蠔站 (荃新天地)

营业中

休息中

生蠔係唔錯嘅，但係除左生蠔之外嘅野食都唔得。其實第一次係去大角咀分店食，食完覺得勝價比ok，尤其是佢個黃金軟殼蟹意粉係驚喜之作！但今日去咗荃灣嗰間，諗住仲要開係商場入面改埋個名叫Ocean Station “Plus”會好啲，點知完全唔掂😤中伏! 首先，啲員工唔知自己做緊乜，完全無service可言，由喺門口等入座，無人greet你，企咗喺舖中間見到你，只係一個手勢示意你自己行入去，唔會有人帶位。然後一坐底，淨係識問你有無訂位，無其他野問、無招呼，答完佢又聽唔到，一碌木企喺度唔知做乜然後我係19:40入座，佢喺門口有個牌大大隻字寫住有個豬手優惠$88（只限荃灣舖），我地諗住落單佢就話$88賣唒，叫我地叫$268大份啲，我心諗，19:40坐左唔夠十枱人就已經話賣唒，真心想問佢係咪每日得一份定係其實連一份都冇?! 商品說明條例唔知幫唔幫到手呢?! 食完生蠔就上意粉，個意粉係全熟食，無魚生，我唔知佢比個壽司豉油加Wasabi係咩玩法🤷🏻‍♀️，上次喺大角咀食黃金軟殼蟹意粉，啲意粉係比好似起咗沙嘅咸蛋黃包住，今次喺荃灣呢間野食，你係見到唔只一粒粒而係一嚿嚿嘅咸蛋黃，意粉唔係比起沙嘅咸蛋黃包住。然

同友人食生日飯 友人想食蠔揾咗有10蚊蠔嘅餐廳係荃灣City Walk入面 佢個入口都幾隱蔽 行過咗兩次先揾到入面好多客人都係食緊蠔=24隻 $10 是日精選生蠔=今日係法國黎嘅生蠔細細隻但都幾好肉好有海水味 以哩個價錢真係好抵食=冰鎮秋葵=無諗過西式餐廳會有冰鎮秋葵都幾驚喜 秋葵下面鋪咗冰保持冰冷=虎蝦配龍蝦汁燴米型粉=虎蝦口感無想像中咁彈牙但龍蝦汁的味很濃很香第一次食米型粉嘅我 頭兩啖仲以為係飯=南美海鮮薄餅=薄餅雖然唔係超薄底而較硬但食起上黎很有口感=炭燒西班牙極黑豬配青蘋果醬=豬雖然有骨食得無咁放便但口感很淋 很有慢煮的感覺青蘋果醬雖然食唔出蘋果嘅味道但配豬黎食都夾=蘋果金寶伴雪糕=訂位的時後有說明係生日飯所以要求寫名的甜點服務員哥哥好叻見我地枱上都吃完就咁問我地係咪所有菜都上咗就出甜品畀我地環境同食物都唔叫錯當然只有生蠔係性價比極高的

31/12約朋友吃晚飯，問了很多餐廳都有special menu, 或者仍然用Christmas menu,價錢比平時貴一倍，而且選擇少，感覺非常”劏客”，事前透過Facebook message詢問蠔站，回覆表示”menu跟平時一樣”，馬上book枱。$10生蠔是蠔站名物，今晚的$10是南非蠔，size有大有細，但算是鮮甜，而且creamy和肉厚，實在物超所值，自己去Ocean Txxxx該類公司買$2x一隻生蠔，都未必有這種質素，所以和朋友吃了兩round.另外有order了5成熟的西冷，牛味挺濃，沒有overcooked, 旁邊有些少筋是在所難免，但至少有9成吃進肚子裡，最怕有些餐廳order的牛扒有半塊咬不動，或者有很多筋/脂肪。還order了炸軟殼蟹蛋黃扁意粉(忘了拍照)，軟殼蟹原隻上，炸得剛好而且有膏，扁意粉看起來沒有醬汁乾巴巴的，但入口鹹鹹香香，鹹蛋黃粒粒份量不少，掛滿意粉，出乎意料地美味，我和朋友平時沒有特別喜歡鹹蛋黃食品，不過都一致認同有驚喜。31/12的晚上，兩人能用$500品嚐有質素的晚餐，滿意極了，一定會再來。

