蘭英印尼小食 (已結業)

雞肉串（6元）腌製得宜，啖啖肉，嫩滑可口。花支丸串（7元）有四大粒，頗爲彈牙。兩者份量都不少，而且燒得不差，可惜沙爹醬味道帶鹹，而且略爲單調，是唯一美中不足之處。期間遇到不少人來買盒飯和芒果茶，看似吸引，但胃納有限，唯有留給下次再去九龍城時才試。

今日同老媽去九龍城掃食野其中一站就係而間野6蚊一串串燒很抵,叫了2串豬頸肉,1串牛肉牛肉硬左少少,味道都ok豬頸肉很好食,不同出面一般的貨色,很脆,很香口,加埋o的漿就更加"野"味,比起係好多餐廳叫既串燒好食好多6蚊一串絕對係街邊小販既價錢,好難得之後返屋企既時侯又忍唔住又去叫多串>.<極度推介!!!!!!

好耐都冇黎過呢度食野, 昨日經開呢一區, 當然要黎呢度再品嚐下美食啦!去到食店即刻叫左一串花枝丸同一串豬頸肉! 維持著呢度嘅一貫宗旨, 即叫即燒; 等左幾分鐘熱辣辣嘅花枝丸同豬頸肉就有得食! 花枝丸一串有四粒, 每次黎到師傅必定要食, 花枝丸燒得好香, 而且爽口彈牙, 加埋d沙爹汁, 好味到唔停得口; 豬頸肉一串有四件, 燒得好香加上十分爽口, 係油少少, 不過依然好味!總括黎講串燒真係非常好味, 環境真係一般, 價錢都冇加價, 依然係七蚊串花枝丸, 六蚊串豬頸肉, 仍然抵食! 師傅下次一定會再黎, 皆因除左呢間食店, 師傅搵唔到邊間食店嘅花枝丸可以同佢相比, 加上呢度串燒絕對抵食, 你話笑臉邊有得走雞?

去街市買菜之先，先來買兩串串燒解饞....豬頸肉及雞腎各一串。每串賣五六大洋，便宜之至...雞腎極爽口，豬頸肉亦然，但最出色的就係嗰個沙爹醬 --- 夠辛辣之餘亦有花生粒在上，增加了口感，而且又香又濃，吃得好過癮...始終跟呢度嘅印尼炒飯緣慳一面，不過既然串燒做得好，炒飯呢亭對佢哋嚟講，絕對係基本嘢，相信不會有太大問題...一定要再試...

邊個咁衰投訴.....攪到我o地冇得食印尼炒飯, 炒黃飯....得番煲黃飯......好彩仲有串燒食..... 我o地會係到繼續幫襯.

於附近按摩完,好肚餓,但朋友又未得. 走黎買個外賣,拎去順便睇電視. 呢度既串燒,好得又扺食. 所以成日排隊. 間唔中都黎整番一二串.晚上10點半,只得白飯,無炒飯. 但係我仲未食飯,要了什錦飯. 二大舊牛腩加二隻雞翼(雞蛋賣完,無得食),淋上雜菜咖哩汁. 不過外觀麻麻地. 老師娘好好語氣,態度又好. 仲成日笑住對你講野. 雖然對我來說,太辣. 不過辣得好滋味. 仲有薯仔/脆肉瓜. 牛腩淋身但滑,仲有小小肥肉,正. 雞翼就好入味,仲熱辣辣(因為老板娘再番熱). 朋友見到都問,盒飯好似麻麻地. 我話食落就好好味,印尼食品,好多都係咁樣. 呢檔係好ok架.

因為蘭英......所以愛上spicy......每星期都會幫襯下蘭英.......真係好好味.....今日叫左外賣....印尼炒飯(小辣)拼一串花枝丸及一串雞肉串燒....都係$23蚊咋.......超抵食......又超好味.......其實d炒飯冇乜料.....都可以炒到咁好食.......証明師傅有料到啦.......掂....

因為很掛念蘭英的食物所以昨天跟朋友去了蘭英吃lunch~照舊坐巷仔堂食只有3張小摺桌,所以有很多學生也是外賣lunch的-青檸茶我認為跟香芒茶沒有多大分別,只是比較酸~不過酸酸甜甜的也蠻好飲的-印尼炒飯蘭英只有2款炒飯上次嘗了黃飯,今次便嘗印尼炒飯吧老闆在炒飯時還問我們要辣嗎?要呀老闆~其實炒得很夠獲氣的了..但只嫌飯比較濕但印尼炒飯好像沒什麼特別的..而要了辣又好嘗不到辣個人認為跟普通的炒飯沒太大分別吧下次還是選回黃飯好-花枝丸豬頸肉上次無緣嘗這裡的串燒,今次非嘗不可老闆娘負責串燒的部份,一眼關七因為太忙了很多人order串燒燒好後老闆娘問我們要不要辣~當然要了辣,還分小辣和大辣上次嘗了的小辣好像不太辣所以今次要了大辣!真魯莽的決定=.="下次還是只要小辣好了我看小了大辣,吃完2笠花枝丸後我的舌頭已在噴火了不過辣歸辣,墨魚的味道還是嘗到的~而豬頸肉燒得很脆呀..口感很好,不過肉味欠缺

