蚊蚊豬老火鍋

营业中

休息中

水煮唔係水煮魚果種！簡直清水煮！味道淡到我哋用紅油鍋煮蜂窩豆腐都照食無感覺！第一個有味道嘅係墨魚滑，只得有鹹味，冇話墨魚味。第二個有味嘅係海鮮拼盤嘅蝦，ok有蝦味第三個係娃娃菜，有清甜嘅蔬菜味此外包括288嘅牛肉，都係冇曬任何肉味！得個口感！！！！！！依家未食完已經忍唔住上來吐槽評分冇辦法，除咗難食以外係ok嘅

今晚約埋朋友行街順便食埋晚飯，行到太子見到有間裝修幾靚既火鍋店，即管入去試吓得唔得先睇裝修係行中國風，而且好細心每位有一條圍裙俾食客用，防止醬汁和油彈到衣服身上還有每人一罐麻油俾大家自己調校醬汁。我哋選左個雙拼湯底（重慶雞煲拼酸菜豬什窩），火鍋配料就選左：泡椒金菇肥牛卷、窩筍玻璃腩卷、手切牛頸脊＜大＞、毛肚、豬大腸、鮮鵝腸、墨魚滑、鮮蝦雲吞、脆鯇魚片、蜂巢豆腐、即炸響鈴、皇帝菜和萵筍條。係未有得食之前，我哋叫左個青芥拍青瓜小食，來止吓肚餓先青芥拍青瓜：青瓜好爽囗青甜，加上少少辣味刺激，另到更加開胃重慶雞煲拼酸菜豬什窩：雞煲香辣惹味，酸菜豬什，酸酸味味，豬腸和豬肚彈牙爽囗泡椒金菇肥牛卷：賣相好靚，入囗金菇爽囗，肥牛肥美可囗，泡椒嗰辣味慢慢慘出來，幾刺激窩筍玻璃腩卷：賣相一樣給引，窩筍和腩片配搭得天衣無鏠，味道鮮甜嫩滑手切牛頸脊＜大＞：味道香濃，好有咬囗毛肚：爽口彈牙豬大腸：肥美甘香鮮鵝腸：肥美可口，鮮嫩甘甜墨魚滑：爽甜彈牙鮮蝦雲吞：大細適中，蝦肉新鮮彈牙，入囗唔梅脆鯇魚片：厚簿得宜，鮮甜爽囗蜂巢豆腐：好香豆味，索埋湯汁，入囗更加美味即炸響鈴：新鮮熱辣，厚薄適中，入囗冇油膉味萵筍條：鮮甜嫩

琴晚同朋友一行4人去食, 結果4個都肚疴同肚痛…要blacklist呢間餐廳食物環境衞生署(食環署)負責監管市面出售食物，以確保食物安全、衛生、並適宜供人食用。 如市民在食肆用膳時發現食物不潔、有異物、或不宜食用，可向食環署作出投訴。若市民在進食後感到身體不適，應盡快求醫；如經醫護人員確定為食物中毒個案，診所或醫院會通知食環署及衞生防護中心安排跟進調查。 如市民欲向食環署作出食物投訴，可致電食環署24小時熱線2868 0000 (此熱線由1823接聽)，投訴會交由食環署當值的衞生督察處理。衞生督察會聯絡投訴人，並會同時告知投訴人應如何處理証物。如市民希望在食肆等候衛生督察到現場處理事件，請留意等候時間需視乎衞生督察當時的工作情況而定，詳細情況請向衞生督察查詢。 作出初步調查後，食環署食物監察及管制科會在需要時聯絡投訴人。 如食肆觸犯衛生法例，會遭受檢控，甚至被吊銷牌照

