蟹點

营业中

休息中

𝗶 𝗰𝗮𝗻'𝘁 𝗿𝗲𝗺𝗲𝗺𝗯𝗲𝗿 𝘁𝗵𝗲 𝗹𝗮𝘀𝘁 𝘁𝗶𝗺𝗲 𝗶'𝘃𝗲 𝗯𝗲𝗲𝗻 𝗮𝘁 𝗔𝗽 𝗟𝗲𝗶 𝗖𝗵𝗮𝘂! @crab_dot 𝗶𝘀 𝗮 𝗽𝗲𝗿𝗳𝗲𝗰𝘁𝗹𝘆 𝗴𝗼𝗼𝗱 𝗿𝗲𝗮𝘀𝗼𝗻 𝘁𝗼 𝗽𝗮𝘆 𝗮 𝘃𝗶𝘀𝗶𝘁 𝘁𝗼 𝘁𝗵𝗶𝘀 𝗶𝘀𝗹𝗮𝗻𝗱. 𝗷𝘂𝘀𝘁 𝗮 𝗳𝗲𝘄 𝗺𝗶𝗻𝘂𝘁𝗲𝘀 𝘄𝗮𝗹𝗸 𝗮𝘄𝗮𝘆 𝗳𝗿𝗼𝗺 𝘁𝗵𝗲 𝘀𝘁𝗮𝘁𝗶𝗼𝗻 𝘄𝗶𝗹𝗹 𝗯𝗿𝗶𝗻𝗴 𝘆𝗼𝘂 𝘁𝗼 𝘁𝗵𝗶𝘀 𝗻𝗲𝘄𝗹𝘆 𝗼𝗽𝗲𝗻𝗲𝗱 𝘄𝗲𝘁 𝗺𝗮𝗿𝗸𝗲𝘁, 𝗮𝗻𝗱 𝗮𝗯𝗼𝘃𝗲 𝗶𝘁 𝗹𝗶𝗲𝘀 𝘁𝗵𝗲 𝗸𝗶𝘁𝗰𝗵𝗲𝗻 𝘄𝗵𝗲𝗿𝗲 𝘆𝗼𝘂 𝗰𝗮𝗻 𝗴𝗲𝘁 𝘆𝗼𝘂𝗿 𝗳𝗿𝗲𝘀𝗵 𝘀𝗲𝗮𝗳𝗼𝗼𝗱 𝗰𝗼𝗼𝗸𝗲𝗱, 𝗼𝗿 𝗼𝗿𝗱𝗲𝗿 𝗳𝗿𝗼𝗺 𝘁𝗵𝗲𝗶𝗿 𝗺𝗲𝗻𝘂! 𝘁𝗵𝗲 𝗰𝗹𝗮𝗺𝘀 𝗮𝗻𝗱 𝗱𝗲𝗲𝗽 𝗳𝗿𝗶𝗲𝗱 𝗯𝗼𝗺𝗯𝗮𝘆 𝗱𝘂𝗰𝗸 𝘄𝗲𝗿𝗲 𝗲𝘅𝘁𝗿𝗲𝗺𝗲𝗹𝘆 𝗳𝗿𝗲𝘀𝗵🤤 𝘁𝗵𝗲𝗿𝗲'𝗿𝗲 𝗮𝗹𝘀𝗼 𝘁𝗵𝗮𝗶 𝗳𝗼𝗼𝗱 𝗼𝗽𝘁𝗶𝗼𝗻𝘀, 𝗮 𝗴𝗿𝗲𝗮𝘁 𝘄𝗮𝘆 𝘁𝗼 𝗮𝗱𝗱 𝘃𝗮𝗿𝗶𝗲𝘁𝘆 𝘁𝗼 𝘆𝗼𝘂𝗿 𝗺𝗲𝗮𝗹!.每次想食海鮮大餐都淨係諗到西貢同鯉魚門，最鐘意有得自己揀海鮮再即刻食夠哂新鮮，原來依加鴨脷洲都

之前見網上有人介紹所以突登揸車入去試吓，仲自攜二隻瀨尿蝦入去。當日其他菜式都ok, 不過不失，上菜速度好快，又真係算抵食。不過白胡椒蟹真係令人好失望！而且覺得佢哋好唔老實。叫左隻蟹，其中一隻蟹箝係霉，係好霉嗰種，相反另一隻蟹箝同蟹身d肉係冇問題。同老闆反映，佢堅持係新鮮即劏，隻蟹不是死蟹。但點解只有一隻箝係霉？我活左幾十年，未試過食一隻蟹只有一部分係霉，之後五分鐘後老闆換左另一隻蟹俾我哋。話雖如此，呢餐食得唔太開心，覺得之前隻蟹箝似被調包。