這店是普通的外賣店格局，所以如果要堂食就要坐在窄巷裡了，可幸當晚的街道還算乾淨，夏天就唔應該堂食了。一行6人浩浩蕩蕩來試新野，點的都是有好評的，例如雞脾黃飯和印尼炒飯等，串燒則叫了花技丸、火雞腎。老闆娘會主動兼有耐性問沙嗲汁要辣定不辣，辣度也分少辣、勁辣，老闆娘就話勁辣最正，不過在場沒有朋友夠膽試，可惜。先來幾個黃飯，雞脾後上。黃飯炒得都夠乾身，配料係蛋絲，但內有香料，單吃黃飯已經很惹味了。雞脾到來，微暖，但皮脆，沒有雪味，都算難得了，配上惹味的沙嗲汁，實有中上水準了。這兒的印尼炒飯不是港式餐\廳吃到的印尼炒飯，配料是雞肉和椰菜，炒得乾身，單吃都很惹味。花技丸緊隨其後，吃落的確不粉，不錯，不過可再燒得脆身一點。雞腎都幾爽口，但略嫌切得薄。同行有朋友點羊飯，試了口羊肉及汁，首先汁不太濃味，但總算夾上羊肉，而羊肉也有少少羶味，並且頗淋，中規中矩啦。應該會Encore印尼炒飯、花枝丸和雞脾了，不過會選擇外賣拎走喇！

本來只想幫襯串燒，結果坐了下來食埋飯。串燒熱度不太平均，有些熱，有些只微暖。墨丸，豬頸肉和香腸都不錯，但最好吃都是火雞賢，又大又爽﹗配合蘭英姐自制的沙嗲醬，不錯﹗吃完串燒，，炒得黃黃的印尼炒飯上，我們點了小辣，飯不腍不硬，剛剛好，跟茶餐廳的印尼炒飯有點不同﹗老公想試埋黃飯，結果跟印尼炒飯差不多，於是將吃剩的打包給印尼工人吃，但竟忘了問她味道是否正宗。如果怕污糟就不要坐在小巷吃，而且只得兩張摺，大多要外賣。

凍冰冰既天氣同妹妹去九龍城食飯叫左印尼炒飯$28包野飲同兩串串燒!另外叫多串串燒.抵食!味道都唔錯!老闆同老闆娘都好nice我地坐係路邊食突然有個警察行埋泥..問我地'唔凍咩?'哈哈原來佢係度等緊外賣佢都話呢度好抵食推介我地咁話.哈哈總括泥講.值得一試.會再泥=)

朋友介紹話九龍城廣埸對面有一檔串燒好正，鬼咁鍾意食野的我梗要試試啦。去到的時候見到有三四個人正在等候，平時我就一定唔等，不過朋友講到咁正，等就等啦。我要了花枝丸、豬頸肉同雞腎，三串都係少辣，等了約8分鐘就有得食，比我想像中快。先咬了一口花枝丸，嘩，真係好正，落足料，唔會成舊粉，鮮味之餘仲幾有口感。跟住充滿期待咁試埋豬頸肉同雞腎，雖然都唔錯，不過就冇花枝丸那種震撼。呢度的花枝丸真係好正，依家我周不時都會去九龍城整番串歎吓。介紹我的朋友仲叫我試埋佢的飯，不過見位唔多又唔想打包，一直都未有機會試，我諗都應該唔會令我失望嘅，好，搵日去試埋先!

眼見老闆娘忙得手忙腳亂，生意好得好誇張，簡直應接不暇，主人與奴隸獸外賣飯盒，落order 亦要等十多分鐘。1. 什錦飯跟飲品（HK$24）：咖哩薯仔、巴東牛肉、鹵水蛋及炸雞翼。餸 菜款式可算多元化，不過味道方面只是一般，尤其是巴東牛肉無味道，鹵水蛋味道極淡。2. 印尼炒飯跟飲品（HK$28）：此炒飯連同兩條沙爹串燒，我們揀選了串燒豬頸肉及雞肉。炒飯的味道尚算濃郁，兩款串燒肉，用料新鮮，可惜沙爹汁極少，味道不夠濃。

一出九龍城廣場便會見到馬路對面好多人等串燒,又平又好食一向都愛食豬頸肉串燒$6,這兒很認真地燒,一定會夠熟夠熱才給客人豬頸肉好大塊好爽口,不過我嘴刁的朋友就嫌太過多粉,無以前咁好食

Menu好簡單. 試個串燒炒飯套餐加多一串串饒. 串燒唔錯, 炒飯好味. 值得一試!