蝦匠 (已結業)

星期六心血來潮去九龍城買食材諗住夜晚煮豐富大餐,來到九龍城要先醫個肚才有氣有力買嘢拎嘢, 行到來福佬村道見到間鋪叫”蝦匠”, 於是行入去睇下食咩, 原來間鋪主打用蝦湯整成的湯底, 湯飯, 粉面都可以搭配, 非常有興趣, 我便叫了個蝦匠湯參參, 即一半米粉一半油面, 蝦匠湯裡面有蝦, 扎肉, 魚片, 豆卜及芽菜,如果加龍蝦半隻, 只需加50文, 咁抵我就當然要加上半隻龍蝦啦, 另外我仲加了鮮腐竹及炸午餐肉, 碗面來到我面前時, 哇! 好豐盛好大碗, 仲散發住濃郁的蝦湯的香味, 我急不可待的先舀了一啖湯來飲, 湯的顏色不是太濃, 散發住蝦的鮮香味, 一啖入口, 好鮮甜, 個湯底好飲到停唔到口, 大碗中白色的米粉及黃色的油面顏色鮮明, 碗邊摆滿配料, 先食一隻蝦, 蝦肉非常彈牙, 唔錯!很是新鮮, 扎肉, 午餐肉都唔駛講, 好香口, 好味道!仲有嗰半隻龍蝦, 啖啖肉, 個龍蝦鉗拆出來都是一大舊的龍蝦肉, 非常抵食, 食這一大碗面真的非常飽, 再配上一杯他們的百香天葵涷飲, 酸酸甜甜, 消滯開胃, 好滿足, 真的抵讚!

海鮮停不了，又發現左一間龍蝦好抵食的小店！位於美食林立的九龍城！餐牌只有兩頁，似車仔面咁直接填**注意：蝦匠湯同冬陰功湯底只需加$20就食到龍蝦半隻！** 我梗係加左啦冬陰湯自帶好多材料，青口蝦仁魚片呀咁，我加左冬菇同龍蝦之後，真係多遮哂d面😂😂放大睇到真係好多膏新鮮絕對抵食我其實要左摻摻做底，好配合同地道👍🏻👍🏻不用擔心，冬陰湯不會太辣😁😁細心的配備，配料、較剪同膠手套🧤朋友的蝦匠湯！少少辣！下次會自己order!色香味全好好食！仲要左小食：皮蛋同雞翼！皮蛋入味，雞翼好脆，下次想試埋其他蝦類小食

有時食得多平野, 都想食下好野喎....咦...你咁講, 又唔一定平野食唔到好野喎九龍城開咗呢間可以用平民價錢, 食到龍蝦麵呀~呢度嘅MENU亦都係order紙, 不過係環境式, 非常good, 可以無限循環再用其實食法有點似車仔麵, 可以自選配搭, 連湯底都可以而我緊係點d招牌野啦當日時間尚早, 所以暫未滿座, 舖頭唔算大又唔算細先來一個蝦匠皮蛋, 都係$20汁就無乜, 以為會好dry, 中間的辣醬是超正, 有點麻, 辣得黎又好過引喜歡吃辣的人, 應該會愛上, 雖然辣, 但都會繼續食可能辣到口水分泌都多咗, 唔覺dry囉! 辣辣地都要叫返杯野飲下既呢杯特飲: 檸檬天葵花無諗過咁大"壺"囉, 真係要用壺黎形容, 是2人份量囉跟麵都係+$16咋2層顏色好靚, 勁啱港人like少甜口味, 入面仲有d檸檬茸咁, 好fresh大大杯冰凍飲品, 即時解哂辣啦好啦, 輪到主角出場啦. 湯底緊係揀蝦匠湯啦~蝦匠湯摻摻+龍蝦半隻menu都註明是微辣, 而蝦匠湯的精華就是每日以8斤新鮮蝦頭蝦穀....煲足3小時所以味道一定是很鮮甜的!嘩...個都我揀咗摻摻, 即係油麵+米粉看到半隻龍蝦都有成個碗嘅直徑咁

雖然周街都係米線鋪，以食龍蝦為主打的不多。今次打算試試新野鋪頭細細坐位還算可以。午飯時間食都不算多人，直接入去就有位。當然點了個主打蝦匠湯底$48，附有五樣配料（原來龍蝦要另外點，新將期特價$20），再加了竹笙$8和花枝丸3粒$12， 飲品要額外再點不跟餐，冷熱同價$16不過一試有點失望，價錢本來偏貴，味道卻不似預期，湯底很醎，份量還可以，不算大碗，龍蝦半隻連夾，但很細隻，蝦肉一口就食完。配料也是一般。花枝丸更加是凍的，全粒都是粉，吃不到有花枝

