蘭芳園

营业中

休息中

絲襪奶茶係名不虛傳, 茶味好香, 好滑, 入口好舒服,食物方面,我食豬扒出前一丁, 朋友食五香牛腩出前一丁賣相唔太吸引, 豬扒冇咩特別好一般五香牛腩有d鞋口唔太好食可能仲係新年期間, 下午茶多人到要等位人好多, 待應唔會冇禮貌, 不過可能多野做, 有d cool.

本來已經食咗少少野，但見到蘭芳園。so點了T骨扒晚市套餐。牛扒好焾，但好有肉味，件牛大大件，好夠食，一定再試多次。其馳名的絲襪奶茶，這杯奶茶是有一定水準，本身很幼滑，茶和奶的比例對，是師傅的多年功力吧。值得一讚~成個晚市套餐都係54蚊，經濟又抵食，仲好好味，服務又唔差。讚！讚！讚！

在活方的蘭芳園，好像老店的裝修，真的要讚讚G.O.D，做得很形似，那個招牌好像受到歲月的沖刷帶來了裂痕，是多年總店搬來的嗎?來這兒，當然要杯熱奶茶，這杯奶茶是有一定水準，算滑，茶和奶的比例對，是師傅的多年功力吧。發現到一點，就是這兒的杯是總店的嗎?新的杯沒理由會因多年的洗刷而開始脫色，我想這不會是G.O.D.做得到的。香脆奶油豬仔包也是不錯的，包是脆身好吃的，但重點是要一上碟就要吃，當放下一陣子吃其他，那包變得不脆，那份煙韌的感覺是不好受。叉燒汁豬泵兜撈丁，其實就是豬頸肉撈丁。那個麵不太像是出前一丁那樣幼身，是我平日在家吃的也發脹了嗎? 吃下去感覺很乾和結成一團，可以做得好些。不知為可會有薑蓉在這一碟，這種max & match 沒有不對，但不要和叉燒汁一同放入口就可以了。豬勁肉味道一般，沒有應有的煙韌感覺。以三十七元吃這個撈丁，不太化算。薯仔鮮茄湯底豬扒煎旦通粉 – 這個的湯底真的是湯來的，完全可以飲清，鮮茄味不是很濃，但就是用真材實料造。豬扒不算特別出色，煎得尚可，放湯後也沒有淋了。而通粉很粉，一按就扁，一點彈性也沒有。感覺到這兒說的名物也只是合格吧，走的時候，見到小儀和迪偉做節目

一家三口點了紐西蘭羊扒，西冷牛扒，喇沙湯米。牛扒和羊扒都好焾，但好有肉味，不過牛太細件，男士應該不夠，羊扒外面有層像芥末但味道非常特別，一定再試多次。湯米配了豬肋骨，炆得好焾但又唔會散晒好夠味，仲有原身多士或奶油豬，我當然要奶油豬囉，名菜耶。不過可惜今次凍奶茶沒有奶茶冰，平時是有的，maybe用晒啦，不過一樣咁好味，三個人都係173蚊，經濟又抵食，仲好好味，服務又唔差。讚！讚！讚！

知道蘭芳園喺尖沙咀開咗分店，不過一直都無機會試，咁啱今日去開尖沙咀，就走去試下。同老公兩個人，叫咗一個晚餐A - 薄牛扒拼司華力腸同埋一個蔥油雞翼撈丁。 薄牛扒拼司華力腸塊牛扒好大塊，條司華力腸亦都唔弱，配埋個炒飯，大大碟幾抵食!個餐仲包埋餐湯﹑蒜蓉包﹑甜品同餐茶，$58算係咁啦! 蔥油雞翼撈丁蔥油味好重，又唔太油，個撈丁又唔太乾，幾好味!

