蠔站 (荃新天地)

营业中

休息中

今天朋友好想食蠔，有個朋友介紹了這間說$10蠔不錯，所以我們一行三人就來個生蠔宴。一坐下服務員就問你要不要先叫生蠔，我們先叫一打試一試。也叫了其他，虎蝦意大利飯好味，但份量比較細，由其是個蝦牛油果沙律也細，pizza就普通。又叫了啤酒薯條及香辣雞翼。今晚我們總共叫了4打$10生蠔，好滿足的一個晚上。

後補朋友嘅生日飯！ 知道朋友鍾意食生蠔，但平時出面食生蠔都比較貴，咁岩之前喺荃灣食過尼個十蚊一隻生蠔做賣點嘅餐廳， 而且食過覺得唔錯，所以就帶左朋友過黎食。一坐低侍應就即刻問要唔要試下佢地嘅生蠔，當然即刻order左一打先，之後仲叫左一個虎蝦飯同赤貝刺身，當然唔少得叫左一人一杯酒啦。雖然今次等食物時間等左好耐，不過佢嘅食物質素依然唔錯而且店員態度良好，生蠔size細得黎但鮮甜，赤貝刺身都唔錯，虎蝦飯味道香濃而且啲飯一粒粒好有咬感 同平時食開嘅有少少唔同。

三號風球下橫風橫雨，近近地係citywalk 食返個晏，見到呢間餐廳門口有擺lunch set 餐牌，仲promote10蚊隻生蠔，就即刻吸引左我地入去。我地叫左一打生蠔，總共120蚊，size唔算好大但係多都唔細，海水味唔係好重，肉質比較爽，10蚊黎講算好抵食！lunch set 價錢唔算太貴，除左主菜仲包salad bar 餐湯麵包餐飲仲有甜品，好豐富。salad bar 選擇多，紅菜頭 紫薯 生菜都有，可以夾完菜再自己加醬，仲有生果，味道唔錯。蜆肉意粉隻碟好可愛，襯返個主菜，不過份量比較少。另外仲叫燒豬手，份量好多呢個價錢好抵食，配菜有薯角同沙律，但係豬手燒得比較熟，食落比較乾同硬個汁太甜，蜜糖味太重，會掩蓋住左豬手既味道，不過豬手本身太鹹，個人覺得點茄汁比較好。煎雞排餐最突出係舊薯蓉，有黑松露味，好正。雞排好大塊，煎得唔係好熟，有好多肉汁，不過就冇咁香口。甜品方面係一舊瑞士卷，中間好多cream，上面係芒果味醬。整體午餐幾抵食，但最抵食都係十蚊一隻生蠔。

平日星期四午餐經過見到，以前覺得佢好貴無試過，今次午餐個價又唔錯，就一於去試下。點知，簡直係發現新大陸啊!叫咗個蟹肉蟹籽意粉同芝士菠菜扁意粉，每個餐只係$68唔洗加一!😍仲有免費自助沙律吧，有火箭菜、小麥紫薯、小米飯、西瓜菠蘿哈蜜瓜咁，都唔少嘢而且quality又好，係等嘢食個陣可以食下又健康😋跟住包餐湯同麵包，更加送每人生蠔一隻!!😍😍😍係免費送生蠔啊!!之後黎咗個main course，D意粉嘅quality都唔錯，而蟹肉意粉真係一絲絲嘅蟹肉，量唔係特別多，啱我呢D肥膩嘢食少D生果食多D嘅人😋😋最後仲送一客小甜品，係好creamy嘅蛋糕卷加少少芒果醬，凍飲唔洗加錢而且係用mud嘅大杯裝!最後真係食到飽到反肚😂😂依家即使去快餐食都要$3X/4X,$68有餐湯,包,main course,生蠔,自助沙律吧,甜品同餐飲仲唔收加一，性價比爆燈!!!推薦大家去試下哦!💕