同朋友係旺角睇完戲，6點半就行左過黎蚊蚊鍋打邊爐。朋友話上次食過好味，就同我試下。叫左個野菌併麻辣火鍋（小辣），牛油整得好靚象拔蚌拼牛肉$438，象拔蚌都算係鮮甜，但牛肉無乜牛味，依個價錢都算係抵食既。最尾叫左d菜同薯粉都飽飽啦，埋單600幾，都算唔貴，不過唔係話好好食，普通。菜類叫左萵筍同皇帝菜，其實食咁多菜都好快飽，都好新鮮，下次試下d丸。值得一提係原本我哋坐二人枱，侍應俾咗張四人枱我哋，鬆動左好多，服務都好好。

聽好多人講這間火鍋店很高質素。幾時嗰日同舅父入去食。發覺價錢有少少偏貴，而且食材唔算多。選擇唔算多。冷氣唔夠凍。最主要繁忙時間入去要排隊，令到食慾大減。可以讚嘅係服務唔錯。服務態度還可以。不過佢哋嘅食材應該比較衛生。唔好長期放係空氣之下。

當日中午經過太子一帶，見到餐廳很多都是西，日，韓國。雖然各有各的特色，但是講到醫肚以及懷舊，永遠都是港式風味，原因始終香港人。第一道菜是蕃茄薯仔鮮魚湯。店主很用心特別帶出火鍋爐，將已煮熟的番茄薯仔以及鮮魚，再用慢火加熱，藉此帶出各種配料的香味。魚肉鮮嫩無比，加上濃郁的番薯湯，簡直跟媽媽煮的菜一樣。第二道菜是西蘭花炒帶子。帶子非常新鮮，生熟度剛好，而且做到非常之貼心，唔會太鹹。西蘭花食得出非常有口感，無論觀感以及整體味道，別出心裁。綜合以上各點，性格必定跟情人再來試一次。下次都想試他們被製的咖喱牛腩。😘😊

佢個麻辣鍋係幾好味，小辣已經好辣。D牛都幾有牛味，個響鈴都脆。而中途我地覺得辣得制，佢哋都好好咁幫我地換返鴛鴦湯底，所以服務都幾好。不過嫌佢收費有d唔老實，原因: 原來係世界盃期間，服務費係15% (平時係10%)而係我打電話book枱時，佢哋又無提過呢個收費。到我去到既時候，亦都無任何人 or 告示講世界盃期間有呢個收費。係到我食完俾錢Check下張單，然後問佢地先知加左15%，令我有被欺騙既感覺。搞到我以後都唔知仲去唔去

世界盃最岩就係一大班人圍埋打邊爐邊睇邊食, 今次就揀左太子呢間個名CUTE 到爆的邊爐店!小店有2層, 我地被安排到樓上雅座, 舖裡都幾多客人, 同埋可能樓上比較困聲, 都幾嘈下, 嘈到傾計都有D辛苦 , 不過人多睇波又有另一種氣氛既每個座位上都放左一樽店家的秘製麻油, 都好大樽下, 一個人唔會成樽落晒囉...SHARE都夠用聞落去味偏淡,都唔算好重麻油味我地點左雞煲同鴛鴦煲2款雞煲要左少辣, 其實都冇辣味, 連我呢D唔食得辣既人都覺得冇辣味, 不過調味係夠的, 雞肉都好食鴛鴦煲一邊係雜菇, 一邊係特別的麻辣, 特別係因為上便條鯉魚! 以為仲乜送芒果鯉魚布丁, 原來佢係一舊牛油, 侍應幫我地加落麻辣湯底, 中和D辣味; 雜菇清湯看似好清, 但其實個湯都幾重味, 仲會越食越咸 (可能加湯D湯底咸), 食食下連醬都唔沾已經好夠味了打邊爐必點既一定係牛肉, 叫左份最貴既手切肥牛, 果然無揀錯, 塊塊都好嫩滑, 重牛味, 我地好快就清晒!肥牛側邊既係墨魚滑, 正常貨色再試埋牛柳粒, 相對就冇手肥牛咁正喇~ 不過都唔差既炸響鈴又係另一必食之選, 呢度D響鈴即炸的, 非常鬆脆, 入口即化, 真係超

