虎鐵鐵板燒

营业中

休息中

本人平時都好少食好野，難得有人生日，就去試下呢間鐵板燒，睇左好多間，覺得呢間個價錢都算ok，野食相又好似幾唔錯，果然食物同相片都一樣，無花假。我地叫左個980一人前，最近做緊八折優惠。值得一讚係呢度既服務好好，會細心講解會道菜要點食👍🏻前菜係蟹肉沙律，蟹肉幾多，加埋粟米片，口感唔錯。原本好似係海膽蒸蛋，但海膽無貨，轉左做蟹肉，我地都係佢上碟先講，如果我地叫餐個時佢講聲就會好啲。呢個煙燻帶子好有菊花味，帶子好大粒，食完再配埋一啖紅酒啫喱，好特別，好清新。呢個鮑魚有驚喜！估唔到咁大隻，成本應該都唔平，仲識郁既，非常新鮮！鴨肝份量都唔細，好有油香，加上黑醋，味道剛好，最好食上蕉糖檸檬解油膩👍🏻👍🏻呢個和牛最出色！真係好好味，可以就咁食，點wasabi或配炸蒜都好好味，食多碟都無問題！食左咁多油膩野，再用個湯隔一隔，啱啱好。個湯好清甜。最後唔少得就係個炒飯，功夫都一流👍🏻👍🏻總括黎講性價比都幾高，值得一試👍🏻👍🏻

朋友同我慶祝生日 我揀咗嚟呢度食鐵板燒lunch 午市嘅set有單人餐 大概$200-$500 另外亦有二人餐 我哋就揀左一人一個set 大家可以share少少咩都試下 而所有set都會有沙律/湯/甜品同埋前菜鴨肝蒸蛋我地兩個set其實都好好味好滿意◾香煎法國鵝肝好香 不油膩 亦配咗一塊青蘋果可以中和◽A5和牛薄燒超正 肉質又嫩 美中不足係份量太少😂◾南非鮑魚勁大隻 而且口感好爽好彈牙◽大海虎蝦食得出好新鮮◾和牛炒飯好香 亦炒到粒粒分明Lunch真係唔算貴 而且一邊食一邊睇住廚師整 present得又靚亦都係一種享受

好耐冇食鐵板燒，嗰日去開銅鑼灣，所以決定去食店林立嘅澳門逸園中心搵食。最後選擇位於12樓虎鐵鐵板燒，真係非常期待。餐廳裝修富有日本特色。師傅工價十足，製作食材時香味非常吸引。麵豉湯比例混合完美，讓香氣味道更有層次。澳洲牛柳配香煎野菜即點即製夠新鮮，牛柳肉質軟嫩適中，肉汁豐富，香煎野菜，簡單一煎，已能帶出野菜甜味，蒜片味道一流。煙肉炒飯炒飯炒得粒粒分明，材料份量十足，加上煙肉非常野味，味道配搭豐富。

自從疫情之後，約人食飯都比較困難，今日相約好友去吃鐵板燒。好友怕人多，所以去了位於樓上的虎鐵鐵板燒。兩個閒人都不想於午飯時間跟上班族爭位，專登約午飯較後時間到達。不過食客仍多，鐵板燒枱仍然坐滿人。餐廳提供不同價錢的鐵板燒套餐，選了有海鮮的套餐，既有海鮮又有和牛。沙律前菜青蘋果雜菜沙律，味道帶點酸的青蘋果粒，配上雜菜沙律，味道清新，是很開胃的一道。鴨肝蒸蛋做法似平時的茶碗蒸，不過盛器卻變成蛋殼。蒸蛋嫩滑，味道偏淡；藏在蒸蛋裏的鴨肝粒味道不重。大海虎蝦虎蝦夠大隻，肉質爽口彈牙，不論用來燒烤或者煎煮也十分適合。起了肉的虎蝦燒得很香，配上龍蝦汁同吃，十分美味。南非鮑魚南非鮑魚很大隻，厚身，一咬即可，肉質彈牙，單吃已經很美味。不過廚師另外配上海苔蟹肉絲汁，提供另一款味道。海苔蟹肉絲汁質地有點像中式的湯羹，用來蘸鮑魚吃，又是另一番風味。日本A5和牛薄燒平時吃和牛，由於油脂密佈，油份比較多。今次點了五成熟，牛肉薄切，入口不會很油膩；蔥和炸蒜夾在牛肉內，既不會遮蓋牛肉的香味，反而提升了牛肉的味道。另外旁邊的炸蒜片，既香口又蒜味十足！三文魚海膽炒飯炒飯用高腳杯裝住，上面鋪滿了海膽和三文魚籽，單是造型已經