我個好朋友上次同佢親戚食完呢間餐廳，知道我係生蠔愛好者，就即刻介紹我黎食。初初聽到係$10一隻真心對眼已經發哂光，雖然心裏面諗可能生蠔質素唔會係十分好個啲，但嗌一打都係$120，真係好抵！不過最意外係生蠔質素一啲都唔差喎今次去左荃灣呢間到食，夜晚7點半左右去到都唔需要等位，入到去都有一半以上位置滿座，相信都幾多人中意黎呢到食野。餐廳環境幾正，枱與枱之間唔會好迫，少少昏暗既燈光加上音樂，好似入左間高級餐廳咁，我同朋友坐左窗口位置，望住荃新天地出面個空中花園，傾計食野都覺得好舒服。我地都唔太想食啲太heavy既野，話哂主要都係黎食生蠔，所以我地除左先嗌左一打生蠔之外，我地另外嗌左一客蒜蓉包同埋一客蠔站廚師沙律。等左一陣，個蒜蓉包就黎左，$28都有6片包，都比我想像中多，個包口感好脆仲熱，不過我覺得個蒜蓉味就可以再重啲。食完第一塊包，萬眾期待既生蠔終於到喇！佢每買6隻就會將其中一隻upgrade，今日仲每人額外送多一隻高級法國生蠔，真係好興奮！首先試左普通10蚊生蠔，一食落口一啲都唔差！雖然唔大隻，但好Creamy同埋充滿海水味，10蚊絕對超值。另外upgrade左個兩隻生蠔明顯大隻啲，食落

死黨生日話想食生蠔，因為出去酒店食buffet已太遲....可能母親節快到，所以已經滿座⋯之後勁搜索下，發現有呢一餐廳，個宣傳＄10隻生蠔，心諗有冇咁平呀⋯⋯當晚星期六晚上，很早也滿座了，我們先叫一打，再送多兩隻upgrade 法國蠔$58！相當扺！之後叫了個豬枊好淋甜！個意大利飯也不好味！整體滿意！

平時友人經過樂富間Oyster Station成日都好想試，不過次次都fully booked。今次係荃新天地見到OS plus，發覺係同一個集團，佢當然唔會放過啦！我自己本身係唔食蠔既，不過友人自己一個人成餐飯食左40隻，可想而知佢係覺得有幾好味加拿大 Excel T骨扒 14安士 - 有牛味、唔會太肥、嗌左5成熟 煎得啱啱好、肉質亦唔會太淋或硬香煎虎蝦配龍蝦汁燴米型粉 - 虎蝦同個汁都好味，不過啲米型粉煮得太耐太淋之後我哋唔夠飽再嗌多咗個炸啤酒味薯條 (Beer buttered fries $58)，啤酒味就冇乜喇，不過都幾好味有匯豐卡仲有9折

經過這商場，看見這所餐廳做緊生蠔promotion，而且 午餐價錢也算實惠 ，與一班朋友就不妨進入試一試，當然必試他的是日澳洲生蠔promotion，每隻也只是十元正，入口發覺不但肥美而且也感覺到他的海水味，''正 ",到試他的午餐主菜，我們叫了各自一份午餐，包括醬燒豬寸骨 、吉列大蝦伴燒雞 、蘑菇汁魚柳 和酱燒牛柳粒 ，每個主菜賣相也相當可觀而且份量也十足，大家都發覺這個午餐很滿意，以這個價錢 又有蠔及一個豐盛的主菜，實在超滿意，當然這所餐廳的環境也十分寬敞，可能做緊promotion 聲浪較大，但還可以接受，有機會會再試他其他款的生蠔希望他的promotion可以繼續。

即興想食生蠔又唔想次次食幾十蠔隻當然去呢到食10蚊蠔今日係南非蠔好快就到啦一次叫左6隻呢隻蠔係我鐘意唔算太cream既 因為叫左其他野食，所以6隻先雖然10蚊隻，但質素一啲都唔差架呢度有二款海膽揀日本$248加拿大$268本來想叫加拿大既可惜今日無，唯有食日本既因為夠新鮮，無論配青瓜定紫菜都係無得輸呢個係我每次都必必必點！好脆好香，不過係無啤酒味既魷魚我就麻麻地，少少油膩呢個我朋友話好好食就點呢個嘗試下先鐘意芝士既你一定會鐘意個邊好脆埋單600幾

