蘭香園 (已結業)

男友帶我o黎蘭香園食飯，估唔到咁好味喎！！一坐低就送左大大碗o既南瓜海帶湯，熱辣辣幾好飲！試左黃金蝦(一定要學識整呢味食送)、蒜蓉炒白菜仔、紅酒燴牛尾煲(類似紅蘿蔔的生果很好味，不知是甚麼)，茶餐廳有呢種水準真係唔錯~ 而且服務態度唔錯，抵讚！！以前lunch都o黎過食，估唔到晚餐都咁掂！！！

和朋友來吃dinner,海味雜菜煲(附中湯及白飯)($48)+齋腸粉(走油)($16),兩人share。中湯很大碗,份量有四小飯碗,味道ok。雜菜煲的菜新鮮,粉量一般;齋腸即叫即製,夠滑,不過16元貴了一點。可能自己很少出外吃飯,個人覺得菜餚都比較油膩,腸粉的鼓油內似乎有熟油,有點萬年油的味道。環境可以,但通風一般,有點油煙味。

第一次去呢間試下,叫左個"越式香茅豬扒湯檬"+ 奶茶($22), 豬扒唔夠香茅味,食落好似普通整法,奶茶都okay~

After reading so many review on the one, I finally have chance visit it. I always look for good Milk Tea, so I order a after tea: 奶茶,牛腸粉. The tea taste great but less aroma, so it gets 80 points. The 牛腸is good too although the beef is so so, but the 腸粉is soft and smooth. The price and quality is high.

我本應諗住去食佢嘅魚湯底粥及黃金南瓜蝦仁炒飯，但聽朋友講干炒牛河好正，就試下!果然都唔錯，牛肉都幾鮮、好多，但色澤欠咗少少。腸粉就真係好煙韌，醬油好甜美，但肉餡真係少咗啲，可能佢只想我哋品嚐它的腸粉口感啦。呵呵!我下次一定要試粥及炒飯，一定會再食佢嘅腸粉。

食左三代同堂,同脆腸粉<br />我覺得脆腸粉,特別d, 但少少油<br />但兩個都要$22, 腸粉來講是有d貴

其實公司係附近，所以好多時都叫外賣！我其實唔係好鍾意食粥，但係試過一次就覺得呢間舖頭的粥好好味，軟綿綿咁樣，食完就想食過！雖然係貴左少少，同埋叫外賣好細碗，但係真係物有所值，我第一次食到咁好味的粥．．

之前o係呢區住果陣，成日都會黎幫襯，主要係食呢度既腸粉同粥，好美味。今日行開呢頭，當然爭取時間，黎呢度食返個早餐，平時我一定叫鮮明牛肉粥同牛肉腸粉/ 叉燒腸粉($22-)。今日見到有個set 雞粥跟普通既蒸腸粉($16-)，因為無試過呢度既雞粥，所以就揀左呢個。呢度既粥好綿。平時食既牛肉粥d 牛肉好滑，所以多數都叫呢個。而今日既雞粥，有約5 件雞，都算ok，成碗粥都有雞味，面頭有d 雞油，好香口，而雞都幾滑。腸粉：呢度既腸粉好滑，款式又特別多，有傳統既蝦、叉燒、牛肉，仲有魚片、蝦米、羅漢齋、芫茜皮蛋。另外，有精選既三代同堂(蝦,蝦子及蝦米) $22-回覆：SMASHING PUMPKINS是的，係有英超睇的！

叫電話外賣,ABC餐各一就變三個一樣兼唔係ABC款既餐…自取外賣,叫蠔豉豬潤粥就變蠔豉皮旦,機乎叫十次錯十次,況且蠔豉皮旦粥平過蠔豉豬潤粥,有打斧頭之嫌!!!頭先買完個蠔豉豬潤粥外賣…成碗粥得果兩片豬潤,嘀蠔豉分明就係一粒變五片,仲要淨係得果五片,廿三蚊碗粥呀大佬…呃錢咩?侍應態度差、發夢,兼睇住佢寫錯單…(今次係蠔豉豬潤粥變豬潤皮蛋粥,我唔提佢又寫錯兼收多我錢!)如果唔係附近冇粥舖,點會一次又一次中招?以後我寧願遠嘀行過鴻圖道買喇……＝﹏＝呃錢兼垃圾!!!