好久沒有吃過一餐難忘嘅鐵板燒！😄😄今日死黨 升職 ，一於同佢慶祝下 😝search見到呢間鐵板燒評價好高，而且依家仲做緊折扣優惠 ，有八折 ！午餐超抵食 😬😬折後唔使800蚊 正常晚市都要人頭過千😌揀咗2人餐 ，望一望餐牌裏面全部都係我哋嘅至愛 🥰🥰沙律酸酸咪咪 ，好醒胃 鴨肝蒸蛋 細細件好精緻，啱曬我哋女仔 呃like😬一流 😜重頭戲 ，日本 白松貝 ，算是高級嘅食材 ！日本過嚟 ，特質爽口鮮甜 😋😋經過師傅 略略一煎，已經可以上碟 ，喜歡食貝就是喜歡他的爽脆 ，而且味道鮮甜 ，食唔停口 😆龍蝦喺魚缸游出嚟架🤣🤣大隻生猛， 拆肉好似表演藝術 🎨鐵板燒 就有呢個好處 全程 可以偷師 ，特別喜歡佢哋嘅龍蝦海膽汁 ，有種畫龍點睛 作用 ，更加另龍蝦 鮮上加鲜！☺️☺️肉類可以揀美國安格薄燒或者西班牙黑毛豬柳 我哋兩個都鍾意食牛多啲 我鐵板牛更加有功架，配上野菜一齊食 ，很唔錯 😉😉食埋個鐵板炒飯 同味噌湯 就去到尾聲喇 😍😍特別一提，白飯魚煎得非常之脆口 ，口感 好豐富 ，飲埋杯飯後咖啡 就真係超級滿足啦 😁😁就連餐具都非常精緻，加上 殷勤嘅服務 ，令成餐飯都好難忘👍👍

疫情有所減退， 搵個藉口 食好西😏😏位於逸園虎鐵鐵板燒，做緊八折優惠 🤩🤩set lunch就更加抵啦😻😻一於同老婆 二人世界一番 💕💕💕地方當然就腳，就喺地鐵站隔離 ，座位非常寬敞 ，高膠板隔開，防措施做到足👍👍環境非常優雅 廚窗街景 ，都咪話吾陶醉😆😆我哋揀咗 虎鐵特選二人餐 980蚊有八折 😬全部高級食材，感覺超值呀 😍😍先來青蘋果沙律 🥗開一開胃口 😁再嚟鴨肝蒸蛋 ，用雞蛋蒸，蛋香十足而且賣相仲好靚添 🤗日本白松貝 真係食過你就知🤭🤭鮮甜到一個點 😋😋火候拿捏得剛剛好 ！爽脆 ！鮮甜 ！龍蝦🦞見職員即叫即劏，哈哈 師傅嘅功架十足 ，真係好食又好睇呀🤩🤩龍蝦簡單用牛油 煎香 ，加上自家製嘅龍蝦糕海膽汁 三兩下手腳已經可以上碟🥰🥰玫瑰花都可以食㗎 高質嘅食材簡單嘅烹煮已經好好好味， 正正套用喺呢一碟 鐵板龍蝦身上 😌😌我哋揀咗美國安格薄燒 ，日本蔥少少炸蒜，真係十秒就可以上碟拉！☺️大概五成熟 ，更加帶出濃沃嘅牛香 ，配上炸蒜片嚟食真係唔錯 ！一口 牛肉一口野菜 ，正正減低肥膩感，配搭得非常好 👍👍最後 ，白飯魚苗薑粒炒飯 就真係非常飽了， 粒粒分明 ，火候十足 ，見到啲飯粒喺鐵板上