WOW~一聽到１０蚊生蠔大家都會流哂口水。所以就特登搵左一日去食食食！３個人一坐低就問下今日係做緊邊款１０蚊，要注意，係每日會有唔同既蠔做特價，如果你有所謂既就要問真Ｄ先入。我食呢日係做緊愛爾蘭～咁就叫左３打。每人１２隻真係好滿足呀！唔知大家會唔會同我一樣，只食海鮮唔食肉會有Ｄ空空洞既感覺～所以我地叫左西冷同意大利飯一齊食。西冷５成０岩岩好唔會太難咬，肉汁係好多，但我覺牛肉味唔夠濃，意大飯就係一般質素！之後我地叫左apple cider 特飲,一人一大杯,好多檯都有叫呀!用黎打卡0岩哂~! 都幾飽架,佢又冇限時你食幾耐,可以食完再飲野傾計慢慢坐。

今日放假，lunch特別想食蠔，於是上網搵buffet，無咩好選擇，於是有朋友推薦尼間，話做緊優惠。原來尼間有好多分店，我地選左荃灣。一入間店，唔多人，好relax既感覺，我地2人點左一個main course其餘既quota念住全部用蠔填滿。尼排做120蚊半打蠔任選，仲有每日唔同既10蚊蠔。我點左120蚊任選要求職員幫手選甜味+creamy既類型，再加半打10蚊蠔。上到來唔到2分鐘已經被我地KO, 絕對不是普通buffet可以媲美的質數。新鮮清甜的蠔肉泛着透亮的海水，飽滿又毫無雜質。完全唔夠喉，又叫了半打10蚊蠔，又係1分鐘KO,又再encore!!終於可以叫做滿足啦～～以後會經常光顧！記住你啦～蠔站！

今日同男朋友周年紀念日❤️其實我地都無特登去book枱食飯但大家都不約而同想食豬手🐷於是就揀左呢間以$10一隻生蠔做selling point既西餐除左開頭喺門口企左一段時間先有staff招呼我地入座令男朋友不悅之外食物質素都幾唔錯$10生蠔我地叫左4隻 係愛爾蘭蠔 一分錢 一分貨啦如果真係想食肥美生蠔 就唔太建議叫呢個😂太細隻同埋幾重海水味！純粹過下口癮就ok我地既重頭戲係豬手😻😻😻😻個皮好脆口，肥豬肉食落唔油膩，連埋個皮同啲瘦肉食真係勁豐富口感，幾好食！食到咁上下覺得漏就可以食下隔離啲配菜，都唔錯男朋友最中意就係呢個卡邦尼意粉，由於我本身想食黑松露，所以最後喺男朋友堅持叫呢個既情況下，我係抱住無咩期待感去試😂點知都幾驚爲天人！我覺得比平時出面食果啲好味勁多唔知關唔關中間粒蛋黃事，但overall係勁濃郁芝士同蛋香味好推介

Been searching for a place for lunch and the $10 Oyster promotion has successfully drawn our attentionModern designs, spacious~Pumpkin soup rather watery and blandButtery, oily toastHere comes 4 $10 French oystersFresh, creamy! but just too tiny!  size like 2x$5 coin lolOrdered another 6 oysters at a price of $120Waiter will help you choose the type of oysters according to your preference: whether you want creamy ones, or the ones more melon...Size reaches No.00 this timeSuper fresh! Chose cream

真心推介👍🏼食生蠔首選本身諗住帶埋屋企人一齊試呢間好出名食生蠔既餐廳，點知去到嘅時候俾人包左場冇晒位😭但服務員好好知道我哋咁遠黎到都盡量幫我地安排，最後可以成功入到去食生蠔，服務一流

今晚為左慶祝屋企人升職決定食餐好ge！！所以近近地荃灣荃新天地揾間西餐廳！晚飯8點零鐘但餐廳比想象中少人，可能平日ge關係？BTW，我地叫一人叫左一個扒。扒肉好厚實，都幾juice。配埋d配菜都幾好，唯獨個醬汁太少。如果個醬汁可以多d就更引人入勝啦。之後再叫左d刺身，d刺身老實講好普通，街邊壽司鋪水準。不建議各位叫刺身！另外，我地仲食一齊叫左1打生蠔。推介！！夠鮮甜！夠新鮮！大約$10隻超級抵食！！總括而言，牛扒正常水準、生蠔抵食、刺身則慎選！！價錢相對水準感覺較貴！