三代同堂腸粉(附圖)即係蝦子, 蝦米及鮮蝦. 因為無套餐可以叫, 所以散叫試下先. 其實同普通蝦腸無咩分別, 不過見過名咁鬼得意咪試下啦.

查過openrice 先來點野食. 叫左個三代同堂脹粉(蝦, 蝦子及蝦米) $22d蝦都幾大隻, 不過d豉油就唔係咁好味.跟住叫左個粥套餐($28)魚球粥+油菜. 個粥真係好綿好正d魚球又鮮甜, 個生菜都好得甜架. 我地2人食完後都口渴就証明佢地d野真係無味精(佢地自己都標榜無味精架)

日前在東九龍換智能身份証,時間比我想像中短好多,在大把時間浪費,同個肚有點餓之下.搵食就係下一步間場節目.方圓十里,無邊間食店靠得住,結果都係行番出去地鐵站對面"蘭香園".一定無衰.好耐無黎,點都要叫佢地的腸粉,年前吃過三色腸,今次來個有蝦子,蝦米,同蝦仁的即拉腸粉.依然咁爽滑,蝦子,蝦米的咸香,蝦仁的爽甜,不得了,好吃.反而個蠔豉粥,比起七喜,就差少少.雖然無加味精,值得尊敬,但係蠔豉不能融入粥內,結果個蠔豉半身有味,個粥就無味.值得一提,店內的plasma,只播有線新聞台,咁即係周六日,係咪有英超睇?

開完通宵又天寒地凍,諗住在蘭香園食個靚靚早餐早do訓,天寒地凍當然飲熱奶茶+個出前一丁,點不知杯茶好難飲,又冇茶香,都唔知個賓仔識唔識沖茶o既.個公仔面又煮到發漲,唉...我都煮得好過佢啊,仲要廿幾蚊,同兩三年前出品真系冇得比,下次早餐都咪搞我咯.晚上8點幾o訓醒o左D老友又話,落蘭香園開飯,我當然反對啦,點知比人挾左落去,佢o地叫左大羊脯煲,蒜香骨、沙薑雞、燒雪魚、鮮蝦荷葉飯、生炒骨、金牌焗飯,粟米羹等.食落又好正喎,羊脯煲低食又好味,沙薑雞最正,又香又滑,師傅斬得又靚,刀工一流,塊塊都咁大塊.鮮蝦荷葉飯都好香,仲系蛋白飯夠哂健康,燒雪魚亦都好正,金牌焗飯酸酸o地好開胃,最後我又去試下d熱奶茶,今次比早上那杯好好多,走過去看看原來換了個四眼佬仲的,

今日去apm 睇早場因為foodcourt未開入場前黎食個早餐我叫左黃沙豬潤粥拼炸兩($20)朋友仔要左香茅雞翼出前一丁併凍啡($26)黃沙豬潤粥～粥底幾綿又無味精,清清地唔錯!一碗有四片大塊又厚既豬潤,雖然我唔知係咪真係黃沙,但咬落一d都唔un又有口感,唔錯,但如果可以多d蔥花會更好炸兩～雖然話係新鮮即製,但油炸鬼已經淋晒,外層既腸粉幾滑口,而且係少有咁混入左蔥粒黎增加口感,唔錯!另外仲自動自覺咁俾碟甜醬麻醬你,抵讚!朋友仔既香茅雞翼麵同凍啡都無試,但據聞只係一般,不過我欣賞佢會有麻油分開上俾客服務真係好掂有禮貌反應又快細節野都會兼顧到例如洗手間竟然有埋坐廁紙提供抵讚

好抵食! 午飯時間勁多人, 雖然位於屋邨樓下, 但有好多OL、OG幫襯, 1:00後等位等到出門口。食物款式多, 真材實料, 午餐有粉麵飯餐, 沙律餐, 粥麵餐可配飲品、油菜、腸粉、咸肉糉。我最鍾意嚟呢度食粥, 粥底好綿好滑, 材料夠多又好大碗, 食完好飽。掂!同事們最鍾意呢度煲既老火湯, 完全唔落味精, 湯夠甜, 夠火喉。