蝦蝦燒

营业中

休息中

-蝦蝦燒🦐好幾年前就已經有聽過釣流水蝦黎燒但係就一直都未有機會去食趁住而家天氣轉涼 可以食多啲燒野就覺得今年點都要試番次🤣位於佐敦既蝦蝦燒 位置都幾近九龍公園 係佐敦站行2-4分鐘就到 好易搵上到去 餐廳格局都好大有各式各樣既野食可以拎黎燒✨✨2.5小時任食流水蝦放題 （$368/pp)🦐 海鮮一坐低會有放好左預先用鹽醃過既流水蝦 蒜蓉牛油大蝦 同 鱔串 之後就可以自己係個流水道度夾蝦店員教落要放啲冰用水係個桶 就可以凍暈啲蝦黎食 可能因為太新鮮既關係 大蝦既肉質真係好爽口彈牙 味道鮮甜而個蝦頭仲有大量蝦膏！只需要落少少鹽 就已經鮮味十足另外我地仲拎左 帶子 青口 生蠔 大蜆 魷魚 鮑魚等等 其實出面仲有魚可以拎 但實在太多選擇 食唔晒🤣想講 大家可以好似林芝蓮咁 係出面拎啲蒜蓉 同辣椒 放係帶子/貴妃蚌燒 別具風味🤤🤤🥩肉類 、 菜類除左海鮮之外仲有大量串好左既肉類揀 由羊架 牛小排 雞皮 腸仔 丸類 去到菇類 菠蘿 蒜蓉多士都有 真係所有係BBQ 時會食既野都準備好當中我地最中意係燒牛小排同燒雞翼🤤🍲熟食由於果日真係忙meet 蝦 燒海鮮 燒肉~都完全食唔切個熟食區 其實呢度仲有避

疫情持續下，唔知幾時先有得去旅行，唯有周圍搵下唔同野食，上次試過呢間流水蝦覺得唔錯，就一於黎多次啦。餐廳唔同時段有唔同收費，"早蝦"只係需要$338就可以食兩個幾鐘，仲有88折真係好抵食。呢度主角當然就係流水蝦啦，每一個魚缸都有好多生猛嘅蝦，想食邊隻就夾邊隻，由於之前已經食過有經驗，知道夾蝦後先放入冰水，令蝦肉結實後再燒，入口肉質爽口彈牙，仲有好多蝦膏添。除咗蝦之外，仲有好多唔同嘅海鮮，有扇貝、鮑魚、魷魚同大眼雞等等，剩係食海鮮都可以食到飽。食肉獸嘅我，剩係海鮮梗係唔能夠滿足啦，呢度有好多款唔同嘅肉，雞牛羊豬應有盡有，當中以叉燒最為好味，醃得入味之餘仲有好多肉汁。食咁多肉當然要食返啲蔬菜中和下，呢度有原條茄子、粟米、脆肉瓜、蕃薯等等，更加可以燒菠蘿添、酸酸甜甜好好味。每一位客人仲附送一串鱔片，燒完之後鱔皮好香脆，而鱔肉亦非常嫩滑，無得任食真係有d可惜。另外亦附送一盤蒜蓉牛油蝦，蝦吸收咗蒜蓉牛油後非常入味。有美食點可以無野飲，呢度有多款唔同嘅汽水、啤酒同無糖茶，總有一款啱飲。食完正餐到食甜品喇，雪糕有好多款唔同口味，當中我最喜歡菠蘿椰子。埋單每人唔使400蚊，可以坐咁耐又有咁多野食，都算

曾經成日去佐敦食野，完全無為意有呢間燒蝦埸，位置算方便，不過唔係地舖，要上樓梯。上到去就見倒幾個凍櫃可自取飲品，轉右就有任食海鮮，有生亦有熟嘅，款其實唔算多，主要係扇貝，魚，帶子同蜆。對面雪櫃就有丸同疏食咁，再過少少有雪糕櫃，唔係我地食開嘅brand , 對面有自斟生啤🍻（屋企人想斟，好似話每位象徵式加1蚊就任飲），其實有罐裝啤酒任飲嘅。環境方面我地坐入少少嘅位置，中間有流水蝦🦐，四人檯其實幾迫，檯要擺個爐，冰筒，垃圾筒同少少調味料，所以原則上已經無咗半張檯，檯同檯之間都密，同後面機乎背貼背。價錢方面我地揀咗338嘅5點至7:15時段，放工行過嚟會遲少少，不過呢個時段仲有88折嘅，所以都唔少人食。其實最有睇頭係可以夾新鮮蝦立即燒，不過係有啲殘忍🙈，夾入去冰筒過一過再燒，即食真係好彈牙好新鮮，另每人送鱔一串自己燒，幾好味嘅，夠肥美，面又燒到脆脆地，如果想encore 就20蚊一串。整體野食可以嘅，不過其實爐好細，燒貝殼類好佔位，燒唔切，所以等食等到有啲心急。雪糕就係呢款，攞上手好輕嘅，食落唔多creamy .

