唔知佢做乜 我同我朋友企咗喺度一陣唔知入去好定係走 我地再問佢咁我點啊？黑面女服務員才蘇醒見到我地 之後黑面女同事好唔禮貌咁指住我入去坐 黑面都算 點餐嘅時候問佢有冇其他優惠佢個態度衰到好似我欠佢錢咁 之後仲有少少鄙視嘅感覺 😮‍💨都算數 點餐時 好似要哀求佢幫我落單 佢個樣好嬲 應該我哋阻住佢同其中一位同事傾偈😮‍💨咁真係無奈 既然我朋友想食蠔，就諗住食完快D走啲嘢雖然好食 但係食完背脊骨落 我以後都唔會再去呢間店食嘢

味道環境服務都很好！ 價錢合理可以再來！生蠔種類多又新鮮，不食生都可以試焗蠔主菜個燒豬好好味，見其他枱好多點豬手下次要試吓先，不過意粉種類唔夠多好彩有pizza同小食搭救，整體都不錯款式算多

一值都好鐘意食生蠔 今次帶老公去食我地之前已經食過尖沙咀分店荃灣新開便一於再來試試分店水準找到呢間性價比高 做$10/隻優惠 無限下單及每星期二及星期三做$199 半價 8隻8國家生蠔套餐送白酒或紅酒一杯原先OpenRice 訂座 1900門口待應很好 1840 已經比我入座 餐廳非常開揚 待應安排我地𥦬口位下單後 10分鐘已上$10 一打12隻生蠔🦪食上去雖然$10隻 但水準一點都不錯不期望大隻 至少新鮮✅ 已經性價比高$10/隻優惠午市亦有供應 而且亦都無上限下單再來$199 半價 8隻8個國家生蠔套餐由左起第一隻美國蠔（最淡）至第8隻最右既法國生蠔Gillardeau （海水🌊味最重）第一隻美國蠔肉厚 creamy 😀😀 推介推介Carbonara 扁意粉🍝 $138 OpenRice 訂座餐牌有9折優惠（生蠔除外）有原隻蛋黃可撈 加上煙肉🥓絲及芝士粉成碟有水準😋😋😋會下次再來試下Set lunch 及餐牌上其他美食服務好👍 生蠔🦪性價比高😋🫶🫶

我從未遇過一間食店嘅侍應係全無笑容，由一入門口嘅女侍應已經感覺不想做生意。男侍應在點餐嘅時候不單沒有笑容，眼神更加係不屑，令我哋覺得點餐麻煩咗佢。女侍應行過望一望，我哋突然想加食物，我哋叫停佢想點餐，佢轉身向我哋表現不悅，面容極不耐煩，無下次!!!

個海鮮set 真係好抵 蠔都唔算細隻 有三文魚子 海膽 2隻魚 螺同蝦 蝦都鮮既 海膽都幾大嚿 但係硬係覺得 陣味怪怪地 顏色睇落係係冇問題嘅 芒果沙律 普通 正常發揮蜜瓜風乾肉片 好食 但係都係普通 我諗 下次再去都係會因為個海鮮set而去 都真係幾抵既

當知道妳回來，大家有久別重逢的感覺，令人好懷念以前一齊搞event、返總部training既日子，現在大家又可以談談情、說說笑😘😘遲D一齊去唱K要多點飯聚啊忌廉三文魚意大利飯～味道okay煙三文魚Pizza～薄餅底夠脆燒美國雞胸～配菜既紫薯蓉好滑😋照燒雞扒定食春雞半隻配薯條～薯條香脆，春雞juicy大家對香脆薯條讚口不絕，問服務員其他餐可改配嗎？他們回覆lunch set配搭不能改，有點可惜。這裡lunch set沒有加一收費，經openrice訂枱就主餐牌正價七折+正價加一服務費。這次為靚女同事洗塵既自費單據。

$10隻生蠔真係好抵食，有海水味又爽口香煎鵝肝外脆內軟十分推介黑松露西班牙炒飯好香飯又唔會太硬仲有卡邦尼意粉，不過唔記得咗影相性價比極高👍🏼今次同小朋友食所以冇食太多嘢，下次約多幾個朋友食吓蠔飲下酒應該會好開心😀

