蟹點

营业中

休息中

蟹鉗有半隻手掌咁大同朋友喺港島嗰邊行完山，非常之肚餓，見到有好大個招牌有隻大蟹，即刻衝入去食呢間餐廳有戶外嘅枱凳，戶外風景幾好，我哋就坐喺出面食，夜晚都有一陣陣涼風，裏面就有冷氣嘅，同埋見到生猛海鮮喺魚缸入邊游來游去😋薑蔥蟹$698呢度係出名食蟹，我哋就點咗薑蔥蟹。點知隻蟹一來到，超！級！大！隻！隻蟹鉗有我半隻手掌咁大，我從細到大都咁大隻蟹😍真係見到都舔舔脷，眼界大開之餘胃口都大開😂。我蟹係用燒熱咗嘅鐵鑊勝在，熱辣辣，大大隻，非常之新鮮，肉質鮮嫩，肥美鮮甜，相信係喺剛才我見到嘅魚缸裏面遊緊水果度捉出嚟😋可以話係即叫即煮，又點會唔新鮮呢？另外薑蔥味都爆到好香，好多薑蔥，我最鍾意用嚟餸飯食，個蟹蓋都有啲蟹膏，蟹蓋超級巨型，有我隻手掌咁大西蘭花炒帶子$148帶子大隻又鮮嫩，都有成十隻八隻，西蘭花炒到青翠嫩綠，夠曬獲氣💗總結：蟹又新鮮又大隻，食咁大隻蟹真係好滿足，一定會再來😋💗💗💗💗

中午同媽媽去食個 quick lunch，母親節正日中午 12:30 都唔洗等位可以直入，都心知不妙，伏味濃，我哋三個人，叫咗兩個午市套餐加一個小食。海南雞飯配油飯啲飯又乾又硬，唔熟，生米。雞肉又係，好靱，鞋到不得了，好似食緊一舊擦子膠咁。濕炒肉片河啲河粉好似無炒過咁，一 pat pat，啲汁就咁淋上面，淡而無味。炸大腸炸得唔夠脆，好靱，咬唔開，上面灑咗大量唔知係胡椒粉定五香粉，見到都唔開胃。連跟餐嗰杯青檸冰都好唔掂，得一片青檸，成杯都係無味架。

【南區】【蟹點】食我嘅生日飯，梗係就晒我。不過大家都知我對飲食冇乜要求，只係麻鬼煩，所以兩位朋友都問咗我意見先，今次呢兩位朋友係浣紗娘同埋會計妹。我嘅意見就梗係南區最好，因為我少 post 之餘又可以賺取同美女相處時間。講返嘢食，首先係 $598 嘅「招牌白胡椒蟹」，大蟹，每隻大約斤半。蟹係呢間嘢嘅招牌菜，冇理由唔叫架，我冒敏感風險都食咗一舊肉，我唔識欣賞，但佢哋就食到津津有味。然後 $68 嘅「紅燒脆皮BB鴿」就一般，好一般。而 $108 嘅「招牌脆皮咕嚕肉」係幾脆口，塊肉同啲醬都唔差，酸酸甜甜就似我同女同事嘅關係。菠蘿就一大片咁上，切好一塊塊咁。都係 $108 有「蟹點小炒王」，又整得幾好食，最主要係食材唔錯之餘鑊氣好夠，係掂。第一 round 未飽就追加啲嘢食，首先 $78 嘅「藤椒爽魚皮」好辣，不過好惹味，勁爽。之後 $138 嘅「花甲蒸水蛋」好鮮，隻蛋蒸得啱啱好，淨食唔撈飯都正。一入場就留起咗 $78 嘅「芒果糯米飯」，食落都 okay 幾唔錯嘅。嘢飲方面我飲 $25 嘅「薄荷荔枝梳打」，正正常常，佢哋叫 $48 嘅「椰青」同 $43 嘅「菠蘿沙冰」，感覺好似好飲過我嗰杯，不