見到食評嗰個叫蟹，我就偏偏試吓蟹以外嘅泰國菜難得有$500 coupon，我就叫咗泰式菠蘿炒飯豬頸肉炒乾河蝦球炒金邊粉(Pad Thai)椰子雞湯芒果糯米飯因為有三個人食，以為份量好少就嗌多咗澱粉質一嚟到真係領悟到咩叫眼闊肚窄，份量大到呢，真係見識到何謂足料，我覺得四至五個人都夠食🤰今次都唔錯嚟到熱辣辣，所以味道都keep到水準泰式菠蘿炒飯雖然啲飯多到㵼出嚟，啱晒新年有意頭「盤滿缽滿」，但味道有少少失望，菠蘿好少，啲薑黃飯無乜味，有腰果提子乾同小小肉鬆同海鮮，啲飯可能係絲苗所以比較乾身、鞋同無米香豬頸肉炒河其實就係平時茶餐廳啲乾炒牛河咁，豬頸肉比較少，而且味道冇乜驚喜反而三個主食裏面，蝦仁炒金邊粉算係比較好，味道酸酸甜甜，有啲花生同辣椒半碟，開胃容易入口椰子雞湯值得一讚裏面好多雞粒而且椰香味好足叫兩至三人份量每個人都飲到兩碗芒果糯米飯啲糯米飯就比較硬，用匙羹切都要好大力先切開，配埋椰汁同芒果味道都唔差，芒果都算新鮮唔酸講真如果唔係有八五折同$500 coupon都幾貴($626)，呢啲澱粉質完全唔值咁貴，可能只能sell份量下次有機會一定要試個招牌蟹💁🏻‍♀️，希望有驚喜整體體驗:5/1

▫️話時話今年無食過大閘蟹😢 唔緊要啦去食返炒蟹補數‼️ 今次黎到鴨脷洲街市，翻新後又幾骨緻✨ 上一層就見到呢間主打食蟹同泰菜既餐廳🦀🇹🇭 地方好闊絡，室外、內座位都有，感覺似整潔版既大排檔🤣🦀 招牌白胡椒蟹 $598▫️好大隻蟹呀😍 大約有一斤半重⚖️ 用熱辣辣鐵板上，店員會係客人面前淋上香噴噴白胡椒汁，記得著定餐廳俾既圍裙👗 同忍住唔好打乞嗤呀👃🏻▫️等煙散晒就可以戴上膠手套準備開動喇🧤 隻蟹太大隻，用鉗都要多少少力先爆開到😆 蟹肉肥美飽滿，肉質結實又鮮甜🦀 墊底仲有好多好甜既紫洋蔥🧅 我清晒盆洋蔥🤭🧄 蒜蓉包 $38▫️白胡椒汁太香太好食😙 忍唔住叫多個蒜蓉包黎點汁食🥖 法包上舖滿蒜蓉，焗得超香脆🧄 強烈推介一定要嗌黎食🤤🐔 泰式酸辣芥末手撕雞 (半隻) $108▫️酸同辣比例岩岩好，非常開胃兼充滿泰式　風情🇹🇭 手撕雞份量好足，仲有一隻雞翼同一隻雞腳🍗 證明真係有半隻雞😎🧆 椒鹽八味脆皮豆腐粒 $68▫️炸得外脆內軟，豆腐超滑身😋 令人忍唔住一啖接一啖🫦🥬 蝦膏啫啫唐生菜煲 $78▫️原個瓦煲上🍲 熱辣辣吱吱聲，唐生菜好淋好入味，仲加埋大大粒蝦乾一齊煮好鮮味🦐🍍 菠蘿青檸梳打 $22▫️好多新鮮菠

