蘭香茶餐廳 (已搬遷) 新店位置

每次放假落荃灣食lunch都必定去同一條街的嘉樂或蘭香，呢排去得嘉樂多，今次就去番一次蘭香，都有好幾個月冇o黎。佢d奶茶較淡冇咁濃，所以我每次都飲鴛鴦，仲有食三文治或多士。今次杯鴛鴦都保持水準。份茄蛋治d蛋炒得過老，而麵包仍持保持新鮮軟熟。老公食個特餐，包括有餐肉通粉、多士同火腿omelette，餐肉仍然大塊同厚，但通粉好腍。以前好鐘意食佢d多士，因為覺得幾厚，宜家食慣昌記後，再食佢就沒有特別，今次食叫佢烘脆d，佢都係求其烘就算，唔得脆。今次感覺佢水準差左少少，可能因為咁，所以沒有以前咁旺場。