蜜滋麻美

营业中

休息中

逛完PMQ，仲係下晝頂住個大太陽，想落返大路落斜個陣見到有間珍奶店就想買返杯爽下。叫左menu推介既花芝黑糖珍珠鮮奶 ($32) 同芝麻黑糖珍珠鮮奶 ($32) 蜜滋麻美原來係台中過江龍，有別於一般珍奶，呢度飲品既製作真係落重本。可按杯既size衡量返自己既需要，當然甜度同冰既份量都可以選擇啦！我全程睇住佢整，店員非常大方，見到佢落左勁多珍珠，最後放左幾大匙花生同芝麻係杯奶上面，形成一個小山，呢度既花生仲係台灣直送然後再打成粉嫁。飲落亦都如店內介紹，有5層口感，黑糖珍珠有嚼勁又Q彈，鮮奶夠香滑真材實料，冰凍感，綿密既cream，同埋超濃既炒芝麻/花生粉(質感有少少似糖不甩既餡)，炒得好香。我自己更鍾意搞勻左既味道，因為成杯都充滿住芝麻/花生粉，又香又濃，感覺真係好治癒，好似d 芝麻/花生但冇咁thick既milk shake，又有得咬下d clumps，脆脆地咁。不過我覺得要盡快搞勻，咁D粉就唔洗變成一舊舊，吸起黎都舒服D。經過PMQ 附近一定要試試佢~ 係幾特別既珍奶體驗，有小驚喜亦都好飲。我見都幾多人叫呢度既外賣，店員都密密整密密pack 袋。

常常聽到朋友行上蘇豪區，就是為了喝一杯有質素的飲品，今天我也好奇，跟朋友一起行上去來一杯，真的沒跟錯了!黑糖珍珠鮮奶，是最基本的吧，因平日看到茶飲店大排長龍的，都是黑糖珍珠鮮奶，我深信能做好這杯人龍店必備的飲料，人氣所在也!所以先不理其他，來一杯再說!黑糖珍珠很冧軟，吃得出是新鮮制作，黑糖味道濃郁，但又不會太甜，處理得剛剛好，而鮮奶味道也相當濃郁，但不會很厚，喝起來很輕鬆好喝!花生黑糖鮮奶，花生很香，很小很小的碎粒來的，直接加到飲品裡，鮮奶拌勻很有花生味，相比起普通的黑糖珍珠鮮奶更淡不甜，但多了一份香!

食完野就緊係要飲野啦！今次要同大家介紹嘅就係呢間位於中環嘅台中過江龍飲品店 ♥️蜜滋麻美♥️ 經過俾佢個包裝吸近住，係紅色嘅包裝印住個「美」字！好似啲古代酒壺 好得意🥰花芝黑糖珍珠鮮奶啖啖都有芝麻花生🥜 口感十足🤤 黑糖味亦都夠岀 叫咗少甜 甜度啱啱好！呢杯野真係太足料🧋飲完好飽😹 下次可以叫Small size都ok! 奶蓋蜜香烏龍茶正常發揮🍵 唔會太甜🤤唔想咁膩但又想飲奶蓋嘅可以一試！以呢個價錢嚟講真係幾抵飲😝值得一提嘅就係呢間飲品店仲有手工豆漿可以揀🤩如果飲厭咗鮮奶嘅不妨試下 一樣有得揀花生黑糖珍珠架～ 🌟 花芝黑糖珍珠鮮奶(L) ($32)🌟 奶蓋蜜香烏龍 ($32)味道：🌕🌕🌕🌕🌑環境：🌕🌕🌕🌗🌑價錢：🌕🌕🌕🌕🌑

今日陪朋友去買外賣，但其實我好肚餓，見到呢間茶飲店好似好靚，於是就同朋友去買番杯飲品頂下個肚先，如果唔係真係餓死。人哋話肚餓嘅時候就會想食特別邪惡嘅嘢。我覺得呢個係真嘅。所以我揀咗杯大嘅花芝黑糖珍珠鮮奶，仲要加咗芝士奶蓋同埋芋泥，真係邪惡到極點。花芝黑糖珍珠鮮奶（大）$32（加芋泥 +$4，加芝士奶蓋 +$4）花芝姐係黑糖珍珠鮮奶上面有芝麻同花生碎，飲落好香芝麻同花生味，啲花生味濃到好似花生醬咁，正。呢杯黑糖珍珠鮮奶有得揀少甜，揀完之後甜度適中。芝士奶蓋幾好味，攪拌落去鮮奶入面，成個口感即刻creamy左。芋泥份量好足料，不過因為啲花生同芝麻味太香，略顯有少少掩蓋左芋泥味。飲完呢杯好飽，不過好滿足。花生珍珠鮮奶（大）$32（加芝士奶蓋 +$4）呢杯係朋友叫嘅，同我嗰杯其實差唔多，不過無左芝麻同芋泥。飲落花生味就更重，同埋都充滿奶香。呢間茶飲店真係意外發現嘅驚喜，下次經過再買先！