疫情關係無得返鄉下日本,趁今天下午放假,一於食個高質鐵板燒享受吓餐廳鄰近銅鑼灣sogo 旁,好易找到。走進餐廳已見做足安全措施,進店前先為客人量度體温,並提供酒精搓手液,加上圍板有足夠距離,令人食得放心。食鐵板燒,就梗係要慢慢食,再欣賞下師傅的廚技啦…都幾精彩,又有娛樂性鐵板燒套餐有一人餐(由$198至$498)或二人餐(由$980至$1,480)等。最後我叫咗D餐$498,另加$200轉飯😋青蘋果沙律頭盤以新鮮青蘋果和蔬菜為主,甜甜哋配合微酸嘅汁,好醒胃。鴨肝蒸蛋好多鐵板燒都會用鵝肝蒸,但鴨肝比一般鵝肝更濃郁、口感更香滑軟腍。大海虎蝦虎蝦擺盆高雅,蝦頭肥美多糕,啖啖肉,爽口彈牙又鮮味十足。南非鮑魚鮑魚很新鮮和肥美,也是我的至愛,先單食不加調味,真的新鮮,再點上蟹肉海苔醬,令入口味道更濃郁。澳洲牛柳牛份量挺多,滿滿油脂香,可以單點少許岩鹽調味或夾上一片片炸蒜和冬菇、南瓜和茄子,大大減低油膩感,而我個人喜歡Wasabi 作調味。三文魚籽海膽杯炒飯這個炒飯不單以味道取勝,更以跨張示人。大量的三文魚子,澎湃效果真叫我驚喜, 不禁嘩嘩聲魚子同海膽好新鮮,一啲腥味都無,非常鮮甜味噌湯同平時飲的差

真的不知有多久沒有在食肆堂食了.....就連為自己慶祝生日也只是外賣（這並不代表我不支持飲食界，我也經常有買外賣架！）不過，我同自己講，待疫情舒緩一點，必定要吃餐好來補祝。其實一直只是忍住，內心不知有多想外出堂食，但忍到就忍，終於等到今日。走進內裏，眼見分為兩邊，一邊是圍着鐵板燒枱的吧枱位，而另一邊就是設有多張四至六枱。吃鐵板燒，當然想坐邊品嚐，邊欣賞師傅大顯身手的吧枱位，但好似座無虛席，幸兒還有一個靠牆位置，太棒！馬上看看餐牌，有由A至D的虎鐵特選和兩款虎鐵精選二人餐，還有兩款食事。話明補祝自己生日，當然要食好啲，就要虎鐵特選D餐 Premium Set D ($498），主要有八道菜，而主菜就三選一，好豐富。******************************先上清新怡人的沙律 Salad，打開味蕾。新鮮爽脆的雜沙律菜，加了些清爽酸甜的青蘋果粒，配埋醋汁，相當開胃。******************************緊接是熱辣辣的鴨肝蒸蛋Steamed Egg w/ Duck Liver，弄得剛好，雞蛋滑嘟嘟， 調味亦恰當，配上油潤的鴨肝粒，添多份甘香味道，好吃！*

自從疫情開始後，很少與好姊妹飯聚。現在趁疫情稍為緩和，相約好姊妹午膳。好姊妹對日本菜情有獨鍾，特別喜歡鐵板燒。已經很久沒有食過鐵板燒，上網搜尋見到位於銅鑼灣澳門逸園中心的虎鐵鐵板燒食評不俗，就一試高下。平日差不多兩點到達餐廳，鐵板燒枱坐滿人客，只可以坐距離鐵板燒枱較遠位置，難以欣賞廚師功架。一人鐵板燒有四款套餐，難得與好姊妹飯聚當然選較貴的套餐，有虎蝦、南非鮑魚及黑毛豬/A5和牛。青蘋果雜菜沙律鐵板燒前先上前菜，青蘋果切粒，味道清爽，酸甜有緻，雜菜沙律略帶酸味，感覺很開胃。鴨肝蒸蛋蒸蛋造型精緻，以蛋殼放回蛋液蒸熟，鴨肝粒深藏在最底層，肝味不重，容易入口。蒸蛋十分嫩滑，味道輕盈。大海虎蝦師傅將蝦頭清理乾淨後與蝦肉分別煮熟，另一邊則煮龍蝦汁，煮到差不多時再將兩者混合。蝦頭煮好後放好，旁邊放上蝦肉塊。鮮活蝦肉自是鮮甜爽口又彈牙，龍蝦汁濃香味濃，將蝦味提升到更高海鮮層次。南非鮑魚南非鮑魚燒熟後入口味道芳香，不用點海苔蟹肉絲汁味道已經很鮮甜彈牙。海苔蟹肉絲汁綴上三文魚籽，顏色配搭很美。三文魚籽顆粒晶瑩，入口煙韌，一咬即破，滲出點點甜香。西班牙黑毛豬柳西班牙黑毛豬柳燒至七成熟，入口嫩滑味濃，油香撲

