蘭英印尼小食 (已結業)

九月十八日 (星期二)吃完下午茶，架架仔提議坐巴士到九龍城覓食九龍城食肆多的是，種類款式又多，真的不用計劃也可隨時找到一家合心意的不過，對於為食的我倆來說，選擇多，也不是一件好事左望右望，每間也有點興趣，行了半個小時，也未有定案走到九龍城廣場附近，突然聞到一陣香氣噢!醒起了，應是從那裡傳來的!無錯!就是蘭英!位於街的一角，其貌不揚，不過，卻早已被老饕們視為名店!從不遠處走來，已看到一條長長的人龍小小的一家鋪位有如此威力，能吸引到不少街坊和食客，其食物質素，相信也不用懷疑這裡主打燒烤，也有飯類供應是不只有外賣，還設有少量的堂座，我們也佔了當中的兩席不過所說的堂座，其實也是像大排檔般坐在冷巷的串燒方面，選擇十分多，也令到我們又再次有選擇困難的問題了!可幸老闆娘還有一點耐性，呆看了我們整整一分鐘，我們也慢慢得落了單即叫即燒的，所以落了單也得等上十分鐘左右串燒配有沙爹醬，而且還有辣度選擇老闆娘問我們要點大辣還是少辣，架架仔卻說要中辣，老闆娘面色一沈原來沒有中辣的!那就選小辣好了火雞腎味較清，內臟的羶減卻了入口比雞腎爽口 驚喜位是連皮燒的，入口十分香脆不算厚肉，但仍十分有咬口雞肉帶點嚼勁，入口又

正午十二點放工後，得知媽媽會遲放工，所以要自己食lunch,於是行入九龍城諗住去食魚旦粉 , 行到過黎... 己汗流浹背 眼前出現o既係 .... 一條好長好長o既長龍 .... so sad =(太熱喇 , 個太陽大到想食人 !! 走左商場涼左一陣 , 諗住返入沙田先再算喇 ><" 點知 ..... 一出黎就見到巴士走了 唉 , 最近望到蘭英 , 過去食住少少野醫肚先喇 ...下一架巴士至少要三個字o家大佬 !!天口咁熱 , 老闆咁點對住個爐燒 , 堅好野 !! 其實烈日當空下 , 食串燒都幾唔恰當 , 仲要辣o既 xp1. 燒雞肉串~ $ 8 大大串 , 燒得好好味 , 有雞皮o既位有少少脆o家 !!雞肉嫩滑 , 本身醃得好 , 加少少沙爹醬就己經好正 , 辣味溫和 , 花生醬味濃而不膩 , 食過咁多次都咁高水準 ^^2. 花枝丸~ 記得以前食o既時候無呢個花枝丸o家 , 次次都係食雞同珍寶腸今次老闆話無珍寶腸 , 我見佢燒緊 d 花枝丸幾大粒 , 就試下佢啦$ 9 四大粒 , 雖然唔算太多花枝粒o係中間 , 但都相當彈牙 , 味道同樣要歸一半功勞比個沙爹醬 , 杰

最近迷上了食串燒。從豬頸肉到蝦餅到泰國腸到雞翼.....心都難息。只不過，上一句的一大串食物都是在九龍城內另一間泰國串燒店食的。昨晚來到蘭英，是貪方便不用走那麼遠，也順便試試它的串燒與黃飯。點了一個什錦黃飯餐同一串牛肉，選了芒果茶。配菜是巴東牛肉、燒雞中翼及蔬菜。牛肉分量不少，但似乎被香料掩蓋了肉味。雞翼是即點即燒，上碟是看得到油還在冒。 至於蔬菜，有薯仔、青瓜同豆角，味道特別，微酸。而飯呢，色澤很均勻，有點鹹味，挺香，單獨吃亦可由於本人對印尼菜沒什麽概念，但覺得這個飯還是挺有風味的。至於牛肉，本人覺得一般，下次可以再來試試別的。最後吃得很飽很飽，飯只要$32還連飲品，而牛肉$8。實在是抵食！PS: 座位在後巷，衛生情況一般吧...而且餐具是一次性的...希望可以改善

