蚊蚊豬老火鍋

营业中

休息中

天寒地凍，打邊爐真係一個不二之選。今晚同男友就決定去太子呢間新開嘅蚊蚊豬打個暖粒粒嘅邊爐我哋六點鐘左右已經到達餐廳，餐廳都仲係冇咩人，但過左冇幾耐就已經座無虛席。一坐低冇耐就有指定嘅混醬時間。湯底方面我哋揀咗鴛鴦鍋，即係招牌牛油紅腸鍋+雜菌清湯鍋。侍應送咗一條鯉魚俾我哋，一睇原來係放入湯底嘅牛油見到佢做緊優惠，象拔蚌刺身+手切肥牛先係＄438，我哋就揀咗啦！個手切肥牛肥瘦分布好均勻，食落好林好香，值得一讚！輪到我至愛嘅象拔蚌！非常新鮮！刺身食又得，放入湯底錄一錄先食又得，得咗！花甲都好新鮮，隻隻都開口，沒有浪費！仲有鮮海蝦同蟶子都係打邊爐嘅首選貴妃蚌又大隻又鮮甜男友至愛嘅牛胸爽，唔係間間火鍋店都有㗎

我隻青蛙仔成日冇返屋企了，今次又唔知去左邊到玩，check 左幾次信箱都收唔到佢D明信片，到底使唔使等佢門？而家開始了解為人父母的心情，面對仔大女大無尾飛陀果種無奈。所以今日自動舉手做阿四，幫阿媽買呢樣買嗰樣預備過年。然後再帶佢去試新野，趁著過年前好好孝敬吓佢老人家。成個禮拜都Keep住凍，近排都已經成日打邊爐，椰子雞煲食咗、粥底火鍋又食過、連紙火鍋都唔放過。但溫度都仍然徘徊喺單位數字，而我個人仍然都係好凍，睇來都要再來D 更 hot 既野。所以我就帶咗佢去附近嗰間新開嘅火鍋店試吓，有幾次行過都已經聞到好香嘅麻子味，今日咁凍一於去食麻辣鍋。再望吓餐牌原來有鴛鴦窩揀，有辣有唔辣啱晒我哋。我哋叫咗招牌牛油紅湯窩＋粟米豬軟骨窩 $138。 混醬時間，店員仲俾咗兩樽特製麻油我地，話用來配合麻辣鍋食會調和到辣味。印度人識用乳酪剋制咖哩；中國人都會用香油來減低麻辣對舌頭同腸胃的刺激度，令大家食得更盡興。話咁快，鴛鴦鍋上枱了，旁邊仲有一條年糕魚形狀的芒果布甸。吓？我地冇叫甜品喎！原來店員話條魚係秘製牛油，係用來放响麻辣鍋入面，係佢哋嘅招牌食法，令佢更加好味。然後佢就幫我地放左條牛油魚入鍋，嘩！ 好邪

天寒地凍食什麼才好？當然是打邊爐！特別是麻辣鍋，寒風下全身出汗的感覺其實挺爽說真的，火鍋的選擇很多，放題的選擇都挺多，但說上食物質素，當然是單點會比放題好得多。餐廳位於太子站D 出口數十步即到，極方便。筆者是屬於食麻辣鍋出汗的人，餐廳預留一盒紙巾，覺得格外細心。而圍裙亦可以避免衫會有油/污穢物出現加上麻油會令更加香，正。點了雙拼湯底 (麻辣 + 豬骨) $138 豬骨湯底值得一提是真的有豬骨出現，亦有大量蔬菜，不錯。面麻辣鍋更是優秀，因為辣度不算太強，但有麻香，吃起來有麻辣的刺激感！正啊特別是會加上牛油於麻辣鍋湯底特別推介： 手切牛頸脊 $198筆者覺得識食，一定要點牛頸脊，因為該部份的牛肉比較有口感，亦相對好吃，打邊爐一流。放上麻辣鍋，牛充份吸收了麻辣精華，充滿麻香，正正窩荀條 $38蜂巢豆腐 $28毛肚 (牛怕葉) $78這個吃起來與平日在街市買到的不一樣，吃得比較爽口，而且十分彈牙，很很很好吃最後 即炸響鈴 $48上檯時都有一點點熱的感覺，而且吃起來特別脆口，放進麻辣鍋，爽！

