蘭芳園

营业中

休息中

早幾日師傅一支公無啦啦行過呢個商場, 見佢新裝修加上又冇咩野做, 於是落去打個白鴒轉; 行下先知呢個商埸收變左好多, 現在大部份都係食店, 打左個圈後見到呢間食店, 師傅心裡異常欣喜, 因為一直以來都好想試下呢間食店, 無奈要過海先有得食, 所以唯有放棄; 終於皇天不負師傅心, 呢間食店竟然喺老尖整番一間, 等待多年嘅師傅終於可以品嚐一下! 雖然師傅已經食飽晚飯, 但仍然一個箭步飛入食店, 奈何比店員截住, 原因係食店打烊, 所以唯有下次啦!尋晚師傅忽然間興之所緻, 於是決定離開監房就過黎呢度食野, 仲打算約埋好友食家"乜都放入窿"齊齊去, 奈係好友食家"乜都放入窿"比較忙冇咁早可以鬆人, 礙於師傅真係好想試一次, 於是唔等好友食家"乜都放入窿", 決定單拖赴會! 但喺離開監房前, 師傅就比個人渣同僚激親, 氣難下之際想起會黎呢度食野, 決定放肆食一餐, 去解心頭之恨!入到去食店, 唔算係好多人; 環境就幾乾淨, 可能係新開張嘅關係啦, 而店內設計成懷舊冰室咁, 但師傅覺得真係好刻意形做呢個效果出黎, 絕對帶唔到親切嘅感覺, 反而覺得同外面嘅商場格格不入! 伙計安排師傅坐底, 一條冷都

早上10:30開始營業，我和螢子11:00am到達，見餐牌有全日供應的套餐〔撈丁/奄列類〕，但個伙記居然話未有，要十一點半左右先有。見其他餐牌亦有寫明供應時間〔例：早餐：10:30am – 11:30am〕，咁乜嘢叫全日供應先？係咪應該由開舖個刻就要有呀？問個伙記點解無，佢唔答；再問，都唔答，淨係叫我哋食早餐！好，叫早餐，餐牌寫明可揀豬仔包或厚多士，但叫埋嘢飲個伙記先話無豬仔包，氣頂！開咗舖半個鐘就無，賣哂定未有呀？抑或唔想早餐賣？我喺11:15am見有供應豬仔包整嘅豬扒包喎！！虚假同失實嘅說明令人好無癮，我想請負責人解釋吓全日供應嘅意思。奶茶好飲，不過都要食我一嘢靈丸！

昨日去試絲襪奶茶、懷舊西多士、油占多、金牌豬扒飽絲襪奶茶: 好滑，但奶味多於茶味。懷舊西多士: 一般中間果層會用花生醬，佢哋用牛油，都幾好味。油占多: 用厚多，無セ特別。金牌豬扒飽: 芝麻圓形飽，個飽面超燶，豬扒超油，無豬扒味。 無上環信德中心澳門豬扒飽比較好食。佢哋設有最低消費(HKD20.00)佢哋超多人排隊，若想試要早啲排隊。另外，可能服務員少客多，所以服務員無咩禮貌，好想吹你走咁。 要忍得先好去。佢哋有自制喊檸 HKD20.00/樽(4粒)

叫左喇沙石斑米粉,湯底似水加鹽,冇任何風味可言叉燒煎蛋飯,叉燒似隔夜再煮過,飯係凍凍奶茶勉強OK同中環D水準差十萬里,唔會再幫襯

一星期前, 係中環果間食過蘭芳園, 杯奶茶真係正~上星期4晚9點幾上完堂搵食, 醒起尖咀都開左間! 想去重溫下杯奶茶~上次食過雞扒撈丁同豬扒飽~ (可能人多雞扒整定, 凍晒, 淋晒, 豬扒都有d凍, 不過都ok)今次睇見餐牌有喇沙餐 (我最愛喇沙, 去到邊見到都想試下) + 香脆奶油豬仔包 + 奶茶 + 豬扒飽先講好既: 香脆奶油豬仔包 - 真係好脆, 好好食 奶茶 - 好飲, 夠茶味, 奶又岩岩好--> 間野裝修得好有心思, 保留返收銀個位, 有個姐姐坐陣, d 接櫈有佢個logo, 成間野都好懷舊feel, nice~~!! 唔好既:: 雞亦好瘦, 冇幾多啖肉: 最嬲既係碗喇沙, 一睇, 覺得唔對路, 又唔橙, 又唔奶色. 食完用左兩個字形容 - 冇味! 飲佢一啖湯冇味, 撈佢幾撈都係冇味, 米粉就更冇味啦, 食清湯米咁, 真係接受唔到. 叫左個亞叔黎, 我同佢講碗野冇味, 有冇得加D咩令佢有味D? 佢問返我可以加D咩?! 又唔係我煮, 點知加咩, 亞叔就話比碗湯我. 碗湯明顯個色橙返d, 似溝左水既喇沙, 不過老實講有個即食麵牌子既喇沙真係好食好多. 我將本身果碗