吃團年飯的地方就在對面，去年來的時候這裡也放年假了，今年終於皇天不負有心人，有開門呢！店子就由老闆兩夫婦打理 (根據店面的剪報的資料, 店名正是老闆娘的名字), 先生主理食材而太太就在店面燒串燒。先在這邊搜索了一番才決定要豬頸肉 ($8) 及火雞腎 ($8) 各一串, 醬汁可選辣度, 要了小辣。搞定就在店門口吃掉 (誰叫外面在下著雨), 豬頸肉香口有少少燶邊, 肉質不算太爽但也未算柴皮; 火雞腎是薄片的, 挺爽口, 這個主要卻是吃醬汁的味道, 沙嗲汁甜甜而幾乎是不辣的, 花生香倒是頗為濃烈, 也不錯。這裡也有印尼飯賣, 但眼見人人來都是買串燒的。

是一間成功的小店.只有2夫婦經營.而且很少放假..有印尼飯賣.店的外邊.有幾個座位..最出名的當然係串燒....服務:老閭娘語氣是一般的..有些客人小器.同老閭娘交流一會兒.也自動機走了....可樂:5元.....夠冰凍,爽...燒雞脾:剛剛熟,肉質嫩滑..皮脆而香口.咬下去肉汁豐富.相當好食..而調味的汁..也十分惹味....一定會回頭....

串燒花枝丸$8都算幾平又大又彈牙仲有一粒粒墨魚粒係入面火雞腎好爽口唔會話食唔到豬頸肉都ok好食不過因為平日都有食開所以都冇話有咩太特別但老板d印尼沙嗲醬完全係正到爆！

好耐之前已經成日聽到人講呢度串燒好好味, 想試好耐, 去到九龍城, 一定要試試~ 本來想叫兩串野食, 但驚太飽, 夜晚食唔到飯, 所以只叫了燒火雞腎~ 叫左少辣, 火雞腎唔韌唔"鞋", 係爽爽地, 香香地, 沙嗲醬好惹味, 真係超正~ 下次好想食埋豬頸肉&雞串(我見雞串最多人買)~

這間其貌不揚，舖面細小的印尼小食店，雖然都有特色印尼飯類供應，不過最有名的肯定是它的各款串燒，因此之故，不少識途老馬都會來這裡一嚐它的美味串燒。這次來到九龍城，雖然已在附近的「添財記」吃過一個十分廉宜的下午茶，不過因為只是半飽，所以立刻來到這裡繼續下半場，一嚐這兒的馳名串燒。叫了四串串燒，等老闆燒好之後，趁熱就地在店前開餐。四串串燒均極有水準。「串燒豬頸肉」（$7）軟而不韌、名物「串燒花枝丸」（$8）既大粒，又彈牙，超抵食、「串燒雞軟骨」（$6）爽脆有嚼勁、「串燒火雞腎」（$7）軟腍好吃。不得不提的是那惹味的印尼沙嗲醬汁，可說是所有串燒的靈魂，少辣的沙嗲醬汁，塗在各款串燒上，更添滋味。這家印尼串燒小食店，實在十分值得推薦！

呢間串燒真係好正 成日都食幫佢寫個食評啦最出名梗係豬頸肉 花枝丸仲有雞肉同腎都好好食通常一查完醬就即刻食所以好少影相(張相係花枝丸)D沙嗲醬真係勁正呀~~~豬頸肉燒得好香 又唔會太乾 又唔覺肥林林花枝丸好大粒 咬落唔粉 仲有D一粒粒墨魚粒 口感一流!!加沙嗲醬勁正呀真係!以上呢2樣係必食推介!其實仲有其他 款款都好好味 不能盡錄 親身試過就知架喇

九龍城廣埸對面有一檔食印尼串燒好有風味，所以食完豆腐花、煎釀三寶之後, 就去吃串燒 !! 食物我們叫了 火雞腎 - 非常爽口 雞軟骨 - 夠嫩滑、夠入味 花枝丸-一串有四粒好好味, 好彈牙, 大大粒,好有咬口。 豬頸肉- 燒得很脆口串燒上塗上沙嗲醬，非常惹味!! 價錢一串HK$6-7 , 抵食!整體而言：食材也沒有雪味, 平靚正, 很有水準的一家小本用心經營舖的小店

