蘭香園 (已結業)

第一次食lunch, 淨係睇餐牌都睇到眼花, 真係有好多款式, 令我更加三心兩意, 樣樣都好似好好食, 好想試. 呢度話全店食物都無加味精, 咁最終就叫魚湯魚腐湯飯& 牛粒檬粉試下係咪真係無味精先.魚湯湯飯$35好大碗, 魚湯唔腥幾滑, 好昒易入口, 飯雖然浸湯, 但唔算太淋, 感覺飽肚d. 料好足, 有好多時菜鮮菌, 好新鮮鮮甜wo, 最可惜係主角魚腐, 唔係我想像中魚腐, 而係豆腐卜, 不過, d豆腐卜好大粒wo! 而且浸湯仲好甜tim.牛粒檬粉$25牛粒好淋好好味, 件數唔多, 好快就食晒lu. 碗粉size就無湯飯咁大啦, 女仔食份量.其實係呢位置, 茶餐廳午餐要$30一個, 都算幾貴. 但呢度就幾企理, 坐得舒服, 見到呢度小炒d相都好似唔錯, 下次可以試下晚餐.

第一次來食豬仔潤-$28-好滑好口感，味道好好三代同堂腸粉(唔記幾價錢)-個皮好滑，食物好鮮，蝦米有口感，個名好攪笑，好高質數的蝦腸，不過貴左少少環境好幾舒服，有電視睇service都幾好

復活節第一日假去了牛頭角的蘭香園lunch, 叫了焗芝士牛油大蝦意粉$38, 好味, 芝士汁濃及傑身,大蝦很爽,再叫客豬脛肉朦,一般, 本想試他們的三代同堂, 即用蝦子, 蝦米及大蝦做料的腸粉, 但實在吃不, 下次再試

尋日同個食家朋友專登嚟食蘭香園。講真以餐廳嚟講都算係多選擇，不過見佢有好多餐都冇餐飲，而且價錢比普通茶餐廳貴丁屎咁多。我覺得啲餸既味道亦算中上，不過冇想像中(同佢既名氣比較)咁好。

選擇極多, 睇到眼都蒙, 所以都係跟雜誌推介, 沙薑雞煲同埋排骨三弄.佢地強調冇味精, 飲佢d例湯就試得出. 同平時d味精唔同, 食完唔會口乾, 但又同阿媽煲既有d分別, 所能係用咗其它代替品.沙薑雞極之入味同嫰滑, 不過叫咗半隻, 結果好似係例牌咁, 可能用咗春雞啦. 排骨三弄就冇得頂, 無論分量, 創意同味道都滿分. 咕嚕, 醬燒同椒鹽都咁野味.三個缺點就係人多(不過冇人會催你走或者唔覺唔覺借d倚趕你); 凍奶茶水準低, 不及一般茶餐廳; 同埋價錢偏高, 不過有now睇, 份量又夠, 算啦.

蘭香園d野真食越來越難食,下午茶就更加唔使講,一個字'差'總類已經少,味道重食得出係是是但但整出o黎,價錢又唔係特別平,員工d服務態度又唔得,好似唔使做咁,問野個個都話唔知,加o左價個餐牌又寫得完全唔清楚,落單又唔同人講明,到發現o既時候先出聲,重要一句話老細意思,唔關佢地事,咁o既服務都有, 唔夠時間改餐牌,咁都可以大大隻字貼出o黎,唔係'丁屎'咁細隻字,求其寫係玻璃下面是但一個牌到,等食客睇唔到就當過骨,真過份! 我唔會再幫襯此店,因為實在太差.

與友人相聚,中午係依間茶餐廳食飯.....嘩,未食過如此難食!!叫咗菠蘿豬排飯..理應毫無難度點知...簡直食唔落口豬排及飯汁"濃"味好強....好想投訴但友人請客既關係...只好忍一忍結果只吃冇汁既"硬"白飯!

想來呢間試好耐架喇, 不過對我來講唔係幾就腳星期三終於同男友黎到喇teatime唔係好多人tea set 好抵架喎$12 雲吞面, $12 皮旦瘦肉粥加野飲$5/杯tea都唔細碗而且好多水準, 粥又綿,皮旦靚, 鮮蝦云旦啖啖肉感覺一d都唔馬夫唔怪得咁多笑臉啦一心黎食三代同堂腸粉!點可以唔叫, $24/客最衰係食左半個面先食佢, 凍左少少真係好滑男友唔夠仲叫多個菠羅油, $7咋, 好抵!整體都好好呀, 好滿意waiter哥哥唔係特別好不過茶餐廳黎講已經係out of expectation最衰我唔係住呢頭..唔係一定成日黎o者!下次要試下dinner至得!