近日天氣開始涼涼地，最適合去行下山食下嘢。 早兩日约了朋友到海怡半島行玉桂山之後就到西邨街市上面的“蟹點”食晚飯。 大家都好滿意這間“蟹點” 大排檔形式餐廳，雖然在街市頂樓但乾淨衛生，中、泰、潮菜式和海鮮，選擇又多又夠鑊氣。今次選擇泰式自選孖寶，$698咖哩炒大肉蟹配蒜蓉炒雜菜，奉送蒜蓉包。 肉蟹非常大隻，咖哩汁惹味香濃但不辣與蒜蓉包絕配，簡單的泰式炒雜菜都好夠鑊氣。原隻脆皮炸豬手，外皮香脆大大隻鹹豬手配埋冰凍戰鬥碗盛戴的啤酒一流，還有第一次見到枝装的zero 可樂，枝裝真係特別好夠氣。泰式串燒（雞、牛、猪各2串)燒得火候剛剛好，外邊燒得香口但内裡有肉汁。這個金沙黃金蝦做緊必食價$58非常抵食，夠鑊氣鮮蝦被鹹蛋黃滿滿包住炸得香脆連蝦殼都可食埋，非常惹味又香口。

自從鴨脷洲街市翻身後，位於一樓嘅「蟹點」就成了街坊嘅飯堂。餐館地方闊落，而且乾淨衞生，不喜歡室內冷氣的客人，也可選擇室外在新鮮空氣和微風吹拂下進餐。那裏有不同美食供應：精美點心、懷舊小炒、正宗泰菜和潮州打冷，選擇多多。其招牌白胡椒蟹更得到不少食客比讃，有許多區外客也慕名而來。即使是平日晚上也門庭若市，十分熱鬧。杏汁燉白肺湯（$188）到過不同食肆飲這個湯，覺得這裏的杏汁燉白肺湯是最好飲的。未飲已經聞到香醇的杏仁味，飲落還嚐到成個湯都是杏仁磨成粉的沙沙質感，感覺非常滋補潤肺而且養顏。這個湯用了不少食材熬出來，真材實料，當中有豬肺、雞、瘦肉、杏仁….等，非常足料。這個功夫湯不是間間食肆都有供應，即使有價錢一定不會平，但這裏的價錢二百元有找，簡直超值👍蒜蓉粉絲蒸蘇格蘭蟶子皇（$178/4隻）蟶子皇長過我隻手掌✋勁大隻而且肉厚，食一隻已經好滿足😍。蟶子用大量蒜蓉和粉絲來蒸，再灒上豉油熟油，非常惹味。蒸的時間控制也恰到好處，肉質爽口兼彈牙。平均一隻只需四十餘，抵食！招牌白胡椒蟹（$598）蟹重約一斤半，非常大隻，用大量洋蔥和香葉烹調。鐵板上枱，顏色鮮艷，兩隻大蟹鉗左右伴着大蟹殼，非常吸睛。隨即淋

自從東鐵綫過海段開通後 ，由新界入南區的時間大大縮短，而且只需到金鐘轉一程車，便輕輕鬆鬆到達海怡半島站。所以今晚專程和家人來吃蟹。餐廳位於街市樓上， 鋪外平台設有露天堂座，室內室外甚有地中海風格，以藍白色為主調 ， 地方寬敞，坐得舒服。除了出名食蟹，這裏的菜式其實真的不少，分粵菜和泰式菜兩款餐牌 ， 另有套餐 ，及多款中式孖寶可供選擇 ，要一時三刻下決定，真的不易。招牌白胡椒蟹（ 大蟹）$598巨型蟹約有一斤重，躺在熱辣辣鐵板上，底層舖滿紫洋蔥，職員在客人面前淋上白胡椒醬汁，吱一聲，香味隨著蒸氣煙霧四散 ，令人急不及待戴上膠手套，由超大蟹鉗開始吃起。上枱前，蟹鉗硬殼已破開 ，輕輕一揭，肥大肉厚的蟹肉便在眼前， 簡直令人超興奮。 蟹肉質地爽實飽滿 ，蟹味濃郁，最重要是夠鮮甜。，白胡椒的辛辣沒有黑胡椒那麼霸道，淡淡椒香，辣度亦較低， 沒有喧賓奪主，更顯蟹肉的鮮味。冬蔭功海鮮湯 ＄138（細 約二至三位用）招牌菜之一 ， 用一大埋海鮮淆製，鮮味不容懷疑，有大蝦、菇菌、連殼青口 、魷魚、蕃茄和大量香料，非常足料，辛辣中有後續的微酸，刺激又開胃。蒜蓉包六件$38法式麵包厚度適中 ，其中一面塗上牛