其實第二次食，放假想食生蠔，過下口癮，又唔係想食咩靚野，就近近地泥左呢間我叫左半打10蚊生蠔同一個墨汁risotto,朋友叫左368既午柳，7成熟生蠔先上，不過不失，對得住個價啦，我都滿意既，60蚊食到半打跟住上個個牛柳.....真係垃圾.....勁細舊都算啦，7成熟到幾乎well done咁，啲肉質鞋到仆_ ，冇調味，pepper and salt都冇，呢舊咁既垃圾真係100蚊都比多佢最後上個墨汁risotto 個汁算幾好，可能現成野掛，幾creamy ，但個飯....生米，未熟曬，上面舊魷魚，冇味，似擦膠，難食到一個點最後埋單650，完全唔飽，仲要難食，上次食左個carbonara 其實ok，只可以話今次唔好彩。

2018年11月18日一家三口去試試呢間 我是下午二點去到 初頭有個女侍應介紹我地食蠔 我同囝囝喜歡食 叫了一打 4種口味 個女侍應有細心介紹點食 我地仲叫了三個set lunch ，分別迷你薄餅 憢雞及炸魚薯條 以上三個set lunch只有雞比較熱 其他2份5夠熱 我地一家人有洗餐具的習慣 此時另一個比較高級扎馬尾的女侍應黑面地問我太太 呢d餐具仲要5要 她態度極差 我答她 5要d餐具點食？之後她離開 呢一刻我真的不開心 不過值得一提 佢地d蠔確係美味的 只是服務態度就一般!

晚上7:30walk in , 沒有排隊，被安排坐下來後侍應好快推介$1生蠔來自哪裹. 晚上也沒有set dinner,所以只能單點. Main 點了一份海鹽焗盲鰽魚($188), 朋友點了豬扒（$2xx), ... 味道還好吧，就是那種不過不失但絕不會專程再來的程度，到處好吃的西餐實在太多.

10蚊蠔抵食生蠔 正鵝肝多士1件 $148 太貴芝士冬菇 幾粒好貴牡丹蝦聖子刺身 新鮮 但小羊扒 3舊 $248 2個人食多謝你$937蚊仲已經8折食完唔飽要番屋企煮麵食，這個價錢咁既質素，自己覺得唔抵😹😹下次只食蠔，唔好叫其他野😅😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😅😅😅😅😅😂😂😅

今晚老媽又做無飯煮婦，即刻suggest大家去食$10蠔🤤🤤唔係講笑，即刻黎兩打生蠔做個頭盤先。今日有兩款蠔，一款大隻爽口，另一款細隻啲就比較creamy啲。兩款都好生鮮，又飽滿。$10都無渣流灘家👍🏻👍🏻 兩老都食得好滿足，讚不絕口😏食完頭盤，梗係要叫返啲熱食。黃金軟殻蟹扁意粉$128原隻軟殻蟹，唔太油，基本上都無點食過邊間餐廳整軟殻蟹會fail🤭 意粉略嫌硬身左啲，本人比較喜歡食軟身少少墨汁魷魚燴意大利飯$128魷魚幾大隻，煮得夠淋身，易入口。初頭以為係魷魚圈，甘樣原隻上有驚喜👍🏻呢個做緊promotion, 只要like佢地fb就可以減$100，鍾意食蟹既我梗係要試試。點知黎到蟹味唔突岀，蟹糕同蟹肉都唔多，真係有啲失望😭唔記得叫左西冷定肉眼🙈要左medium, 岩岩好，夠juicy唔會靭。如果蕃茄可以煎煎佢會更好，厚切加埋刺身上，生到有啲難入口😂黑松露野菌意大利飯$108個黑松露超級香‼️‼️真係好好食😋 仲叫左個四式芝士pizza唔記得左影，餅底係薄身，幾脆。不過因為我係芝士愛好者先叫個四式芝士，個pizza啲芝士好似少左啲，完全滿足唔到我想食芝士既慾望😢不過黎呢度最主要都係想食佢

食物準高，服務態度一流，是次點了四打生𧐢，一份三成熟🐂扒，生牛肉pizza,最特別係期間限定嘅蟹蓋意大利飯啲蟹膏浴入啲飯入面好味到無得頂，另外值得再一再提，服務員的態度及服務真的了不起👍