這天特別想食雞🐤🐔，所以約同事一齊來這裡午餐。這裡lunch set有好多選擇，雞有三款：燒春雞半隻配薯條、燒美國雞胸及日式雞扒定食。其他選擇有pizza, 黑毛豬等等。我們仨都選了美國雞胸，服務員說等候時間會長少少。所以這段時間我們order了半打生蠔，食住等。今次是美國pacific rock, 韓國tong yeong同scottish cumbrae. 新鮮又好味。正在討論生蠔既味道時，雞胸出場，好大塊呀食飽才發現餐廳正推廣另一套餐：有生蠔、海膽、刺身…等等，唯。有留待下次了。

【$10一隻蠔😋】 $10一隻蠔！自從多年前吃過後，偶爾也會到店內食$10一隻蠔👍第一次也吃過店內其他食物，不過印象最深刻的還是$10一隻蠔。生蠔不算大，但勝在夠新鮮，吃過多次，沒有食物中毒/腸胃不適🤣這個價錢算是不錯！加杯飲品和其他小食，靜靜的享受，也不限時，另有其他分店，也是全天供應！ 蠔站 (荃新天地) (荃灣)荃灣楊屋道1號荃新天地UG樓UG41號舖

見佢成$468一份12oz肉眼扒，又話頂級又盛，一於嗌份medium試下有幾頂級！嘩！真係唔方唔頂級啊個價錢！$468一份牛竟然可以冇牛味，又冇落鹽，點埋個汁先勉強叫有味，我以為自己中Covid冇味覺！即刻叫朋友試下！一樣！係！冇！味！好失望！十分之失望！呢個價錢食肉眼大把選擇，出面$300左右一樣12oz又好食，諗諗吓睇返menu其實連咩牛都冇寫，剩係寫美國肉眼！？你收成5舊水一份已經係和牛價！比啲咁既質素嘅牛人食！？

哈佬喂午餐想食西餐，今次選了荃灣店，即上網訂位，主餐牌有7折優惠。1點準時出席，發現店內只有兩枱客，環境好靜。這裡午餐款式選擇比另一分店多，大家有選擇困難症狀出現。最後大家試咗燒春雞、豬肉眼、雞胸，時令生蠔及蒜蓉包是必然選擇。今次試咗巨峰乳酸食品，正。燒春雞香滑，跟餐薯條香脆。豬肉眼冧滑，多汁。雞胸竟然香滑多汁，唔柴。好味到心心眼。自從裝修之後，這裡食物質素改善了，並保持水準。希望佢哋keep住水準，人流會漸漸增加。

Oyster night!一心一意去食蠔先選$10/只，叫左12只法國生蠔🦪（海水比較重，有點咸）；跟著再自選1打其他國家的生蠔🦪但覺得質素未如理想！跟著再叫 黑露野菌湯、凱撒沙律、伊比利亞風乾火腿, 蒜片香辣蜆肉燴意粉🍝美國頂級肉眼🥩（Share 食） 總結：質素差左少少😓

話說見到Operrice 有75折諗住去試下，食物先唔講到埋單先發現，點解食左1600蚊但係得250蚊折扣，明明話75折。原來佢有一半野都冇折扣，落單果時又唔講明，咁樣做生意全心取巧，十分過份。再講食物10蚊折扣生豪， 咸過海水，叫左6隻，一隻都食唔到$468 12隻生豪得3隻好食，其他都好難食$308燒乳豬得5舊，味道勁咸，$500既牛排只能用失禮來形容，150蚊既質素大家千祈唔好比佢個75折水左，1600蚊，3個人，人均550既消費，完全物非所值，難怪要北上消費

一塊400蚊嘅rib eye ,有四份一喺根，同waitress 反映，得到嘅回應喺下次叫prime grade 呀ma.跟著同我講rib eye,filet 果d肉同fat 比例d廢話。我夠知ribeye 多d fat ,但喺四份一喺根？？？？合理嗎？ 最著都喺果句，下次叫prime grade 呀ma!!!姐喺俾說話我聽？定貴餐廳 裝修後prime grade 指定根同fat 比例會少於四份一？ 我喺度食左5,6年，裝修完請d人質素咁差？本身都喺諗住反映吓，等樓面提吓師傅。呢個樓面handle 得好差，完全火上加油。