揀左Weekend Lunch time 時間嚟食，職員會預先準備左加左椒鹽粉嘅流水蝦、一份牛油流水蝦、兩串白鱔。開左爐燒緊順便出去自助區夾食物。自助區有前菜同熟食，飲品都有好多款任揀。自助串燒都有好多款，多種蔬菜、肉類、甜食串燒都有得拎。最重要當然係呢到嘅海鮮啦！有活鮑魚、貝殼類海鮮、原條魚，係自助區拎左啲生蒜蓉、蔥、辣椒粒，燒海鮮用就最啱。夾流水蝦前可以去冰櫃拎冰，夾完啲蝦就真接放入冰櫃，咁啲蝦就唔會彈嚟彈去。整體都幾好玩，海鮮新鮮。

以前去韓國都一定會去烤海鮮任食，太耐無得飛有d掛念依個味道，見依排好多人介紹蝦蝦燒，約下朋友一齊去。😎餐廳嘅格局都有幾分似韓國嘅，大部份海鮮、生熟食物、飲品都係外面拎，除左大蝦係自己位置附近夾。一黎就先烤主角，大蝦隻隻都好生猛，所以捉到後要放入冰壺俾佢冷靜下先，一次過烤幾隻都無問題，入口爽彈。再燒鮑魚、帶子、扇貝件件新鮮，入口美味，加d蒜蓉更加無得輸。套餐會包兩條白膳，比我想像中有驚喜，肉質非常嫰滑，厚得黎一D都唔韌，但烤過皮十分脆口，超正，如果有多條食就好啦除左海鮮都有其他食材可以烤，個人最鍾意烤菠蘿，甜到不得了，我起碼食左8件，都唔多喉。食左咁耐，要飲下清涼爽清清熱。

☀︎ 𝗦𝘂𝗺𝗺𝗮𝗿𝘆：人氣一直爆曬燈嘅「蝦蝦燒」為慶祝一周年，12月份推出鮑魚祭！12月1日至12日，所有時段內任食新鮮鮑魚錯過咗呢12日，係18，19，25，26，27號午市時段12:00-17:30先有鮑魚祭啦！仲有仲有，只要like同share佢哋嘅社交平台星期六，日午市指定時段仲有八折添連埋加一，二人任食2.5小時平均都只係$331◈ 設備每張枱面有：兩個桶：垃圾桶，裝蝦桶一個鐵盤：去自助吧拎嘢食用兩隻大鉗：夾熟野同夾生野建議問店員攞大鉸剪，燒嘢食時間方便◈ 燒海鮮 - ©4.5/5分「蝦蝦燒」主打梗係佢哋嘅新鮮流水蝦同鮑魚，魷魚，扇貝，生蠔，元貝，魚，螺等款款都勁新鮮，除咗可以即場捉蝦外其他海鮮都有專人即場清洗refill新鮮度有保證！安排好座位後，每張枱先送上鹽焗蝦同牛油蝦仲有每人一串串燒鱔筆者encore得最多嘅係蝦，鮑魚同扇貝除咗枱面四款調味料外仲有辣椒，蔥粒， 牛油，蒜蓉，泰式辣醬自行調配出最啱自己嘅口味◈ 串燒 - ©4/5分串燒嘅款式更多，目測種類至少有超過60款筆者主要食咗幾款：黑椒雞翼，粟米，菠蘿，芝士腸，芝士丸蒜蓉多士，格仔餅，廚師腸等等蒜蓉多士心得：先將兩

蝦蝦燒佐敦白加士街10-24號永富大廈1樓因為疫情關係，已經有成2年無去過泰國啦，以前每次去親都必定會食流水蝦燒烤，好彩而家香港都有得食啦，所以定期就會過黎幫襯佐敦呢間<蝦蝦燒>,係我係香港食過質素最好既一間。。今次我地揀左中午12:00~14:30 時段，估唔到都好full, 好彩有訂位咋職員安排左我地坐係水道傍邊，非常方便一伸手就夾到生猛既大蝦，見到餐廳不時會加蝦，全部都好新鮮，而家算幾大隻，岩晒我口味。。。除左流水蝦之外，最鐘意呢到仲有好多唔同既海鮮，包括有鮑魚，扇貝，大蜆，生蠔，螺，貴妃蚌，魷魚同埋各式各樣嘅魚類，全部都好新鮮，Refill得好快，絕對唔使驚囉唔到肉類區方面都好豐富，總共有幾個凍櫃存放住唔同既肉類，自己最鐘意就係個羊架，非常大隻好厚肉好有口感，另外，仲有牛仔骨都值得推介。。餐廳係每張檯都放左調味料，分別有味椒鹽，辣椒粉，孜然粉同埋粗鹽，灑係燒好既肉類上面，味道就更加昇華左啦飲品方面餐廳都係包埋既，應該有幾拾款擺滿晒係4個雪櫃到，一定滿足到唔同人既需要啦，甜品方面就簡單d, 有本地品牌既雪糕供應，食完熱氣既BBQ再嘆返杯雪糕都唔錯架

