蜜滋麻美

营业中

休息中

◾️今次要介紹嘅係位於中環嘅蜜滋麻美，源於台中嘅台式茶飲店，於去年中登陸香港。蜜滋麻美與其他台式茶飲店唔同嘅地方，主要係蜜滋麻美將芝麻同花生融入到台式飲料之中。Mizimamei has introduced in Hong Kong Central half a year ago. It is a Taiwanese Beverage shop originated from Taichung, which stands out by using sesame and peanuts in their drinks. ◽️花生黑糖珍珠鮮奶 (Peanut Boba) $28花生味道香濃，份量都好多，但伴隨住大量嘅花生係令到味道過甜，同時吸吮費力。黑糖珍珠大小不一，若質感更煙韌會更美味。Both the flavour and portion of peanut are rich. However, it leads to a sweeter taste and more difficult to drink with the straw. The size of bubbles vari

之前去台南已經想試，估唔到依家黎到香港開店，當然要去飲返。飲品店係勝香園附近，出返大街極斜車路上少少就到。入面有六款珍珠鮮奶，五款茶可加奶蓋揀選。今次叫杯招牌珍珠鮮奶。花芝黑糖珍珠奶茶 $25當中有齊我鍾意嘅野，花生同芝麻睇住店員落好多，所以飲落兩種味道都好濃好香，加上珍珠嘅煙韌口感，感覺上有少少似食緊糯米糍咁。而珍珠煮得幾好，比平時嘅軟身少少，無咁硬。建議飲呢杯野時，慢慢飲下攪下，唔好一黎就攪混哂，會飲到更多唔同層次嘅口感。

This little bubble tea shop blown me by surprise ! I had ordered a iced sesame & peanut brown sugar bubble tea with less sugar ! This drink looks super fat ! They had generously scooped two big spoon full of sesame and peanut ! That slightly sink into the drink ! And the drink was only 22 dollar which was pretty decent ! With ever sip you can feel different textures and things happening. Crunchy feeling from the top sesame and peanut. Chewy from the bubble and hinder with a bit of brown sugar sw

店鋪位置係一條唔多起眼而又冷清既鴨巴甸街，晚上時分甚至整條街只有這一家還未關門😅。飲品主要都是以黑糖珍珠鮮奶為主，其次是其他特色茶飲，如 烏龍茶。收銀處旁邊有張貼飲品的飲用秘訣📃亦有promotion, like FB / follow IG 去用優惠價購買🤩👍🏼🥜花生黑糖珍珠鮮奶 M💲32(原價) —＞💲25(優惠) 花生粒是手炒的，花生味超香濃😍加埋Q彈既珍珠一齊飲，就好似食緊糖不甩同花生湯圓一樣😋飲到停唔到口👍🏼。🍵抹茶黑糖珍珠鮮奶 M💲30(原價)—＞💲25(優惠)抹茶粉分三次加在鮮奶既頂層，每一次都用篩去隔離大顆粒，令抹茶粉非常細滑，溶入鮮奶都冇出現"一舊舊痴住"既形態😍，經攪拌後黑糖和抹茶都混和了，整杯飲品都出充滿著黑糖的甜味和抹茶的甘香。珍珠非常煙韌有彈性😍，口感極佳！！❤️📌只要like FB/ follow IG 就會有優惠🤑📌位置較偏僻，斜路較多

話說之前去台中係一中嘅夜市裏面飲過呢間蜜滋麻美覺得超級好飲偶然上網嘅時候見到原來香港開咗分店，冇辦法唔試啦新開張期間只要like 左佢哋嘅Facebook又或者IG，就可以以優惠價換購多款飲品<花芝黑糖珍珠鮮奶$25>之前喺台中飲過花生芝麻黑糖珍珠鮮奶一路都念念不忘，今次一於再encore蜜滋麻美嘅珍珠鮮奶同其他嘅台式飲品店比起完全唔同就算係一杯普通嘅珍珠鮮奶都沖得好有層次珍珠、鮮奶、黑糖、奶泡，逐層逐層慢慢po上去，最後在灑上花生粒同埋芝麻粒，成杯嘢飲非常之香濃幼滑，每一啖都有唔同嘅感覺，一枝棒呢