天氣實在太凍啦！一定要打邊爐！仲要打有質素既！所以我地一行4人決定唔去任叫任食！係openrice咁岩見到呢間打邊爐新開冇幾耐！個名又好得意「蚊蚊豬」，決定試下佢！入面環境不大，得5張枱，好采我地有預約，所以大家如果去記得約左先！超近太子地鐵站，好方便！因為有2位朋友喉嚨唔係好舒服，我地今日就冇叫辣湯底，揀左花鵰醉雞鍋同埋鮮菌湯底！個醉雞鍋好足料啊！勁香！仲有好大隻雞跟住上，雞肉好滑！一定要講既就係呢個set: 加拿大A級象拔蚌加手切肥牛 $438象拔蚌係刺身食既，唔係用黎打邊爐！超鮮甜！勁爽口！肥牛都好正，入口軟淋淋！雪花分佈平均。朋友都讚呢碟肥牛好！雖然價錢唔係勁平，但係絕對係食物質數取勝！另外仲叫左一碟手切牛頸脊（例）$198我就中意食呢個牛多啲！冇咁多肥位架！牛味重啲，啲肉硬啲！真係各人喜好不同！正！另外其他食物都不錯！完部都好新鮮！好滿意既一餐打邊爐！👆🏻佢地自家既麻油！好香呀！一定要加入調味料度！

今日約左一個好耐冇見而又極愛打邊爐的朋友食飯，當然要搵間打邊爐同佢坐下啦~~坐低之後，朋友就急不及待甘叫左個窩底，就點埋幾碟配料。。。一D 都唔使我去苦惱，又唔使有選擇困難症！粟米豬軟骨窩粟米豬軟骨湯窩，有粟米、芹菜、白蘿蔔配料，梗係仲有唔少得的豬骨啦！打邊爐之前，當然要飲返幾啖靚湯先，好清甜的湯底唷！唔似有味精！安格斯肥牛眼見D安格斯肥牛，已經知道好正！肉上帶著油脂，令肉質更鬆軟香滑！安格斯牛頸脊的牛肉味香濃，脂肪分佈平均，頂級果然係頂級，入口也很不錯，有咬口！不過要記得不可以灼太耐，否則會破壞肉質，甘就浪費左D靚牛喇！三寶丸三寶丸包括有魚丸、蝦丸、墨魚丸，口感搭配，滿足你我的味蕾。每款丸都有多層次，梗有一款滿足到你的口腹之慾！鳳城水餃鳳城水餃，皮薄餡靚，鮮豬肉餡加入不同配料，獨特嘅香濃味道。每隻都好飽滿，食落都覺得很新鮮！唔似出邊有些係冰鮮過呢~~西洋菜本來係想叫娃娃菜的，但個朋友唔知係咪文盲，所以剔左西洋菜！不過西洋菜都好，含豐富硝酸鹽及鉀質，能有效地降血壓，維持血液循環系統健康。加上打邊爐燥燥地，食下西洋菜就可以滋潤一下，化燥之用喔！貴妃蚌貴妃蚌好新鮮，肉厚又鲜嫩，清甜，加上又

凍冰冰最好就係打邊邊！朕就叫啲隨從Check下有邊間好野可以去食個痛快！有個隨從好快就應機，話太子有間四川蚊蚊豬老火煱一定要試下，於是朕就決定食佢隻蚊蚊豬！！！一坐低，店小二就放低左幾樽野同埋啲醬料，呢啲粗活就緊係隨從做啦，於是隨從就不斷溝溝溝，店小二就提示隨從記得加埋嗰樽野 － 麻油，無錯係麻油，仲要係一人一樽！除左麻油朕仲鍾意加啲醋，經過一輪瘋狂混醬之後，就緊係叫野食啦！正所謂貪心的人有褔了^。^叫湯底就緊係要雙拼啦！不過張紙仔既雙拼又唔係咁啱朕既胃口，於是就問下店小二可唔可以自己湯底自己拼，店小二話得，本來朕想試下呢度既牛油紅湯鍋，不過朕既隨從一個爛咀，一個喉嚨痛，一個又話生飛支！！！咁朕唯有叫個酸菜鮮豬什拼雞煲（小辣）啦！雙拼上枱，雞煲麻辣既香味撲住咁黎，而個汁食落夠麻加埋小小香辣，而雞件又夠香滑，而酸菜豬什酸酸地，十分開胃，再加埋碟毛肚同埋鮮雞腸夠哂豐富，又唔辣就最啱隨從們啦！跟住就係朕最鍾意既牛肉，朕就左手切牛頸脊同埋泡椒金菇肥牛卷， 手切牛頸脊肉味濃，而且又夠咬口朕既至愛，而泡椒金菇肥牛卷真係唔講得少，一上枱出哂煙咁（乾冰效果），仲有條泡椒成隻手指咁粗！隨從們大叫呢次飽囉