成大班朋友食飯，選了不限時而且有獨立房的蚊蚊豬。地點很方便鄰近地鐵站。房間有電視，而且頗大，十分適合大班朋友聚會，不過找侍應要到房間外面找了。抬面每位都有一瓶芝麻油，加到醬油入面特別香！叫了軟豬骨鍋及招牌牛油紅湯鍋，紅湯鍋的牛油魚很有特色，要了中辣但是太辣了，可能下次叫小辣試試，亦試了不少食物，特價的拼盤有不同的食物，可以一次試到很多種類，另外，響鈴、炸魚皮、象拔蚌、鴨血、三寶丸等都非常不錯！平均每人$230，這個價錢有這個質素實在非常好！

放工緊係要食飯架啦，搵食搵食。周圍搵食就搵咗依間，餐廳裝修有種古色古香的感覺。餐具好新淨，座位又闊落。盤滿砵滿都是雞，份量都幾多，又大件，好足料，而花鵰酒的味岩好入哂雞入邊。蝦滑肉質好好，吾會話食落溝咗好多生粉個D口感。湯底藥材好足，眼見有紅棗，紀子.....令到成個湯的味道吾同哂。牛肉本身吾錯，肥瘦脂肪比重都差吾多，食落有口質得黎又有牛肉味。安格斯牛肉煮完變咗粉色，感覺好新鮮，食落好嫩。佢地個自家麻油好好味，甜甜地辣辣地，每一檯都會擺一支新的，感覺很乾淨。

最近突然之間好想打邊爐,但係又唔想成日去啲連鎖快餐店或者連鎖酒樓,真係你唔悶我都悶啦。所以我地就想搵吓有冇一啲細細地但係食物質素都唔差嘅火鍋店試吓咁。咁我地就留意到呢間係太子嘅小型火鍋店，雖然佢睇落鋪頭門面唔大，但係上網見啲人評價都幾好，而且食物種類都算多，所以一於就黎試試佢la!我哋就係揀咗收工之後即刻黎，咁所以都唔算話太多人，唔使點等位。好啦大家番左成日工都肚餓架la,所以一坐低我地就即刻睇下有啲咩好食啦。首先湯底方面，我哋揀咗一個雙拼火鍋湯底，咁一半我地揀左鮮菌清湯窩，另外一半就揀左醉雞窩。咁首先講左個清湯窩先啦，佢落咗好多唔同種類嘅菇菌，飲落帶有陣微微的鮮甜味，而另外一邊醉雞鍋裏面十分足料，除左有半隻醉雞之外，仲有唔同嘅藥材例如杞子，准山等，味道十分香濃而且豐富，一清一濃的配搭我地就最啱啦。然後就到食材啦，咁一開始我已經俾佢嘅象拔蚌深深吸引住，所以我哋首先就叫左一個A Cup象拔蚌拼牛頸。象拔蚌方面果然冇令人失望，由師傅即刻現切新鮮ge象拔蚌，海鮮鮮味極之濃郁，其實唔使點豉油Wasabi就咁食都已經十分之鮮甜，而且佢個厚薄切處理得幾適中，一下一口食落去，實在令人回味無窮。而例牌