位於中環半山區「鴨巴甸街」旁邊的飲品店「蜜滋麻美」，「蜜滋麻美」主打的飲品是加入了花生碎粒，還有加入了芝麻粒，手調混合而成的「黑糖珍珠鮮奶」飲品，名稱叫做「花芝黑糖珍珠鮮奶」。我光顧完「蜜滋麻美」之後，回到西貢墟之後翻看手機才發現，原來「蜜滋麻美」的「花芝黑糖珍珠鮮奶」飲品，還有另外加錢將飲品裡面的冰塊完全剔除。本來一般台灣手調飲品店裡面的手調「黑糖珍珠鮮奶」飲品，一是飲品已經固定了冰塊跟甜度，食客不能夠要求「走冰」，但是有些新台灣手調飲品店做法就會剛剛相反，「黑糖珍珠鮮奶」都可以選擇「少甜」「走冰」。但是「蜜滋麻美」的「花芝黑糖珍珠鮮奶」飲品，飲品裡面有關「走冰」的選項設定，反而有點奇怪。因為「蜜滋麻美」不阻止食客「走冰」，但是食客想「走冰」的話，就需要另外加三元。食客只要另外再加港幣三元之後，「蜜滋麻美」的廚房店員，就會先為食客購買的「花芝黑糖珍珠鮮奶」飲品剔除所有冰塊，然後再為飲品要注入鮮奶，直至填滿飲品為止。由於「蜜滋麻美」的手調「花芝黑糖珍珠鮮奶」飲品的杯表面，灑滿了大量花生碎粒跟芝麻粒，所以食客一加錢為飲品剔除所有冰塊，換來整杯飲品裡面，都只剩下鮮奶、黑糖糖漿、黑糖珍珠、花

驚喜台味之未曾在台灣見識過，難得上到半山就試下花芝黑糖珍珠鮮奶愛飲牛奶同喜歡試新野的寶寶可一試。店舖有特別介紹如何飲用最好，但因為俺太心急已經一次過攪埋一起，佢花生芝麻粉都唔慳皮架，見到他都有起2座小山丘在頂層就知啦～唔記得講走糖但其實原本都唔會好甜架～即使有層黑糖粉同黑糖珍珠，對俺來說甜度岩岩好。雖然錯過左飲層次的機會（手快快），但整體飲落結小塊花生粉咬一咬花生味出左黎，連埋散佈牛奶四週的芝麻（應該有炒過，個味巧出）,黑糖珍珠軟韌得黎又唔多甜，會飲完都唔點膩的飲品。店有打卡位供各方兄台影相架。

價錢ok啦，因為我係叫外賣，俾埋運費都係34蚊。 叫左杯花生芝麻黑糖珍珠奶，個matching 係幾特別，好少好飲到。但係黑糖味略嫌過少，花生同芝麻都唔係好似人地咁鋪滿囇，可以加多d。