  秋高氣爽！兄弟二人結伴到鴨脷洲行山，計劃了路線輕輕鬆鬆的两小時行完了短程，再到鴨脷洲西邨街市樓上吃午餐，在網上搜到 這間主打「蟹」和粵式撚手小菜的「蟹點亅。見評語不錯今天也來試試！從街市上到平台即見這間「蟹點」室外也設有座位，有些街坊食客悠閑地用餐很寫意！室內也相當人氣，多是區內食客氣氛熱鬧。原來可以自來海鮮，午市加工費每斤六十，晚市八十收費也合理，不貴！下次一試！室內光亮整潔寬敞十分舒服。伙記好招呼 ！看菜牌小炒款式十分多選擇。佐酒小食也不少，還有滋補湯水，活海鮮……等。一心來食蟹的當然首先睇睇有關蟹的菜式～白胡椒蟹，冬蔭功乾炒蟹，避風塘炒蟹……等等。的有十多款的蟹菜式！本想點 薑蔥炒蟹的，職員姐姐知道我們想食蟹特別介紹了最近推出的「招牌川味辣子蟹」給我們，表示不吃辣的人也可接受到，只有川椒的香味而不辣的。點了蟹，先啤一啤！招牌川味辣子蟹  原價628元 /  隻 現推廣價 598元 / 隻 (約一斤半)碟蟹份量足有斤半，熱騰騰超鑊氣！香噴噴的！即時食指大動！果然！惹味得來不覺辣，蟹質素高！啖啖肉鮮甜無比！真是啜指回味！金沙黄金蝦 98元蝦肉爽彈非常新鮮！外層酥脆鹹鹹 沙沙的口感

之前聽朋友講鴨脷洲有一間食店專食蟹所以今日就黎品嚐一下蟹點裝潢以大排檔為主題主打粵式鑊氣小炒和地道泰國菜位於街市樓上招牌白胡椒蟹：選用斤半至兩斤的菲律賓大肉蟹好厚肉而且每一件蟹都沾滿白胡椒汁非常香的胡椒味色香味俱全招牌脆皮咕嚕肉：咕嚕肉係用大大塊豬頸肉做材料非常爽口彈牙，外層炸至金黃色，配上秘製酸甜汁拌勻加埋新鮮菠蘿，酸酸甜甜，十分開胃！大大個白玉海皇冬瓜盅超級多配料，除左肉之外仲有帶子、蟹肉同蟹柳。味道都幾清甜。我地飲完一碗又一碗金沙鮮魷炸得很香脆，而炸粉亦不會很厚拌上金沙咸蛋黃醬很好拌飯唔想食飯可以叫豉油王炒麵炒得非常有鑊氣藤椒魚皮辣辣地超級爽嘅魚皮食極都唔停口豉椒炒蘇格蘭蟶子皇蟶子皇真係好大隻加埋豉椒一齊炒超級有鑊氣鍾意食海鮮嘅你一定唔可以錯過啦快啲去試吓啦

假日黎到鴨脷洲海怡廣場行街，正想食飯打開open rice就睇到呢間蟹點，好多好評喎😳等我都試一試先，過兩條街就到，海怡廣場附近好近。一上枱個波羅炒飯好香呀，又大份對得住個價錢 裡面仲有提子乾，泰式肉碎，真係跟足泰國做法。再來叫左個金不換炒蜆肉，好味呀甜甜辣辣地加飯食好正。仲有青咖哩牛柳，冇諗過咁大塊牛柳煮到好淋兩個人食叫左三碟送剛剛好

趁著秋高氣爽，約了海怡半島的舊鄰居去行附近的玉桂山。回程與朋友去了一間大牌檔式的餐廳。餐廳位於鴨脷洲街市的二樓全層，亦有戶外座位，這間以蟹命名，叫蟹點餐廳，當然一定要食蟹，還有其他菜式，亦有很多海鮮和鑊氣小炒等。近日還出了合時的古法雙冬羊腩煲。除了中式菜外，還有很多款泰國菜。我們點了-泰式粉絲蟹煲 有手掌大的肉蟹，肉質鮮甜爽嫩，拆殼後食到啖啖肉，粉絲放在鍋底吸收了蟹的鮮味，增添香氣！鍋底原來放了幾塊豬頸肉，而旁邊亦有很多香芹，很豐富！-中式孖寶 -惹味椒鹽蝦 拼 蟹點小炒皇椒鹽蝦是採用了中蝦，炸得香脆再配椒鹽調味，蝦肉彈牙惹味。蟹點小炒皇用了韭菜花炒鮮魷魚，還有菜脯和腰果，口感豐富，十分惹味，很有鑊氣。-招牌脆皮咕嚕肉咕嚕肉無骨，炸得香脆，伴以酸甜汁很醒胃，還有鮮菠蘿伴碟。-甜品自家製千層糕拼西米糕 椰味香濃，甜味適中