同朋友相約之係尖咀行街，係街接到蘭芳園既傳單，當然去試試啦蘭芳園位於商場地庫最入，地庫有一半舖位在招租，人流不多，唔係收到傳單，絕對唔會識黎呢度食野囉。點了兩個餐填肚凍奶茶: 奶味夠，茶味不夠濃不夠勁，成杯野唔計兩粒奶茶冰，大半杯都係冰，奶茶飲左幾啖就冇，好冇癮蔥油雞扒撈丁: 第一次食蔥油撈丁，感覺都幾新鮮，雞扒香口可惜乾身左小小，但可接受，丁麵夠彈牙，撈上蔥油調味一下，味道異常match，正!!奶油豬仔包: 豬仔包焗到脆卜卜，外層一咬就碎開哂 包內既熱力令牛油同煉奶溶成一體，效果很不錯!! 但嗜甜如我就覺得若有所失，如果多d牛油同煉奶就好啦P.S. 店舖裝修得很懷舊，乾靜企理，服務員隨叫隨到以後係尖咀食tea可以黎呢度encore， 哈哈。

今日lunch同同事試吓食哩間新嘢，上網睇佢個地圖係搵唔到，因為佢mark錯地標，其實佢係重慶大廈隔離嘅活方，最後係打電話問先知佢係邊...食品：我叫咗個豬泵兜撈丁，其實係豬頸肉撈丁，由於佢有薑蓉，所以我覺得唔太好味，反而我同事個心心撈丁(個名好似係)，即係雞蛋雞翼撈丁，佢嘅雞翼，真係好好味.....飲品：叫咗杯熱絲襛奶茶，真係好滑，好飲，鄭

見新開﹐今日lunch去試下。諗住咁出名肯定要排好耐﹐所以一支箭咁走去霸位﹐好彩唔算多人﹐一去就有位﹐唔錯。 環境係一般茶餐廳咁﹐但乾淨同幾有特色﹐張凳都有佢哋logo。我同朋友兩個人食﹐我叫咗出名既雞扒撈丁﹐熱奶茶﹐朋友就叫咗豬揼兜(即豬頸肉)撈丁﹐熱奶茶同埋一個奶油豬share... 奶茶﹕very good雞扒撈丁﹕雞扒唔錯﹐多d就好。個麵都ok﹐夠乾身﹐仲有d薑蓉﹐正呀(我好中意薑)﹐但略嫌咸咗d﹐食完超口渴。豬揼兜撈丁﹕試咗朋友一快豬頸肉﹐好唔掂﹐我連隻叉都吉唔入﹗﹗以為支叉鈍啦﹐試下去咬﹐omg... 係咬唔開﹐我懷疑係唔熟 (因為掛住叫人換﹐所以唔記得影返張相)。不過同檯坐隔離果位靚女豌豬頸肉都係咁。侍應態度ok.. 好快同我哋換過﹐安全起見﹐我哋換咗雞扒撈丁。奶油豬﹕失望呀。個包都脆不過太硬﹐唔得鬆脆。我同朋友都一致覺得翠華個奶油豬好食好多。價錢﹕撈丁餐跟野飲$37+奶油豬$8撈丁餐略嫌貴咗d﹐不竟只係撈公仔麵加小小肉﹐同埋好食程度我覺得去唔到呢個價。我會選摘去大排檔食個炒丁更實制。

是日和朋友行尖沙咀，一直打算去中環老店一試蘭芳園奶茶，但我們這些沙田人，過海未免麻煩了些，所以一看到尖沙咀開了分店，二話不說便衝入去試了~和朋友一起share了香脆奶油豬仔包和蔥油雞扒撈丁，一人一杯凍奶茶。香脆奶油豬仔包:豬仔皮又熱又香脆，一口咬下時真的可以聽到"索索"聲，外脆內軟，豬仔包熱力夠，令牛油處於溶與未溶之間~和煉奶mix一起，香濃幼滑，開心! 我覺得煉奶份量適中，不會過份甜，但嗜甜的朋友就覺得未夠多......要看看個人口味了。凍奶茶:茶香奶濃，香滑，有一粒奶茶冰，令整杯奶茶飲到底都不會淡，很細心哩!!不過冰實在太多，有半杯都是冰粒......下次可以要求少冰。但飲完仍然十分滿足~蔥油雞扒撈丁:究竟誰是主角?這裡好像太過集中在那個蔥油撈丁上，而那雞扒被ignore了......因為那雞扒實在是失色了點，味道淡和鞋，反而那個蔥油撈丁十分出色，蔥油是點雞的蔥油，那個丁麵又有點醬油，撈在一起十分好吃，又香又濃~正!!碟邊有很多椰菜，令罪惡感頓時減退(始終都是用油來撈麵嘛~)在這裡進餐實在十分享受，那懷舊的裝潢令人彷彿置身於五六十年代~新開張不久，地方十分乾淨，連椅子都有個『蘭』字

昨天在中環本來就想去蘭芳園TEA吓, 點知排長龍, 真與西多士無緣。但今天翻開雜誌介紹尖沙咀擴版圖, 咪嗱嗱聲來此。 餐廳大玩懷舊風。吃了滷水豬撈丁餐加西多士, 朋友要了蔥油雞扒撈丁...食物OK, 尤其西多士香軟入口, 不利。但奶茶未有茶味, 只有滑囉。

之前未去過中環果間老店食, 今日同女朋友就黎到尖沙咀呢間試食.我就叫咗個晚餐"焗粟米石班飯" + 熱茶走, 而女朋友就叫咗"咖哩牛腩撈丁" + 熱奶茶.個焗飯同埋個撈丁都不過不失, 而杯奶茶女朋友就覺得比起出面o的茶餐廳茶味係比較濃o的, 而我杯茶走亦都唔錯.下次再去會試埋個豬扒包!!!