又係黑糖珍奶！不過加左花生、芝麻糖粉係面，望落好吸引。黑糖珍珠嘅黑糖味唔重，咬落去入面係冇黑糖味嘅。鮮奶用十子牌，不過飲落都幾濃。飲完一杯好飽，可以當食咗餐飯🤣

黑糖珍珠鮮奶熱潮係香港雖然已經退去，但身邊都有好多黑糖珍珠店想試，其中一間必數呢間由台中開過嚟嘅人氣過江龍店，因為佢唔係普通黑糖珍珠鮮奶咁簡單，佢最特別係奶蓋上加咗花生、芝麻，口感更多，睇人地打卡啲相真係好吸引！環境位於中環半山區附近，係斜路上，位置較難找，但晚上時分嚟到都不少客人，可見店舖都幾受歡迎，店內仲有影相打卡位。餐牌主打兩溝嘅花芝、花生、芝麻味，我自己就為咗兩溝嘅花芝而來。花芝黑糖珍珠鮮奶 $32(M) 花生同芝麻粒都係台灣直送，每日新鮮磨制，一拎上手已經聞到好香花生芝麻味，且多到滿瀉！搞匀後飲不得了，估唔到花生芝麻粒同黑糖珍珠鮮奶係咁夾，每啖都有花生芝麻咬下，有少少好似飲得嘅糖不甩咁，好正，鍾意花生芝麻嘅你不能錯過！抹茶黑糖珍珠鮮奶 $30(M) 除咗花生芝麻，仲有可可及抹茶口味，另一半鍾意抹茶就揀咗抹茶，飲落抹茶都幾香又唔會覺得苦澀。總括而言，好啱我呢啲花生芝麻愛好者，啖啖飲到真係好過癮黑糖珍珠鮮奶唔再係齋飲咁簡單，加少少心思變得不一樣，必會再幫襯。

話晒係中環 OL   成日行泥行去, 竟然有間新開既台茶我唔發現, 仲要話係9月開既添, 唔係呀化  無乜事我出番去反省下 鴨巴甸街,  呢條路比較少行,  最多行上PMQ,  如想向下行, 又會再行前一條街去九記果度先落,  加上佢個鋪粒落去, 唸唸下, 我平日睇佢唔到, 堅唔出奇! 呢個位開間台茶,  真係無人估到吧!睇D飲品款式.....咦~ 新野喎, 未試過!  就係咁, 就留住了我腳步了 ......Like 挨豬同飛卜會平D, 梗係like啦 朋友!仲有其他茶款, 有D都好少聽, 價錢算貼地, 大部份2字頭,  符合經濟環境!    咁多字 太高層次 環境乾淨, 杯杯人手整, 都ok喎芝麻黑糖珍珠鮮奶 - 朋友第一個拎茶, 試完一口話 : 掂呀!花芝黑糖珍珠鮮奶   - 我試呢款,  親身睇個店員整, 個賣相好得, 花生+芝麻味好香,  珍珠一般啦,  可能係比花生+芝麻粒搶晒鏡,  成杯都幾好飲,  無想像中咁甜, 但就堅多粒粒.  我呢杯係細既, $22 真係抵到爆一爆! 香檳茶王 - 朋友話一般啦, 無乜特別$22 - $25 飲到杯特別又好飲既野, 真係但佢位置咁隱

唔係猛龍唔過江，以黑糖珍珠鮮奶為主打既台式茶飲秒殺港人既胃口，不過要飲得夠Sweet，黑糖既玩法當然要層出不窮啦。就好似係台中IG人氣極高既打卡聖地「蜜滋麻美」近年終入登陸黎香港啦！佢地招牌既花生芝麻就係將黑糖口感提昇到另一個層次，每樣材料都係份量十足，味道依照返當地既做法，點可能唔過黎試下呀！👇▪ 花芝黑糖珍珠鮮奶 - $32▫ 第一杯要試既就係兩溝既招牌野飲，呢個集花生、芝麻、黑糖既配搭。佢地奶蓋上係鋪滿哂密麻麻既鮮磨花生、芝麻粒，視覺效果真係夠哂邪惡。主要係沖野飲既時侯會劃分五層，最底先放上鮮奶，然後加冰、奶蓋、再放上手炒黑糖粉漿，成個層次色澤分明每啖都到三種唔同既香味，估唔到原來可以咁夾！▪ 花生黑糖珍珠鮮奶 - $32▫ 順帶一提，佢地既杯身設計幾有特色，都會痴住個揮春既貼紙，幾搶眼。呢杯無兩溝既，全部面頭灑上鮮磨再手炒既花生粒，淨係聞都聞到夠哂香呀。再混合自家製黑糖珍珠粉漿係奶蓋上，加冰攪勻後，慢慢就飲到果份味道既變化，甜而不膩，有別於市面上既標榜黑糖既品牌。