百鬆d蚊有花膠雞湯泡飯，仲要份量唔細，真心好抵食。店員話佢地係用金華火腿、雞同花膠熬出黎嘅雞湯，唔怪得湯頭咁甜啦。不過我就比較鍾意佢個招牌蝦匠湯摻摻，我仲加配龍蝦半隻，其實只要你想，加多$50就可以食多半隻龍蝦，個麵有札肉、魚片、豆卜，個湯仲要有淡淡蝦香，好味。我仲叫埋個蝦匠拼盤，有花枝丸、雞翼同春卷，每款2粒，全部熱辣辣，我同朋友一人一件岩岩好。埋單$223，有花膠有龍蝦仲有個小食加野飲，值得一試。

又來到龍城開餐。今日來試一間新店，主打的是蝦湯麵....這裡好像有一道原隻龍蝦上的蝦湯麵，但索價一百六十八大洋委實是非常"喇脷"。所以點菜時還是穩陣些，點了招牌的蝦湯底，配搭滲滲兩溝吃就可....單論這蝦湯算是不俗的，入口自然無妖邪味(雖然湯的甜度不是十分強)，湯內源自甲殼海鮮類的香度蠻突出，這點是值得一讚的....但其他的配料相對就非常平凡 ---- 魚片與扎肉用的是水準一般的來貨；蝦肉空只得個爽字但就淡而無味；追加的蝦滑的鮮味不足。同樣地，只得個爽字是沒有用....麵旁邊就放了幾粒青蔥與手指頭那般多的所謂秘製辣醬....我看了後不禁失笑 ---- 就算這辣醬如何了得，如斯少的份量又怎能將整碗東西扭轉乾坤 ?

見有新餐廳開，我呢個飲食達人又要出動喇。今次呢間餐廳喺九龍城，不嬲都鍾意去九龍城搵嘢食，因為選擇非常之多。呢間餐廳主打蝦麵。餐廳嘅環境幾休閒，面積唔算好大，但係座位都寬敞有餘，同朋友傾計，唔會畀隔離枱聽到，幾有私隱度。1) 冬陰功湯麵 (⭐⭐⭐⭐⭐):餐牌見到一個好有特色嘅冬陰功湯麵，冬陰功湯飲得多，麵都食得多，但係兩個配搭起嚟，好似幾特別，一定要試。其實可以揀麵或者泡飯，但係好似麵出名，所以今次食麵。呢碟野本身有魚片、扎肉同埋蝦，當然可以另外加配菜，每款配菜有唔同嘅價錢。點左半隻龍蝦50蚊，因為覺得價錢合理。除咗主食之外，點左啲小食，有炸雞翼、春卷、花枝丸。2) 炸春卷 (⭐⭐⭐⭐⭐):云云小食入面比較推介炸春卷。春卷餡料實在好好味，外皮都算鬆脆，係我食過入面質素比較好嘅。3) 雞翼、花枝丸 (⭐⭐⭐⭐⭐):由於我都係鍾意食熱氣嘢，所以點咗好多小食。雞翼同花枝丸都係枱上食物。雞翼外皮真係好脆，雖然熱氣但係唔理啦，照食，好好味。雖然唔係大型連鎖店，但係特登過嚟九龍城食都覺得係明智嘅選擇。

和朋友路經這家店，給它的名字吸引，便進去食飯。雖然店舖細細但坐位都算寬闊，裝修幾雅緻。來到當然要點招牌蝦匠湯，但因為胃不舒服所以不能吃辣，店員細心另外提供一碟蔥和蝦醬。湯麵好大碗，有很多配料，蝦彈牙新鮮，魚片非常爽口，都是足本材料。試了一口蝦醬，非常驚喜，蝦膏味很濃，又不會腥，鮮甜開胃，微辣我不能多吃，朋友把我的醬都吃光了。朋友點了花膠雞泡飯，一整鍋上桌，有火爐一直熱著，雞肉很滑，花膠肉厚爽口，很養身。叫蝦蝦霸霸的蝦餅鮮甜爽口，用了很多蝦製作，外皮炸得香脆又沒有厚粉，喜歡。併盤裡的春卷非常酥脆，口感難忘，好吃。

