蝦匠 (已結業)

龍蝦冇食評中講得咁好食和大隻，肉身已煮到縮哂水和鞋。另外，花膠和魚符都好明顯只係齋用水/清湯煲熟就算，冇汁醬味好似車仔餸咁有味。而個湯，淡而唔夠味。反而最好係個小食拼盤，佢哋只需要炸熟佢啫，冇死~仲有，張椅，一d都唔舒服！我諗一般正常成年人個pet pet都大過將椅呀，絕對係一張趕客椅！做樓面的一男一女，可能係老板和老板娘，雖然好明顯係生手，但好努力咁為客人提供服務 👍🏽 但溫馨提示：做飲食服務時，應著返適合嘅衣著，唔係米白色嘅西裝，亦唔係返office工嘅衣著。

👭蝦匠(九龍城)👭1⃣冬陰公蝦湯摻摻 $48比平時既冬陰公湯淡d，但都好香椰汁味同有淡淡既蝦味😚，雖然湯無咁濃但個酸味都足夠，辣味就反而唔太覺，配上摻摻(即油麵+米粉)都幾夾。配料方面都份量好足，但我個人覺得魚片無咩鮮味😰2⃣招牌蝦湯摻摻 $48個湯頭好有蝦味，但佢係唔辣既。如果有朋友想食辣，我建議問老板拎一隻用蝦醬炒既醬，加落湯到將個湯頭變得更滋味🤪，配料同麵既份量都好多，不過扎肉味道較淡。3⃣招牌蝦湯配龍蝦半隻摻摻 $88呢款麵岩哂鍾意食龍蝦既朋友。佢其實就係招牌蝦湯既配料再加半隻龍蝦，即係加$40就有龍蝦食😱平時街市一隻龍蝦都要$100左右啦，呢個就真係性價比好高啦，又多肉又有膏，不過呢我就覺得隻龍蝦煮得老左少少，如果可以控制個時間好d就perfect喇🤪🤪4⃣蝦蝦霸霸 $68呢隻其實係炸蝦餅，佢同一般泰國餐廳唔同既地方係佢成塊拎去炸，而唔係製作成一件件咁😳。蝦肉質地都爽口彈牙，但厚度就比一般蝦餅薄一半，所以蝦味唔夠濃郁，有少少比炸粉搶左風頭。5⃣粉絲皮春捲(4條) $28即叫即做所以好熱，要小心d慢慢食。個網皮好薄好脆身，但就細舊左d，所以食完都唔會好有滿足感😖。💡以上係午餐價，晚市好似

餐廳位置離九龍城廣場好近，餐廳環境可以。二人座位在水吧對面，員工走來走去，稍為迫一點，坐得不太舒服，如果四人座就舒適多了。員工服務態度很好，會介紹菜單，有禮貌，招待不錯。食物方面強差人意，招牌蝦湯底很淡（但加了辣醬後惹味不少），半隻龍蝦細得可憐，一啖食完，味道也不出色！麵份量也足夠，但是$100一碗似車仔麵的淨龍蝦麵來說不值。衹此一次，可以不試，九龍城有太多其他更好的選擇。總括來說，如果以$100吃一碗車仔麵，不值。

路過幾次都未有時間食 今天終於有機會試下個下午茶 ，下午茶時段冇乜人 都唔使等位， 蝦湯底幾好， 加埋春捲 都好好食 ，下午茶好抵食，但係感覺似食車仔麵 ，有機會會試下晚餐。 不過晚餐88蚊一個車仔麵真係有啲貴。

行過見到好多人係度打邊爐，一人一窩果種。本身都想試下打邊爐，不過又見到佢有另一個menu係食湯麵之類。價錢同邊爐差唔多，不過睇相就好似吸引好多最後叫左個招牌龍蝦湯面，差唔多成一百蚊架, 不過好似隻龍蝦都唔細。個麵上到黎都算收貨，隻龍蝦都幾大隻，仲俾埋較剪同手套你方便你食。個湯就係龍蝦湯，配番滲滲，有d似食喇沙嘅感覺。仲叫左個小食拼盆，$35蚊度，又幾抵。不過小食就炸得乾左小小，但味道都惹味嘅。整體黎講質素都想唔錯，下次食番個一人煱先。