一月三十一日 (星期日)與老公仔做完gym,開始有點肚餓,立刻帶老公仔到附近的蘭芳園醫肚在中環的總店,我們早已拜訪過了個人覺得有點雷聲大,雨點少可能是我們都不太鐘情蘭芳園首創的撈一丁罷所以,今晚我們也沒有準備點撈一丁取而代之,我選了一個喇沙套餐有很多配料供選擇,例如石斑,豬扒等等可配米粉或通粉我覺得米粉較適合襯托喇沙湯底...比外面的喇沙專面店吃到的,湯底略淡不過石斑炸得很出色,富有鮮魚味而且用料十足加上我最喜愛的奶油多實在出色$37的價錢(連飲品),實算經濟老公仔則選了焗牛脷意粉很多很多的芝士鋪在意粉上,令我們嚇一跳而且意粉較碎,牛脷亦不夠入味,索價$57,要扣點分最後介紹,亦是要推介的,是其馳名的絲襪奶茶奶茶本身很幼滑,還很細心地加入了奶茶冰作用基本上和太興的冰鎮奶茶差不多,不想因冰融化而將奶茶溝淡,值得一讚總體而言是不錯的,雖是老字號,但以茶餐廳來說略嫌貴了點不過想懷舊一下,亦不防一試,尤其是蘭芳園在落於交通方便的尖沙咀區

慕名为左它的奶茶而来，冻的同埋热的都试左，感觉是空有其名，一的都唔觉好饮，冻的加左奶茶冰，不过唔是全部都是，媾左的普通的冰粒落去，唔觉特别出色。当天仲试左葱油捞丁，番茄薯仔汤通葱油捞丁，的葱油劲咸，根本无法入口番茄薯仔汤通，个番茄汤仲OK，但是的通粉煮得太林，唔好食，反而配搭的那个猪仔包有惊喜，非常脆，好味。

好多年前,阿詩帶過我去試中環蘭芳園(大排檔),阿詩話呢度既撈出丁同熱奶茶最正!隔咗咁多年,印象都已經依稀,只約略記得個撈出丁同熱奶茶都好平凡,只是普通貨色!因為如果係絕頂好味既!就算過咗幾多年,我都會記得!好喇,知悉尖沙咀(前身係up dup mall商場)新開咗間蘭芳園...趁住今日元旦假期,就同老公仔黎試下啦!...唉...新一年第一日出街食既第一餐...居然唔好食!(咁講好似好刻薄咁?!)不過我寫得食評,就係要寫真話呀!加上我既金句:"口味既野,係好個人架嘛!"...所以有咩得罪地方,請多多包涵啊!記憶中...好耐冇食過一間"只得飲品掂而野食係唔ok既食店"...而尖沙咀呢間蘭芳園就係喇,個凍奶茶ok...但其他食物就...唔--好--食--囉!嗌咗個喇沙雞扖出丁,雞扖嚡硬un樣樣齊!完全唔掂!配餐既豬仔包,最好趁熱食呀!凍咗真係咬唔開架!係係係...我知我知,豬仔包係要硬至好食,但都冇話硬成咁架?!咁不如搬舊石頭黎搽d牛油俾大家食得啦!花生醬多士...ok既,不過佢地既花生醬,食落味道竟然似架央多士...又會咁既?唔通俾錯咗我?!張櫈幾有特色,櫈面上有個"蘭"字...不過...

本來考慮選同場的金田食下午茶, 但終被奶茶吸引去了蘭芳園. 座位較逼, 尤其是卡位, 兩位要夠纖瘦才能坐卡位. 一向未有機會試此店的撈丁, 終於選了豬頸肉撈丁. 侍應落錯單給了另一款撈丁, 明明叫的時候我是指著圖片來點, 她還想說我叫錯, 最後都換過給我.奶茶不滑, 亦沒有香味, 差過其他茶餐廳, 真是失望. 以為撈丁可以挽回失分, 怎知結果都是一樣, 不過不失. 首先, 對於太腍的公仔麵不太喜歡, 叉燒汁太'杰', 與公仔麵味道不夾. 豬頸肉尚可接受, 但配錯汁. 總之, 大失所望啦!服務方面, 侍應很多時落錯單, 如我叫奶茶就給凍檸七, 隔桌的單又不見了等. 究竟侍應落單出了什麼問題呢?