有一段時間冇見呢兩位朋友，就約左月尾見個面食飯，揀左呢間之前喺報章有介紹過嘅蚊蚊豬火鍋，隱約記得內容話店主好鐘意食麻辣鍋，專程去四川學野兼入貨，咁樣我地都好有興趣去試下，週日晚訂左位置，餐廳位於太子附近，鋪位分為兩層，地下有大枱同少數細枱，木枱木櫈都幾有風味。枱櫈間唔會好逼狹，打邊爐張枱夠大好緊要，枱底仲好貼心有個籃仔等客人放個人物品。餐牌主打招牌牛油紅湯鍋，原材料例如野生椒、花椒、八角、丁香呢啲香料，都係喺四川、重慶等地入貨，強調正宗口味。另有雞煲、水煮魚鍋、花雕醉雞鍋等，定價$98-198，仲有啲雙拼鍋底優惠。小食、涼拌、刺身類都有，門口有新鮮游水海鮮，火鍋配料有海鮮、牛、豬、雞、自家製丸餃滑、蔬菜、粉麵，價錢公道，人均食左二百零蚊。因為朋友後到，我地就自己揸主意先落單。醬油 $15/位除左一般椒絲、蠔油、蔥花、蒜蓉，仲有自家麻油。好多四川重慶麻辣鍋都有自己嘅麻油，好似蜀大俠、小龍坎都有，加少少麻油冇咁傷脾位，又香啲。招牌牛油紅湯鍋拼豬軟骨鍋 $138鍋底上台時好吸引，口水分泌中，滿佈辣椒外，仲有一條金魚形狀嘅牛油，好可愛，加入麻辣鍋中，更加香、惹味湯底愈滾愈入味，帶少少麻，辣度啱

lunch嘅時候喺附近行過，見到有間新開嘅火鍋店，喺地鐵站附近，主打麻辣湯底，仲會加舊牛油落去。呢排對於麻辣湯底零抗拒，加上天氣凍，特別想打邊爐，收工約埋幾個朋友一齊過來蚊蚊豬。火鍋店提供嘅火鍋店有六、七款，除左麻辣，仲有d例如藥膳雞煲、豬骨、水煮魚等，辣同唔辣都有。我地點左麻辣拼豬骨湯底，麻辣果邊好香，佈滿辣椒，加埋花椒，非常過癮，仲可以喺醬料加少少自己調製嘅麻油，更加香滑。豬骨湯底都好足料，有幾舊大骨，而且有粟米蘿白咁，清甜。麻辣牛柳條幾特別，用麻辣醬汁醃過，好似食麵咁逐條逐條掛上，我地試過放入豬骨湯果邊，都食到有少少麻辣香，食得辣嘅放入麻辣湯底，係雙重刺激，牛柳食落唔un，正。安格斯肥牛呢個價錢勁抵食，一碟放滿哂，有少少脂肪又唔會太瘦，百三蚊抵點！鮮蝦滑幾足料，有明顯鮮蝦肉，有鮮味又彈牙！鮮蝦雲吞又大粒，裡面好多隻蝦，冇乜肉，好好食，又唔貴，58蚊必點。三寶丸手打架，有蝦丸、墨丸、鯪魚丸，好似日式壽司咁用樓梯擺盤，價錢合理。墨丸、蝦丸好彈牙，又爽口。而且丸類完全唔粉，明顯加左好多料，又軟熟。平時都少食鯪魚丸，今日照食，新鮮！豬肚、魚皮餃、豆腐都係正常水平。響鈴真係即炸，粗身，起碼

冬天吃火鍋是常識吧？想吃好質素就當然不會去任食那些，無意發現這間位於太子的新店。走的是走中國風的四川火鍋路線，可惜今天喉嚨不適所以就沒吃辣了。玄米茶和醬油 ($30/位)蜜瓜汁 ($58) 是新鮮即榨的，清甜解渴，吃火鍋喝就一流了。除了辣鍋其實還有很多非辛辣的選擇，我們選了粟米豬骨鍋 ($98)，豬骨和粟米的份量也很多呢。大的牛切牛頸脊 ($288) 是厚切，跟外面任食的薄切肥牛完全不同層次。不但嫩滑，牛脂味濃郁，雖然厚身但竟所不覺韌。豬黃喉 ($88) 是四川火鍋的一種食材，現在在香港的火鍋店也開始流行了。其實是豬的大血管，顔色雪白，口感爽脆。脆鯇魚片 ($68) 鮮甜爽口，份量也不少呢～ 而且無骨，所以令人吃得暢快。

上網見到味味豬老火鍋嘅報導，試下係咪真係咁特别先。粟米豬骨鍋 ($98)嗌個清淡嘅湯底，裡面除咗粟米同豬骨外，仲有蘿蔔喎，食到尾先食個蘿蔔真係好入味同好腍。窩筍玻璃腩卷 ($88)呢個有驚喜，賣相好吸引，因為有乾冰係後面做裝飾，啲煙噴岀嚟好似仙景咁。其實係一條窩筍，用豚肉卷住，所以食得方便。窩筍係好清爽，而豚肉也好入味，兩者味道同口感都好夾。響鈴 ($48)等咗好耐響鈴都未嚟，原來係即叫即炸，確保新鮮。 熱辣辣嘅響鈴又大舊又厚身，浸幾秒就要食。索晒啲湯嘅精華，好有層次感，又好有咬口。一份總共有七大件，二人嗌就未免太多喇。半隻鮮雞 ($98)鮮甜嫩滑嘅雞係打邊爐必備嘅，半隻都真係幾大。紅薯粉 ($28)紅薯粉係我近排打邊爐必食嘅，好爽滑，口感煙煙韌韌，就算煮耐咗都仲唔腍。