經OpenRice book位，正價食物有八折！結帳嘅時候，發現賬單內正價食物沒有打八折，詢問職員，他說我沒有主動交出OpenRice booking的證明，所以沒有8折🤬🤬🤬有冇搞錯啊，我經得OpenRice book位，我亦可以以呢個booking而入座，而由入座開始到食完結賬，都冇任何人要求出示證明😤跟住我攞證明俾佢睇，未有服務人員來睇，就已經自動俾返一張有八折嘅賬單我結帳！點解又唔需要睇我出事嘅證明，又能夠比八折呢！擺明係不良嘅營銷手法! 不老實😡8國生蠔：$199⭐️⭐️⭐️⭐️⭐️（新鮮、好味）生蠔：$10⭐️⭐️⭐️⭐️（新鮮、好味、細隻、有殻碎）德國豬手：$268⭐️⭐️⭐️（皮唔脆、肉類又乾又硬）手撕豚肉Pizza：$148⭐️⭐️（豬肉鬆pizza)軟殻蟹意粉：$128⭐️⭐️⭐️(好味，但非常細碟）

本身同女朋友已經食左晚飯，已經9點左右，周圍行下，剛巧見到$10隻蠔，服務員又非常有禮咁解釋優惠詳情，住在荃灣咁耐都未試過，就入去試試，在門口已講明可以只叫生蠔食享有優惠，所以我地就叫左10隻蠔先原來以為$10隻無咩期望，點知估唔到好唔錯，又唔腥，感到新鮮，之後我都想試試其他野，所以我叫多個法式蟹薈飯味道唔錯，但真係無咩蟹味，同飯真係太小啦，基本上一個成年人是唔夠的，所以整體來講都唔錯，尤其是生蠔再加埋環境氣氛，唔錯

同朋友黎食，主打就係試下佢10蚊隻蠔！唔洗特別等位，餐廳氣氛唔錯，燈光偏暗～而且服務員亦十分有禮。呢間餐廳嘅扒就一般，無咩味道。10蚊一隻蠔黎講，算係十分唔錯，唔會特別細隻，而且無腥味。海膽亦幾好味，唔會太腥，夾埋紫菜一齊食！反而三文魚刺身就一般，好似未解凍嘅口感。

我好鐘意食生蠔，book咗8點侍應好快就帶我地入座，都幾好服務。一嚟就嗌生蠔，唔洗問！2個人就嗌咁多十蚊蠔都幾新鮮，有蠔味，幾爽口，無腥味肆無忌憚係度啪蠔，真係好爽，諗起又想食了！嗌左個蒜片牛粒，普普通通，都幾香，唔算un，份量唔會話太少。蘑菇意大利飯，味道都唔錯，飯粒唔會過硬過軟蘑菇都好香，加上芝士，味道更豐富！最後加個豬手，外脆內軟，又香，啲肉本來帶小小咸香味，唯一係佢切得太大舊，係好大舊，你要自己切，但餐刀又唔夠利，比較吃力醬方面，我個人都係喜歡甜芥末🙈😆最後突如其來的心軟，男朋友靜雞雞嗌俾我心太軟都幾好，流心幾濃朱古力整體都唔錯，埋單7百幾，價錢合理。

雖然話食滿$500可享低至7折，但事實上，好多都冇折扣優惠。你要享有折扣，實際你需要花近千元方真正享有優惠；最後其實唔算抵食。食物方面，都叫唔錯既，環境衛生都唔差。

朋友話呢到做緊$10蚊隻生蠔 就book左位3個人黎食lunch順便食蠔 咁lunch set有跟一個自助沙律吧既 同行一位朋友叫左lunch set 佢叫左個炸蝦意粉 得兩條炸蝦 同好細兜意粉 就已經72蚊 見到咁之後 我同另一位朋友已經唔想叫lunch set 諗住疊埋心水食蠔算 點知個店員話有一個人叫左lunch set就全部都要叫 如果唔係要收返個沙律吧既錢 即使你無食到個沙律 🤡咁無奈之下唯有叫多兩個lunch set 但睇完隔離枱叫個d之後 真係好難揀得落手 最後求其叫左個芥末八爪魚pizza同牛仔骨 個pizza一上碟真係絕望崩潰 個size同超市買個d急凍pizza一樣 人地三四十蚊有兩塊 佢呢到成八十幾蚊得個一塊 上面仲要無乜餡 牛仔骨同樣咁絕望 細份 薄身 無味 切返開應該同酒樓既黑椒牛仔骨差唔多 咁就盛惠138蚊10蚊隻既蠔就ok既 幾新鮮 爽口 有海水味 但lunch set真係搞崩左成個用餐體驗 出品毫無誠意 賺錢賺到盡 咁既餐廳真係唔應該生存落去 d待應都係拾下拾下 成日發呆 問佢地拎餐具 落個單都要叫幾次 明明個時兩點幾 又唔係炒晒場都可以咁 仲夠膽死收加