某名牌廚具在觀塘歲晚開倉大特賣，所以主人與奴隸獸前往逛逛，選購一些合用的廚具。跟著去了已經多年沒有光顧的『蘭香園』晚飯，點了一份2 人超級套餐（HK$98）。套餐有多款菜式揀選。我們只是選了：鮮菇菜膽雞（半只）及菠蘿生炒骨，套餐還包括明火例湯（西洋菜紅蘿蔔煲豬）及白飯兩碗。西洋菜湯的味道濃淡適中，好有Family Taste。菜膽雞的整體味道還算OK，不過雞肉頗『鞋』，而且多碎骨，影響了口感。餐牌上標明生炒骨是即叫即製，所以食落還算脆口。排骨肉質略硬，不夠酥軟。甜酸汁的調味尚可。菜的份量頗大，用價錢及味道來衡量亦可算是抵食，怪不得有如此多街坊一家大細來幫襯。

今日黎到牛頭角做野, 約了三點鍾, 為食的我早到便來個輕餐\.叫了一份牛肉腸豉油夠甜, 腸粉皮香軟香滑. 比起好多茶樓, 好味好多.早左落單, 2.30 下午茶, 三文治+ 奶茶= $10我的牛肉腸+ 奶茶= $24

夜晚食晚飯，我提議黎蘭香園食，因為有粥食之外又有小菜，同時滿足兩願望!晚上九點半左右黎到，睇睇餐牌，叫左個二人餐同埋一個及第粥。二人餐要羊腩煲同炒上素(唔記得個名)。餐送例湯，要左粟米羹。先黎粟米羹，大大碗，每人分到一碗，幾好飲喎!隔左無耐就黎及第粥，嘩嘩嘩好大碗啊!碗粥入面有豬肉丸、豬潤、豬粉腸同豬肚。粥底唔夠綿，不過材料就好好食。豬肉丸係手打既，夠新鮮有肉味，豬潤唔會熟得滯，夠爽口好食，最正!粉腸唔會苦，亦夠稔，而豬肚就冇咩特別。整體黎講不錯，不過粥底再綿o的就好啦。炒上素上木台，見有西蘭花、西芹、椰菜花同幾種菜，加上辣椒炒，我偷食左幾舊，都幾辣。羊腩煲，有生菜另上，可以自己加落羊腩煲入面灼，都偷食左，羊腩夠稔，但略鹹。服務唔錯，但最衰今日冇英超，有就有得睇埋。

食0左「及第撈麵」由於唔想食粥自己又好鍾意食「及第」0的豬潤勁好味重未食過咁好味好似叫做「豬仔潤」必吃之選

1睇個標題就知我係波友啦!所以點可以錯過呢場大戰呢!因為屋企冇裝"現在台"...所以約埋班fd黎呢度食飯睇波!叫左個4人套餐有羊腩煲(有分大同細, 我地呢個係大, 會跟碟菜) 肥牛煲魚香茄子煲同椒鹽豬扒再加凍飲同白飯上述幾樣野全部都唔錯! 特別係羊腩煲! 好有水準!羊腩夠"林", 炆得好入味, d支竹同生菜又索晒d汁, 真係好正, 食完勁warm!氣氛好好啊呢度! 服務又唔錯! 住呢頭既波友真係不妨試下呢間餐廳! 誠意推介!PS.題外話...曼聯92分鐘又比人追返...好唔抵t^t

呢間茶餐廳，我絕對可以講我係由細食到大，由佢一間舖食到今時今日兩間舖…呢幾年間，蘭香園出名了，但係同時間，食物質數都變了…尋晚阿媽無煮飯，所以又去左呢度…沙薑雞，唔入味，唔知隻雞來自何地，連雞翼位都可以鞋到似雞胸位，成隻雞乾到死，咩事？生炒骨，細粒到好似手指公咁，咩事？仲有個汁，油多過汁，想點？粟米羹，唔要例湯要粟米羹每位要加兩蚊？我都係第一次聽，兼且ｍｅｎｕ完全無寫到出黎，要我比都要話我知點解，唔係你寫左落張單度等我問你下話…加多杯凍檸茶，七蚊，之前五蚊之麻，幾時又加左價？？收銀阿姐仲得意，尋晚我明明食左１１１蚊，我比１２０蚊佢，佢找番８蚊比我，好彩我睇下，即係擹大手板比佢睇，佢仲話”ｏ岩呀，１１１蚊丫麻”，我無出聲，只係用另一隻手撥開個”８”蚊比佢睇，佢先好唔願意咁比番個一蚊我，慌死我呃佢咁，唉，做街坊生意做到咁，我點返轉頭幫襯呀？？而家既蘭香園，已經唔同以前既蘭香園，老實講，已經無左昔日個種好好味既味道了…

這裡食味好不好已經是另一回事，怎樣說都是牛頭角區食肆排名首位，真正是差極都有個譜！是日在觀塘辦妥事情後見適逢下午茶時段，就汛步過來幫襯一下，環境是老式多元化茶記，說得出的中西小炒套餐粥粉麵飯都有，當然離不開以她為準的咖啡奶茶。點了份下午茶餐，熱鴛鴦鮮牛油餐包；餐包是長身豬仔麵包，烘得軟熟香糯，配上夠厚的牛油及濃鬱的鴛鴦，下午茶的精粹啊。後記：麵包夠熱，左影右影後片凍厚牛油已熔化到半液態，可惜；另外同場鄰桌阿姐大談往時飲宴場面，聽出耳油；這個茶餐夠經濟實惠，但其他小炒的價錢在牛頭角及觀塘地區就顯得較高。