多次路過這間店，每次都有熱誠的員工在門口推介，但我每次都推掉，皆因九龍城區太多選擇，遲遲未輪到這間，但他們的熱誠又令我一定要試試，你說支持也好，欣賞也好吧。試了2人套餐$198， 包括:招牌龍蝦湯麵(選了油麵)，小食2客，飲品2杯。另散叫了1客蝦多士$38。我接受辣的程度只是BB級，所以龍蝦湯麵改了小辣，但後來發覺正常辣都可以接受。一大碗龍蝦麵上枱，以為是喇沙之類，除了龍蝦，還有鮮蝦(不是雪蝦)、豆卜、札內、魚片，但個湯底又清又鮮甜，不像喇沙那種濃湯， 是我愛的口味，由於個湯好鮮味，所以提議跟米粉/米線/河粉/白飯去吸收湯味好過用油麵，因油麵在湯中浸久了，會影响湯味，龍蝦需不是頂級，但也算入流貨色。小食:涼拌青瓜，這個可以。麻辣皮蛋， 不太辣，麻香好味。(酥炸雞翼，花支丸) 這些不是我杯茶，沒試。越南春卷 ，好味。蝦多士 : 炸得外脆但咬落裏面的面包仍很軟，不失水份，蝦肉饀很新鮮， 但最緊要趁熱食，凍咗會淋晒。講完食物講服務。侍應好有耐性解答我們的疑問，態度禮貌一流，有求必應，主動，務實，效率高，就算被要求幫我們拍打咭照，態度都一絲不苟，對自己很有要求，午市很忙也能令我有如此感覺，實在

天氣時寒時暖，凍冰冰的日子最好食咩？除左打邊爐，暖笠笠嘅湯飯都係一個好選擇！呢日去左九龍城嘅蝦匠，佢出名食龍蝦蝦湯麵，仲有其他湯飯等等，冬天類的暖身食物！今次我地就點左個花膠雞湯泡飯。上菜絕對唔欺人，成鍋雞湯內有雞肉同花膠，鍋底下更有個小小石爐火幫食物保持熱度。飲一啖香濃雞湯，成個人即時暖哂！鍋中都有唔少雞肉同花膠，最好嘅食法係先飲湯，食雞肉同花膠，然後加入飯到湯中混和成湯飯。當白飯吸收左雞湯後，就係精華所在了！我地另外亦點左小食拼盤同麻辣豬耳。小食拼盤有雞翼、花枝丸同春卷。帶川味的麻辣豬耳辣度也不低，也是不錯的小食之選！

行到九龍城唔知食乜，睇食評決定走黎試一試個招牌有龍蝦嘅招牌蝦湯，點知食第一啖中伏不淺。首先，隻波士頓龍蝦鉗大過個尾成倍，得一啖肉都算，個肉質仲要硬到不得了。跟住成碗湯淡而無味，唔辣唔鹹好似煮麵水咁，啲豆卜同魚片就當然唔入味，啲米線又軟塌塌，唯一可取之處係啲蝦燒過，比較香，但也又乾又硬，毫無誠意，只不過一碗冰鮮食材水煮埋一齊，絕對不會再幫襯。好懷疑寫好食果啲全部假評論，浪費我個胃搞到以後都唔敢睇食評試新嘢。

見咁多笑面所以特別去試，之前睇了多編食評，所以對菜單選擇心中有數。點咗冬蔭功蝦湯米缐及龍蝦湯油麵，加多罐可樂。先嚟罐可樂，問侍應有冇冰底？佢話冇，因為可樂已經凍，而事實可樂係唔夠凍。再上冬蔭功，感覺口感及味道都唔夠，本人亦認為冬蔭功同米線唔夾，配料又唔夠足，見到圖片有蘿蔔，車厘茄勁多，但事實係冇蘿蔔同得一粒咁多車厘茄。至於龍蝦湯油麵，湯底比冬蔭功好，配油麵都合理，龍蝦尚算可以。但份量唔覺得係勁大碗！（之前有食評話好大碗）或者係指好大隻碗，但份量真係唔算多。食後感：言過其實！

有次經過見到招牌隻大蝦🍤就一有機會同媽咪黎試下～一入餐廳感覺好乾淨同整潔，又有小小格調，坐落幾舒服。見到Menu即刻俾龍蝦蝦湯吸引住！最後叫咗兩碗面，兩款小食，同埋一杯特飲～Wow! 店員送上枱嘅時候已經聞到好香蝦湯味，雖然已經有半隻龍蝦，呢碗麵仲會配好幾款配料（蝦、豆卜、魚片、扎肉）非常豐富！另外媽咪鍾情於麻辣湯，配料揀咗牛展、炸午餐肉同埋豬潤～麻辣湯👍🏼牛展好入味！小食叫咗手打蝦餅，同埋脆香胡椒炸雞翼。手打蝦餅真材實料，勁厚身，又彈牙～而炸雞翼好脆口，又唔會過鹹！飲品叫咗百香天葵，好飲之餘又有口感，因為入面加咗百香爆珠～