現在晚市不能堂食，但是這麼愛好吃的我，就趁午飯時間出去享受下美食。一直都好喜歡食鐵板燒，朋友介紹銅鑼灣-虎鐵鉄板燒套餐性價比很高，而且食物很有質素，今日終於有機會去試吓。隨即就揀咗一個虎燒特選二人餐。套餐先來一個美味開胃的沙律，酸酸甜甜加上蔬菜新鮮爽口，很開胃。平時好少食鴨肝，怕佢嘅味道好腥，但是這款鴨肝蒸蛋即叫即蒸，黃色嘅蒸蛋好滑，而且多重口感，好正。白松貝是來自日本的白松露蚌，加上廚師烹調的白松露芥末忌廉汁及沙律🥗，味道認真不錯，爽口新鮮的白松貝好爽口，加上好Creamy嘅醬汁，正！我最鍾意嘅伊勢海老龍蝦終於登場，廚師特別烹調的蝦膏海膽醬汁好新鮮美味，而且本身龍蝦肉好爽口彈牙，唔夠1分鐘我就食晒了。牛魔王必定很喜歡的美國安格斯牛肉，我們分別叫了五成及七成熟，口感很軟口嫩滑的牛肉，超Juicy，牛肉味道香濃之餘，佢嘅配料都好豐富！最後還有炒得好有鑊氣嘅白飯魚苗薑粒炒飯及味噌湯，再滿足一下！這裏還有多款在外面很少吃到的雪糕口味選擇，紅豆味很濃郁，滿足之餘，為呢一餐豐盛的鐵板燒餐畫上句號。

難得閒日有半晝假，而同時有人陪伴是難得的，那當然要好好享受一下閒日的悠閑感，先去吃頓美味午餐是必須的。我突然想起銅鑼灣的「虎鐵」，打電話預約排waiting list，幸好最後還能插入2時的檔。「虎鐵特選二人餐 $980(御二人樣)」先來每人一份《青蘋果沙律》開開胃。再來《鴨肝蒸蛋》滑蛋配上鴨肝，口感滑溜加上肝香，不錯。首先燒起的是《白松貝》配三文魚籽，鮮嫩彈牙之餘蘸上山葵忌廉汁更提味。然後燒起《龍蝦 伊勢海老》，龍蝦肉鮮爽味甜，如果想香濃一點可蘸上伴碟的蝦膏海膽汁，美味。海鮮之後有《美國安格斯薄燒》，安格斯牛肉色澤粉嫩，中間卷入蔥花炸蒜，牛味香濃，質感軟腍，更可配上Wasabi、岩鹽、蒜片，味道更出。配菜有菇、翠玉瓜、南瓜。最後主食有《白飯魚苗薑粒炒飯》，可見飯上鋪滿白飯魚苗，增加了脆身的口感，而且炒飯粒粒分明又乾身，不錯。飯後送上《味噌湯》，內有龍蝦鉗，是用上龍蝦煮成，帶有鮮味。最後以雪糕作結，點了有《紅豆雪糕》和～咖啡雪糕〉，滿足。

大概大半年前，曾經在這間「虎鐵鐵板燒」吃過午餐，對這餐廳的環境和食物都相當滿意，特別是它的饒有創意的菜式，更令我對它留下一個不俗的印象。事隔多月，這天我又再來到這兒吃午餐，餐牌不同了，吃的東西也與上次有點不同，不過這次的體驗仍然甚為滿意。這兒現在的午市餐牌，主要是四款一人前的套餐和兩款二人套餐。四款一人前套餐分別以A、B、C、D命名，前兩款價錢較為便宜，後兩款價錢則相對昂貴，套餐價錢的分別主要在於食材，而我吃的是價錢第二高的「虎鐵特選C餐」。這天我來得晚，到來的時候已經是下午二時有多，餐廳中可以近距離看到鐵板燒師傅舞刀弄鏟舞弄鐵板燒食材功架的吧檯位早己坐滿客人，實在有點可惜，不過到得我享用完這頓愜意的鐵板燒午餐後，吧檯上比我早到餐廳用餐的客人們全都已經吃飽離開，就連師傅也已功成身退，返回廚房休息了。「青蘋果沙律」最先送上，這下了青蘋果粒的沙律本是好的，不過沙律醋下得太多，讓這沙律顯得有點過酸。「鴨肝蒸蛋」是上次曾經吃過的菜式，小巧的蒸蛋，熱得燙口，嫩滑的蒸蛋內藏有一小塊的鴨肝，為這蒸蛋增添一份名貴的感覺。賣相獨特的「煙燻帆立貝」以美麗的擺盤示人，以菊花煙燻過的煎帆立貝帶著焦香和煙燻的味