最近秋意漸濃，最好不過就是鍛鍊身體，行吓山，強又健體，又能夠享受美麗的風景，但行完山後也要補充一下，今日就去新式大排檔，食吓海鮮同鑊氣小炒.這個新式大排檔有室內及室外座位，室內環境用船來做為主題，加上冷氣十分之充足，在大熱天時也能夠舒服享受.這個薑蔥蟹是利用鐵板上的因此鑊氣十足，蟹肉十分之實肉，有一絲絲的感覺，加上香蔥十分之香濃，令這隻蟹的鮮味提升了不少，也是大家的打卡之選.這個小炒王用料十足，包括有腰果蝦乾魷魚等海鮮最，重要一定係鑊氣啦，另一個鑊氣之選就一定係豉油王炒麵，看得出廚師的功架，所有面身也是乾身的，並沒有糊口的感覺，這個一個一定係考牌之選.除了中式的小炒之外，這間餐廳還有泰式的菜式，今日就嘗試了椰汁冰十分之清涼解渴.

今日去港島食海鮮，聽朋友介紹，鴨脷洲有一間十分受歡迎食海鮮的地方，蟹點。餐廳裝修十分有型格，光猛開陽，藍色作為主調，非常有海洋嘅風味。-杏汁燉白肺湯屋企人表示好想飲，4至6人份量，湯料非常充足，包括有半隻雞，大量豬肺，瘦肉，南北杏。每1號湯都充滿濃濃的杏汁杏仁，豬肺口感Q彈，湯嘅味道非常好，養顏潤肺，大家都覺得必點。-煎焗大魚嘴用左瓦煲烹調，用咗最簡單嘅薑蔥去煮，紫洋蔥墊底，洋蔥嘅甜味夠出，每邊大魚嘴經過煎炸之後， 非常香口，之後加上薑蔥一齊去焗，味道更加提升，鍾意食魚頭嘅人一定非常鍾意。-招牌白胡椒蟹肉蟹非常大隻，蟹肉切好之後油炸方便，有效保留蟹肉鮮甜嘅原汁原味，之後用白胡椒汁醬一齊炒，白胡椒味道同蟹肉一併融合。白胡椒蟹用鐵板上，上枱的時候，店員會在加白胡椒汁，香氣突然加倍提升。肉蟹本身非常新鮮，蟹肉一疏疏，果然係招牌菜。-金沙鮮魷魷魚夠新鮮，非常彈牙，份量亦算多，加上鹹蛋黃將一齊去炒，非常出色嘅一到佐酒餸菜。-評分 : 7.5/10

真係唔明啲食評寫得咁好，今日晚上第一次去試食，泰式串燒啲豬肉勁硬、雞肉勁‘鞋’ 豬手啲皮又唔脆，瑤柱蛋白炒飯勁油，啫啫通菜又老，冬陰公湯正常一般，只可講一句地方大，似大排檔feel,日後唔會再幫襯，失望！😞😞😞

表姐住喺鴨脷洲，真係好耐冇去探望佢，趁老公有時間陪我，今晚就一齊入去同表姐食飯，表姐提議去佢樓下街市商場蟹點食，餐廳就在二樓全層。裝潢以大排檔為主題，主打粵式鑊氣小炒和地道泰國菜，當中由經驗中菜總廚炮製的鮮美海產，風味十足。招牌白胡椒蟹：選用斤半至兩斤的菲律賓大肉蟹，蟹肉質扎實鮮甜，將蟹泡油後，以生磨白胡椒粉、原粒白胡椒、秘製醬料及大量薑葱快炒而成。上枱時還將白胡椒醬汁倒入蟹上，因為係用鐵鍋盛載，所以頓時散出一陣煙霧，香味撲鼻，蟹肉盡吸配料香氣，入口豐腴滋味！招牌脆皮咕嚕肉：咕嚕肉係用豬頸肉做材料，所以特別爽口彈牙，外層沾上自家秘製炸漿，炸至金黃色，再用酸甜汁拌勻，新鮮菠蘿件碟，味酸酸甜甜，十分開胃！銀芽肉絲炒麵：麵條炸到脆卜卜，在上面澆上混有豬肉絲、韮黃、冬菇絲及芽菜的芡汁。再點些辣椒醬，有口感又惹味！福建炒飯：足料又夠份量，以炒飯做底，淋上豐富的汁料，有冬菇，蝦肉，雞肉、菜梗等等，材料豐富，美味可口！藍妹啤酒：飲勝咁至醒！