蘭芳園

营业中

休息中

香港確實可愛，縱使政府不斷除去舊樓舊物，民間力量又老是爭取將它保留，好比永利街﹔有的舊物甚至遷離原來所在地，可惜卻失真也欠原汁原味，如中環碼頭與此茶檔。鎮店之寶當然是一道歷盡風霜嘅牌扁，中間畫上了一道徹底嘅裂痕更顯滄桑味，奶茶絕對滑不留口，不因奶比例多於茶而滑 (我向來不愛奶味重嘅奶茶)，只嫌它少了一份茶嘅厚感。午餐B的粟米汁魚塊飯平凡，薑蔥雞亦撈丁又真是添了點新意﹔新意不在這幾件鹵水雞亦上，而是薑蔥搭上煙韌彈牙丁麵確實”零舍不同”﹔香港可愛之處正是中西薈萃不單在事物上也同樣走到食物上來﹔深水埔嘅豬潤麵已令無數人冒名而來，難得的是要煮得好食較難﹔所以這個薑蔥撈丁不會引致排長龍效應，自家製也輕而易舉。

今日剛好係放大假前的半天工作 , 放工後抱住輕鬆既心情約咗朋友去尖咀食LUNCH 朋友話重慶大廈有一間不錯的餐廳說介紹我去, 去到先知道是蘭芳園! 之前去過中環那間,都試過食物質素唔錯,只係略逼... 今日朋友帶黎先知原來係尖咀又開多咗間分店, 而且呢度坐得比較舒服! 白菌牛脷撈丁: 牛脷撈丁..但我懷疑果D唔係出前一丁,不過白菌汁夠濃,牛脷夠爽,所以唔係一丁都好好味.. 凍奶茶.: 原本想叫係果種連冰都係奶茶.但最后比咗普通冰我... 不過奶茶水準仍舊好味.入口很滑又夠茶味.., 奶油豬仔包: 朋友叫的,我試咗D, 包夠軟唔會太硬不錯!! ANYWAY, 味道係保持水準既! 只係價錢略貴, 一個撈面份量不算多, 但都$3X 加埋杯凍飲成4X... 一個男人應該係唔夠食.. 間中黎食下都OK!!

今晚苗苗帶我來到這裡食野,我之前都聽過有好多人話好食,但中環對我來說太遠了,好彩而家尖沙咀開了分店才有機會來試試這裡裝修好有地道香港茶餐廳feel,商場內的新式茶餐廳都算有特色而且見到摺椅上鑲了銀色"蘭"字logo我地叫了:蔥油雞扒勞丁 - 雞扒煎得好香,味道唔錯,但勞丁就強差人異,乾到好難吞下心多多勞丁 - 好後悔叫了!有兩隻乾到不能再乾的雞翼,d肉硬到連我最鍾意食的雞翼精都不想再食落去還有一隻荷包旦及少許五香肉丁,勞丁已經不想再批評了香脆奶油豬仔包 - 個包十分香脆,奶油香滑,是最好食的了金牌豬扒包 - 又被佢個名呃咗個包食落去比較硬,感覺似擺了好耐,豬扒唔鬆軟,而且較薄身,而且同醬汁不太相配我地都一致認為"好難食"奶茶 - 聽說是這裡最出名,但試過後只有五個字可以形容" 奶多無茶味"食完後,已經感覺到口渴,於是買了罐氣水飲,飲完後個肚超脹,但依然係好口渴,唉......証明這一餐味精勁多我唸無下次了

之前食過中環果間, 佢D 奶茶, 西多士, 撈丁 都幾正. 今日去T.S.T.路經重慶, 知道入面有蘭芳園就入去試試, 點知......奶茶: 冇茶味, 太多奶, 嚡口凍O茶: 合格西多士: 油淋淋, 唔香口腸蛋一丁: 咸咗D十分失望, 唔會再去!

之前行過見到佢嘅裝修就好想試吓(佢裝修幾得意,做到好似以前地茂茶檔仔,但又好乾淨),不過果次食咗野,早幾日再去尖沙咀,就去試吓啦....薑油雞排撈丁,店內貼滿紙話呢樣係推介,試吓啦,食完又唔覺真係好好食,只係一般嘅撈丁,薑油撈丁呢個搭配係幾新鮮,不過亦過於油膩,而雞排就煎得ok....黃金飯,其實係用咸蛋黃撈飯,而餸就係雞翼同五香肉丁,咸蛋黃撈飯ok啦,叫做d飯有d味,雞翼就認真唔掂,好似柴皮咁,而五香肉丁就有驚喜,我諗佢地係自己做嘅,因為無肥膏,而味道就同平時食開嘅都幾似,都幾好食......總括呢道食野嘅環境(包括侍應都ok)比食物好.......