中環pmq附近有一間來自台灣嘅飲品店蜜滋麻美，啱啱開張時飲過一次，留下非常難忘嘅印象，一直都好掛住佢嘅滋味😍😍所以今日喺附近做嘢特登行上來買飲品重溫。叫咗一杯花芝黑糖珍珠鮮奶，同一杯花芝黑糖珍珠豆漿。2杯飲品都加咗超多花生碎同芝麻碎，成座山根6 ，好似食緊芝麻花生糖，啖啖都好香濃。黑糖珍珠彈牙，而且好足料，珍珠數量好多，鮮奶夠滑。豆漿揀咗少甜，更能飲出豆味，果然係現磨嘅手工豆漿，豆味香濃，加上花生芝麻，非常有益。

Peanut sesame boba caramel milk sprinkle☕I ordered a small size tea with reduced sugar and regular amount of ice. The sweetness and the chewiness of the boba was just right. I also loved their generous amount of black sesame and peanuts sprinkled on top, which added some crunchiness to this drink. The strong roasted aroma of these toppings really striked me👍. I'd say the base of the milk tea was very impressive too. Fresh milk was used here but the essence of taiwanese milk tea stayed. May be it

一間台灣過江龍啱啱開業嘅時候見到又唔少報道好似日日都大排長龍咁我係過咗熱潮去當日佢就冇人不過地點都幾唔方便要行一大條斜路先到.花芝黑糖珍珠鮮奶 $32.叫咗花生芝麻兩溝店員會係你面前 擺花生芝麻喺珍珠奶茶面成個present幾靚 好啱影相飲落去黑糖味唔算超級濃珍珠都煙銀 合格食到花生芝麻粗粒 一啖飲落去食到好多配料口感好豐富有啲似食緊芝麻糊飲完一杯都幾飽幾滿足.我見佢like Fb或者follow IG有得平幾蚊但因為地點真係唔就腳所以都未必會再去⭐️多謝你睇到最尾🧚🏼‍♀️希望大家可以關注我嘅ac咁就可以留意我最新嘅食評🤩📜✏️

🇹🇼 台中過江龍位置有少少僻要行條一大斜路如果甘岩經過可以試下😂🌟花芝黑糖珍珠鮮奶奶蓋上用灑滿由台灣直送 每日鮮磨花生🥜芝麻粒🤩飲落勁香濃💯👍🏻👍🏻同估唔到同黑糖珍珠會甘夾🤩🤩🤩而且珍珠幾煙韌有咬口 👍🏻不過個人覺得奶味🥛淡左啲建議少冰可能會好啲🤔🤔🤔🌟抹茶黑糖珍珠鮮奶🍵吸晴系列 見到店員灑上勁多抹茶粉不過老實說飲落苦澀味較重無乜🍵回甘 🤦🏻‍♂️所以唔太建議嗌

之前去完PMQ一年一度detour,行返落去中環嘅時候，見到依間台式飲料，吸引我嘅地方呢今次好特別，並不是佢嘅裝修，而係佢裝飲料嘅 <杯>。隻杯用大大張嘅紅色紙貼咗公司個名喺度，離遠睇有啲似揮春，又有啲似古代酒瓶。就係因為呢個原因就行咗入去睇吓個餐牌，發現佢啲飲品種類都幾吸引，並唔係普通台式嘅珍珠奶茶。好似今次咁，就叫咗個黑糖珍珠豆漿，我哋冇嗌少甜，佢個甜度已經好適中，而且佢啲珍珠大大粒，好有咬口。最初擔心黑糖會好甜，但係今次依杯黑糖豆漿，就只係會有一種微香夾著微甜嘅口感，而且你飲落去呢豆漿係好香滑，完全唔會有任何漿渣。而且香港人飲嘢最緊要係咩，就係要打卡啦！鋪頭入面有個打卡位你可以擺隻杯上去，然後打卡位嘅架就會着燈，打卡一流呀！係咁凍嘅天氣，飲番一杯暖暖嘅黑糖珍珠豆漿，身體即刻暖番，有力氣繼續行街shopping 啦！

喺中環行到好口渴，咁啱見到開左間幾特別嘅台式飲品店🥤主打花生芝麻mix奶蓋黑糖珍珠鮮奶😝聽到個組合已經知好肥😙但都要試下🤪🥤花芝黑糖珍珠鮮奶 ($32)賣相幾吸引，望住佢一層層咁build up上去就知好足料😙鮮奶佢就用十字奶，珍珠原先有用黑糖煮過，但佢on top都會再加黑糖漿🥛所以怕甜嘅朋友記得要少甜⚠️珍奶上面會加層薄薄奶蓋，但奶蓋味確實唔出，似失蹤左🤭但我估佢嘅作用係用嚟定住啲花芝🤣花芝會喺我地面前灑上去，好似有個打卡位咁📸加左花生芝麻成件事變得好唔同，多左份古祖味咁，口感好豐富，個口真係會咬到好忙😂個人鍾意花生多啲，好脆口🥶但黑糖珍珠就唔太入味，同個黑糖漿分開左咁，呢方面就有進步空間😅友人就叫左花芝黑糖珍珠豆漿($32)，反而暖暖嘅豆漿呢個天氣飲有驚喜喎，比鮮奶特別🥛而且佢話豆漿係即磨，好似有心機啲🥶整體嚟講，呢杯飲品係超！級！飽！飲到尾有啲濟🤢建議唔好食完嘢去飲⚠️