逛完PMQ元創坊後感到有點口渴 發現這間店鋪原來是台灣的過江龍店舖 看餐牌後決定一試~飲品在差不多16款可以選擇 有鮮奶/茶類飲品供應店鋪還有一個打卡位置 把松鼠妹妹放下去之後這個是會有亮燈🙈 挻有趣的省電的打卡位置耶~·奶蓋青心烏龍 HKD$32·花芝黑糖珍珠鮮奶 HKD$32飲品味道是飲開的味道不過不失 有小形揮春挻可愛兩者我比較喜歡花芝黑糖珍珠鮮奶 因為味道香濃🤤花生與芝麻的味道挻配合 配上黑糖珍珠挻煙韌有咬感這杯飲品口感豐富很多材料 難怪是招牌飲品來🤭🤭

呢日做文青去咗PMQ嗰頭行下，行返落去歌賦街嗰陣見到有間新開飲品舖，個舖面好吸睛👀，因為有大大隻中文字「蜜滋麻美」嘅燈箱，即係舖名，門口仲有一罐罐茶葉🍃賣。而舖入面就有幾個電視播緊啲片係介紹間舖同啲飲品，發現原來佢係來自台中嘅過江龍！水牌喺正收銀機上面，排隊都可以清楚睇到，呢到主要係賣黑糖珍珠鮮奶同奶蓋茶，每款都有唔同size揀。飲品定價正常，而家like Facebook/ follow IG就有優惠價👍，我就梗係唔蝕底啦哈哈。我要咗黑糖珍珠鮮奶(M)($25)，要咗原味，無加綠茶粉、可可粉、花生等等，皆因想試下最pure最true嘅味道！面頭就有一層薄薄的黑糖粉，我今次無揀到糖嘅份量，一開始未攪拌係有啲甜，但撈云哂後就可以了，始終飲黑糖都預咗sweetsweet🥰，愈飲愈好飲，又夠滑(我見到係用十字牌鮮奶)。珍珠份量好多呀，佔咗成半杯，而且每粒都好Q彈好好嚼！朋友就要咗奶蓋四季烏龍(L)($30)，🍵茶就要煲等耐啲啲，第一眼見到杯茶覺得有啲似啤酒🍺，因為隻色加上啲奶蓋好似啤酒泡。胃食嘅我搶咗杯茶試下，奶蓋層唔厚，芝士味都ok，而最令我有驚喜係個茶底，勁香勁濃，但唔係澀嗰種，而且夠哂

同先生食完晚飯散步到地鐵站，經過呢間新開嘅台飲店，杯嘅包裝係一張大大嘅紅貼紙，類似舊時米鋪貼喺米袋上嘅大紅紙，非常吸睛。入內一望原來係嚟自台中嘅飲品店，台灣人一向對茶飲有研究，一試無妨。店內唯一嘅大牆用上我至愛嘅水泥色調，加上白色波波同店名，成為一個好好嘅打卡位。打卡位非常貼心，一放飲品上去，感受到重量底部就會亮燈，好特別。鋪頭因為新開張，做緊優惠，只要like 某社交平台就得，當然唔可以放過。除咗飲品，鋪頭仲有售賣茶葉，飲完啱嘅可以帶埋返屋企。收銀處當眼位有飲品介紹同飲用秘訣，非常貼心。原來新假期都有推薦過，形容為台中過江龍，更勾起我嘅好奇心。抹茶黑糖珍珠鮮奶味道層次豐富，抹茶、黑糖同鮮奶嘅味道相輔相成，店員沖好飲品之後會拎到客人面前篩入黑糖粉同抹茶粉，感覺相當療癒。最值得一讚嘅係佢嘅珍珠口感軟糯但又不失Q彈，同一般嘅珍珠齋有咬口嘅口感有啲唔同，有少少似芋圓！非常吸引！香檳茶王係高山手採嘅頂級烏龍，有淡淡花香同絲絲嘅清甜，入口感覺順滑，配上香濃嘅輕芝士奶蓋，非常合襯。但美中不足係冇奶蓋專用嘅杯蓋，店員建議我哋先呷一口，然後為我哋蓋上杯蓋。好少飲品店可以入到先生嘅眼，難得佢咁腌尖都大讚