這個夏天又濕又熱， 胃口都唔多開， 所好就係食碗簡簡單單既麵。 會令人唸到 東南亞菜¸ 而位於九龍城福佬村道 亦是主打賣蝦麵, 到底一碗蝦麵有乜野過人之處, 令到這裡坐無虛席呢? 餐牌好簡單只有一張兩版， 客人只須要好似選車仔麵的形式, 選擇基本的湯底、麵種和配料就可以， 每碗 基本消費 $48  基本消費的 已經有齊   麵底選了 摻摻 兩個人share 一碗麵所以加左另外幾款配料 湯底頗鮮甜, 因為每日以8斤新鮮蝦殼及豬骨煮 3小時，但又無豬骨湯咁油膩。 加料後份量足, 我個人最喜歡炆得鬆化, 入口即溶蘿蔔；花膠原整，保留咬口，不過無味。馬拉人喜歡食摻摻 （油麵、米粉）, 等我都試下先，口感一腍一爽, 無咁單調。我形容它是一碗豪華版緊車仔麵,如果想再豪啲可以加 $25加多隻龍蝦。小食首選 $20皮蛋本身靚再加埋重口味蝦匠汁，味道一流。蝦匠汁味道好似XO醬,  鮮味和麻辣並存。 花枝丸$12、凍奶茶$18平平地過下口引都OK 檸檬天葵花$38色彩令人好愉快，十分夏天, 淡淡檸檬味，味道不會太酸, 小小甜，相當 refresh。 ＊＊　服務員好新手，送餐有點亂。 

一見到個餐廳名就知一定係食蝦的鐘意食蝦既我就點都要入去幫襯下啦一入到餐廳，感覺都好乾淨，燈光係用黃燈的，好有親切感，因為本人比較喜歡黃燈光原來係食湯粉或泡飯的，湯底款式都有幾種，適合唔同人既口味餐廳名用左蝦黎命名，我當然要揀返蝦既野食先得啦蝦匠湯+龍蝦半隻 $68嘩啲餸都好豐富呀而且碗粉都好大碗呀，超抵食個湯超鮮甜好香蝦味，完全唔係渣流灘龍蝦都好爽口，不過味道就偏淡，龍蝦味唔太突出冬陰公蝦湯+蝦匠滑+竹笙 $71呢碗都一樣，啲餸一啲都唔吝嗇，我特別要讚一讚個青口口感超正，唔會淋pat pat，好爽甜湯底酸酸辣辣咁，好開胃而且無香茅味，岩哂我呀蝦匠滑食得出係自家製的，不過就比較細粒，如果大粒啲會更好蝦匠併盤 $33即叫即炸，新鮮熱辣的蝦球好好味好彈牙檸檬天葵花超岩而家呢個天氣下飲好fresh呀，而且仲好大杯，兩個人share飲都得埋單每人都只係$100咋，超抵食兩個人都食到個肚脹卜卜

九龍城不嬲都係美食集中地，但係平時都係食開泰國嘢，今次試一間唔係泰國餐廳，新開嘅，係福佬村道，食麵為主。星期日晚上嚟到，好好彩唔使等位，啱啱有位可以入座。餐廳環境都幾寬敞，適合三五知己傾計。睇睇個餐牌，麵食為主。湯底可以揀蝦匠湯或者冬陰功湯，主食就除咗麵可以㨂泡飯。配料另加。質感可以選擇油麵等等，都幾有彈性，就好似平時食車仔麵咁樣。我揀咗蝦匠湯油麵，配黑椒牛丸、雞肉同埋魚皮餃，每款另加十蚊。份量比想像中大，用一個大碗裝住。朋友就點咗泡飯，配豆卜，分量都非常充足，朋友話食得好飽。亦點左個小食拼盤，小食拼盤有雞翼、春卷同埋花枝丸，全部都係煎炸小食，都幾好味，唔算炸得好油。蝦蝦霸霸，雖然聽個名唔知咩嚟嘅，但係有圖片睇。係一大塊炸蝦餅，好厚身，好似平時嗰啲雞扒咁厚，食落有口感，接近手掌咁大，可以切開幾份同朋友分享。整體黎講，係滿意既一餐。

這天放工後，我約了家人在九龍城吃晚飯，經過這間餐廳，看見店內的客人很多，證明食物的質素應該很不錯，便決定入去這間多國菜餐廳試一試，店內環境清潔衛生，還可以一邊吃著飯，一邊聽著流行的歌曲，十分享受炸台式花枝丸($12)軟彈煙韌即炸的花枝丸，非常有台灣嘅風味，非常抵食冬陰公蝦湯配龍蝦半隻 ($84)軟綿綿的魚腐，鮮甜的車里茄，龍蝦十分新鮮，十分大隻，質素十分高，軟彈煙韌的魚片，爽彈鮮美的菇，非常細碎的油麵和米粉，新鮮大隻的青口，十分豐富，份量十分多，冬陰公辣中帶點清甜，非常非常抵食冬陰公($81)爽彈鮮美的青口，軟綿綿的蝦匠非常新鮮，軟彈煙韌的牛丸，爽彈鮮美的魚蛋，細碎的米粉，食物的定錢合理整體來說，食物的選擇很多，食物的份量非常多，食物的質素非常高，不會用劣質的食材，而係新鮮和高質的食材，難得食物的定價還是非常合理，這間餐廳還可以吃到台灣和泰國的美食，而店員亦有良好的服務態度和有禮貌，所以我認為這間餐廳值得再去惠顧