今日真係好凍，朋友提議今晚打邊爐，即刻can’t agree more 。見到蝦匠好似幾得意，個Menu又好似唔錯，所以今晚就蝦匠！我同朋友叫左個小食，泡飯同埋一個邊爐來Share。小食係 滷水拼盤，分別有滷蛋，豬耳，牛輾同埋雞翼。雞翼滷得好入味，唔錯唔錯，滷蛋都好食.我地叫左肥牛一人鍋，揀左蝦醬湯底，微辣，好重蝦味，食D肥牛個時，覺得好微妙，好重蝦味既肥牛，真係第一次食。仲叫左個花膠雞肉泡飯，雞件好滑，仲有雞脾位食！花膠都幾足料，又大塊，個湯好飲，清清地，撈埋D飯落去，D飯吸收曬D湯汁，一流！

叫左個小食同一個邊爐。小食叫左 蝦蝦霸霸。係一塊炸左既蝦餅。幾彈牙，配埋酸辣醬，唔錯，但價錢稍貴，$65得一塊！肥牛一人鍋都唔錯，我地揀左蝦醬湯底，有少少辣，好重蝦味。但美中不足係D火好細，煮左勁耐都唔滾

呢幾日都好凍，所以晚餐想打邊爐。經過蝦匠，見到個Menu幾吸引，所以晚餐就食呢間！我同朋友叫左個小食，泡飯同埋一個邊爐來Share。小食叫左 蝦蝦霸霸。係一塊炸左既蝦餅。蝦餅剛炸好，我地切開個時，D煙仲冒起。要落去，啖啖蝦肉，好彈牙，配埋酸辣醬，好正呀！花膠雞肉泡飯都好正，雞真心滑，有有雞脾位食！花膠都幾足料，又大塊，個湯好飲，清清地，撈埋D飯落去，D飯吸收曬D湯汁，一流！肥牛一人鍋都唔錯，我地揀左蝦醬湯底，有少少辣，好重蝦味，鍾意蝦既朋友一定要試！

為朋友慶祝生日今日帶她來到九龍城,食一間叫蝦匠的餐廳,生日願望就係希望他可以笑蝦蝦。名字叫蝦匠,當然以蝦為主打。因為唔想諗, 所以叫咗個二人餐, 一嚟到就係一個招牌龍蝦湯飯。成隻手掌咁大嘅龍蝦湯開一半, 一人一半。先飲一啖湯, 非常之有龍蝦味,湯底應該煲了好多個鐘,味道好濃，好香。除咗有龍蝦, 還有魚蛋片,豆腐卜, 蝦, 紮肉, 這些都把湯的精華吸收了,入口全是龍蝦湯味。手拍青瓜,一入口好凍,我諗佢擺咗雪櫃好耐, 蒜泥香醋配搭得宜, 好好味。百香果天葵是左手邊個杯, 檸檬天葵是右手邊嗰杯,比較喜歡百香果天葵，因為它比較甜，檸檬的比較酸。因為店鋪太好生意啦,佢上完個龍蝦麵, 忘記上小食拼盤,不過就算佢想上都冇位置放啊,因為我們坐的是二人臺, 一碗龍蝦麵已占了台的九成空間,所以我們就當飯後小食,一邊飲住八鄉天氣和檸檬天分,一邊食炸黑椒雞翼,炸墨魚丸,炸春卷, 熱氣小食但係風味十足。希望佢日日都笑哈哈,開開心心過每一天。滿分為10分(1分最低，10分最高)食物：7.5環境：8衛生：8服務：8價錢: 8.5舒適度：7.5總分：8

和老公去九龍城買東西，遠處看見一間食肆掛上一大隻龍蝦頭，吸引了我們去看，是主打龍蝦的米線泡飯店，便成了我們是日的晚餐。店內雖小，裝修尚算企理，坐得幾舒服。首先當然要試它的招牌蝦湯配龍蝦半隻，選了滲滲。最初覺得湯麵一碗索價好像偏高，不過上菜之後便覺得超值！龍蝦也算大隻，而且已包了很多配菜，麵份量也超大碗，如果我一個女生也一定吃不完！龍蝦的肉質彈口，挺鮮味，也貼心的有鉗和手套提供。另外蝦湯湯底也幾特別，很少見到，學得出鮮甜足料，蝦味濃郁很出。除了蝦湯之外，我們點的另一個冬陰公湯泡飯也是大獲好評（我和老公），通常坊間的冬陰公湯底也是味道偏淡，這裏則是一個真正的冬陰公，非常足料、味道濃郁，也有很多配料，例如蝦、青口、魚片等等，這樣的價錢實在是超值！雖然菜單也可以好像車仔麵般加餸，但其實不加也已經配料豐富！本身以為粉麵類不太飽，所以點了小食拼盤，有越南春卷、花枝丸、雞翼，兩人share剛剛好。尤其喜歡炸雞翼，乾身不油膩，內裏也是肉質鮮嫩。不過這一餐其實也超級飽！特別推介是這𥚃的飲品，叫滿$38有半價優惠。我們點了檸檬天葵，超級大杯，而且味道清甜，吃過熱辣辣的蝦湯麵喝很不錯！