花生芝麻黑糖珍珠奶茶 (大)🥤$25花生同芝麻嘅份量好多 鋪滿成個面 啱哂花生控既我 珍珠幾有咬口🤤🤤值得讚嘅係甜度拿捏得好好 平時飲開微糖的我 都接受到正常甜呀😋😋店員亦好細心咁提醒我 要先將飲管插落底 再攪勻啲黑糖 咁就可以撈到啲花生芝麻碎入去🥳😏Rate: 8.5/10Overall: 大推薦🤩

依間台中過江龍珍奶店其實都開左成年🤔，咁啱經過就有機會試一試😂• 花芝黑糖珍珠鮮奶 $28黎到蜜滋麻美，點可以唔試吓佢哋嘅招牌呢😎有別於一般黑糖珍奶，依杯既特色係加入左手炒芝麻同花生碎，全港獨有，芝麻同花生碎都比較大粒，令成杯奶變得更有咬口但相對黎講就冇咁滑喇，花生同芝麻既味道唔會完全混合係鮮奶入面，增添到香氣又唔會蓋過奶味，加埋煙煙韌韌既珍珠，有種食緊湯圓既錯覺，都幾得意😆

花芝黑糖珍珠鮮奶🥤這家台灣過江龍的黑糖珍珠鮮奶想試好耐！因台灣的相片實在足料又吸引！( ´͈ ᗨ `͈ )◞♡⃛ 誰不知味道好一般，職員又弄得好hea，打卡都不覺得靚⋯⋯味道方面就是超普通的黑糖加鮮奶，但其黑糖珍珠是煮得剛好，夠咬口又不會太甜、不錯的。⸜(๑⃙⃘'ᵕ'๑⃙⃘)⸝⋆* 面上的花生同芝麻搞拌後，令其口感豐富了，但味道就混不了一起，有點似煮不均勻的糖水。(۳ ಥ_ಥ)۳

蜜滋麻美——台中過江龍珍珠奶茶呢間台灣過江龍嘅招牌係「花芝黑糖珍珠鮮奶」，特別之處係奶蓋上嘅鮮磨花生、芝麻粒，選用台灣直送嘅花生芝麻，每日新鮮打磨。相比我喺網上睇嘅相，我嗰杯嘅花生芝麻份量好似都好少🤔 不過可能係其實佢地好容易好快就沉底，所以飲嘅時候記得將支飲筒篤入啲。呢啲粒粒增加飲品嘅口感層次，黑芝麻味的確幾濃，不過其實撈埋奶茶，奶茶都係唔會有花生芝麻味。呢杯珍珠奶茶最大敗筆係啲珍珠，因為珍珠係完全無黑糖味，而係完全無味，而且唔算特別煙韌，比起其他黑糖珍珠奶茶嘅珍珠差好多...

📌 蜜滋麻美~中環開咗一間又一間嘅台灣珍珠奶茶店🇹🇼選擇好多 有時都唔知飲邊間好🤣成日經過中環都見到呢間大大的招牌原來係另一台灣過江龍嘅飲料店～地方其實不太就腳 喺斜斜的鴨巴甸街上行上去嘅話都會汗流浹背🥵裝修充滿台式風情 有好多半球形嘅牆上裝飾小店主打黑糖珍珠鮮奶 仲有其他特色茶飲🥤杯身設計有特色 貼住左揮春嘅貼紙好搶眼招牌係花生加芝麻黑糖珍珠鮮奶( ´▽｀)聽落的確幾特別就忍唔住行咗入去試全部都係即叫即做 要等大概五至十分鐘人流唔算好多 咁就唔駛等好耐✌🏻1️⃣ 花芝黑糖珍珠鮮奶 𝗣𝗲𝗮𝗻𝘂𝘁 𝗦𝗲𝘀𝗮𝗺𝗲 𝗕𝗼𝗯𝗮 𝗖𝗮𝗿𝗮𝗺𝗲𝗹 𝗠𝗶𝗹𝗸 𝗦𝗽𝗿𝗶𝗻𝗸𝗹𝗲 (𝗦) $𝟮𝟴 (𝟲/𝟭𝟬)嚟到呢度梗係要試吓佢嘅招牌🤪睇住店員將大量嘅手炒花生同手炒芝麻灑落杯飲品到 真係好療癒😍賣相層次分明好吸睛 花生味尤其突出🥜最底層係珍珠 口感偏軟身帶煙韌店員建議由底部飲起 可品嚐到原始的黑糖鮮奶味道😋然後將花生碎同黑芝麻撈勻 口感豐富但係覺得太多料 每一啖都咀嚼緊有啲辛苦😂而且叫咗細杯 鮮奶嘅份量本身都少再加上大量嘅花生同芝麻就會覺得吸吮很費力難以完