一點多的星期天，不用等位～一入到去就有得坐～侍應態度好好～～～我叫了茄蛋豬扒通粉，凍奶茶。好少茄～～湯底都OK，豬扒唔知係咪尊登整到有少少黑，但味都OK既。而凍奶茶就唔係好特別～D冰係有幾塊係有茶～但無咩味～老公叫了豬兜撈丁～都OK。另叫奶油豬～我本人認為翠萍比較好味。因為E到太甜，太多牛油了，而且比較細。OVERALL奶茶真係好普通LOR！唔係D人講到咁味～可能鋪係商場最入，游客未必識行，見在場都係本地人多。

22/10/09 (星期四) 久仰大名，但一直未有機會試下中環老店，知道蘭芳園在尖沙咀開了分店，今晚剛巧要去尖沙咀上堂，順便去試下蘭芳園的新店，新店位於重慶大廈旁活坊的地庫，一直行到最入面就會見到蘭芳園。我叫咗一個葱油雞扒撈丁套餐試下，送咖啡或茶。葱油雞扒撈丁： 葱油很香，用來撈丁係最佳配搭，雞扒亦煎得啱啱好，撈丁是這店的名物，當然有水準啦，煮得啱啱好，唔會太淋。奶茶： 奶茶夠熱，入口又香又滑，有水準。店內的裝修扮大牌檔，去影吓相都幾好。

想不到在重慶大廈中竟開了蘭芳園的分店，當然要慕名一試。要了一個豬扒包、西多及奶茶。兩者其實都不算太過特別，只能說是中上水準，與一般茶餐廳分別不大。但奶茶不塊為鎮店之寶，即使是分店，水準都不俗，實在十分香滑。而店內裝潢亦確是一絕，大部份也依舊店環境設計，連餐裨上的奶茶印也忠實"移植"，誠意可嘉。單是影相也值回票價。

當晚九點幾放工, 原本只諗住落 woodhouse 食蛋糕飲咖啡, 點知見到戚咁特別既環境有咁特別既聖誕大餐, 於是就應下節.坐低時待應哥哥話唔做其他野食, 除左聖誕大餐 或 豬扒包類....叫左個 $138, 不過無哂大蝦...在這環境都食$138, 好似唔多match... , 不過又唔需去到大酒樓大酒店都食到... 一個字 "特別"(不過杯奶茶無我想象中咁滑...)

這裡的最低消費 $20。店內的裝修扮大排檔，但又比中環的店鋪乾淨企理得多。侍應都好有禮貌，多謝前多謝後。不過這裡無下午茶餐，一個出前一丁餐都要 $30。我要了一個沙嗲牛肉轉通粉加熱奶茶。湯底幾 surprise，有菜有個 proper 湯底，但係牛肉個沙嗲味唔夠同個醬癡埋一舊有 d 差左。熱奶茶一樣的滑。

前日 20/12/2009(日) 去了尖沙咀的蘭芳園吃午餐, 現在連尖沙咀都有蘭芳園, 對於住在新界的 Thxdtsdd 就好了, 因為不用老遠去到中環就吃到好吃的茶餐廳食物.Thxdtsdd 及太太在 12:00 到達, 可能這間分店開了不久, 加上"活坊" 商場人流不盛, 所以在蘭芳園客人也不多, 約 50% 滿座吧! 雖然尖沙咀的蘭芳園位於商場內, 但是內裏的裝修都刻意按照舊店的舊式裝修, 特別是地板及牆壁都鋪上紙皮石, 真的幾有趣! 太太吃了叻沙湯底的豬扒麵套餐, 除了麵外, 還有一個奶油豬仔包及飲品. 叻沙湯底當然不能夠與之前我們在新加坡所吃的一樣, 但味道也是可以的, 幾甜美. 豬扒幾香口而且嫩. 奶油豬仔包細細, 奶油份量剛剛好, 但是烤得不夠香.Thxdtsdd 吃了蕃茄湯底豬扒蛋麵, 多加一個奶油豬仔包及熱咖啡, Thxdtsdd 先喝一口蕃茄湯, 覺得幾甜, 豬扒煎得幾香口而且嫩, 蛋就都係咁既味啦, 碗麵整體味道唔錯, 幾好吃. 但原來另叫的奶油豬仔包同跟跟餐的一樣細個, 不過只係 $8 就算了, 不能有太多要求. 至於咖啡, 依然係茶餐廳的香濃味道, 正! Th