約左舊同事Miss H食飯，佢話好想打邊爐同帶埋佢兩歲半嘅囝囝來，BB雖然係返左N 班，但仍然十分害羞，BB到店時店員已經對佢笑矖，好歡迎BB的樣子。 其實佢有不少餐前小食提供俾客人點， 例如泡椒雞腳，生醃司奄，香酥肉，麻醬雞絲豆腐等，甚至刺身, 例如三文魚, 吞拿魚, 澳洲/六頭南非鮑魚, 原隻新鮮赤貝等. 由3日19日開始, 店都推出唔同嘅優惠, 9點半後獲半價品嚐特選,食物例如星期一, 鱆紅魚刺身$199一條, 星期二花金古 刺身$199一條, 星期三牛魔皇拼盤$199一碟等等. 其實佢有不少餐前小食提供俾客人點， 例如泡椒雞腳，生醃司奄，香酥肉，麻醬雞絲豆腐等，甚至刺身, 例如三文魚, 吞拿魚, 澳洲/六頭南非鮑魚, 原隻新鮮赤貝等. 由3日19日開始, 店都推出唔同嘅優惠, 9點半後獲半價品嚐特選,食物例如星期一, 鱆紅魚刺身$199一條, 星期二花金古 刺身$199一條, 星期三牛魔皇拼盤$199一碟等等. 我鍾意食辣，Miss H 食唔到，所以點左鴛鴦湯底$98， 依度好在鴛鴦窩可以任選味道，唔會set 死邊兩款定係五選二咁。我當然係招牌牛油紅湯窩

同麻煩友EDMOND食飯，打邊爐最子，話曬麻麻甩甩烚吓烚吓ma! 佢又食得辣，太子又方便佢，所以就去左我屋企附近嘅蚊蚊豬老火鍋邊邊。 佢分兩層的，佢地話下面嗰層無咁嘈, 所以安排坐下面，位置尚算鬆動。好快佢地拎出味盤， 佢好特别嘅係佢有一枝蠔油，佢話可以以蠔油代替豉油，店員話配佢嘅麻辣湯好味 (但我無做到),我就做左另一個秘技，就係加左有佢品牌招紙嘅麻油落我啲生辣椒度， 我碗嘢十分香，之後我點嘅嘢充滿麻油香味。 我地點左手切牛頸脊，雖然點左細份，但份量都好多～都只係$198,你話我誇都係咁講，我地兩個食唔矖～ 牛肉切得厚薄適中，有油香，而且唔會好肥，啖啖肉。響鈴係即炸嘅,既脆又鬆化！水餃內有菜肉之餘，內面仲有隻又大又新鮮嘅蝦，十分爽口。豬皮同豬紅好配個麻辣湯，個湯越食越辣，又過癮！不過之後都頂唔順要淥啲食物落唔辣嗰邊中和下！ 其實周街嘅餐廳都話自己係麻辣火鍋，但好耐無試過有一間咁正宗的，想推介俾身邊嘅朋友試嫁啦！

睇到評價令我入去試，試過幾次了，湯嘅味道一樣係入味！湯料睇得出去足料！十分欣賞！這點令我好喜歡！另外店家的茶十分的香又好飲！希望火鍋店可以一直Keep到呢個水準！

前派天氣比較冷嘅時候我就同男朋友帶左爸爸媽媽又去食好西 天氣凍緊係去打邊爐啦~~ 而我地今次就openrice 揀左一間太子嘅店 叫蚊蚊豬 個店名都幾搞笑🤣首先想講一講依間餐廳雖然門面睇落好普通 睇落好細間(地下得五張枱) 但其實好好服務同細心 佢有個box 比你裝住個袋 有圍裙比你著以防你食到成件衫都係 佢個麻油自家出嘅 好香好特別 員工即刻攞哂啲豉油配料比你落 真係估佢唔到至於食物方面 我地就叫左鮮菌清湯同醉雞湯底 兩個湯底都好鮮甜 而且好足料 個人極力推介個醉雞湯底 因為一黎到就好香 雞就分開上 好滑好新鮮 真心好味 之後我地想食好啲叫埋個a set 有象拔蚌刺身配雪花肥牛個象拔蚌切得好薄 好清新 係一流嘅享受 個肥牛啲肥瘦位都幾平均分配 不過我地叫個個牛頸脊好味啲 好有咬口 其他平時食開嘅餸例如丸呀 粟米 菜同烏冬都好有質素 啲粟米清甜 而且個烏冬係稻庭烏冬 同個紅薯粉一樣煮完之後都索哂啲汁 容易咬 好味道總括黎講 依道雖然唔係啲咩高級餐廳 但服務好 食物好 可以再食！