呢間蝦蝦燒好正，好多海鮮任食。野食既款式非常之多。首先當然有好多蝦，而d蝦都好鬼生猛，啲蝦夾唔實都好易比佢fing啲水出黎。食落亦都非常掂，蝦頭有膏，蝦肉都唔會淋身，正👍🏻另外一上枱就會比每人一條鰻魚，我個人認為係咁多野入面最好食，燒得好既話，係可以做到皮脆肉嫩，同埋充滿好香既魚油，最衰佢冇得任食，唔係一定一攞再攞😋講到一攞再攞，佢地既鮑魚我真係一攞再攞，我相信成晚我一個人起碼都食左十隻😋。每隻鮑魚都相當新鮮，隻隻我擺成個鐘，都仲識得扭下扭下，肉質相當爽彈，再配搭店舖提供既唔同味粉，食到我好鬼滿足😋之後當然唔少得啲帶子，推薦大家試下落d佢地有提供既牛油同生蒜落去同個帶子一齊燒，自己燒都做到串燒舖既味道。店舖提供既肉類，菜，野飲既選擇都非常之多元，而d海鮮都好多選擇同新鮮，幾推薦大家試下👍🏻

天氣開始轉涼，係時候搵下d 燒烤火鍋類嘅野食啦。位於佐敦嘅「蝦蝦燒」，主打流水蝦BBQ放題，場地仲有成6000呎，部分霓虹燈裝飾都相當可愛，除左設有活蝦的水缸，仲有各式各樣嘅海鮮同肉類可以燒黎食。坐低之後，店員就過黎幫我地開爐，順便放低兩款預先醃過嘅蝦同埋鱔俾我地一路燒住一路夾流水蝦，蝦有一款係粗鹽大蝦，另一款係蒜蓉牛油大蝦。烤爐有兩層，上層可以燒一d快熟嘅野食，下層可以慢慢烤其他野食，絕對唔洗驚唔夠位燒。基本上每個坐位旁邊都有流水道，客人伸手一夾就可以食到生猛大蝦，夾到之後就要用最快速度放佢入冰內焗暈佢，過一陣再放上爐上燒，過程一定要快，如果唔係隻蝦係會跳出黎架。雖然感覺有d 殘忍，但係真係相當治癒，大蝦嘅肉質仲爽口彈牙，味道鮮甜，蝦頭仲有大量蝦膏。檯面放左好多調味料，分別係粗鹽、孜然粉、辣椒粉同椒鹽，出面仲有蒜蓉牛油同豉油可以拎，等大家可以自行調味，不過個人認為唔洗用調味料已經好好味啦。供應多款海鮮、熟食、串燒、蔬菜等等。海鮮有鮑魚、原條大眼雞、魷魚、螺，生蠔、扇貝，蜆等等。肉類方面，有腸仔、丸類、牛肉、羊肉、雞肉、豬肉、叉燒、雞翼等等，真係諗到嘅野都有架，整體上都醃得唔錯。蔬菜方

假期梗係出去食好西朋友帶我黎試下依間專食流水蝦既蝦蝦燒而家讚好社交平台 係假日午市有8折優惠餐廳會預先準備一啲流水蝦係燒爐上面仲用左牛油蒜蓉調味每人仲會送一串白鱔依度除左海鮮任食之外仲有唔同蔬菜、肉類、甜品重點當然係海鮮有帆立貝、活鮑魚、生蠔、大蜆連大眼雞都有，真係好多種類自助仲有少量熟食同唔同既調味料餐廳會準備冰桶夾流水蝦前可以去冰櫃拎冰夾完啲蝦就真接放入冰桶以防啲蝦彈嚟彈去流水蝦好生猛，夾既時候要小心個人比較推介大蜆同活鮑魚好新鮮同好Juicy整體食物水準唔錯，值得一試