近排天氣甘凍 當然要打個邊爐暖一暖啦‼️今次去左蚊蚊豬試下佢嘅正宗四川火鍋🤨一去到 就見到枱上為你準備好圍裙 唔驚整污糟👍🏻仲有一樽樽麻油 原來正宗食法係用麻油 唔用豉油架🙈食火鍋之前 食個小食先 叫左黃金饅頭😍先將饅頭沈落煉奶到 之後一啖放落口☺️ 滿足喔👍🏻湯底叫左鴛鴦窩- 招牌牛油紅油湯窩同鮮菌湯底 上枱嘅時候仲有一個可愛嘅魚 原來佢就係牛油啦😛等紅油滾左 就可以放牛油落去 等佢溶☺️bye bye fish 👋紅油湯嗰邊好多香料 花椒八角同辣椒乾 超香呀🌶🌶鮮菌清湯 裏面有好多菇菇 有金菇冬菇秀珍菇👍🏻簡單清甜 中和紅油湯一流喔食物方面有💁🏻‍♀️三寶丸($88) 安格斯肥牛($138） 脆肉鯇魚片($68) 雞雜($38) 紅薯粉($28) 油麥菜($28) 三寶丸賣相靚仔 用左宜家好hit嘅層層架 包括有鯪魚球 蝦丸 墨丸 三款丸類都係手打嘅蝦丸有驚喜 好爽 裏面仲有粒粒蝦肉👍🏻😛安格斯牛肉 碌幾下就得嚕🤤 仲有雞雜🙈最愛雞潤 好味道👍🏻食麻辣火鍋點可以唔叫紅薯粉‼️‼️索唒辣汁 越食越過癮呀🙈最後用左清湯烚菜食下 健康地總結今次火鍋☺️

呢個禮拜天氣真係好凍知道太子新開左一間火鍋舖，以招牌牛油麻辣火鍋鍋底最係賣點！😋😋😋😋你話點可以唔試試佢喎！菜單嘅選擇種類都好多！多到我哋兩個人咩嘢都想食唔知點解叫好🤭🤭🤭最後我哋叫咗鴛鴦鍋一個未係招牌牛油紅湯鍋另外一個係花雕醉雞鍋！😋😋😋有辣有唔辣任君選擇有辣有唔辣任君選擇😂😂😂打邊爐嘅時候餐廳仲會準備一個自家制清油俾我哋將食物調一調味！條魚係牛油做嘅主要放落去買啦煲裏邊牛油味令到成個麻辣火鍋湯底，更加濃郁香噴噴！醉雞鍋材料一啲都唔馬虎，半件雞！肥牛份量都唔少，我幾鍾意個自製墨魚滑🤣🤣🤣幾新鮮彈牙食落口有粒粒墨魚肉好有口感!!!聖子嘅份量都大隻，食落口鮮甜兩個人食，食到新鮮材料，食到飽都係600幾！仲不錯👍

蚊蚊豬係我食過咁多間火鍋店🍲唯一一間令我同家人都大舉拇指既火鍋小店蚊蚊豬位於太子 距離地鐵站🚇行1分鐘就到店內店外都以中國風做主題 環境衛生乾淨店員安排左我地坐樓下 十分舒適同其他火鍋店唔同既係 醬料有蠔油選擇建議大家落埋蠔油混醬 點綴成個火鍋湯底左清右濃右邊浸滿辣辣同紅油 相當足料當你以為好辣時 咁就估錯喇因為入口只食到香麻感 尾隨會有少少辣味滲入口（給大家參考個辣度：我食開譚仔酸辣湯）店員會幫你加埋個牛膏落去不過我個人就食唔出個分別牛魔王相當足料有牛展、牛肉、牛舌、牛內臟、牛粒每樣野都超好食 絕對係貴價貨之選絕對推介海鮮拼盤新鮮到令人震驚每樣海鮮都好鮮嫩 而且清理得好乾淨冇內臟同沙 處理得超好呢隻鮑魚真係好大隻入口彈牙新鮮 食到哇哇聲蝦滑🦐亦係一驚喜之作入面有原粒新鮮蝦肉真係寫個服字俾呢間小店菜亦係精心設計 去除哂鞋口既根部一句講哂：唔試過都唔知咁掂呀最後4人份量埋單$1240絕對對得住個食物質素同服務態度