好耐無上開飯寫食評了, 其實都儲存好多間去過的餐廳的相同感受, 趁今日比較得閒同網友門分享分享啦首先係上星期六去食的尖咀新店蘭芳園, 中環的店之前去食過, 覺得豬扒包都唔錯, 於是見新店開就去食一食今次係食豬扒茄蛋通, 同熱檸茶, 因為佢既名氣同之前一次經歷, 或者我的期望太大吧, 今次的通粉都真係大失所望呢 首先茄汁湯只係暖的, 唔夠熱, 入口已經大打折扣... 通粉夾雜硬更的什菜粒更係入唔到口.. 所以我都食唔哂碗野 唯有係豬扒都係好似上次咁好味, 但整碗粉就完全唔得了價錢都係比一般茶餐廳貴50%, 可以話係又貴又唔好食, 要叮走佢..

第一次吃蘭芳園，相信中環總店質素相差不遠，因從朋友口中對蘭芳園名過於實已略有所聞雞扒撈丁+ 凍奶茶 ~ $40奶茶 :我最喜愛到處試奶茶，我在許多地方嚐過的奶茶絕對要比這裏出色，老字號又怎樣 ? 敗在一個 "淡" 字，值得欣賞可能是那兩顆小小的奶茶冰吧雞扒撈丁 :雪藏雞扒算淋身，肚餓都會覺得好味，撈丁軟度適中，較乾身，偏鹹心多多撈丁 + 熱華田 ~ $40心多多撈丁 :荷包蛋一隻 + 五香肉丁少少 + 滷水雞翼三隻，看餐牌圖片以為是炸雞翼，原來是滷水，唉可能自己眼花，其實滷水入味鹹香，但本人吃雞翼只愛香炸，撈丁依舊偏鹹乾身總結 :為何奧海城魚米家的凍奶茶比它沖得更好味 ? (只是其中一例) 笑臉何來 ? 真令人費解只是覺得， $40 飲咁淡既奶茶同咁鹹既撈丁，有無搞錯 !

我平時都係鍾意睇人地d食評都好少寫, 但係呢次實在太得失望啦……一定要寫, 而且係我喜愛的蘭芳園! 平時係中環午餐都覺得唔錯, 尖沙咀開了新鋪, 地點又就腳, 行街經過呼去試下囉….點知大失所望! 黑椒牛扒撈丁: 黑椒汁帶酸, 個出前一丁直情係麵餅係一團野, 牛扒好勀咬極都唔咬唔開簡直同橡根冇分別! 凍奶茶: 有幾夥奶茶冰, 都算滑, 不過冇咩茶味! 比起中環鋪,失色!總括而言, 尖沙咀鋪沒有中環的水準, 長此落去, 影衰中環蘭芳園!

知道蘭芳園開咗分店喺尖沙咀, 當然要去試啦! 可惜祈望高, 所以失望而回, 個人都係覺得總店好味d. 蔥油雞扒撈丁 : 個麵摷唔開同埋太乾, 個雞扒味道一般.豬泵兜撈丁 : 可能有叉燒汁嘅關係, 所以都可以撈到個麵. 豬頸肉配叉燒汁味道都唔差, 不過就辣咗d.鐵板什扒 : 未試過什扒只係得1塊豬扒, 2片煙肉, 1隻雞翼, 1條腸, 咁點解要叫做什扒呢? 一般嘅餐廳都會有最少2塊扒啦! 真係搵笨!!! 論味道其實都ok 既, 不過叫做什扒就唔得o羅!羅宋湯 : 跟扒餐送既, 味道都ok, 雖然唔係濃湯, 不過都ok.芝麻糊 : 都係跟扒餐送既, 見到都唔想食, 不過心口有個勇字嘅我, 都要試下先寫到評語ka. 一入口....完全唔得, 重差過人哋嗰d 包裝沖既.奶油豬仔包 : 個人而言, 翠華好過佢, 起碼都夠脆先啦! 招牌奶茶 : 我都係為咗呢個奶茶而o黎, 可惜奶太多連茶味都蓋過, 失敗......

與姐姐下班後一起Tea 一 Tea因為晚上要與家人吃團年飯....不可試得太多,所以要左兩樣必食推介奶油豬...熱又脆... 蔥油雞排撈丁... 略鹹... 可能本身唔太好蔥油掛...整體唔差...不過都係奶油豬o岩我多d!