咁岩經開九龍城 .見到有幾個人企o係度等串燒.聞下又幾香wo ! 於是我同個fd又企埋一齊等.一串都係幾蚊. 試左雞肉同花枝丸. 我個fd叫左串好似係牛丸.雞肉好似係6蚊1串 勁扺!花枝丸7蚊串 仲抵! 因為真係好好好好食!落多d醬仲好食! 原來d醬先係重點!!!企o係度食左幾串之後..1人買左1盒返屋企食

因為本身住九龍城，所以呢間野間唔中都會食！多數食雞串。男友食花支丸等等．飯就次次都食雞睥黃飯我中意食呢間野係因為Ｄ醬我真係好鬼中意食Ｄ辣架！！所以次次都一定叫老板比最辣既辣同埋雞比黃飯可能我有時比較夜成日都賣曬＝　＝其實可以打比老板叫佢留定個雞比黃飯之後去自己拎架！ (不過唔知係咪熟先得)至於雞比飯其實對我黎講都係好味在於D醬但反而雞比+黃飯...其實唔係超超好食...因為有小小DRY,無咩其他味....我見係度食評其他人影D相有D有炒蛋既~不過呢個雞比黃就無既見原來呢度咁多食評都係講豬頸肉雖然都有食過，但因為覺得佢樣樣都咁好食所以都無咩留意=__=總之我覺得如果你中意食串燒黎開九龍城一定要食呢間因為試過九龍成其他果D....都唔熱既..又唔好食=_=試過食第2間一次之後,,,,,就無再食第2間啦啦...哈哈

到附近吃泰菜，隨便到蘭英吃串燒。老闆接了ORDER，很細心幫我們烘烤串燒： 雞肉串燒 ($6)：雞肉串燒超大件，以六蚊的價錢可以買到這種串燒真是超值價。雞肉咬落去很結實，不會散梳梳的，老闆一點也不吝嗇，搽上很多沙爹醬！ 超好味！ 蘭英隔離有條小通道，如果不想外賣，可以在那裏吃完串燒才再四周走。

昨晚食神嫂相約師傅晚飯, 講明話要食泰菜, 於是地點當然係揀左九龍城! 於是師傅離開監房, 就搭車黎左呢頭先, 由於食神夫婦二人都未到, 加上師傅有少少口痕, 就索性黎呢度吉番兩串! 師傅都好耐都冇黎過呢度食野, 所以都好鬼期待!去到食店即刻叫左一串花枝丸同一串豬頸肉! 花枝丸同豬頸肉都係即叫即燒; 等左幾分鐘熱辣辣嘅花枝丸同豬頸肉就有得食, 食之前加上辣汁, 是次竟然有少辣同大辣之分, 咁師傅當然係要左大辣啦; 豬頸肉一串有四件, 燒得好香而肉身十分爽口, 是次燒得十分乾身, 配上大辣嘅汁十分惹味, 正呀! 而花枝丸一串有四粒, 花枝丸大大粒, 入口十分爽口彈牙, 口感非常滿足, 大辣嘅汁真的非常辣, 但絕對惹味!總括黎講串燒真係非常出色, 環境真係一般, 價錢好抵食, 七蚊串花枝丸, 六蚊串豬頸肉, 記得仍是冇加到價! 是次師傅食完兩串後, 雖然意猶未盡, 但就十分滿足, 所以有機會一定會再黎, 而且一定會試珍寶腸, 因為真係大大條好吸引呀; 晚餐前整左個咁正嘅餐前小食,你話臉邊走得甩呀!

假期先黎落雨，真令人狼狽。從九龍城廣場匆匆過馬路買幾串串燒，之後就打的番屋企。要了豬頸肉、牛肉、雞腎同雞軟骨。老細喺串燒上塗上沙嗲醬，非常惹味。全部串燒都燒得夠乾身。食材也沒有雪味。豬頸肉有油花，爽口。牛肉也不錯，唔會嗱到無晒味。