我哩D高達迷，當知道海洋公園攪個50年展覽，必然要去朝聖啦! 又可以做吓龍友影吓相.想當年唔食飯都要慳錢買高達模型同雜誌! 仲要買砌模型工具!女友小熊無跟我一齊去朝聖，同樣佢入去廸廸尼維尼熊朝聖，我都唔會跟住去.朝聖完後，小熊見我身在南區，就約我去哩間蟹點開餐，佢話一早已經想同我嚟蟹點幫襯，最初唔明點解，食完就明哂!一去到餐廳，未入門，已經被個露台位吸引，因為地方超闊落，啱哂我哩D煙民!入到餐廳同樣環境闊落!菜式多到居然要兩本 Menu，而且菜式多到眼花撩亂，有中式小菜有泰式菜有潮州打冷又有海鮮，合心水菜式極多，我同小熊好多小菜都想食，但肥肚腩得兩個! 心大心細左揀右揀諗咗好耐先決定到食咩!嚟到蟹點當然要食蟹啦，點咗份咖哩肉蟹同蒜蓉牛油軟殼蟹，當然要配埋蒜蓉包點咖哩汁食啦，仲有蒜蓉粉絲蒸蟶子皇.居然仲有我大愛沙冰! 二話不說，菠蘿沙冰!首先炸軟殼蟹有齊哂D手手腳腳，唔似得其他餐廳嘅軟殼蟹上枱一舊舊唔知咩嚟，而且份量足夠，外脆內軟，滿意.蒜蓉粉絲蒸蟶子皇夠鮮嫩，係第二道滿意菜式.落單時忘記咗要求多咖哩汁，擔心唔夠汁點蒜蓉包，點知擔心係多餘，咖哩汁多到要打包! 當然咖哩汁係好味先打包啦，有

瘋狂黎錯單，態度差七點半叫野食八點半先有嘢食仲要瘋狂嚟錯單之後嗌啲嘢食又唔好食，田雞變咗雞 要乜冇乜啤酒要4支，入數入八支架， 最後埋單啲嘢食先嚟，老細態度仲要非常差

海洋公園嘅生日優惠係免費入場既然未諗到有啲咩活動，就同🐻入去行下玩下‼️夜晚就去食蟹呢個行程好正‼️因為個晚餐好有質素仲有outdoor 位置呢間餐廳好特別，集給左中菜&泰菜㗎‼️嚟到當然係為食蟹而嚟所以我哋就揀左中式口味 「白胡椒蟹」隻蟹起碼有斤半重 嚟到係震撼眼球‼️肉質係厚實鮮甜，白胡椒嘅香+辣，食落更滋味鋪底嘅洋蔥吸哂啲白胡椒汁，都比我哋K.O.哂🦀蟹出色之外，小菜都大大碟又好食「砂窩蔥油雞」啲蔥油仲係熱到滾動滾動應該用左黃油雞，雞肉非常嫩滑，好香雞味，蔥油成為左不可或缺的角色，令味道、香味更倍增連「雞湯雜菜煲」都一啲唔遜色用左真材實料嘅雞湯，係主要嘅角色令到嘅蔬菜勁好食‼️⭐️而且仲有泊車優惠㗎🚗 所以已經即刻諗定下次幾時再嚟食

