影片
更多
2023-05-06
172 浏览
【南區】【蟹點】食我嘅生日飯，梗係就晒我。不過大家都知我對飲食冇乜要求，只係麻鬼煩，所以兩位朋友都問咗我意見先，今次呢兩位朋友係浣紗娘同埋會計妹。我嘅意見就梗係南區最好，因為我少 post 之餘又可以賺取同美女相處時間。講返嘢食，首先係 $598 嘅「招牌白胡椒蟹」，大蟹，每隻大約斤半。蟹係呢間嘢嘅招牌菜，冇理由唔叫架，我冒敏感風險都食咗一舊肉，我唔識欣賞，但佢哋就食到津津有味。然後 $68 嘅「紅燒脆皮BB鴿」就一般，好一般。而 $108 嘅「招牌脆皮咕嚕肉」係幾脆口，塊肉同啲醬都唔差，酸酸甜甜就似我同女同事嘅關係。菠蘿就一大片咁上，切好一塊塊咁。都係 $108 有「蟹點小炒王」，又整得幾好食，最主要係食材唔錯之餘鑊氣好夠，係掂。第一 round 未飽就追加啲嘢食，首先 $78 嘅「藤椒爽魚皮」好辣，不過好惹味，勁爽。之後 $138 嘅「花甲蒸水蛋」好鮮，隻蛋蒸得啱啱好，淨食唔撈飯都正。一入場就留起咗 $78 嘅「芒果糯米飯」，食落都 okay 幾唔錯嘅。嘢飲方面我飲 $25 嘅「薄荷荔枝梳打」，正正常常，佢哋叫 $48 嘅「椰青」同 $43 嘅「菠蘿沙冰」，感覺好似好飲過我嗰杯，不
講返嘢食，首先係 $598 嘅「招牌白胡椒蟹」，大蟹，每隻大約斤半。蟹係呢間嘢嘅招牌菜，冇理由唔叫架，我冒敏感風險都食咗一舊肉，我唔識欣賞，但佢哋就食到津津有味。然後 $68 嘅「紅燒脆皮BB鴿」就一般，好一般。
而 $108 嘅「招牌脆皮咕嚕肉」係幾脆口，塊肉同啲醬都唔差，酸酸甜甜就似我同女同事嘅關係。菠蘿就一大片咁上，切好一塊塊咁。都係 $108 有「蟹點小炒王」，又整得幾好食，最主要係食材唔錯之餘鑊氣好夠，係掂。
第一 round 未飽就追加啲嘢食，首先 $78 嘅「藤椒爽魚皮」好辣，不過好惹味，勁爽。之後 $138 嘅「花甲蒸水蛋」好鮮，隻蛋蒸得啱啱好，淨食唔撈飯都正。一入場就留起咗 $78 嘅「芒果糯米飯」，食落都 okay 幾唔錯嘅。
嘢飲方面我飲 $25 嘅「薄荷荔枝梳打」，正正常常，佢哋叫 $48 嘅「椰青」同 $43 嘅「菠蘿沙冰」，感覺好似好飲過我嗰杯，不過我氣管唔太受得到沙冰，咪攪我。夾埋應該係 $1421.2，要兩位美女請我真係過意唔去，多謝晒。。。
（地址：鴨脷洲鴨脷洲橋道322號西邨街市1樓）
#1amfoodie #foodie #hkfoodie #thatfoodiething #globaleats #tastyfood #foodpics #followforfollowback #love #eat #1am南區 #鴨脷洲 #海怡半島 #蟹點 #招牌白胡椒蟹 #紅燒脆皮BB鴿 #招牌脆皮咕嚕肉 #蟹點小炒王 #藤椒爽魚皮 #花甲蒸水蛋 #芒果糯米飯 #椰青 #薄荷荔枝梳打 #菠蘿沙冰 #1am0934 #1ambackup
张贴