朋友介紹，藉疫情期間有8折優惠，到此一遊。午市套餐由$200至$500，任君選擇。今次叫了套餐C和D。 食物質素高，不需怎樣調味已很好吃。特別推介個煙燻帶子，真係好好食，有菊花味，再配個紅酒🍷啫喱，簡直一絕。套餐份量足夠，食到飯時已有飽肚感。環境舒適，坐位之間沒有逼的感覺。推介坐bar 枱，可以一面欣賞廚司烹調，亦可以和廚師有交流。上菜時，師傅會介紹食品。店員服務好、友善。這是一間物有所值，值得推介的餐廳！

裝修以淺木色為主調， 簡約、雅緻， 好有日本居酒屋風情， 師傅在你面前燒烤 ，可以近距離欣賞他們精湛的廚藝， 仲會介紹每個食材的名稱， 醬料的配搭和食法， 好貼心， 真是 視覺 、味道雙重享受， 別有一番風味。今日選了， 虎鐵特選二人餐$980沙律蘋果 、蔬菜沙律， 口感清新 和爽脆 ，配上酸酸甜甜沙律醋 ，喚醒味蕾， 清新醒胃的前菜 ， 令人胃口大開。鴨肝蒸蛋 暖呼呼，震騰騰的雞蛋， 用新鮮蛋殼盛上， 賣相格外精緻可愛 ， 雞蛋滑溜細緻 ， 蛋香誘人 ， 因為加上鴨肝， 增添一份鴨油香 ，滋味更加迷人。白松貝 肥美的白松貝 (象拔蚌) ，用剪 刀剪成一口size， 方便享用 ，配上忌廉山葵汁，味道溫和 ，不會有嗆喉的感覺， 還帶出白松貝鮮甜味道 ，質感彈牙滑溜，啖啖鮮甜，細嚼到爽彈口感，令人食指大動。龍蝦伊勢海老龍蝦肉已被去皮拆殼， 啖啖肉 ，十分貼心， 龍蝦肉雪白，結實彈牙， 放上可食用的玫瑰花點綴， 賣相吸睛， 而每口龍蝦肉沾上海膽搓成的醬汁， 滋味得筆墨難以形容 ，停不了下來， 一口接一口。美國安格薄燒(四片) 配香煎野菜 四片薄切的安格斯牛肉， 經過輕輕一燒， 把牛肉汁鎖住，

走進日式氛圍的餐廳，柔和的陽光，映照在窗上的古典美人，洋溢風雅的感覺。餐廳分為兩個偏廳，半圓枱是鐵板燒專區，每桌有8-10位客人更可以近距離，欣賞師傅的烹調手藝。時令的鐵板燒，搜羅各款新鮮漁獲入饌，是味蕾的饗宴。 虎鐵特選二人餐（$980），有八款時令海鮮、前菜、主食及甜品，令人暖意窩心。青蘋果沙律清新怡人的青蘋果，酸甜有致，爽脆的沙律菜配上蜜糖醋，是清新的開端。鴨肝蒸蛋 蒸蛋如茶碗蒸，入口柔嫩細滑，鴨肝的鮮甜滲進蛋中，濃厚提鮮，啖啖順滑。白松貝 白松貝即是象拔蚌，師傅切成條狀，令口感更顯爽脆、彈牙。先品嘗原味，松貝圓潤肥厚，連高湯呷入口，品嚐最純樸的鮮香，滋味停不了。最驚喜是跟配山葵忌廉汁，以忌廉混合後，惹味而不嗆口，吃下啖啖清甜，細嚼到爽彈口感，令人食指大動。伴碟有新鮮翠綠的海藻沙律，配上晶瑩剔透的三文魚子，十分醒胃，吃下去微咸，味道更為馥郁。龍蝦伊勢海老肉質彈牙，龍蝦肉入口鮮嫩，表面微微焦脆，沾上金黃色的蝦膏海膽汁享用，鮮味誘人! 濃稠的海膽汁入口即化，為龍蝦肉增添甘甜的味道，醬汁令質感更柔潤、細膩。美國安格薄燒(四片) 配香煎野菜 牛肉表面油光亮澤，並捲成卷狀，中央填滿香蔥粒、