每年正日生日去海洋公園都可以免費入場，玩足一整日真的好倦又肚餓，一於在南港島線上找過地方吃晚飯再回家。問問住在香港仔的表妹，她介紹我去海怡半島附近吃海鮮。原來海怡半島東果邊有個西邨商場，頂樓有間食海鮮的餐廳，由於近香港仔避風塘，所以每日都有好多靚海鮮，最正竟然有戶外用餐地方，可以欣賞四周環境，空間感十足。店員告知今日肉蟹超大隻，而且有多種煮法，於是叫了一隻炒蟹再加2款小菜，不消一會所有餸菜已經上枱。菠蘿青檸梳打菠蘿味不算太濃, 有淡淡青檸香氣，值得一讚用上新鮮菠蘿肉，入口清甜，玩完一整天喝這個真的可以消除疲勞🤣避風塘炒辣蟹(大蟹）新鮮現炸的炸蒜頭，搭配上炒的酥香的豆酥蔥花辣椒，裹著炸好的蟹肉一起吃，少少的辣勁能夠食出肉蟹的鮮味，整體配合每一囗也是同樣十分回味的。招牌脆皮咕嚕肉咕嚕肉酥脆可口，酸甜汁酸酸甜甜非常開胃，最喜歡肉排保持鬆脆口感，肉嫩多汁，食落有點爽口感覺，甜酸香氣令人胃口大增。生菜包泰式生菜包酸酸辣辣，非常開胃，用手拿起生菜，放入肉碎，捲好，放進口裏，清爽可口的生菜包裹着香辣惹味的肉碎一起吃，滋味無窮。

晴朗的一天正適合上山吸收下新鮮空氣。我便拉埋另一半陪我行玉桂山；順道舒展下的筋骨。經過兩小時輕鬆的行程，終於回到鴨脷洲西村。隨意找了間泰粵菜的［蟹點］去醫五臟廟。食肆位於街市樓上全層，地方寬敞。而裝修以藍白色為主，好有地中海渡假感。再看看餐牌真的多完化乜都有得食，最後更被主角皇牌「白胡椒蟹」吸引住，急不及待想品嘗一番。食肆倘為細心，用饍時會提供圍裙和膠手套；方便食客進食。白胡椒蟹   $658採用菲律賓肉蟹的確很大隻，佔據整個鐵板。服務員把白胡椒汁淋上時即發出滋滋聲，煙霧缭繞；濃郁的胡椒味香氣四溢。蟹鉗超大隻殼又厚又硬，好彩廚師基本已把殼破好，所以很容易就把肥美蟹肉拆除；啖啖肉非常鮮甜，若沾上微辣的白胡椒汁更加惹味。無骨泰式海南雞飯    $59原隻雞脾大大份，皮簿肉質嫩滑。泰式醬汁酸酸辣辣，開胃惹味。隨餐附上清甜冬瓜例湯和油飯，粒粒爽口而不肥膩。整個套餐還可配搭一杯飲品，認真超值。白灼生菜   $48白灼生菜基本無需手工可言，但份量極少。咸檸七  $25熱奶茶  (配套餐)整體而言食物質素是滿意的。惟獨是個菜真係少得物不所值和白胡椒蟹有D感覺唔良好，因餐牌標明原價係$598，但埋單時

秋冬天最適合便是吃熱烘烘的海鮮辣鍋暖暖身子，因而十二月份時我便特意與朋友開車前來鴨脷洲，以一嚐朋友口中推介的特色美食。蟹點位於鴨脷洲西邨街市一樓，低層設置熟食市場及街市，而餐廳則是為處於上層，顧客可以選擇徒步行樓梯上落，又或是於熟食街市中乘坐電梯以到達正門位置。環顧蟹點的整體空間是相當寬躺闊大，因餐廳是佔據了整個街市的一整層面積。到達餐廳率先看見的便是設置正門外的戶外空間，是店主特意設立的戶外空間，以便提供予顧客吃飯時與朋友順飲飲和呼吸，而又不會影響到其他食客，可說是相當貼心。從正門步入餐廳，首先是看見設置右方的收銀處，左方甚為壯觀的魚缸，而再步前則是來到廚房位置，其同時提供有水吧服務、潮式菜、打冷和小炒，因而空間亦是相對甚寬，室內用餐的地方是屬於呈現 L 形的設計。店舖整體裝潢以藍、白色調為主，再配以方格、條紋圖案的黑白灰地板，和魚網、船舵、船漿、水泡等元素，感覺猶如置身船上，是充滿著大自然和海洋味道的設計風格。川味辣子蟹熱騰騰的辣子蟹外觀很是巨型，重量則是大概處於三至四斤之間，甚為肥美，但其價格卻只售六百多元，著實是合理化算的一道菜。食用時蟹身肉質乾爽香辣，鮮甜濃郁，富有蟹香，而蟹