最近香港開左好幾間食流水蝦，加上天涼就好想bbq！呢間位於佐敦既蝦蝦燒有2.5小時任食新鮮流水蝦+海鮮+串燒燒烤🤩.早蝦蝦時段 HKD324 （88折後）餐廳有5個時段揀，而早蝦蝦時段同蝦蝦宵夜時段會有88折🈹都幾抵食架～座位旁邊就有蝦池，裡面有好多生猛既大頭蝦，有d仲有滿滿既蝦膏同蝦籽！然而細膽既我比d蝦嚇死因為佢地都太過活潑啦🥲不過越生猛就代表越彈牙啦！除左大頭蝦，入座仲送左一盒蒜蓉焗蝦、鹽燒蝦同鱔魚！鱔魚唔錯皮脆肉嫩唔會乾曬😛出面亦有數款海鮮，包括鮑魚、扇貝、帶子、生蠔、花螺、原條魷魚、魚等等，當中沙白極度推薦，又大又甜唔多沙！！當然亦有多款串燒，肉類、蔬菜、生果、數款熟食、雪糕、飲品，食得又玩得😆

差唔多成$400一個人，嘢食係多，但味道一般，亦唔太新鮮，重點糸二人枱太細，根本就冇位擺啲食物，限時兩個半鐘，其實都好趕，要不停食，個爐亦唔夠熱，等嘅時間好耐，燒嘅期時間太長，就算啲人六人枱都得一個爐，好唔掂

近呢兩年成日聽身邊既朋友講食流水蝦，講到我都心郁郁想試下，上網做左d research, 見到<蝦蝦燒>既口碑最好，非常多好評，而家餐廳既面積又最大有成6000呎，所以即刻約埋朋友黎試下我地揀左星期日下晝時段黎幫襯，分別有12:00-14:30 or 15:00-17:30 價錢都係$368 仲有8折優惠，我地就揀左12點黎啦，估唔到都幾full呀，大家記得要訂位。。一入到餐廳見到好多條養蝦既水道已經好興奮，見到d蝦好生猛非常新鮮，職員好好安排左我地坐係水道傍邊，咁就隨時夾到蝦啦除左蝦之外，出面仲有大把嘢食可以選擇，最回本既當然係海鮮counter啦，當日就見到有扇貝，鮑魚仔，生蠔，貴妃蚌，原條鮮魚等等，非常吸引呀，另外肉類既選擇都好多，餐廳好衛生全部放晒係凍櫃入面，值得一讚另外值得一提既就係個爐都唔錯，食物好快就熟，而且有兩層咁就可以同時燒到唔同既食物啦，總括今次試完之後，下次有機會一定會再黎幫襯呀，真係好豐富，食完非常滿足

今次一行六人去食流水蝦蝦燒，地方頗大，不過枱櫈安排坐得好迫，背脊貼背脊，膊頭貼膊頭。一坐低，職員已經擺低咗幾隻蝦燒緊，當然，大家都知呢啲有機會係瞓咗覺嘅蝦，我哋都冇咩點食。跟住我哋就兵分兩路，一邊夾新鮮嘅蝦，一邊出去攞其他海鮮，熟食。海鮮方面，有大部分都新鮮嘅鮑魚，有急凍嘅帶子，原隻魷魚，仲有一人一串唔係任食嘅鱔，鱔係超級肥美。鮑魚同帶子加咗泰式汁醬，好好食。大頭蝦因為新鮮，所以點燒都係好食既。燒菠蘿都好好食，食左好多。唯一令人最失望嘅地方，就係六個人都只係得一個爐，又限時兩個鐘，個爐係慢到傻，基本上大家係無停過手，所有食物排到密麻麻，唔夠時間放開食。我會建議餐廳每4人應該安排一個爐。****************評分 : 5.5/10簡評 : 蝦可以，爐就失望

都講左呢間餐廳，我會食過返尋味😂😂今次依然有好多新鮮海鮮食返飽！黎呢到緊係要食蝦啦🤣🤣啲蝦依然好跳動，不過個人都係鍾意出去揀d海鮮食😳個人好鍾意食元貝同埋鮑魚🤣真係可以食十隻🤣可以加自己鍾意既調味！今次都試佐好多肉類，個人都幾鍾意黃黃地既咖喱肉串，調味唔錯食到咖喱香唔會太鹹，豬肉又唔會太柴！另外雞軟骨都係一個好好好好😂既選擇，每台都有唔同既調味料，我最鍾意加d孜然粉同辣椒粉，把握到個火候感覺自己可以做串燒師傅啦🤣最後就係牛柳粒，長期得返幾串就知佢好受歡迎～記得唔好燒太耐，如果唔係咬唔開😂蔬菜今次鍾意燒菠蘿，烤到咁上下有紋路咬開啖啖果汁，好甜唔會酸😝食到飽飽地咬一舊又有返胃口😂另外就係節瓜同埋茄子，茄子可自己剪開再加以調味～另外佢有好多丸類同埋雪糕野飲揀～～總括而言呢間我覺得好抵食🤣選擇有多，同埋d海鮮refill得好快，次次出去都成座山咁堆出黎～係尖沙嘴覓食唔好錯過～