去尖沙咀行街搵食，來到活方，知道中環的蘭芳園在這裡開了分店就入去試吓。好多年前曾經慕名而來到中環那間喝絲襪奶茶。成日話自己係絲襪奶茶始祖，老實講不是想像中的香滑。以我呢十幾年來喝奶茶的經驗，只算合格。(好過大X家啦！)因為是吃晚飯，就點了兩個撈丁試試，係「名物」嘛！點知...麵好少，又好鹹，有點後悔沒有叫晚餐。 唔怕有腎病的可以一試！結果要多叫一個奶油豬同一份茄蛋治先夠飽。唯一要讚的是茄蛋治的蛋好厚，已經好少見有咁厚的蛋治囉！(可惜可唔記得影相呀！)可能是在遊客區，食餐好似早餐的晚餐都要成百蚊，真係有點貴呢！

馳名薑䓤雞扒撈麵: 薑䓤簡直是神來之筆, 一定要撈入麵中! 薑䓤比起一般酒樓配白切雞的冇咁咸, 麵醬中已有足夠咸度. 香氣十足! 雞扒炸得夠香,而且雞皮沒有太多脂肪! 凍奶茶: 有幾夥奶茶冰, 保留原味! 順喉香滑, 帶清香的紅茶味! 喜好濃郁茶味的人,也許會覺得茶味略遜! 熱奶茶的味道會濃點. 金鳳的紅茶味較濃, 但冇咁滑, 但兩家的凍奶茶, 各具特色, 也好喝! 環境比起中環占店好, 新D, 大D! 但中午人也很多!服務員態度良好及醒目! 也會替你安排坐位, 上菜速度也很快! 下回目標: 咖央西多士!

10.02.27　難吃死了的蘭芳園@尖沙咀不得不說 - 難吃在中環區很有名的蘭芳園，在尖沙咀開了分店對於九龍人來說是一大褔音到訪中環店兩次，覺得除了奶茶及厚吐司外沒有什麼值得推薦的朋友S沒嚐過中環店，想到這邊來吃就陪一下囉最終她也同意像我講的，非常soso我點了晚餐B – 比目魚配薯菜及熱好立克（HKD56）S點了磨菇炒蛋奄列 + 豬排包餐，配熱阿華田（HKD37）蕃茄馬鈴薯湯有兩大顆馬鈴薯，很濃郁但也很鹹！只能硬撐半碗晚餐送的蒜泥法包，烤成焦炭比目魚拌甜酸汁，醬汁巳經是一個錯誤魚份量少到不行，肉質粉爛細骨又多，最好吃的是那半個配菜 - 蕃茄S的磨菇炒蛋奄列份量很大，但賣相跟味道都很soso手心大小的迷你豬排包沒溫度，醬汁少口感很乾，豬排很柴也沒什麼味道晚餐附送甜品喳喳，豆類沒煮到軟爛很有嚼勁，不是我那杯茶一個差不多零分的晚餐此等價格此等食物素質如果不是要讓S嚐一下才甘心到樓上大家樂來個鐵板晚餐可優多了所以說…旅遊書都是騙人的啦詳細食評及照片請看：http://hk.myblog.yahoo.com/foodiebarbie/article?mid=2735

第一次去中環店, 諗住嘆聞名已久的奶茶..不過冇想像中咁好飲..之後數次都光顧tst店,此分店比中環店乾淨企理得多..試過食晚餐,馳名撈丁,都不及又平又好味的奶油豬仔包一試便愛上...最近晚上九時許想再嘗奶油豬...點知店員說已售罄...之前再夜來食都有架..唔知個日奶油豬特別多人喜愛....好失望呀...諗住食奶油厚多士啦..又賣晒...侍應話四次去超市入貨都賣完...一怒之下點了心多多撈丁,蕃茄薯仔豬扒通,奶油薄多士,西多士,沙爹牛肉包,熱奶茶,凍咖啡填肚....心多多撈丁:有蛋,五香肉丁,雞翼,唔怪得叫心多多...不過味道偏鹹蕃茄薯仔豬扒通:冇乜特別奶油薄多士:都係一般,都係豬仔包好好多西多士:是咖央餡的,略嫌不夠甜沙爹牛肉包:用的是餐包,冇烘過..好一般總括而言,都係奶油豬最好~!!

中環店長期爆滿，水泄不通~尖咀店扮懷舊的裝修，雖也是摺櫈座位，但相比中環舒適得多，起碼不用背對背！招牌奶茶：保持到水準，滑而有茶味！薑䓤雞雞排撈麵：其實味道不錯，但偏咸，食到一半就覺得好咸，雞排及公仔麵都ok鮮茄薯仔豬排通：豬排有些少香茅味薯仔和茄湯一起煲，很入味熱檸薑：薑不是鮮薑，是用大量薑粉開，一飲只感到薑粉那種辣，加了糖也不覺得好飲油占多：不知道是麵包不新鮮，還是多士烘完後放置了一段時間，多士像漏了氣般，感覺不脆也不新鮮香脆奶油豬仔包：一般，翠華或勝香園的好吃得多！