家人住海怡半島，與家庭聚會，家人有好介紹，唔好睇佢好似向街市裡面，佢好大坐得好舒服，好似酒樓咁。重點係樣樣野食都夠新鮮！一開頭的滷水拼盤已經好大份，又好食，好入味，份量絕不少。必推係佢ge豬肺湯，勁奶白色，有杏汁味，鍾意一定要食埋湯渣，勁多雞腳同豬肺😍😍😍。佢ge椰汁西米糕唔同平時個d，裡面有驚喜，芋泥真係生色不少。總括而言，8個人叫個6人餐再散叫其他小菜，又好食又一定夠飽，連糯米飯都食唔晒要打包。

鴨脷洲西邨街市翻新後有新搞作，街市分為兩層, ，地下層有街市、熟食，餐廳「蟹點」就佔據了二樓整層。主打中菜同泰菜，店內亦歡迎食客係下層街市買海鮮上黎比餐廳代煮 (需付加工費)😋店內環境非常大，寬敞舒適，招牌食炒蟹，還細心地提供即棄圍裙供客人使用。====—====—====—====—🦀招牌白胡椒炒蟹（$598）大大隻蟹放於熱辣辣鐵板上，即時淋上白胡椒汁，霧煙效果更散發著濃濃的白胡椒香。蟹肉新鮮👍🏻蟹肉鎖住了原汁原味嘅鮮甜蟹肉肉汁，外層平均沾上了甜甜白胡椒醬汁，入口惹味😋蟹隻非常厚肉，啖啖肉，超級滿足😍. 🐸 川式水煮田雞（$128）想不到店內完美還原川菜味道，川式味道麻麻辣辣，色香味俱全。水煮田雞新鮮厚肉，伴以青瓜、芽菜、雲耳、薯粉，盡吸麻辣湯的常華，非常惹味😋. 🐷招牌脆皮咕嚕肉（$108）咕嚕肉炸得香脆可口，內層伴上肉質軟嫩的豬肉，外層包上了甜酸醬汁，非常美味，再配上一卡清甜多汁菠蘿肉，酸甜開胃，可中和一下油膩感😝. 🥭芒果糯米飯（$78）芒果糯米飯有紫米和香糯米飯，口感香糯，伴以椰汁和香甜多汁的芒果🥭大🈵足！====—====—====—====—📌店名：蟹點‘📍地址：鴨脷洲鴨

自從開通左南港島線後，入香港仔/鴨脷洲就方便好多~ 同家人行完山就黎到西邨街市覓食，估唔到係街市一樓中有間乾淨企理既大排檔，有齊海鮮/中菜/泰菜/潮州野食，仲有新加坡風味既白胡椒蟹食，呢餐有驚喜呀😍餐廳設有室內外座位，裝潢以藍白色為主，幾有地中海風情。雖然餐廳位於街市頂樓，但係乾淨衛生，地方寬敞，用餐環境舒適。♢ 🦀招牌白胡椒蟹 $598我地一行四人都想試招牌菜，果然好正🤤 上菜時鐵板發出滋滋聲，一斤半重既菲律賓大肉蟹新鮮熱辣辣送上🔥 我地著定圍裙，望住店員淋上白胡椒汁，煙霧繚繞，香氣四溢！廚師好貼心咁將蟹鉗破好殼，好輕易就可以食到肥美鮮甜既蟹肉，而且掛滿醬汁，微辣既白胡椒味道非常惹味！就算唔食辣都可以輕易carry到~ btw D醬汁咁正唔好浪費，我地叫左幾個白飯，用黎撈飯一流！♢ 金沙鮮魷 $128黎得大排檔當然要叫有穫氣既小炒啦~ 呢碟金沙鮮魷十分推介！炸粉唔會過厚，香脆可口，鮮魷爽口彈牙~ 配上金沙咸蛋黃醬鹹鹹香香咁，好香口！♢ 泰式燒雞(半隻) $138即叫即燒，夠哂新鮮熱辣辣~ 雞皮燒至金黃色，帶有少少焦香，呢種口感勁正！雞皮香滑脆身，保持到滿滿肉料，點埋附送既泰式辣醬更加