平時好少去開九龍城 但今日因爲係附近做完義工, 經過見到呢間新開食龍蝦既麵店 覺得價錢幾親民 就膽粗粗同fd入去試下皮旦(蝦匠) - $20一坐低整番個開胃小食先🤤皮旦可以配酸薑或蝦匠, 一場黎到當然要食蝦啦😂20蚊一份真係好抵得, 又香又惹味蝦蝦霸霸 - $68皇牌小食之一, 滿滿既蝦肉攪碎左, 再放個蝦餅去炸, 金黃色既外表令人垂涎三尺🤤一咬落去脆卜卜, 鮮蝦味隨即散發, 必吃之選👍脆香胡椒炸雞翼2隻 - $12平均只係6蚊一隻既脆炸雞翼, 淡淡既胡椒香味更引人入性😍炸台式花枝丸3粒 - $12塞滿左花枝粒既花枝丸, 一咬落去極彈牙👍摻摻麵, 冬陰功蝦湯配龍蝦半隻 - $88有得揀, 你至係老闆😂份menu好似揀車仔面咁, 有餸、湯底同麵底揀 任君選擇, 湯底我就揀左蝦匠湯配龍蝦半隻, 麵底就揀左店鋪推介既摻摻麵, 餸就揀左, 蝦匠滑, 魚腐, 同豆卜, 野飲就揀左檸檬天葵花 唔知咩黎不過都想試下🙈花膠雞湯泡飯 - $98 半隻我同個fd都覺得個麵既湯底 同泡飯既湯底都好正 超入味 👍🏽龍蝦啖啖肉又有蝦膏 $88呢個價錢黎講 算唔錯D雞都好滑 飯量超多🐷 下次可以叫少飯百香天葵

最近好紅既龍蝦湯麵店終於開到我家附近，知道後我就立即約埋朋友去食喇。蝦匠泡飯配半隻龍城 $88黎到緊係要叫佢最注目既招牌龍蝦湯！我揀既係泡飯，甘就可以啖啖都飲到湯既精華。龍蝦爆膏，賣相十分吸引，肉質彈牙，而且連個拑都好有肉地。湯底濃郁且鮮甜，尾調有點微辣，但又更加帶出成個鮮味。 花膠雞湯泡飯 $98一直座熱住既雞湯，有足料半隻嫩雞同大量花膠。湯底飲得出完全無味精，啖啖都係精華，再加上花膠令個湯更加濃稠，所以好喜歡呢個湯。呢個餐真係好夠份量，連同我地在場好多食客都食唔哂仲打包走，番屋企又可以食多餐。蝦蝦霸霸 $68個名好有趣，原來係大大塊既炸蝦餅，果然有霸氣。剛炸完既蝦餅，略嫌有點油，但食落香脆彈牙，內裡粉紅嬌嫩蝦肉感覺好新鮮，食完會好滿足。酸薑皮蛋 $20估唔到呢到有我鐘意食既酸薑皮蛋。皮蛋係流心皮蛋，處於半溶狀態，搭配爽脆酸薑，好清爽。百香天葵 $16(主食加配價）好細心既店員見我地點呢個飲品，立刻提我地飲品會少少偏甜，提議我地叫少甜。果然少甜後岩岩好，飲品好大杯，足夠我同朋友share，酸爽既百香果好解渴，夏天飲最正。

今日去九龍城搵朋友順便食lunch, 沿路行見到間小店好似唔錯, 就決定試下由於時間都算早, 入座個陣唔洗等位。小店主打 “龍蝦”及自家秘制「蝦匠」湯底, 聽個名好吸引丫!由於朋友想食清少少, 所以嗌左「花膠雞湯泡飯」, 佢話花膠雞湯好夠火喉, 飲落濃郁冇味道, 而啲花膠亦都好林, 女仔食一流！而於我呢, 當然試下龍蝦啦! 嗌左蝦匠湯配龍蝦半隻 (摻摻，即係油麵+米粉), 龍蝦都幾大隻而且好多膏 (開張期間68蚊就食到, 好抵!!), 另外亦都有其他配料 (蝦、扎肉、魚片等等), 至於「蝦匠」湯, 只能夠話非常出色, 鮮咪而唔會過咸! 我地都嗌左d小食 -陳醋云耳、脆香胡椒炸雞翼、蝦匠皮蛋, 都幾有水準! 食到飽飽時見到門外好多人排隊等入座，就知食物水準好啦！