近排天氣最適合行山，行完山一定要食餐好的，上次朋友介紹食過蟹點小炒王，一直很想再食，因為餐廳選擇多，什麼菜式，口味都有，同幾多個朋友一齊都不怕唔啱口味，而且價錢也很合理，口道又好。招牌白胡椒蟹 $598餐廳提供了圍裙和手套，附近還有洗手盆，隨時可以洗手。等了一會香噴噴的胡椒蟹用鐵板上枱了， 胡椒蟹大概一斤重，依舊的又香又大隻。醬汁再由店員即時淋上，隨即發出吱吱聲的，又香味四溢，連隔離枱都聞到超香濃的胡椒味，蟹鉗超大隻又啖啖肉，沾上白胡椒醬汁，微微的胡椒辣非常惹味，鮮甜肥美的蟹肉真的超級超級讚!!!星洲炒米 $59星洲炒米，咖哩味非常香，夠乾身夠鑊氣，大大碟，配料非常足，大量蝦仁，韭黃，叉燒，米粉爽口不易斷，非常抵食。泰式無骨海南雞飯 $59雞肉滑溜溜又大大件的，肉質真的嫩滑可口，皮薄爽滑，配上超濃味油飯，味道一流，還有他們自家製的醬料，特別惹味。芒果糯米飯 $78這個真的讚不絕口，上次食過已經很回味了，軟糯的糯米飯，口感超好又不黏口，芒果超清甜，超濃稠的椰汁，椰香味濃，絕對不能錯過，幾飽都要食啊！餐廳真的很大，座位寬敞，服務好，已經期待再下次幫襯😋#foodie #food #food

人多起菜慢，白飯在餸到後也要提醒三次才上，菜已不太熱了。最後上的煲仔菜是所有飯菜吃完後等了很久才到。付錢時收銀態度真差，可能我沒們消费低，3人只吃了四百多元。收銀遞錯單比我，还要諷刺說人哋張單幾千元，不是你的。绝对不会再去。

第一次幫襯，以後唔會再幫襯！今日5人去食晚飯，大約7:30pm一入去就有位坐低，叫咗6個餸，1個炒飯，同一枝啤酒。7:48pm 第一個上係拼盤，我覺得味道唔錯，價錢亦算合理。7:54pm 第二樣係炸大腸，味道偏淡，不推薦。上完第一/第二樣菜嘅時候，我地有追問啤酒，話頭先叫咗枝啤酒仲未到。8:29pm 隔咗半個鐘，第三樣小炒皇，好咸⋯8:41pm 第四樣椒鹽鮮魷，一啲都唔爽，好似唔新鮮。第五樣豬手都同時上，全晚最咸係呢個豬手！9:06pm 又隔咗差唔多半個鐘，第六樣炸蝦先到，又係冇乜味，個殼冇炸脆，唔可以連殼食。於是再追問個炒飯，9:15問完一個人，9:30再問第二個，到9:45再問第三個人先話漏咗單！！！見咁夜就算賣單走，點知見到張單收咗5枝啤酒錢，我地飲咗三枝，佢話我地叫完再叫所以變咗5枝，但我地好肯定只係追單，員工態度唔好。所以大家記得對單，唔係收多咗錢就唔抵！